أين أجده !!!!!!!!!!!!!!!!!!!!!!!!!

[مالك الحزين]

عندما تريد أن تجد صاحب صديق صدوق يتحملك في وقت ضيقك يسعد لسعادتك ويحزن لحزنك تثق به ويثق بك تأمنه على سرك ولا يفضحك مهما كانت أفعالك خيرة او شريرة يمشي معك إلى آخر العمر دون أن يبيعك وعندما تبحث عنه بين كل من حولك كل من عرفتهم أو ستتعرف عليهم لا تجد ذلك الصديق إبداً كل من حولك لا يتعرف إليك الإ لمصلحة خاصة به وحينما تنتهي يبعك بأبخس الأثمان ولا يأبه لأمرك غير مراعي لكرامتك فلماذا وأين أجد ذلك الصديق الحق

[مـ ـ ـ ـ ـازن]

بسم الله الرحمن الرحيم


جزاك الله خير مالك الحزين على هذا الموضوع ... وجعله في ميزان حسناتك ...


مالك الحزين ...
قد يكون هناك قلة في يحمل معنى الصداقة ... لكن هناك اصدقاء ... فالدنيا لم تنتهي بعد ...

ووفقك الله لما يحبه ويرضاه ...

و تقبلوا تحياتي

[الــعــاقــل]

اخي مالك الحزين .. مرحبا بك صديق لي ... اخي كلنا نعاني من هذه الكارثه وصدقني ياخي انني لا استطيع ان اجد لك حلاً ولكن هنا اتسآئل؟ هل كلنا وفيون ..؟ هل كلنا خدعنا ؟ انا لا اعلم عن القلوب وما تحمل من مشاعر .. فلا استطيع الا ان اقول بالفم المليان ( عني شخصياً ) لم يسبق لي ان خذلت صديقي ابداً والدليل على هذا اني سهل الافتراس للصداقة ( المصلحجية ) .. وفعلاً هذا هو انا من الاسباب التي تجعلني لا اميز صاحب المصلحة من الوفي .. فما بالك بصداقة روحية مخلصة ( تسع سنوات ) لم يتيح لي الزمن من ان احتاج ذلك الصاحب رغم انني ولله الحمد والمنه لا يستطيع نكر جمايل جمة مني ولانني اعامل ذلك الصديق بإخلاص لم يطراء على ان اقدم له العون والاستماع له لما يعاني و..والخ بمقابل طيلة التسع سنوات فلما اراد الله ان يضع حداً لذلك ..او ان يكشف الامور ( رب ضارةٍ نافعه ) مررت بازمة مالية حالي حال البشر .. اتصلت به ..((اخي ابي تشوفلي اربع الاف ريال عشان اكمل مبلغ .... لاني قدرت احصل 27,000وناقصني اربعة تقدر ..)) على طول ولا تعذر ولا قال احاول ولا قال يمكن ولا قال ادبرلك ريال(1)وش قال لا والله ما اقدر !! رغم اني بس اللي اذكره60,000 ستين الف اني دفعت له دم قلبي واقلها سيارة تحملت التسديد عنه بثمان وثلاتين الف وغير 500 وغير 400 وغير 800و...و... قلت ولا ثلاث الاف ؟ قال لا والله ! المهم طاف اسبوع ..الرجال ما اتصل ..ولا خبر .. كلمته ..(وينك يافلان ...) والله ابد بالدنيا.. فات ثلاث اسابيع مادق ولا اتصل ولا مره من يوم جيته محتاج.. اتصلت عليه وين مغيب ..قال ابد والله بالدنيا. وبعدين سالني وش سويت بموضوعك اللي ... قلت وين انتهى ليش عسى لقيت لي فلوس .. لا والله بس اسأل .. قلت يااااااااحسافة من ساعة وحدة قضيتها معك علشان انها اول مرة احتاج وطلبتك مساعدتي ما ابي حقي لا ابي من باب المساعدة تقابلني بهذا الاسلوب خسارة ...وابي اقولك شي ..انك تغيرت في نظرتي وترا مانت خويي الاول واذا كان على شان الفلوس ( والله ..والله اني ماعاد اطلب منك شيء) وتأكد اني ماراح اطلبهن منك ابد مو معنات هذا اني مسامحك لا .. اذا صار معك شيء هاته ..وبركه ماراح يوم اضيق عليك فيهن لو اكل من التراب .. ولا تنسى اني غيرت نظرتي فيك مانت الاول.. قال لا تفهمني غلط...وقاطعته الكلام وقلت( ماني بحاجةان افهم احد من اليوم وطالع) قال زعلت .. قلت اكيد اني زعلت وماراح يمر علي اسعد من هذى اللحظة قال ليش ؟ قلت لاني قبل اعمل مليون الف حساب لك ولروحتك ولجيتك وللاستماع لك وشايل هم ياكبره من هم من اجل عيونك والحين مافيه كل هالالتزامات ..؟ ================================== هذا ماحصل ... والمسألة ياجماعة الخير لو على الفلوس هانت .. بالرغم انه من يوم ماطلبته الى هذه الساعه ما اتصل .. انا مااااااااااابيه بس تقول انه استانس على كل حال ..ما ادري ما اقول الا الله يسامحة ويهديه ..الله يسامحه ويهديه ...الله يسامحه ويهديه من قلب صادق .. الى متى ياجماعه واحنا ننظام من الاخوياء ..الى متى انا ادري ان الكثير راح ينقد على كتابتي هذى .. بس ترى انا حافظ كل خصوصياته ومحترمها لين اموت وبالنسبه للقصة هذي من خصوصياتي انا اكثر منه ولا ذكرت الاسم ولا يفيد .. والله انه فعلاً زمن .. كخ ... كخ هذه القصة ياجماعة واقعية ..واقعيه انا بطلها الحمدلله ولا كأنه صار لي صديق .. ويالله انتظر من اجد فيه غير ماوجدت في الكثير وهذه الدنيا يقضي العمر ( تجارب × تجارب ) ادري اني اطلت ....ولكن شيْ بداخلي كنت لا احتار الى من (افضفضه) ... تقبلو خاااااااالص تحياتي ..........والسلام اخوك في الله/ الــعــاقــل

[الدمعه الحائره]

دور عليه يمكن تجده جنبك ؟؟؟؟؟
بعيد منك؟؟؟؟؟؟؟؟؟؟

[شووق]

السلام عليكم ورحمة الله وبركاته

تحيه عطره معطره بالفل والياسمين لك اخي العزيز مالك الحزين

ان شاء الله تجد هذا الصديق الصدوق

بارك الله فيك على هذه السطور وجزاك خير الجزاء

دمت بحفظ الله ورعايته

اختك بالله

شووق