برمودا تحت العباه والسيقان طالعة ...خوش والله

[&& أميرالحب &&]

في السابق كنا نشوف ظواهر تنتشر في المجتمع ونستنكرها او ماتدخل عقولنا
لتعارضها سواء للدين الأسلامي او لعادات اجدادنا وتقاليدهم ..


كانت البنت لين البست عباه مطرزه مزحرفه ملونه قلنا عنها صايعه ومش متربيه .. او ماوراها اهل ورجاجيل ..
لان المألوف كان اللون الأسود والساتر للفتاه والي ابعد مايكون عن الفتنه وجذب الانتباه ..

اليوم .. صار الشي عادي .. او نقدر نقول تعودنا نشوفه يمكن لانتشاره بين اغلب الفتيات
او يمكن لظهور ظواهر اخرى مثل .. العبايات المخصره والي من ظهورها وحتى الان والحديت عنها لاينتهي ..

عموما .. انا ماودي اتطرق واتكلم في امور قديمه ياما تكلمنا عنها ..



لكن الظاهره الي انتشرت في الفتره الاخيره تتطلب منا التكلم عنها ومناقشتها ..

وهي ظاهره البرمودا القصير تحت العباه .. وياريت تكون العباه مسكره ..

الا مفتوحه وتظهر السيقان وفرجه للكل ..

يعني ودي اعرف شهدف الفتاه لما تلبس برمودا والسيقان طالعه ووتشمى في المجمع وبكل ثقه ؟؟

والي يبط الجبد لو طالعتها بنظره استغراب قامت تطالعك بنظره احتقار وكأنك غلطت عليها بالنظره

ونست ان اهي صاحبت هالتصرف واهي الي حطت روحها في هالموقف ..

والمشكله بعد لين تعرض لها احد الشباب قامت تسبه انت قلله ادب ومش متربي وووو .... الخ ..

طيب اذا اهو قليل ادب انتي شتطلعين ؟؟ انتي ماحترمتي نفسج ولا حشمتي الموجودين بالمكان

ليش تتوقعين من الشباب يحترمونج او يعملولج حساب ؟؟ ودايما نقول : من سوا روحه سبوس العبت به الدياي .


والشي الثاني الي استغرب منه .. ان شلون هالبنات يطلعون من بيوتهم بهالشكل ؟؟

الاهل وينهم ؟؟ مايشوفون بناتهم ؟ مايشوفون شلابسين ؟؟

اوكي خل الاهل على صوب ؟؟ البنات شلون يرضون على نفسهم ؟؟ نسوا العادات والتقاليد ؟
نسوا انه عيب ؟؟ وين الوازع الديني ؟ وين الخوف من الله ؟

كل هالاشيا صارت عاديه بالنسبه لهم ؟؟؟

عموما ماراح اطول عليكم .. بس بغيت نتناقش في هالمووضع واعرف رايكم فيه ..

وياريت اتجاوبوني على هالاسئله .. وكله في النهايه لتعم الفائده على الجميع ..

1_ هل صادف وان شفت هالظاهره امامك ؟ و أين ؟؟
2_ شرايكم بهالنوع من الفتيات ؟
3_ برأيكم شالهدف الذي يجعل الفتيات يطلعون بهالشكل ؟؟
واخيرا .. هل في كلمه تحب توجها لهالفتيات ؟ نصيحه او حتى نقد ؟؟


واسمحولي اذا طولت عليكم ..

بانتظار مشاركاتكم وارائكم بالموضوع

[(الريم)]

