۩ رواية »الموت ما هو أنك تكتفن بترابك الموت أنك تحب حي ويفارقك

[قلب الزهـــور]

»الموت ما هو أنك تكتفن بترابك الموت أنك تحب حي ويفارقك

ايمان فتحت باب بيت عامر و دخلت رغم ان الشغاله كانت بتوقفها: عاااااااااامر..
عامر طلع من غرفه المكتب و امه من المطبخ و هند نزلت من فوووق: ايمان..
ايمان ركضت لعنده و دفعته بصدره بقوه: انت شنوو اللي سويته لنوووف.. شنوو قلت لها حرااام عليك..
عامر بعد عن ايمان: انتي اللي حرام عليج احبج و كنت بتزوجج و بسبب حقد اختي انحرمت و تزوجتها هي قلت استر عليها بعد ما شفت حالها لكن اكتشفت انها خااااينه تبيع اسرار شركتي لنوواف و تقابله والله اعلم شنووو تسوي وياااه اكثر...
ايمان بصراخ: كذب كله كذب... انا اللي طلبت من نوف تقابل نواف... لان نواف تعرف علي في المنتدى باسم بنت و كنت خايفه تشووفني و ما اعرف اتكمل انا اللي طلبت منها و ربي وما كنت ادري انه رجال ...
عامر بضحكه ساخره: نواف الملياردير الكبير يضيع وقته في منتدى .
نواف اللي كان ورا نواف تكلم: كلامها صحيح يااا عامر..
عامر وجهه صار احمر من العصبيه: شلون تتجرأ و تدخل بيتي...
نواف: كل الكلام اللي قالته ايمان صحيح يااا عامر ... للاسف نوف سقطت ضحيه لمامره خبيثه.. انا قابلة نوف و انا اظنها ماغي اللي هي ايمان.. لكن شخص ثاني صورنا و اعتقد ان هذي هي ايمان الحقيقه وريثه العجور بو محمد.. و ان ايمان اللي راحت لعندهم مزيفه... كان هدفهم ان يتظاهرون بالحب لايمان المزيفه قدام الجد و يدمرون ايمان الحقيقه اللي هي زوجتك.. وللاسف نجحوا في هذا الشيء و فرقوكم...
عامر حرك راسه: هذا مستحيل..
نواف بثقه: تقدر تتأكد من التحويلات.. هي صحيح من حساب نواف.. لكن اللي موقع عليها هو اسامه اللي ولده عطاكم الصور..و طبعا تقدر تستنتج ان خطبه هند كانت مجرد وسيله حتى يدخل بيتك..و الدليل انه ما قدم اي شيء رسمي حتى بعد هذا الوقت..
ايمان انقهرت: انت كنت تدري !!!!!!!!!!
نواف عطاها نظره هاديه: اي
ايمان ضربته بقوه على وجهه و صدره: ليش ليش ليش لما كنت تدري ما تكلمت ليش ما خليتني اوقفهم عن اذيه نوف...
نواف مسك يدها حتى يوقفها: لاني ما كنت ابيك تموتين يااا ايمان
ايمان توسعت عيونها وهي تشوف عيونه الزرقاء تتاملها بنظرات اول مره تشوفها... ايمان حركت عيونها لعامر: عارم ارجوك خلنا نروووح لنوووف... صديقني ان كلمتها كل شيء بيتصلح و بترجعون مثل الاول..
عامر وهو يحس بدمعه تنزل من عينه: وتظنين انها راح تقبل..
ايمان بعدت عن نواف: اكيد نوف قلبها طيب واكيد بتسامحك..
عامر ابتسم وتنفس براحه الشيء اللي ريح ايمان كثير لكن اتصال لعامر وقف كل شيء: الو........ شنوو... متى........ خلاص.... انا جااي..
عامر رجع موبايله و غطى وجهه وبدأ يبكي...: سااامحيني يااا نووف..
ايمان ماتت من الخوف في مكانها: عااامر اشفيهاااااااااااااا نوووف
عامر رفع عيونه الحمرا لايمان: نوف ما عادت موجوده في هذي الحياه
ايمان حست بالخبر مثل السكين اللي اخترقت قلبها بقوه على طول فقدت الوعي انهارت على الارض لكن يد نواف كان اسبق و مسكها برقه و حنان وهو يقول بنفسه: خسرتي هذي الجوله ياا ايمان... الجوله الجايه راح تكون القاضيه و فوزي فيها راح يكون هديته انتي !!!! انتي لي و ما راح تكونين لغيــري ابدا!!!
-
-
-

التوقعات:
1- شلون بتكون حياه ايمان بعد ما خسرت صديقة عمرها الغاليه نوف؟
عامر شلون بتتغير حياته وهل راح تتاثر اصلا؟
ايش كان يقصد نواف لما قال ان هذي جوله و خسرتها ايمان؟
شنو اللي يخطط له نواف؟ و شنو هي جولته الجايه؟
ديما و مصيرها مع نواف الى اين؟
فاطمه شنو هو الطلب اللي تخطط تطلبه من امها؟
هل راح يرجع الحب لقلب ريم من جديد واللي بيرجعه هل ممكن يكون فواز

نهــــــــاية الجــــــزء

[شمس القوايل]

يعطيج العافيه قلب الزهور ع الطرح والمجهود

عساج ع القوه

ننتظر جديدج القادم

[قلب الزهـــور]

اقتباس المشاركة الأصلية كتبت بواسطة شمس القوايل يعطيج العافيه قلب الزهور ع الطرح والمجهود عساج ع القوه ننتظر جديدج القادم

●●●
يمرحبا بك هلااااااااااااااااوغلااااااااا
يسعدلي قلبك ويسلمووو وربي على الحضور الرائع بصفحتي
تقبلي شكري وتقديري واحترامي
مع تحياتي :قلب الزهـــور .. بباي

[قلب الزهـــور]

