بسم الله الرحمن الرحيم
اليوم اخر ايام هذا الموضوعواللي بحكي فيه عن اخر محاور مشكلة الزواج واللي هو (الطلاق) ومثل العادة راح احكي فيه بوجهة نظري الخاصة وبدون تعميم واللي قرأ الموضوعين اللي راحوا بيفهم وش اقصد وزي العادة باب طرح وجهات النظر مفتوح على مصراعيه بنفس الشروط اللي قبل
1- حيادية
2- تاخذوني بحلمكم شوي : )
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,
,,,,,,,,دمــــــــ 3 ـــــــوع,,,,,,,,,
3_ الــــطــــــــــلاق
كثير ما نسمع بهالكلمة اليوم وكثير ما نسمع فلانه تطلقت او فلان طلق فلانه او احيان بعض الناس يحاولون يلطفون الكلمه ويقولون فلان وفلانه انفصلوا مع اننا اول والكلام هذا للكبار في السن الشيبان اللي اعمارهم فوق 25 سنه : ) كنا اول قليييل مررره ما نسمع بهالكلمة نسبتاً للحين ,,,,,,,,,,,,,,,,,,
يعني اول كنا قليل ما نسمع فلان طلق فلانه او فلانه تطلقت لكن الحين,,,,,,,,,,,,,,,,,,
الأيام هذي صرنا نسمع واغلب الناس تعرف بعد ان المحاكم حالات الطلاق يوميا ضعف حالات الزواج ويمكن بعد اضعاف مو ضعف واحد غير القضايا المعلقه لنفس الموضوع,,,,,,,,
السؤال اللي يطرح نفسه لـــــــــــــيــــــــــــــــه؟
ليه كل حالات الطلاق هذي؟
هل ما عاد الزواج له قيمه؟
هل ما عاد صرنا محتاجين للحياة الزوجية ؟
زي العادة انا بقول لكم من وجهة نظري ليه,,,,,,,,,,,,,,,,,,,,,,,,,
لكن قبل ما اقول لكم ليه انا بحكي عن الطلاق نفسه ,,,,,,,,,,,,,,
الطلاق فعل حلال شرعا وما فيه اختلاف لقول رب العالمين سبحانه
( إن أبغض الحلال عند الله الطلاق)
نعم هو بغيض لكنه حلال بس مو معنى كذا ان الإنسان متى ما مسكت معه يطلق لأنه حلال طلق لأ !!
الشرع فرض للفعل المباح هذا ضوابط اذا وجدت كان الطلاق مشروع وافضل من الإبقاء على الزواج والدليل على هذا إن النبي صلى الله علية وسلم طلق واحده من زوجاتة,,,,
لكن للأسف اليوم الناس صارت تفهمه بطريقه غلط وتطلق عمّال على بطّال ,,,,,,,,,,,,,,
طبعا من اسباب الطلاق سوء الأخلاق وأنا لما اقول سوء الأخلاق ما اقصد مثلاً العصبيه عند الرجل او طول لسان المرأه لأ !!! هذي خصال سيئه يقدر الواحد يتعايش معها اذا كبّر عقله ,,,,,,,,,,,,,,,,
لكن سوء الأخلاق اقصد فيه مثلاً رجل سكّير نكّير او يتعاطى مخدرات والعياذ بالله فهذا شي بصراحه انا ما ألوم المرأه لو طلبت الطلاق لأن هذا شي كلكم عارفين مساوئه عليها كزوجه او على اطفالها لو كان عندها اطفال او حتى على المجتمع,,,,,,,,,,,,,,,,
لكن ألوم المرأه اللي ما تحاول انها توقف جنب زوجها المخطي بمعنى لو مثلاً انسانه ربي ابتلى زوجها وبدأ يعاقر الخمور او يتعاطى مخدرات لازم انها توقف معه وتساعده على انه يبعد عن هالأشياء ويتركها وبكل وسيلة متاحة لها وبكل ما تملك من حيل وقوة وتوقف معه كثر ما تقدر ليييييييييين ما ينقطع الأمل من إصلاحه وخصوصا اذا بدأ ضرره ما يكون على نفسه وبس لكن صار ضرره عليها وعلى اولادها سواء من ضرب او عنف بشتى أنواعه او , او , او اشياء يسوونها بصراحه احس إني ما اقدر اكتبها هنا واتوقع انتوا فاهمينها من دون ما اكتبها