_ هل صادف وان شفت هالظاهره امامك ؟ و أين ؟؟
في الكورنيش ومجمع الراشد >> هذا المجمع حدث ولا حرج
لا والحين الاجازة تلقى نص شباب الرياض فيه يجون خصيصا من الرياض عشان هالمجمع
ويصير فيه زحمة تقول ولا زحمة الحرم استغفر الله..
ما اقول الا الله يعيني انتظر الاجازة تخلص وبعدين افكر بالسوق
2_ شرايكم بهالنوع من الفتيات ؟
قليلات ادب الله يهديهم بس
برأيكم شالهدف الذي يجعل الفتيات يطلعون بهالشكل ؟؟
تبي لفت الأنظار تبي تشوف نظرات الاعجاب من الشباب
واخيرا .. هل في كلمه تحب توجها لهالفتيات ؟ نصيحه او حتى نقد ؟؟
أغلب هالفتيات يستمتعون اذا غازلهم الشباب لكن اذا لمسهم قامت الوحده تصرخ وتسب عشان
يعنني اخلاق وادب قدام الناس..
لكن اقولهم الأخلاق بالستر مو بالصراخ .

تحياتي لك

[Madcap]

اخالفك الرأي يالريم ؟

لاتعمون على طول حكمتوا عليهم وقلتوا قليلات ادب ؟؟؟؟

[~يسـرا~]

هلا أخوي ..

أنا من هالنوع وألبس كذا ولااشوف فيها شي .. من ناحية دينية انا مارحت وقلت ياناس شوفوا رجولي ولااني محاسبة ع نظرات ضعاف القلوب .. أما العادات ولى زمنها ولااعترف فيها ..

وترا اخوي الموضوع حرية شخصية يعني وش ماكنت لابس شي راجع لك لكن هذا هم العرب وخاصه السعوددين لازم يطالعون بعض ويتقصون اوضاع الأخرين حتى بالاشارات ... يعني نفسي اكون شي مره بمكان عام واشوف كلن بحاله ولاعلى حدا من حدا ...

والأعمال بالنيات ... يعني ممكن يكون مظهري وطريقة لبسي بالنسبة للمجتمع مب زينه ومخالفه لعاداتهم الغبية ..
بالمقابل في وحده ثانيه لابسه العبايه ومغطيتها و مخربتها لحد النخاع ...

وممكن الفتاه الي تنتمي للنوع الاول قائمة بفرائضها تخاف ربها وتصلي وتصوم علما ان الحجاب مو من ضمن الأركان الخمسه يعني الغير محجبات قد يكونوا مسلمات...

يعني تعود ماتحكم بالمظهر مع ان الناس مالهم الا الظاهر ..

بس اوافق اخوي الي يقول لاتعمممممممممم..


وعشان أجاوبك ع سؤالك الي محيرك انو وش هدف هالبنات ؟؟

أنا بالنسبه لألي مااهتم لنظرة الرجال أبدا .. ولا التفت لهم ولا أدري أصلن اذافيه كائنات حية بالمكان الي انا فيه .. يعني في حالي لااطالع حدا ولا حدا يطالعني ...

ألبس الي يريحني جينز سوا برمودا او عادي او حتى شورت اهم شي عملي ويخليني اخذ رااااحتي ...

معذرة على جراءة الرد وصراحته بس انا انسانه جريئه واحب اظهر بعالم النت كما أنا ..

ليش التمثيل والمخادعة ؟؟


اشكرك وياريت ماكون ازعجتك بمشاركتي

...

[عـــــبـــــودي]

