اول مشاركه لي بهذه الابيات

[واحدمن الناس]

هذي اول مشاركه لي بالمنتدى وان شالله تعجبكم

واعزاه من قلـبٍ شقـى فـي حياتـه
.............................. واعزيل عيـنٍ ساهـرة اللـيـل تبكيـه

لا واعذابــــي والنفـس زادت عياتـه
............................... همٍ وضيقـة ونـارٍ بالجـوف تشـويـه

حـظٍ ردي ولا هــــــي غريبـة رداتـه
............................... سـواد ليـــلٍ والقمــر غايـبٍ فـيـــه

دنيا لعينـة .. فتنـة ضيمــه وحلاتـه
................................ ولابـو زمـان الله يكفـي بـلاويـــــه

اليا شفت وردة وزين لونـه وزهاتـه
............................... كفخ قلبي وطـار يرفـرف جناحيــه

النفس تطلب وغصبٍ علينـا رضاتـه
............................... ضعـف الإرادة مـا لنــا حيلـةٍ فيــه

ونوبٍ نعزه .. وبعـزه نكبـح شهاتـه
...............................لكن مصيبة الهم ويش هو يداويـه

حالي نحيلٍ وحلّـت وحانـت وفاتـه
...........................وان حال حايل بين الحيـاة الله يحييـه

ياصاحبي من مثلي ويش هي سواته
.......................... ابــــي جـوابٍ يشفـي القلـب ويبريــه

إن كان عنـدك حـلٍ عجّـل وهاتـه
.......................... مــــن قبل يـومٍ مـا يفيـد النــــدم فيـه

ياليت من هو مهتني في حياتــه
........................ .. يعطيني شي من الهنا واهتني فـيه

عييت انا انسى بعض من ذكرياته
............................ ولانام جفني صرت في النوم اراعيه

كـــــلٍ يناديني ولا اسمع نداتــــه
........................... الا حبيبٍ طـــــــول عــمري اناديـــــه

وحده انا اسمي اعرفه من شفاته
........................... يهمس حبيبي به واجي بين اياديـه

يدعي لربه نلتقــــي فــي صلاته
......................... .. ويكــفي زمانٍ راح عشناه في تيــه

ماتت امانينا مــن اهــل الشماته
............................ وبعــده يبيني اليوم وبعدي انا ابـيه

كـله حسن فتان محلــى صفاته
.......................... يسوىجميع الناس بالروح انا اشريه

لاصـــار يمشي اعرفه من عباته
........................ .. وعطره يجي دوم يسابق خطاويــه

يا{.} ترى قلبي كتب في وصاته
.............................. باموت وبعده بي ولاني بناسيــه

ان شالله عجبتكم:(

[المنسيه]

يعطيك الف عااااااافيه على المشاااااااركه



ابيااااااااااااااااتك قمة في الروعه

[شمعة الليل]

تسلم يداك يا واحد من الناس والله يعطيك العافيه .

بصراحه قصيده راااااااائعه جدا ولا أملك أي تعبير أخر يعبر عن مدى أعجابي بأبياتك اللتي تنبض شوقا وتفصح عن هم ألم بكاتبها .

أتمنى لك التوفيق دائما وأرجوووووك لا تبخل علينا بكتاباتك .

تقبل مني خالص التحيات ...........

[××دمـ ألم ـعة××]

بصمة جميلة منك ورائعه

صح لسانك تحياتي لك

[واحدمن الناس]

المنسيه
اللع يعافيك وهذا من ذوقك

شمعه الليل
اشكرك على الرد الجميل ولن شالله راح تشوفي الجديد

sweet
صح بدنك

دائما اخوكم واحدمن الناس:)

[واحد من الناس]

اخوي واحدمن الناس

صح الله سانك,

واهنيك على هذي الابيات الرائعه وانا حقيقه تفاجأت لما وجدت اسمك قلت من ذا اللي سرق اسمي ؟؟؟؟؟؟!!!!!!!!

لكن يوم شفت ابياتك اهنيك واهدي لك الاسم لاني طالع من المنتدى ولي اكثر من 10 شهور ماكتبت موضوع جديد.

اخوي واحد لاترد على الموضوع لاني ماراح اقرى ردك لاني طالع من المنتدي.

لكن اخيرا تقبل تحيات اخوك.