»الموت ما هو أنك تكتفن بترابك الموت أنك تحب حي ويفارقك

البارت السابع عشـر:
اسى ............ حزن ........ الم............. وحده ........... و احســاس بالذنب ..
كلها كانت اقل من مجرد كلمات تظن ايمان انها تمثل حياتها من اليوم اللي عرفت فيه بموت نـوف صديقه عمرها اللي تحبها .. سبب الوفاه كان توقف القلب عن العمل بسبب الصدمات اللي تلقاتها .. الاطباء شكوا في اللي صار وأكد الطبيب انها كانت سليمه قبل نصف ساعه من الوفاه.. وهو شيء اكد لايمان ان موت نوف ما كان طبيعي و اكيد بفعل فاعل.. بس كيف وهي كل الدلائل تؤكد ان موتها طبيعي.. ايمان رغم حزنها كانت تتمنى ينكشف اللي صار لكن للاسف اهل نوف قفلوا الموضوع حتى انهم ما اخذوا فيها عزاء .. عامر اختفى عن الانظار و اهله تجنبوا الاجتماعات النسائيه..
ايمان غابت عن المدرسه مده طويله و المدرسه راعت هذا الشيء بعد ما كلمهم محمد.. و كان الموضوع عادي تصرفت عايله البدر ببرود اتجاه الموضوع .. لان ما صار اي تغير في خطتهم.. ايمان الحقيقه ماتت بمعنى انه لما يجي موعد تقسيم الورث ما راح يتغير شيء.. بما ان الورثيه ميته.. راح يتتوزع الثروه عليهم فقط..
الوحيد اللي كان فكره عند ايمان هو نواف اللي كان مغرقها باتصالاته و ما كان يلقى منها اي رد حتى المنتدى كانت تدخل ترد بس على بريدها الخاص و بعدها تطلع ..
بعد شهرين:
بخطوات هادئه بارده ايمان كانت تمشي في ممرات المدرسه الجمود و البرود كانت تعابير وجهها الدائمه و الحديث الجانبي بين الموجدين في الممر كان الكل يعرف بسبب تغير ايمان لكن اللي ما كانوا فاهمينه هو الشكل اللي تحولت له.
ايمان دخلت غرفه مدرسات الرياضيات و توجهت لمكتب معلمتها: هلا ايمان تفضلي..
ايمان سحبت كرسي وجلست قدامها.. المعلمات كانوا دايما ينادون ايمان حتى يعاتبوها او يسلمونها اوراق استداء ولي امر بسبب المشاكل اللي كانت تتسبب فيها.. لكن من بعد اللي صار لنوف و ايمان متغيره و ما عاد في مشاكل فليش الاستدعاء هذا..
ايمان ببرود وعيونها منزلتها على الارض: ممكن افهم سبب وجودي في مكتبج ياا ابله؟
معلمه الرياضيات تنهدت و مدت ورقه الاختبار: الاختبار يا ايمان...
ايمان تاملت الورقه و شافت انها حصلت على درجه كامله في الاختبار: ما اشوف فيه شيء مختلف عن سابقه..
المعلمه: ايمان اخباراتك كله كامله وهو شيء جديد بما اني درستك السنه اللي فاتت قبل هذي السنه.. لكن في البدايه ظنيت انج تغيرتي بما انها السنه الاخيره لج.. لكن الحين بديت اخاف.. ايمان رغم ان الاختبار كان فيه خطأ يخلي السؤال تعجيزي .. قدرتي تحلينه بطريقه فووق مستواج..
ايمان رفعت عيونها و حاجبها بغرور: انا ما غشيت ان كان هذا قصدج.. كل اللي سويته يااا ابله اني استخدمت قدراتي الحقيقيه.. و اللي انوي اطورها يوم عن يوم...
المعلمه بابتسامه: انا ابدا ما شكيت في انج غشاشه بس كنت بعرف اخبارج و الاسلوب اللي تستخدمينه
ايمان ابتسمت: اسلوبي بسيط انا طول الوقت اقرا و اطور افكاري.. .. واخباري.. اسعى للتعلم حتى اوصل لمستوى شخص واحد و ادمره..
المعلمه: ايمان انتي شاللي قاعده تقولينه..
ايمان حددت عيونها بوجهها: اللي سمعتيه.... ما راح ارتاح ولا يهدى لي بال حتى احرق قلوبهم كلهم مثل ما حرقوا قلبي عليها...
المعلمه بصراخ نبه كل اللي في الغرفه: ايمان...
ايمان عطت معلمتها ظهرها و طلعت من الغرفه على طول للصف بما انها ما عادت تحب تتاخر عن اي حصه و تستغل كل وقتها في الدراسه و تطوير الذات و التعلم..
بعد ما طلعت ايمان من غرفه المعلمات توجه معلمه ثانيه اجنبيه الجنسيه و سحبت موبايلها وابتدت تتكلم فيه في عزله تامه عن باقي المعلمات..
-
-
في مكتب نواف الضخم في شركـته:
كان نواف يتامل المعاملات ويتكلم في خط موبايله الخاص بالعمل وعلى وجهه ابتسامه عريضه: ما شاء الله كل هذا قالته..
المعلمه الاجنبيه لنواف بهمس حتى لا احد يسمعها: تصور يا سيدي انها قالته بثقه و من غير لا تخاف من المعلمات او ان يسمعها احد..
نواف: متاكد انها وصلت مرحله ما عادت تقدر فيها تقاوم شعور الكبت في داخلها..
المعلمه: التلميذات و المعلمات كلهم يتكلمون في هذا الشيء من مده بس ايمان صارت بارده كثـيره لدرجه انها حتى لما تنرمي الكلمه في وجهها ما ترد ولا حتى تغير تعابير وجهها.. صارت انسانه بارده متحجره المشاعر والاحساسلحد الات.ز
نواف رفع حاجبه وهو يوقع على العقد و يسلمه السكرتيره: وتظنين ان هذا الشيء هو سبب ذكاءها .
المعلمه: كنت اظن انها ما تزال تحت تاثير الصدمه لكن اللي سمعته اليوم منها اكد لي العقد.. ايمان تسعى للانتقام و هي تظن انها حتى تحقق هذا الشيء لازم تتفوق في كل مجالات الحياه و اظن ان الدراسه وحده منها.. واللي اظن انها نجحت فيه..
سلين فتحت باب المكتب ودخلت ومعها مجموعه من الاوراق نواف اشر بيده للسكرتيره حتى تطلع و تظل سلين معه واللي اشر لها تجلس وكمل حواره: وليش تعتقدين هذا الشيء..
المعلمه: سيدي انت طلبت مني اغير في السؤال في الاختبار اللي كانت بتقدمه معلمتهم لهم.. و بطريقه الى هذا الوقت ما فهمتها تحول من سؤال مباشر الى سؤال تعجيزي.. وطبعا الوحيده في المرحله الدراسيه كلها اللي حلته كانت ايمان وهو شيء الكل مستغرب منه..
نواف بابتسامه: انا فعلا محتاج اشوفها.. واشوف التغيرات الي حصلت لها...
المعلمه: بعض المعلمات مخططين يستدعون لها استشاري نفسي للمتميزين يقيس مستوى الذكاء و التفكير و سبب حدوثه المفاجأ..
نواف: ان كان الموضوع كذا فراح ارسل لكم شخص من عندي...
المعلمه: اوكي وانا برشحهه..
نواف: شكرا جزيلا... ولا تظنين اني ناسيك.. المكافأه بتكون في حسابك بعد ساعه..
المعلمه بسعاده على اللي سمتعه: عفوا ما سويت شيء انا في الخدمه سيد نواف..
نواف ببرود: مع السلامه..
نواف سكر الخط و ابتسم لسيلين اللي كانت تعطيه نظره جاده و حس ان عندها سؤال: ماذا هناك يا سلين؟
سيلين تنهدت: لم ارك تهتم بفتاه من قبل بقدر ما اهتممت بالفتاه المدعوه ايمان يا سيدي..
نواف بابتسامه خبيثه: فيها شيء غريب لم اره من قبل ..فيها صلابه و قوه ارغب في تحطيمها تحت قدمي..
سيلين: اتقصد بهذا قلبها؟
نواف ضحك عليها بقوه: ههههههه انني اعطيك ياا سلين حريه و سلطه اكثر من غيرك و ولهذا السبب ساجيبك.. لاا لا اقصد قلبها لاني لا ارغب في ان اجعلها تحبني لاني حاولت ولم استطع انني اريدها ان تكون تحت قدمي مستسلمه لا تستطيع ان تعيش من غيري..
سلين: سيدي ارجوك لا تغضب مني....... انك بتعبيرك هذا تؤكد لي انــ........ـــك تحبــ...ــهاااا
نواف رفع حاجبه : مافي مشكله انا مافي انثى ما احبهااااآآ .. بس ايمان غيــر تفكيري كله فيها.. . انا اعرف انه مجرد رغبه في تحطيمها وراح يتغير كله بعد ما ادوسها تحت رجلي...
سلين كانت تحس بالم شديد في قلبها كانت عارفه من خلال حياتها مع نواف انه يحب ايمان ابدا ما استعصت عليه انسانه حتى هي اللي ابدا ما اعتبرها انثى و بما ان ايمان كسرت كل التوقعات صارت شيء لازم في حياته..
استاذنت منه بعد ما انهت كلامها و طلعت بس ماهو لمكتبها الخاص.. توجهة لمكتب اسامه.. اللي استغرب بعد ما قالت له ان سلين هي اللي تبي تقابله..
اسامه باستغراب: سلين ظننتك ترافقين السيد نواف ولا تزورين الاقسام الاخرى..
سلين ببرود: لدي معلومه بسيطه ظننت انها ستهمك اكثر من غيـرك..
اسامه :وماهي..
سلين ببرود كانت تقول في نفسها: سامحني يااا سيدي العزيز... ساخونك هذه المره ايضا فان لم يحبني قلبك.. لن اسمح لامرأه اخرى ان تاخذه..
اسامه بغرور: ماهي يا سيلين؟؟
سيلين: المرأه التي ماتت لم تكن اختك الحقيقيه..
اسامه انصدم و بعيون متوسعه على الاخر: مااااااااااااااااااااذااااا؟؟؟؟؟؟؟
-
-

[قلب الزهـــور]