مشكور على هالطرح ...
من ناحيتي انا اتفق مع الريم ..
الريم مو عندكم بالشرقية س حنا عندنا شي يوجع الوجة عند المجمعات الفخمة امثال المملكة
والفيصلية ومجمع حياة مول <وهذا المجمع الله لايبلانا حدث ولاحرج
ومن ناحية هالبس امس عند هطول الامطار على منطقة الرياض طلعنا الى احد
المنتزهات البرية المعروفة عندنا بالرياض ولقينا 6بنات على دبابات كاشفات الوجة
وعبايات مخصرة وبرمودا والجسم كله باين الله لايبلانا ولاراحوا بعيد عن الخط
انا كنت واقف واناظر ابعدوا شوي مالقوا شباب قربوا يم الخط وصاروا يستعرضون
للفت النظر الشباب مالهم الا الظاهر وشوفي الكلام اللي جاهم لانهم ماحترموا
من هم جوهم الشباب وعلموهن من يكونن باالكلام الاباحي .. وهن صارن بريئات
بالبكاء وكانهن لم يبحثن عن الشباب مع العلم لم يكن ولا شاب موجود بس هن
الللي جابوهم ..
لاكن هذا زمن الفتن اعاذنا الله واياكم منها ..
وبعدين أخت يسرا انتي في بلد اسلامي متربية على الاسلام
ومن أمة اسلامية كيف ترين بأن هذا الشي عادي..!؟
الدعوة ماهي تحدي بلبس واتحدى ابن امة ..!!
وربي هالشباب قاددرين على كل شي والظاهر انك
تقرين عن الخطف والاغتصابات وبعدين الحضارة اللي تقولين ماهي كذا...!!
بلبس غير محتشم والظهور امام الناس الحضارة في العلم ورفع الدين مو تقليد الغير..
بصراحة يعني احنا بهالشكل نحاول نقلد اللي براء بشكل عام اما اوروبا او الدول العربية
بلبسهم الغير محتشم لاكن انا بسأل ليش هم مايقلدونا..!!
ليش حنا بس اللي نقلد ونستورد ونسوي شي ماهو لنا ولاخلقنا له؟؟
فكروا فيها ترى انتم مستهدفات يابنات السعودية بشكل خاص
لان الاسلام حفظ اعراضكن اما الدينات الاخرى فالمراة مهانة وللمتعة فقط لاغير
لايغركم مايبثة الفضاء من حرية ..!! انتي لو تطعين برى وتسالين
هل هم راضين بهالحال وانهن ماخذات حقوقهم بتلقين الاجابة لا..!!؟
قبل مااختم اللي تقولين عنها انها زبالة والله انا وغيري من الشباب لها
من كل قلوبنا كل الاحترام والتقدير فهي رفعت نفسها وابعدت الكلام عنها
بلبسها للزبالة على قولك وعلى قولي انا انها غلاف لها وحماية من القاذورات
فهي حلوة ولاكن مغلفة ليست معروضة للغير...
الكلام يطول لاكن مانقول الله يستر علينا وعلى اهالينا ومن بغى غير درب
السنة بكيفة بس لايتندم بعدين ...
تقبل مروري
عـــــــــــبــــــــــودي

[ROPY]

يعطيكـ العافيه




رووبـــــي

[تميمـ]

الاستاذ الزرد

اشكرك على هذا الموضوع الرائع
الذي يتكلم عن قضيه هي من قضايا الساعه
والتي اصبحت فتنه من فتن هذا الزمان
ونظرتي عن كل فتاة ارتدت هذا البلاء انها نزعة الحياء
اللهم لاشماته .

[&& أميرالحب &&]

تحياتي لتواجدكم الاكثر من رائع

والله يصلح الجميع

تقبلوا مني اجمل تحايا الكون

الزرد

[AbdAlMajeeD]

لي عووووودهـ للموضوع


لكم مني ارق التحايا

[AbdAlMajeeD]

مشكور أخوي أمير الحب على الموضوع الأكثر من رائع

من ناحيت اجاباتي وهي كالتالي :

1_ هل صادف وان شفت هالظاهره امامك ؟ و أين ؟؟
نعم شفتها كثير - الأسواق والشوارع ...... عدد ولاحرج

2_ شرايكم بهالنوع من الفتيات ؟
أكيد ما أعتقد أن اللي يبي يلبسها ما يبغى يفتن الناس وخاصه الشباب إلا بالعكس من أعظم الفتن الموجودهـ (( والبنت اللي تلبس زي كذا عندها ضعف في شخصيتها على بالها تكمله باللبس اللي من هالقبيل ))

3_ برأيكم شالهدف الذي يجعل الفتيات يطلعون بهالشكل ؟؟
ضعف الوازع الديني والشخصية عند البنت أما جمال أو غيرهـ هي في بالها ناقص عندها...


واخيرا .. هل في كلمه تحب توجها لهالفتيات ؟ نصيحه او حتى نقد ؟؟

الخووف من الله تعالى




[align=left]همسه
كلنا خطائون وخير الخطائون التوابون[/CENTER]