وقتها اشوف ان لها كامل الحق بالطلاق والبعد عن شخص مثل هذا والله يلوم اللي يلومها ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,
اما بالنسبة لسوء الأخلاق خلونا ما نقول الأخلاق لأ بنقول سوء الطبايع يعني من عصبية زوج إلى طول لسان المرأه إلى قلة ذرابتها إلى تحجر عقلية الرجل ........ إلخ هذي والله انا أشوفها اموور إذا الواحد كبر عقله فيها والله يقدر يتعايش معها لا وبعد يقدر يغيرها في الشخص الثاني وكان لنا في حديث الرسول صلى الله عليه وسلم فيما معناه
( إن كرهت من الزوجه خلق أحببت منها آخر )
اجمل واعمق توجية بخصوص هالمسأله ,,,,,,,,,,,,,,,,,,,,,,,,,,
من اهم اسباب الطلاق بنظري غياب العاطفة بمعنى اننا احنا هنا في مجتمعنا السعودي وللأسف عندنا بعض العادات والتقاليد اللي لازم نغيرها بأي طريقه ومن هالعادات والتقاليد مثلا ( البنت لولد عمها ) غير كذا ( فلانه متكلم عنها فلان ) او يجون اهل الولد لولدهم وبدون سابق انذار سواء ابوه او امه يا فلان ترانا خطبنالك بنت فلان والمساكين ينشبون فبعض لا هو يعرفها ولا هي تعرفه ويمكن ما يستلطفون بعض ابد لكن حرص منهم على ارضاء آبائهم او إرضاء العادات والتقاليد المتخلفه المريضه يوافقون ,,,,,,,,,,,,,,,,,,
بس إذا وافقوا وش تكون النهاية ؟؟؟؟؟؟؟؟؟؟؟؟؟؟
غالبا ما تكون طلاق
أنا ما اقول لازم الولد يعرف البنت قبل الزواج وعلاقه وغزل وقلة حيا لا والله لكن انا اقصد انهم ياخذون رأي اصحاب الشأن قبل الزواج يعني الولد يشوف البنت تعجبه ما تعجبة هي تشوفه يعجبها ما يعجبها ,,,,,,,,
غير كذا فترة خطوبة مناسبة وانا من المؤيدين لفترة الخطوبة والمؤيدين لوجود المكالمات بين البنت وخطيبها ( الخطيب الرسمي مو الخطيب العرفي (: وافهم يا فهيم ) لأن اذا الولد والبنت حكوا مع بعض وهم على البر بيبان لهم اشياء كثير سواء يتعرّفون على مستوى توافقهم الفكري ومستوى توافقهم العاطفي لأن يمكن فيه اثنين مخطوبين عاجبين بعض كشكل لكن لما يحكون مع بعض يلاقون ان بينهم اختلاف كثير ويمكن يكون فيه تنافر وعدم إستلطاف فيكون البعد من هالمرحله خير وبركة وهم لسا على البر مو لين طاح الفاس بالراس,,,,,,,,,,,,,,,
ومن اهم أسباب الطلاق النظر لما عند الغير ويسمحون لي النساء بس اكثر ما يكون هالشي من النساء بحكم أن الرجل هو اللي يعول المرأه وهالأيام للأسف الزوجه تناظر الناس اللي من حولها فإذا لقت فلانه من الناس ربي انعم عليها بزوج ميسور الحال ومدلع زوجتة ما أدر هل هي غيرة او طبع او عقدة نقص لكن تلاقي الزوجه في هالحالات تبدأ تضغط على زوجها أبي كذا وكذا مثل فلانه بس اطبعا اكيد ما تصرح بإنه مثل فلانه لكن تطلب مثل اللي عند غيرها وعلى سبيل المثال ( السفر ) وكلكم عارفين السفر وبلاويه فلانه تشوف صديقتها مسافره راسها وألف سيف إلا وتسافر مثلها ( مثل ما شفتوا في مسلسل صياحه صياحه) وما تهتم زوجها قادر يوفر لها أو لأ ,,,,,,,,,,,,,,,,,,,,,,,