»الموت ما هو أنك تكتفن بترابك الموت أنك تحب حي ويفارقك

ايمان طلعت من الباب مدرسه لحالها رغم ان الكل كان يطلع بجماعات او على الاقل ثنتين مع بعض.. جسار تاملها وهي تمشي ببرود و تام وهي تمشي بين الطالبات للباب كان يحس بالم على شكلها كان دايما صوتها عالي و مميز صحيح كان يعصب على تصرفتها لكن الحين كان يتمنى لو ترجع نصف اللي كانت عليه..
ايمان كانت تمشى للسياره بهدوء لما سمعت صوت هند: عاامر.. الحمد لله على السلامه..
ايمان من غير تفكير رفعت عيونها و شافت هند تمشي لسياره اخوها و تسلم عليه.. كان شكله مختلف كثـير عن شكله قبل وجهه ذبلان مصفر و نزل وزنه كثير .. ايمان عطته نظره قويه و غاضبه و تحركت بشكل اسرع للسياره تركب مع جسار..
جسار كان منتبه على تصرفها و ركب للسياره و تحرك: شلون المدرسه..
ايمان بعيون لبره من الشباك: عاديه..
جسار بابتسامه يغير فيها الموضوع: اليوم اتصلت المدرسه على بابا و بغلتنا انها تبي تقابل واحد منا... شنو مسويه..
ايمان تاففت: ماخذه علامه كامله في الاختبار و يظنوني غشاشه.
جسار ضحك : ههههههههههههه انا لو اللي صلحت الاختبار كنت قلت الشيء نفسه..
ايمان : هذا وانت اكثر انسان يعرف ان قدراتي الداخليه كبيره... واني ما كنت اطلعها حتى تكون نوف الله يرحمها الاولى
جسـار بتنهد: الله يرحمها..
ايمان: شفت عامر شلون متغير؟؟
جسار كان شايف عامر و مسلم عليه قبل لا يطلعون البنات بس ما حب يبين لها: لا ليش؟
ايمان بضحكه ساخره: واضح انه يتمنى يبين لنا انه مصدوم مع انه المسؤول الاول و الاخير على اللي صار لنوف..
جسار: اللي صار لنوف ما ايمان ما كان بسبب عامر اي انسان طبيعي كان ممكن يتصرف بالطريقه اللي تصرف فيها عامر لما يحصل كل الضغوط من ناس تجردت الرحمه من قلبوهم..
ايمان: والحب ياا جساار.. لوو كان عامر يحب نوف بجد ما كان سمخ لمجموعه من الكلاب تقطعها حتى الموت..
جسار: ايمان..
ايمان: لو سمحت يااا جسااار ما ابي اسمع اي كلام زياده..
ايمان اخذت موبايل جسار وصارت تتامل في مسجات المعجبه السريه... من شهرين و المعجبه ترسل مسجات دينيه وما تتصل ... جسار كان يتصرف ببرود اتجاه الموضوع.. مع ان ايمان كانت عارفه انه لو كان يبي يكشف هويتها كان كشفها من زمان..
-
-
من جهه ثانيه في سياره عامر:
هند كانت تتكلم بثرثره على راس عامر اللي كان مستمع ممتاز لها و ما قال شيء: عامر ما قلت لي ايش هي اخبااااااااارك
عامر بهدوء: زين..
هند: بس زيييييييين..شهرين وانت غايب عنا وما تكلمنا الا القليل واخرتها تقول لي جذي..
عامر: شنو تبيني اقول يعني... تعرفيني ما احب اتكلم وانا اسوق...خصوصا وانا تعبان..
هند بعصبيه : ولما انت تعبان ليش جيت و تعبت عمرك حتى تاخذني.....
عامـر تجاهلها:.........
هند بعصبيه: انت جيت حتى تشوفها!! صح؟؟؟
عامـر ببرود: بما انك تعرفين هذا الشيء ليش تسالين؟
هند: انساها يا عامر.. هي من البدايه ما كانت تناسبك شلون وهي الحين تكرهك و تحملك مسؤوليه موت نوف..
عامر: الله يرحمها..
هند: الله يرحمها والله اني ندامه كثر شعر راسي على اللي صار فيها بسببنا.... المهم طمني عنك شلون كانت الحياه في جده عند خالتي..
عامر: زينه...
هند تاففت: اوووف..
عامر كان يفكر وباله ابدا ما كان مع هند كان يفكر بايمان وشلون تغيرت صعب انك تشوف الانسان اللي تحبه بمثل هذا ا الشكل و التصرفات : تغيرتي كثير يا ايمان.. ما كنت بعرفج بسهوله.. القسوه و الحقد واضح في عيونج...
-
-
-
ايمان دخلت مع جسار لبيتهم و سلمت على ابوها و قررت تصعد لغرفتها لما وقفها محمد: لوين رايحه الغدا بعد شوي..
ايمان ببرود: مالي نفس يا بابا بجلس في غرفتي ارتاح وبعدها ببدي ادرس..
جسـار: ايمان التصرف جذي ما يصير.. صار لنا اكثر من شهر ما جلسنا معاج نتغدا..
ايمـان: مالي نفس يا جسار .. لو انكم تأجلون الاكل كنت قدرت اكل معكم...
محمد بابتسامه: ما طلبتي شيء ياا روحي.. الحين اخلي الشغاله تحط الاكل في السخان...و ناكله بعد شوي.. ايش رايج؟؟
ايمان ابتسمت له و ضمته : الله يخليك لي ولا يحرمني منك ابدا!!!
جسار بضحك: وانا؟؟؟
ايمان ابتسمت بحزن له: حتى انت يا جسار...
جسار ضحك لها: تصورت انج بتكسرين فيني وبتقولين لا..
ايمان: اللي كانت تقول هذا الشيء هي ايمان السخيفه الغبيه .. واما ايمان اللي قدامك الحين انسانه مختلفه كثير.
جسار بابتسامه: بس انا كنت احب ايمان القديمه..
ايمان ضحكت باستهزاء: مافي داعي تحبني ياا جسار.. اللي ما يحبوني كثااار و ما اعتقد بتغير شيء ان زادوا واحد..
محمد عصب من كلمها بس بين العكس: ومن اللي ما يحبج يا ايمان... اقطع راسه و اشلع عيونه و العب فيهم.. هههه
ايمان ابتسمت له و قامت: اسفه بس مضطره اغير ملابس المدرسه ما احب اظل فيها... بعد الدوام..
جسار ضحك : الله يرحم ايااام ما كنتي تنامين فيها و تصحين و تروحين المدرسه وهم عليك من امس ههههههههه
ايمان ابتسمت: قلت لك يا جسار ... ايمان اللي تتكلم عنها.. ما عاد لها وجود في هذا العالم...
ايمان عطت جسار و محمد ظهرها و بدت تصعد السلم لغرفتها لما وقفها محمد: ايماااان غيري ملابسج و انزلي ابي اكلمج بموضوع مهم...
ايمان بعيون متردده: ما يقدر هذا الموضوع يتاجل يا بابا؟؟؟
محمد زفر و هز راسه بالنفي: لا ... هو ضروري واااجد..
ايمان تنهدت وعطته الاوكي و صعدت لغرفتها بدلت ملابسها و غيرت لوك شعرها و كانت بتنزل لما رن موبايلها..
ايمان سحبته و استغربت من رقم غريب: الو؟؟
عامر بتردد: مرحبا ايمان...
ايمان: خيييييييير شنوو تبي ؟؟
عامر بتالم: كنت ابي اتطمن عليج و اعرف احولج بعد هذا الغياب..
ايمان بعصبيه: انا ماني زينه ولا ابي احد يتطمن علي... خصوصا لما يكون واحد مثلك..
عامر: واضح من كلامج يا ايمان انج مازلتي حاقده علي و محملتني موت نوف.. بس انا..
ايمان بصراخ: انت شنوووووو؟؟ انت شنو اللي تحس فيه. متصل فيني بصفتك شنووو... جايه تتقرب مني بعد ما ذبحت رفيجتي ....
عامر قاطعها: انا ماذبحت نوف اللي صار قضاء الله و قدره...
ايمان ضحكت: ههه ضحكتني يااا عامر.. نوف ما وقف قلبها الا غيرتك و كذبك عليها و تخليك عنها انت اللي ذبحتها انت؟....
عامر: استغفري ربك يا ايمان.. هذا الكلام اللي تقولينه ما يجوز..
ايمان: انا اعرف ربي اكثر منك... ياللي تتصل في بنات الناس و تكلمهم من ورا اهلهم.... يكون في معلومك ان تكرر تصرفك هذا راح اقول لبابا يتصرف معك..
عامر: ايماأااااااا
ايمان سكرت الخط في وجهه و من غير ما تنتظر رد منه.. ورمت موبايلها على السرير و طلعت من الغرفه.. عامر اتصل اكثر من مره لكن ما لقى رد فتخلى عن فكره الاتصال و تركها في حالها... لكن ماهو لوقت طويل...
ايمان من جهة ثانيه نزلت لغرفه محمد اللي كان في انتظارها طبعا كانت متوقعه انها تلقى جسار عنده لكن ظنها ما كان في محله.. محمد كان ينتظرها لحاله.ز
ايمان وهي تتلفت في الغرفه: وين جسار..
محمد بابتسامه اشر لها تجلس: راح لغرفته يقرا له كم ملف في قضيه كبيره قاعد يتولاها.... وبصراحه انا كنت ابي اكلمج لحالج..
ايمان جلست جنبه و على وجهها الف فكره وفكره: خير يا بابا شنو في..
محمد بابتسامه: انا قررت اخطب لجسار شنو رايج..
ايمان ابتسمت و حست بدمعه خفيفه في عينها: خير ما تسوي يا بابا..
محمد ابتسم: بصراحه انا احسه كبر ولازم ازوجه بما انه الكبير.. خصوصا انا من زمان ما دخل الفرح بيتنا و زواج جسار اكيد بيغير اشياء كثيره..
ايمان: طول عمرك حكيم ياا ابوي.. وانا موافقه على اي شيء تقوله..
محمد: ما سالتيني من العروس..
ايمان: اي وحده تختاره يا بابا اكيد بتكون احسن اختيار..
محمد ابتسم و مسح على راسها: هههههه لا ضروري تقولين رايج فيها خصوصا انج تعرفينها..
ايمان توسعت عيوونها: لا تقولي لي هند؟؟
محمد ضحك عليها: لالااااااااااااا طبعا لا.. انا تنقصني حروب اهليه و زلازل مدمره في البيـت..
ايمان رفعت حاجبها:اجل منو.؟؟
محمد بابتسامه: فاطمه بنت اختي ساره..
ايمان توسعت عيونها :فاااطمه؟؟
محمد ابتسم: من مده و اختي ساره تلمح لي عن بناتها وانها خايفه عليهم من الزمن بسبب دلال نواف لهم.. وانها تتمنى ازواج لهم مثلي .. وطبعا بعدها بدت تسال عن احوال عيالي و شغلهم و علاقاتهم باللي حوله.. واللي فهمته من تكرار اسئلتها انها تبي عيال الاثنين لبناتها.. انا قلت اخطب لجسار فاطمه بما انها انه الكبير وهي الكبيره.. سالت جسار عن رايه فيها و قال عادي بس ما اصريتي لاني اعرف ان جسار ما يرفض لي طلب و اخاف انها حتى لو تعجبه بيوافق عليها علشانها اختياري..
ايمان كانت في زوبعه من التوتر وما كانت عارفه كيف توضح لابوها رايها بكل صراحه: بابا انت ليش اقتنعت بتلميحاتها رغم انك ما تعرفها شخصيا..
محمد بهدوء: يكفي انها بنت ساره اختي.. وتربيتها وانا اعرف ساره زين وشكثر هي طيبه وحنونه .. ومستحيل يطلع منها العيب...
ايمان: بابا انا ما ابي اضايقك بس فاطمه.... فاطمه مثل ما تتصور... ماهي تربيه ساااره..
محمد باستغراب: شلون يعني ماهي تربيه ساره!!
ايمان: فاطمه تربيه نواف... انسانه دلوعه و كل طلباتها اوامر لازم تنفذ ... الغرور و التحكم في الغير كل هذي الصفات فيها...
محمد: لاحول ولا قوه الا بالله... الحمد لله اني ما خطبتها سبحان اللي فرق بينها وبين ساره.. انزين والثانيه عواطف..
ايمان بتردد ما كانت عارفه كيف تعطي ردها بس كان لازم تجاوب: النقيض يا بابا..
محمد ابتسم: الحمد لله.. اجل توكلنا على الله...
ايمان توسعت عيونها: بتخطبها..
محمد ابتسم: اكيـــد..
ايمان كانت متردده كانت تبي تقول لابوها ان عواطف تحب مشاري و هو يحبها بس ماكانت تدري كيف بعد فتره حست ان هذا الشيء هو السبيل الوحيد لانها موضوع العلاقه اللي كان ناوي ابوها يسوها مع عايله ساره.. : اذا خطب ابوي عواطف و رفضت بحكم انها تحب مشاري.. فاطمه راح تنجبر تنسى جسار لانه سبق وخطب اختها.. و بجذي راح نبعد عن عايلتهم و قثاااهاا..
محمد ترك ايمان و صعد لعند جسار اللي كان غرقان في ملفاته عنده قضيه كبيره ان ربحها راح يرتفع اسمه عالي كثـير في عالم المحامين و راح يزيد عدد زباينه و دخله..
محمد بعد ما طرق الباب بهدوء: ممكن ادخل..
جسار ترك ملفاته و فصخ نظاراته و سمح له يدخل: حياااك يبه..ادخل..تو ما نورت غرفتي...
محمد: ههه اخخخخ منكم يالمحامين... ما ينلامون لا قالوا عنكم بياااعين كلام..
جسار ضحك عليه و جلس جنبه: شنو نسوي هذا مصدر رزقنا...
محمد: ما عليك من كلااامي المهم اناا جايك بموضوع..
جسار: خير يا ابووي.؟؟
محمد: انا قررت اخطب لك يا جسار..
جسار رمش بعيونه و بتردد: يبه انا...
محمد قاطعه: خلني اكمل يا جسار... انا سنين وانا شايلكم على كتفي و متحمل كل مصاعب الدنيا .. حرمت نفسي من الزواج بعد وفاه امكم وحتى ايمان ربيتها معكم و اعتبرتها جزء من عايلتنا.. ويوم عن يوم اخاف عليكم و طول الوقت افكر فيكم..
جسار بتعجب: تخاف علينا و احنا في هذاا العمر ياا ابوي؟؟
محمد: وليش ما اخاف عليكم وانا اشوف شلون تغيرت و يوم عن يوم تسوء و تزيد فيها المحرمات... انا ياولدي ابي ازوجك حتى اتطمن عليك في الطريق السليم و اشوف عيالك قبل لا اموت..
جسار باس راسه: بعد عمر طويل يا ابوي... براحتك.. انت خيط وانا البس ولو يا ابوي طول عمرك صاحب حكمه...

[قلب الزهـــور]

»الموت ما هو أنك تكتفن بترابك الموت أنك تحب حي ويفارقك

محمد: يعني موافق..
جسار: اكيد. واللي بتختارها برضى فيها من غير نقاش..
محمد: معنى هذا ما في وحده معينه في بالك..
جسار هز راسه له: تعرف ان مالي في هذي الامور يا ابوي.. ..
محمد: واثق فيك يا ولدي...... اللي بخطبها لك هي بنت اختي ساره...
جسار توسعت عيونه بغضب: من؟؟
محمد: ودي من زمان ارجع علاقتي باختي ساره وهي بصراحه لمحتي بالموضوع وانا ما شفت فيه شيء .. انت ايش رايك.
جسار كان بيرد بالرفض بس هدأ شوي: ونعم الاختيار يا ابوي..
محمد: الحمد لله... انا بشوف ساره و برد لك خبر..
جسار: اوكي...
محمد طلع بابتسامه سعاده على وجهه و بعد ما طلع بسرعه ركض جسار بسرعه لمبايله بعصبيه..
-
الرياض:
ساره كانت جالسه تقرا الجريده باستمتاع وعندها بنتها عواطف تتفجر على التلفزيون لما دخلت فاطمه عليها بعد جوله تسوق طويله : السلام عليكم..
ساره بابتسامه رفعت راسها و عواطف :وعليكم السلام..
فاطمه فصخت عباتها الملونه واشرت للممرافقه توصل اغراضها لغرفتها: ما قدرت اقاوم الافتتاح اشتريت كل شيء عينني شافته
عواطف صفقت باستهزاء: برااافووو.. و كم الف صرفتي...
فاطمه وهي تستعرض بصبغ اظافرها الجديد: ما اعرف بس اعتقد اقل من الستين الف..
ساره: الى متي هذي المصاريف يا فاطمه.... مافي زوج في الدنيا راح يتحمل انفاقك الجنوني هذا..
فاطمه: هههههه و تتصورين اللي مثلي بترضى انا رجال عايش على معاشه يصرف عليها
عواطف: بتستمرين تاخذين مصوروفك من نواف حتى بعد ما تتزوجين..
فاطمه بغرور: ليش لا.. انا ماني دلوعته؟؟
ساره: الله يعينك يا بنتي على حالك..
فاطمه رفعت حاجبها: ايش صار على موضوعي يا امي؟؟
ساره بتنهد: لمحت لمحمد اكثر من مره بس لللاسف ما حصلت نتيجه..
فاطمه عصبت و تغيرت ملامح وجهها: يعني شلووون... ماراح يخطبني؟؟؟
ساره: ايش تبيني اسوي اكثر من اللي سويته .. مدحتك و مدحت اخلاقك و بينت له مدى خوفي عليك من اللي حولنا و الغرب واني اتمنى واحد مثل زوج لك.. وهو قالي لي الله يكتب اللي فيه الخيـر..
فاطمه: يعني اخلي نواف يطلق ديما..
ساره عصبت: فااااطمه ايش هذااا الكلاااام..
فاطمه بعصبيه : اللي سمعتيه انا ما اقنعت نواف يتزوج بنت اخوك الا بعد ما وعدتيني تنفذين لي طلبي واللي اشوفه انك ما التزمتي بوعدك.
عواطف بصراخ: فاطمه احترمي نفسك ولا تكلمين امي كذااا
فاطمه: وكيف تبيني اكلمها وهي رافضه تسوي جزاها من الاتفاق..
عواطف: هي ما تركتك هي سوت اللي طلبتيه منها.. والباقي على خالي محمد... بس اللي انا ماني فاهمته.. خلصوا الشباب في العالم ولا عنستي حتى تصرين على جسار اللي ما يبيك...
فاطمه بغرور: كيفيييييي حتى لو اخذه كجزء من اكسسواراتي..
ساره باسى على بنتها: الله يعينك على حالك يا بنتي..
فاطمه: طول ما نواف موجود مافي خوف علي.. هههههه
ساره تجاهلت بنتها وكملت قراءها الشيء نفسه سوته عواطف فاطمه جلست بهدوء بشكل عنادي لهم حتى تشوف اخرت تجاهلهم لها...
ما كانت الا دقايق و دخلت ديما ومعها اختها ندى و سلموا عليهم: السلام عليكم
ساره ابتسمت لديما و اشترت لها تجلس جنبها: تعالي جنبي يااا ديماااااآآ
ديما جلست جنب عمتها بابتسامه و ندى جلست جنب عواطف: شلون كان موعدك؟
ديما بابتسامه: الحمد لله يا عمه الدكتور يقول كل شيء طبيعي و زين.. وان شاء الله بعد اسبوع ادخل الشهر الرابع..
عواطف بحماس: ما قالكم بنت ولا ولد؟؟
ساره ضحكت على بنتها: ما يبين الا بعد الشهر الرابع يا بنتي.
ديما: كلامك صح ياا عمه.. والدكتور قال لي نفس الشيء..
عواطف: انا بصراحه ابي بنت.. وانتي يا ندى...
ندى ضحكت : انا بعد ابي بنت.. حتى العب فيها..
ديما بضحك: ههههه ماهي لعبه حتى تلعبي فيها يا ندى ...
ساره: بنت ولد كله واحد اللي يجي من الله حياه الله.
فاطمه بمقاطعه لهم: كلامك صح.. بنت ولد مافي فرق.. كلهم ما راح يغيرون بشيء عند ابوهم.. راح اظل دلوعته..
ديما نزلت راسها بالم وهي تقول في نفسها: وكانه حاس بوجودي اصلا حتى يحس بوجود ولده...
ساره: فاطمه لوسمحت اكرمينا بسكوتك..
فاطمه قامت من مكانها بغرور و طلعت من مجلسهم: ماما انتظر منك رد على موضوعي ولا انتي تعرفين انا ايش بسوي.
ساره كرهت من بنتها اسلوب التهديد هذا بس ما كان بيدها اي حيل استغرفت ربها و بدت تسال ديما عن موعدها وكلام الدكتور..
فاطمه كانت داخله لغرفتها حتى تتفرج على اغراضها اللي اشترتها لما رن موبايلها .. كان المتصل جسار استغربت لكن قررت ترد عليه..
فاطمه بابتسامه: الوو..