فإذا الزوج ما وفّر لها هالشي تلاقي الزوجه عايشه مهمومه وتحس بالنقص وتحس ان زوجها مو هو الشخص المناسب ويبتدي إبليس بتعبئة راسها من هالأفكار وشي على شي وتطلب الطلاق ,,,,,,,,,,,,,
وطبعا هذا الشي يكثر عند صغار السن ويقل تدريجيا مع العمر يعني كل ما تكبر البنت وتتعدى مراحل معينه من حياتها كل ما يقل تفكيرها بهالطريقه ,,,,,,,,,,,,,,,,,,
وقس على ذلك اشياء كثير من نفس المنطلق من عدم قناعه والنظر لما عند الغير,,,,,,,,,,
من اسباب الطلاق المهمه بعد قلت الصبر من الزوجين يعني لا عاد الرجال يصبر على زوجته ولا المرأه تصبر على زوجها بمعنى من مشكله مشكلتين قالت ( طلقني ) وهو قال ( في اللعنه بقريح ) وطلقها لا هي استحملت زوجها ولا هو تأنّا بقراره وهذي الحالات للأسف كثيره واسبابها مختلفه ومتنوعه ما اقدر احصرها في موضوع واحد لكن كلهم ينسون ان الحياة الزوجية ملحها مشاكلها ومو من اتفه المشاكل يكون الطلاق,,,,,,,,,,,,,,,,,,,,,,,,
ونصيحة شخصية للشباب ترى اذا طلقتوا في لحظة غضب ولا بإستعجال لا تنسون انكم لا جيتوا بترجعون البنت إن فيه شي اسمه ( رضاوة ) وانتوا عارفين وش معنى رضاوة وكم ممكن تكلف وأنا متأكد ان الرجال لو تذكر الرضاوة والله ما طلق : )
ولا تزعلون علي يالبنات اني خربت عليكم بس وش اسوي انحزت لبني جنسي شوي : )
وآخر اسباب الطلاق من وجهة نظر واهمها على الإطلاق البعد عن تعاليم الدين الإسلامي في بيوتنا هالأيام في امور كثييييييييييره لا تعد ولا تحصى تخلي اكثر الأشياء اللي يسوونها الأزواج في بيوتهم غلط وما بني على باطل فهو باطل وهذا السبب من الأسباب اللي ما تحتاج مني شرح بالعكس تحتاج مننا بس أخذ احد العلاقات الزوجية ووضع المجهر الشرعي عليها ونشوف عدد الميكروبات الموجوده فيها ,,,,,,,,,,,,,,,,,,,,
انا ادري كل منكم له وجهة نظر مختلفه معي وعنده اسباب غير اللي ذكرتها لكن انا حاولت اذكر ابرز الأشياء اللي اشوفها لكن انا متأكد انكم بتتفقون معي باللي بقوله الحين
يا أزواج اتقوا الله في انفسكم وفي ازواجكم ولا تتساهلون في موضوع الطلاق والإنفصال ترى والله العظيم انه مضر مو بس على المرأه حتى الرجل والله الطلاق يأثر عليه سلبا وبشكل كبير وتذكروا دايم إن الصبر هو مفتاح الفرج وان حياة الأزواج هي والله احلى حياة بكل ما فيها من مشاكل و منغصات
اعذروني على الإطاله والقصور وركاكة المواضيع واتمنى اني اكون قدرت اني اسلط الضوء على المشكلة بشكل جيد
بكذا اكون انهيت موضوع ,,,,,,, دمـــــــــــــوع ,,,,,,,,,,,
لكم مني اطيب تحية وتقبلوا فائق احترامي وتحياتي
إنـــــــــــــــــســــــــــــــــــــان
العرض العادي