[قلب الزهـــور]

»الموت ما هو أنك تكتفن بترابك الموت أنك تحب حي ويفارقك

شيء...
جسار بعصبيه: فاااااااااااااطمه... مافي داعي لهذي التبريراات ؟؟؟
فاطمه انصدمت لما نادها باسمها: خيـررر شتقوول؟
جسار: يظهر يا فاطمه انج نسيتي اني محامي و اقدر اعرف اي شيء ابيه بسهوله..
فاطمه باستخفاف: ولما عرفت الحقيقه الحين ايش بتسوي..
جسار: فكرت اوقفج عند حدج و ابلغج انج انكشفتي ولا والله لاقول لابوج و اخليه يادبج...
فاطمه: انا متادبه من زمااااان ياااا جسااار و ماهو انت اللي يهددني ..
جسار: انا قلت و خلاااااص.. و غير جذي بيكون بينا حساب ثاني.. يااااا محترمه..
فاطمه انقهرت بجنون من كلامه وزاد جنونها اكثر بعد ما سكر الخط في وجهها..: طيب يااا جساار خل نشووف,,,
فاطمه حست بغل و انها تبي تفشي الغضب اللي فيها فكرت شوي وبعدها قالت ان احسن حل هو انها تتحرش في ديماا
نزلت على وجهها للطابق السفلي وعلى وجهها ابتسامه كبيره لما شافت ديما مازالت موجوده و حتى امها و عواطف و ندى موجودين..

وهي تقرب لهم بهدوء شافت ندى وهي تقوم تبوس عواطف..: الف الف الف مبروووك يااا عواطف..
فاطمه قربت و سالت: خير ايش صااير..؟؟
ندى ابتسمت: عمي محمد خطبها لولده...
عواطف كانت مبتسمه بخجل و فاطمه توسعت عيونها: اي وااااااااحد فيهم؟؟؟ اي واااحد؟؟
ديما و ندى استغربوا رده فعل فاطمه، ساره كانت فاهمه بكل خوف و تردد: لولده الكبير جساار..
في اللحظه اللي قالت فيها ساره الكلمه ما كانت فاطمه هي الوحيده اللي انصدمت عواطف هما تغيرت ملامح السعاده الى صدمه...
فاطمه صرخت: ماااااااا يصير مستحيللللللللللللل الزواااااااج هذااااا لاا يمكن يتم!!!!
ساره استغربت ردت فعل فاطمه السريعه وردت عليها بصراخ اكثر: فااااطمه اسكتي ...
فاطمه صرخت مره ثانيه: لا مارراح اسكت!!!!! جسار كان لازم يخطبني اناااااماهو هذيييييي
ديما لاحظت ملامح عواطف اللي تغيريت للحزن وقررت تكون محضر خير: فاطمه الزواج قسمه و نصيب و.....
فاطمه بصراخ قاطعتها: انتي اخررررررررررررررر وحده تتكلم عن القسمه والنصيب بعد ما فرضتي نفسك على نواف ولو ما كلمته انا ما كان صار زوجك والحين صايره لي مصلح اجتماعي..
عواطف صرخت على اختها: فاطمه مااافي داعي لهذا الكلام واذا على الخطبه تطمني انااااا ماني موافقه..
ساره التفتت لبنتها و مسكت كتفها: عواطف جسار رجال ما ينعاف وانا لايمكن اسمح لك ترفضينه علشان غرور اختك..
عواطف بعصبيه: بس انا ما ابيه ما ابيه..
فاطمه ابتسمت بغرور: بما انها ما ابيه قولي لاخوك اللي ما يفهم انك مانتي موافقه فالاحسن له يفكر عدل و يخطبني انا بما اني الكبيره..
ساره انقهرت من بنتها: انااااااا مستحيل اسوي هذااا الشيء..
فاطمه بقله ادب : راح تسوووين يعني راح تسووين.. وان ما سويتي راح يكون لي تصرف ثاااني معاااكم
ساره: اعلى مافي خيلك اركبيه..
فاطمه رفعت حاجبها بغرور: اوكي ... انا فعلاا راح اركب اعلى مافي خيلي..
فاطمه عطتهم ظهرها و طلعت على طول لغرفتها تخطط و تفكر..
ساره التتفت لبنتها عواطف: ما عليك منها ياا عواطف..
عواطف هزت راسها بالنفي: ماا ابيه ما ابيه!!
ساره: عواطف!!
عواطف عطت امها و بنات خاله ظهرها و طلعت على غرفتها تركض وهي تقول في نفسها: ليش هووو ليش هووو؟؟؟ ليش ما فكر فيني فوووازز...؟
بعد ما ابتعدت عواطف عن الانظار التفتت ديما و ندى لعمتهم اللي حوطت يدها حول راسها: عمه؟ ايش راح تقولين لعمي محمد.؟؟
ساره تنهدت و التفتت لها: والله ماني عارفه ياا ديما الله يكون بالعووون.. بس بكلم عواطف من جديد وان شاء الله ترضى..
ندى: ما ظنتي بترضى يا عمه..
ساره رفعت عيونها لبنت اخوها: ايش قلتي؟؟
ندى بلعت ريقها: عواطف في بالها و تحب واحد ثاني..
ديما قرصت اختها: انتي ايش اللي تقولينه ياا غبيه..
ساره: خليها تكلم ياا ديمااا!!! ندى منوو اللي في بال عووواطف ؟
ندىى بتردد: ماني متاكده.. بس اكثر من مره اشوفها تتبادل نظرات مع مشاري..
ساره ابتسمت: الحمد لله ظنيتها تحب شخص عريب.. بس ان كان مشاري ماعندي مانع ابداااااا ادب واخلاق ووسامه ويكفي انه ولد اخوي احمد..
ندى: يعني بتردين عمي محمد...
ساره : الله يكتب لهم اللي فيه الخيـر..
-
-
فاطمه كانت تدور بجنون في المجلس الصغير قدام جناح نواف الخاص وهو غير المشترك مع ديما كانت تعرف انه ما يجي الا هنا ولا يزور ديما في جناحها ابدا.. كانت تعيد و تكرر في الكلام اللي راح تقوله له وما راح تتردد ابدا في اي كلمه فيهم..
نواف قرب من جناحه وكان التعب مغطيه بالكامل: فاطمه..
فاطمه التفتت له و بسرعه تحولت ملامحها من الحزن المكبوت الى الحزن الكبير المليء بالدموع.. : نوووووواف
نواف خاف لما شافها تبكي وزاد خوفه لما شافها ترمي نفسها في احضانه : فاطمه ايش صاااير قووولي لي ايش اللي صااااير؟؟؟؟؟؟
فاطمه: اهي اهي اهي... جسااار جسااار..
نواف استغرب كلامها بس سمح لها تكمل وهو يسحبها لغرفتها: فاطمه ايش فيه جساار قوولي لي بسرعه قبل لا يطير عقلي..
فاطمه بتمثيل متقن: اوعدني ما تزعل..
نواف : انا ازعل من الدنيا كلها ولا ازعل منك يااا فاااطمه ارجوك قوولي لي ؟
فاطمه مدت موبايلها وبينت له اخر مكامله: انا من مده وانا معجبه بجساااااار و هو عطاني رقمه ترددت في البدايه لكن قلت بجرب حظي معه يمكن يلتفت لي...
نواف توسعت عيونه بس كبت غضبه: وبعد..
فاطمه: كلمته و عشت معه احلى لحظات ممكن يعيشها عاشقين لكن .. لكن.....
نواف: ايش اللي صااار جننتيني..
فاطمه: جسااار رفض يتزوجني...
نواف: خييييييييييييير؟؟
فاطمه: قال لي اني ما اناسبه والانسب مني هي عواطف اختي!!!
نواف: عواطف؟؟
فاطمه: تصور ان ابوه متصل اليوم يخطبها له يخطب اختي.............
نواف : وايش معنى هذي الحركه؟؟
فاطمه وهي ترمي نفسها من جديد في حضنه : ما ادري ما ادري !!!!!!
نواف بعد فاطمه عن حضنه بخفه و تاملها بعيونه: لا تبكي يااا فاطمه اتركي الموضوع علي وانا بخليه يجيك يزحف ..
فاطمه ابتسمت وهي تصطنع الحزن: صدق ياا نواف؟؟
نواف: وانا في حياتي رفضت لك طلب..
فاطمه باسته على خده: ثااانيكويووو نوااافي ربي لا يحرمني منك..
نواف : ولا يحرمني منك ومن دلعك..
فاطمه ابتسمت و طلعت من الغرفه و ظل نواف يتامل مكانها و يفكر: يظهر يا جسار انك ناوي تعجل زيارتي لكم .... بس كانك تقراا افكاااري... انااا فعلا متشوووق اشووفهااا ..
-
-

[قلب الزهـــور]

»الموت ما هو أنك تكتفن بترابك الموت أنك تحب حي ويفارقك

ايمان كانت ترتب اغراضه تستعد حتى تطلع بعد ما انتهى الدوام االمدرسي لما لمحت هند تراقبها و بمجرد ما رفعت راسها غيرت هند اتجاه وجهها وصارت تتلكم مع وحده من صديقاتها
هند بصوت عالي قصدها تسمع ايمان : تدرين يااا فضـه اخوي عااامر تغير كثييير عن اول..
فضه وهي تمشي مع هند بهدوء قدام ايمان حتى ياخروها و يجبرونها تسمعهم: للاحسن ولا للاسوء..ز
هند بضحك: ههه طبعا للاحسن.. امس كان شكلها اكس يوم جاء ياخذني سالته عن السبب قال هذا بسبب غياب الغاليه,...
ايمان انتبهت على كلمتها و حاولت تسمع ، فضه سالت: نوف؟؟
هند بضحك: ههههههه تخسي هذي... ما باقي الا حثاله القوووم... انا اتكلم عن افرااااح بنت خااالتي الزين والادب والاخلاق كلها واللي كان ساكن عندها و عند خالتي يوم كان مسافر جده..
فضه: ههه لا تقولين يحبها! يعني افقد الامل منه
هند:: هههههههههه سوووري يااا فضه هارد لك.. عامر كان يحب افراح من زمان و ما عطل زواجهم الا رميه نوف عليه وعلينا و الحمد لله هم وانزاح عن قلوبنا و الحين اكيد بياخذها..
هند التتفتت بحقاره لايمان اللي كانت وراهم و عيونها امتلت بالدموع ابتعدت عنهم وصارت تمشي بعيد وهي تفكر: نعقووله يااا عامر معقووووله انت يطلع منك كل هذااااااا... الله يرحمج يااا نوووف... عيشتي وحيده وحتى في موتجوحيده... محد يذكرج حتى الانسان اللي حبيته وعطيتيه قلبج...
ايمان كانت تمشي بوسط الشارع وابدا ما كانت منتبه على السياره اللي كانت تنتظر خروجها حتى تتحرك بجنون ...
صراخ وصوت عالي كان يناديها: ايمااااااااااااااااااااااااااااااااااااااااااااان
ايمان حركت وجهها و التتفت و تلاقت عيونها بمقدمه السياره الكبيره كانت بتصرخ بس يد قويه سبقتها و دفعتها لبعيد
ايمان سقطت على الارض و انجرحت يده و ارجوله لكنها ابدا ما حست بالالم بعد ما شافت الجسم اللي صدمته السياره وهربت: عامر!!؟؟؟
-
-
من ورا شباك غرفه العنايه المركزه كانت ايمان تتامل وجه عامر ومن حوله الاجهزه كانت تحس بالم و بثقل كبير في جسمها ماهو بسبب الاصابه اللي تلقتها لما دفعها عامر عن وجه السياره اللي كانت تهدف لقتلها و اخذهو الضربه بس بسبب الم في قلبها كبير..
كلمات عامر اللي قالها لها يوم موت نوف مازال ترن في عقلها واذنتها
-
عامر بعد عن ايمان: انتي اللي حرام عليج احبج و كنت بتزوجج و بسبب حقد اختي انحرمت و تزوجتها هي قلت استر عليها بعد ما شفت حالها
-
احبج ..........احبج ...............احبج ........
ايمان نزلت دموعها باسى وحزن على انسان انقتل حبه لها بسرعه و تدمرت احلامه قبل لا تنولد وبعد ما تحرر من قيوده لقى قيود اكبر تبعده عنها اكثر فاكثر..
ايمان بدموع: عاااامر؟؟
هند كانت جايه تمشي لعندها ومعها امها: انتي شنوو تسوووين هني؟؟
ايمان : اناااااااااااا؟
هند صرخت: مااهو كافي اللي سووويتيه فينااا شنوو تبين اكثر منا .. اطلعي من حياااتنا اطلعي.. من عرفتج و المصايب تقرب منا اخوي و تسببتي عليه.. شنو تبين اكثر شنوو تبين ؟؟
ايمان: انااا.
ام عامر بعيون غاضبه: اتركينا يااا ايمان..
ايمان بلعت غصه حست فيها بعد ما طردتها ام عامر عطتهم ظهرها وقررت ترجع للغرفه الي كانت تنتظر فيها لحد ما يوصلون اهلها..فتحت الباب بتدخل و كانت المفاجأه..
نظر له بعيونه الزرق بغرور: جيت اتطمن على محبوبتي ... لقيتها رايحه تتطمن على محبوبها..!!
ايمان عصبت بمجرد ما شافته: عامر ماهو محبوبي و لو سمحت اطلع بره..
نواف ضحك عليها: هههه عامر راح يموت قهر لو سمعك.. الانسانه الي رمى نفسه للتهلكه علشانها ما تبادله اي مشاعر تذكر..
ايمان بعصبيه: اطلع بره!! انت شلووون عرفت بمكاني اصلا انت شلون عرفت اللي صار بالضبط..
نواف : قلت لك بتطمن على محبوبتي..
ايمان انقهرت منه: تجسس علي ياا نوواف
نواف ابتسم بخبث وهو يقرب منها: احبك!! و ما اقدر اتركك تتاذين..
ايمان بعدت عنه: تبي تفهمني يعني انك مالك علاقه باللي صار..
نواف: ابدااا!! بس اقدر اقوولك ان اخوانك وراه..
ايمان: وليش ما يكون انت..
نواف: انا لايمكن ائيك!! وثانيا ايش راح استفيد من موتك غير عذاب في قلبي
ايمان: واخواني من بلغهم اني الحقيقيه.
نواف وهو مستمر يقرب منها: في خاين عندي في الشركه بس ما راح يطول.. مصيري صايده و ساعاتها راح يكون عقابه كبيــر..وحتى يجي هذا الوقت لازم احميك منهم..
ايمان التصقت بالجدار وهو صار قدامها : نووواف انت زوج بنت اخوي وقف هذي الحركات..
نواف : ايمان انا في حياتي ما استعصى على شيء كثر ما استعصيتي علي!!..كل يوم افكر فيك كل يوم اتخليك.. كل يوم اتمنى اضمك لي..
ايمان بعدت نواف عنها بكل قوه و صفعته على وجهه: انت انسان حقير و مجنون.
نواف بعصبيه مسك كتوفها و حاول يضمها لكن ايمان دفعته و ضربته بقوه في صدره بعده عنها مترين: قد هذي الحركه يا ايمان..
ايمان: ان فكرت تلمسني من جديد راح اذبحك..فاااااااهم راااح اذبحك..
نواف صفق لها: ممتااااااااز برااافوو ياا ايمان الحين ما راح اتردد ابدا في اني اجبرك علي.. ويكون في معلومك نوف ماهي الا مجرد بدايه ... والجاي اكبر بكثير..وما راح يهدى لي بال ولا راح ارتاح الا بعد ما اخليك تبوسين رجولي اتزوجك..
نواف راقب وجهها كيف تغير للصدمه و طلع بابتسامه سمعها تناديه بس تجاهلها و سحب موبايله: ادوارد..
ادوارد بثقه: اصبح الملف معنا يا سيدي ولا يوجد شيء سيمنعه من ابتلاع الطعم..
نواف: ممتااز.. والان يااا جساار عليك ان تتحمل تحديك لي ولاختي..
-
-
-
جسار كان في مكتبه يتناقش مع زبونه لما دخل عليه واحد من غير اذن جسار عصب وصرخ عليه: انت شلون تدخل جذي ...ومن غير اذن...
الرجال قرب منه: المحقق حسين من المباحث العامه..
جسار حس بان الموضوع مهم اعتذر من الزبونه وهي طلعت على طول: تفضل استاذ حسين.ز
حسين: انا اسف بس يا سيد جسار انت اللي اتفضل معي..
جسار: خير في شيء..
حسين: لما نوصل المخفر راح نتكلم...
جسار حس ان الموضوع خطير و كبير كثير بما ان المحقق جايه بنفسه و طلع على طول معه..
الخبر على طول وصل للبيت الشيء اللي اجبر محمد يروح له على طول وياخذ فواز اللي كان توه واصل..
ايمان كانت تنتظر بخوف ودموع في البيت وعلى اعصابها اللي ما هدت لحد ما شافتهم داخلين ثلاثتهم عليها .. ايمان من غير تفكير ركضت لعند جسار و ضمته بقوه: جساااااااااار الحمد لله على السلامه..
جسار كان وجهه قالب اسود و صامت بعدها عنه ببرود و طلع بعيد عنهم لغرفته ايمان التفتت لفواز : فواز شنوو صاار ارجوك قوولي!!
فواز باسي: طلعناه بكفاله..بس التهمه لابسته..
ايمان بعيون كلها دموع: تهمه؟؟
محمد وهو يرعص بيده على راسه: تزوير في اوراق رسميه وتغير في الادله القانونيه.
ايمان بصدمه: تزوير؟؟؟ جسااااااااار ما يزور هذاا كذب..
فواز : بتعلميني في اخوووي ياا ايمان... انا عارف وانتي عارفه هذا الشيء لكن الادله كلها ضده..
ايمان انهارت تبكي بجنون.. كانت محتاجه احد يخفف عليها لكن هذا الشخص ماكان موجود لان فواز و محمد و جسار كلهم كانوا محتاجين اللي يخفف عنه..
بعد نوبه بكاء كبيره ما كان في يد ايمان الا انها تتازل عن كرامتها و كبرياءها الكبيرين وتتصل على اكثر شخص تكرهه: هلااااااا وغلاا
ايمان بالم: حصل اللي وعدتني فيه حصل..
نواف ضحك على صوتها المتالم : هههههههههههههه حذرتك بس انتي اصريتي على المغامره وايش هي النتيجه خسرتي ضدي مره ثانيه هههه.. تهمه جسار ممكن ياخذ فيها سبع او ثمان سنوات على الاقل لكن سمعته راح تصير زفت ولا يمكن احد يجيه بعدها و بكذا يكون خسر مسقبله كله
ايمان: اعترف اني خسرت و اعترف اني ما عاد عندي وسيله اتغلب فيها عليك.. بس ليش ليش جسااار..
نواف: كان لازم يعرف قدره ولا يتجرأ على اسياده واحد مثله حاصله تحبه وحده مثل فاطمه
ايمان بصدمه: فاطمه؟؟
نواف: اي فاطمه.. لما صارحته بحبها تجاهلها و خطب عواطف بكل جرأه..
ايمان : جسار ماله ذنب انا اللي رشحت عواطف لجسار وهو وافق..
نواف بغرور: يعني انتي بعد مشتركه بالجريمه.. ولازم تعاقبين..
ايمان: عاقبني انااا .. واترك جسار..
نواف: مستحيل اعاقبك ياا ايمان.. انا احبك.
ايمان بترجي: ان كنت تحبني طلعه..
نواف: انا مستعد اطلعه ياا ايمان بس يجي و يخطب فاطمه بنفسه..
ايمان كانت حاصه بصعوبه الطلب بس ما كان عندها الا انها توافق : حصل.. اول ما راح يطلع راح نخطبها

[قلب الزهـــور]

»الموت ما هو أنك تكتفن بترابك الموت أنك تحب حي ويفارقك

على طوول..
نواف بخبث:وانا..
ايمان : وانت شنو؟؟
نواف بغرور: وانا ايش هي مكافأتي..
ايمان: نواف....
نواف: تتزوجني...
ايمان بجنون: مستحيل..
نواف: اجل انسي يطلع جسار من السجن..
ايمان بترجي: نواف ارجوك..
نواف: مستحيل ... غير زواجي منك مافي.. واسمحي لي راح اسكر الخط..
ايمان بالم: لا ارجووووك..
نواف: تتزوجيني ؟؟
ايمان: بس انت متزوج ديماااا
نواف: مو مشكله نظل اصدقاء لحد ما اطلقها بما اني لازم انتظر حتى تولد و من يعرف يمكن يصير حادث بسيط لها ينزل الطفل و نختصر فيه مده صداقتنا..
ايمان بشمئزاز: صداااااقه؟؟
نواف: بويفريد و قيرلفريد.. طبعا بما انك سيده الحب ضروري تتفنيني في اسعادي لحد ما نتزوج.. ولا تخافين انا راح اتزوجك يعني ما راح اعبث فيك و بعدها اتركك لواحد ثاني هههههههه
ايمان: انت انسااان
نواف: انا ايش يااا ايمان... كملي و اوعدك ان جسار بيلحق نوووف.. ومن يعرف يمكن يلحقه فواز الغالي حبيب قلبك و ابوك الحبيب ههههههههه
ايمان نزلت دموعها اسى و الم على حالها و حال اغلى ناسه من غير اي كبرياء اعلنت: موافقه..
نواف ضحك : واخير ذاب جبل الجليد و سقط كبرياءك وغرورك يا ايمان.. جسار راح يطلع من القضيه بسهوله بس قدامك اسبوع يخطب فيه فاطمه و ان تاخر راح يرجع للسجن بقضيه اكبر من هذي. ..
ايمان: موافقه...
نواف: حطي في بالك يا ايمان ان ليله زواجهم راح تكون هي نفسها ليله صدااقتنا... مع السلامه ياا سيده الحب..
نواف سكر الخط في وجه ايمان اللي انهارت على الارض تبكي حسرتها و عذااابها اللي يستحيل تبوحه لاحد.. حتى ما تضره..
ايمان مسحت دموعها و توجهت لغرفه جسار بحزن واالم كبيرين: جسار ممكن ادخل.
جسار كان جالس على سريره متكور على حاله: انتي دخلتي وخلاص..
ايمان مشت لعنده وجلست جنبه: شلونك الحين..
جسار كان واضح عليه انه بكى كثير لكن ما كان ناوي يبين هذا الشيء قادم ايمان: تعبان و مقهوور..كثير..
ايمان بتردد: جساار.. انا كلمت نواف..
جسار التفتت لها بقوه: وليش كلمتيه..
ايمان: مافي احد يقدر يطلعك من هذي القضيه الا هو...
جسار: وليش ما يكون هو اللي لبسني ايااها من الاصل..
ايمان مسكت يده وباستها بقوه: جساااااار ارجوووك.. ارجووووك لا تعصب احنا محنا قدهم.. اليوم دخلوك السجن بتهمه تزوير الله اعلم شنو ممكن يسوون بعدهااا..
جسار: وتبيني اسكت ياا ايمان..
ايمان: نواف وعدني انه يطلعك منها مثل الشعره من العجين ..
جسار باستخفاف: يطلعني و من غير مقابل..
ايمان نزلت راسها و جسار على طول فهم: اني اتزوج فاطمه صح..
ايمان: شلون عرفت..
جسار: هددتني اني ان ما تزوجتها راح تسلطه علي و حصل..
ايمان باستغراب: وانت من وين تعرفها؟؟
جسار: المعجبه السريه..
ايمان بعيون متوسعه: فاطمه؟؟؟
جسار: وتبيني اتزوجها مستحيللللللل حتى لو اظل في السجن طول عمري مستحيل اتزوج وحده بالمستوى هذا..
ايمان رمت نفسها بحصنه: جسااار واللي يسلمك لا تقووول جذي.. مو كافي خسرت نووف لا تخليني اخسرك انت بعد ارجوووووك جسااار ارجووك
جسار صعقه منظر ايمان.. ايمان القويه المعتزه بنفسها و قوتها بهذا الضعف: ايمان هدي شووي.ز
ايمان وهي تضمه اكثر: مستحيل اهدى الا بعد ما تقول لي انك راح تزوجها و نرتاح من المشاكل كلها!!
جسار رغم كل الالم و القهراللي كان فيه استسلم وقال : اللي تشوفينه ياا ايمان.. اللي تشوفينه..
ايمان ابتسمت له ورفعت راسه وعطته الفرصه انه يمسح دموعها الكثيره..
-
-

[قلب الزهـــور]

»الموت ما هو أنك تكتفن بترابك الموت أنك تحب حي ويفارقك

بعد اقل من اسبوع تمت خطبه جسار و فاطمه اللي كانت طايره من الفرح وسط صدمه و استغراب من اغلب افراد العايله و اولهم امها ساره..
نواف اقترح ان الملكه تكون بعد اسبوع بس ساره رفضت بحكم انها تبي حفله كبيره لبنتها و هذا شيء مستحيل يصير طول ما ريم في العده. وحتى مع اعتراض فاطمه ساره ظلت على رايها و تاجلت حفله الملكه شهر..
خلال هذا الشهر تطورت علاقه فاطمه بجسار اللي كانت تكلمه بجنون و حب كثير .. وجسار على عكس عادته رد عليها بحب هما .. عواطف لما شافت التقدم في علاقه جسار وفاطمه حست براحه كبيره خصوصا ان هذا الشيء راح يقربها اكثر من فواز و احتمال بعد زواجهم تقدر تعيش قصه حب معه..
ايمان من جهة ثانيه كانت تتلقى المكالمات الغراميه المستمره من نواف لكنها ابدا ما كانت سعيده كانت ترد عليه صحيح بحب لكنها كانت تموت الف مره وهي تكلمه..
كان نواف معين لها مراقبين يراقبونها في كل مكان في المدرسه و السوق وحتى في البيت شغاله خاصه تحت امره سلين نفسها اللي كلفها بتولي شغلهم في الكويت..
الحرس و المراقبه كان واحد من الاسباب اللي كره ايمان في المدرسه و اجبرها على تركها و الثاني كان الاهانات اللي تتلقاها من هند و الاحساس بالذنب لما تسمع بوضع عامر الصحي اللي اجبره يسافر للخارج يتعالج..
ايمان كانت تحس بالخساره يوم عن يوم.. كانت في اليوم تشوف فيه ديما وكيف الحمل مغيرها و كيف تنتظر ولادتها حتى يحبها نواف كانت تحس بالذنب و انها لصه حقيره تخطط لسرقه كل اللي يحبونه اقراباءها..
طلعت ريم من العده بعد شهر كامل و هذا الشيء اثار فاطمه اللي اصرت ان حفله ملكتها ما تنتظر اكثر.. نواف حجز قاعه كبيره في اكبر فندق في الكويت لحفله ملكتها و اجبر جسار و اهله على الموافقه على هذا اليوم.. لكن ماهو قبل لا يقهر ايمان..
موبايله ايمان رن وهي كانت جالسه تشاهد التلفيزيون الي حفظته من كثر ماهي جالسه عليه: الو
نواف بابتسامه: كيف حالك حبيبيتي..
ايمان بتصنع: بخير ياا حبيبي..
نواف: بعد بكرا حفله الملكه وبما اني ابيك اجمل وحده في الحفله طلبت لك لبسك و كل شيء من اصدقاءي مصممي الازياء.. الثوب صممه لك مبارك العبدالمحسن و العقد صممته لك جوري جوزيف.. و المكياج خبير التجميل الخاص بانجلينا جولي. و الساعه من تصميم شوبارد و اما الجزمه فهي جزمه فرانسيس بنت الملياردير دون فليكارديرو صاحب مناجم الالماس.. جزمه سندريلا..
ايمان: كل هذا ما شاء الله عليك.. بس ما تخاف اغطي بجمالي على فاطمه..
نواف: ابيك تغطين عليها و على كل الموجودين بما انها بتكون ليله دخلتك..
ايمان انفجر الدم في عروقها من كلمته: شنوو
نواف بخبث: بصراحه ماني قادره انتظر حتى يوم زواجهم.. ابيك الحين ياا ايمان..
ايمان بصوت مقهور: انا مستحيل اسمح لك تلمسني قبل لا نتزوج..
نواف: ان جيتي لي راح اذبح ديما حتى اتخصل منها و اقدر اتزوجك على طول و ما انتظر لحد ما تولد.. و غير هذا .. طلقه من مسدس فيه ابره مخدره راح تحول حبيب قلبك فواز من انسان مستقيم و صالح الى مدمن مخدارت منتهي..
ايمان نزلت دموعها: انت ما تخاف ربك.. ليش تسوين فيني جذي ليشششششششش
نواف: هههههههههههههههههههههههههههههههههههه انتظرك يااا حلوووه..
ايمان رمت الموبايله ورمت براسها على السرير تبكي بجنون.. سلين سمعت صوتها و دخلت عليها: ماذا هنالك يا سيدتي..
ايمان ببكاء: اتركيني في حالي ارجوك
سلين ببرود: لايمكنني هذا يا سيدتي.. فسيدي نواف امرني بالاهتمام بك..
ايمان صرخت بالعربي: الله ياااخذه و ياااااخذني انااا بعد و اريح الناس مني ومن بلاويي
سلين على طول فهمت قصد ايمان و بصوت مهموس: هل فعلا تتمنين الموت يا ايمان..
ايمان بضحكه ساخره: تتكلمين وكان عندج طريقه ارتاح فيها بهدوء.ز
سلين دخلت يدها في جيبها و مدت لها علبه دواء: دواء بسيط راح يريحك بهدوء..
ايمان توسعت عيونها بصدمه: سم؟؟
سلين بضحك: هههه اكيــد... دواء طورته شركتنا الخاصه.. يغير في تركيبه الدم بعد ما تاكلينه بساعه راح يسبب ازمه قلبيه بيسطه وراح ترتاحين..و تطمني محد راح يعرف باللي صار ..بما ان نتايجه ما تظهر في الفحوصات..
ايمان ظلت مصدومه وهي تتامله: مستحيل..
سلين: فكري عدل يا سيدتي.. ان متي راح ترتاحين.. موتك راح يغير اشياء كثيره و يريح ناس اكثر..جسار ماراح يضطر يتزوج فاطمه.. فواز راح يعيش حياته و يتزوج براحه.. ديما راح تظل زوجه لنواف و تولد الطفل و يتربى بينهم.. وفوق هذاااآآ كله محد راح يتضرر من عائلتك بسبب الوصيه اللي فرضها ابوك عليهم..فكري زين.. الموت اهون بكثير من انك تكونين جاريه رخييييصه تحت رجلين نواف...
ايمان انظرت للدواء و بعدها لسلين: واذا ثار نواف..و آذااهم..
سلين: ان رفضتي تروحين له راح يأذيهم اكثر..
ايمان اخذت العلبه و بدت تتامله: بس هذا حرام..
سلين امشت لعند الباب وعطتها نظره ساخره: يعني اللي بيجبرك عليه نواف ماهو حرام.. عموما هذااا الدواء ما راح يتعبك نهائيا بما انه جرب على نوف وجاب نتيجه ممتازه..
ايمان توسعت عيونها بعد اخر كلمه لها و انفجرت بكي: لااااااااااا لااااا...
-
-
-
يوم الملكه اخيرا وصل فاطمه كانت تقريبا الشخص الوحيد المتحمس لليوم كانت لابسه فستانها اللي استقرت عليه بعد رحله طويله من تغير الملابس اللي ارسلت لها من كبار تجار الملابس و مصمميها و بعد ما غيرت مكياجها و تسريحتها اكثر من اربع مرات لدرجه ان الكوافيره صابها الملل و الانزعاج من دلع فاطمه الكبيـر في النهايه و بعد عناء طويل استقرت على فستان احمر مايل للفوشي قصير للركبه يكون كوكتيل من فوق و ضيق بس من جهه الصدر و بعدها يصير منفوش ، كان الصدر كله مشغول بكريستال احمر ناري معطي الفستان شكل رهيب طبعا لبست عليه جزمه ربط عاليه احمر على فوشي و سرحت شعرها اللي صبغته كستانئي بشكل مموج ترفع نصفه لفوق بيحيث يكون جزء منه مرفوق مثل الكبه وبعدها ينزل مدرج على شكل ويفي و مكياجها كان عربي شرقي الكحل الاسود و احمر الشفايف الاحمر..
فاطمه التفتت لعواطف اللي كانت معها و اللي انزعجت منها كثير و لاحظت انزعاج الكوافيره بعد: ايش رايك يا عواطف حلو ولا اغيره؟؟
الكوافيره تافف بصوت منخفض، عواطف حست فيها و هزت راسها بالنفي: تجننين و انا متاكده جسار راح ينهبل عليك...
فاطمه بغرور: اتمنى هذااااا ياا عواطف.
عواطف بنظره استغراب: تحبينه يا فاطمه..؟
فاطمه التفتت لها و بشيء من الحياء اللي عمرها عواطف ما شافته عليها جاوبت: اي.... في البدايه كان الموضوع عناد بس بعد ما كلمته و صرنا نجلس مع بعض و نسولف تغيرت مشاعري اتجااهه كثير و هو بعد .. ما عدت اقدر اتحمل بعده ولا فكرت اني اكون زوجه لشخص ثاني غيره..
عواطف: يعني نسيتي فارس..
فاطمه نزلت راسها: فارس كان مجرد حب مراهقه مات في اليوم اللي خطب فيه هند الجيكره... الا على فكره هم ما جوا؟
عواطف هزت راسها بالنفي: لا
فاطمه: يكووون احسن...... ودي اوري شكلي لنواف قبل لا اروح للصاله اخاف محتاجه تغيير ولا شيء..
الكوافيره رجعت تاففت من جديد..
-
-
من جهة ثانيه وفي الجناح اللي حجزه نواف له بروحه...
نواف بصوت كله مشاعر وهو يكلم ايمان : اموت و اشوفك الحين
ايمان كانت جالسه على سريرها بعد ما لبست كل شييء اختاره لها نواف: وكانك ما تعرف شكل الاشياء اللي اخترتها لي.
نواف ضحك على تعليقها: هههههههه اني اختارهم وهم مفرقين شيء.. وانك تلبسينهم كلهم شيء ثانيا خصوصا لما تلبسهم وحده مثلك ياا قلبي..
ايمان كانت مشمئزه منه وودها تسكر الخط بس ما كان عندها حل: كلها ساعه و بتشوفني في الحفله..
نواف بخبث: قصدك كلها ثلاث ساعات و تكونين عندي في جناحي...
ايمان بلعت ريقها: نواف ما في مجال..
نواف بغرور: ابداااااآآ ولا تفكرين انك ما تجين او تروحين لغرفه احد ثاني يااا ايمان... الساعه 10 تنتهي الحفله.. ان صارت الساعه 11 و ما جيتي لجناحي راح انزل لك.. وطبعا انا ما حطيتك في جناح خاص مع سلين الا لهذا الغرض... وحتى تراقبك عن قرب... وحتى لو تروحين لجناح محمد و فواز..راح ادخل و اخذك بالقوه و مافي احد راح يمنعني لانهم ان فكروا بهذا الشيء... المسدس اللي مع حارس راح يقوم بدوره..
ايمان: اللي تشوفه..
نواف: عفيه على البنت الشاطره ... انتظرك بعد شوي
ايمان بالم: اوكي...
نواف ابتسم بجنون و هو يحس ان النصر اخيرا قرب منه...
سلين دخلت على ايمان وشافتها وهي تسكر الخط من نواف: ماهو قرارك؟
ايمان رفعت عيونها باسي: وتتصورين ان بيكون لي خيار غيره..
سلين: خذي راحتك... انا سابقى في المطعم في الاسفل حتى تنتهي..و بعدها ساعود لاخبرهم بما حدث
ايمان ضحكت بسخريه وهي تسمع تخطيطها و اخذت مبخر و بخور و طلعت من عندها و راحت لجناح اخوانها.. سلين كانت مبتسمه وهي تشوف ايمان وهي تبتعد
وتقول في نفسها: حجر عثر و انزاح عن طريقي و التاليه هي ديما..
-