كتبت الشعر بوجودك وبغيابك نويت انساه
------- وش يفيد الشعر دامك بعيده عن معاناتي
ذبحني الحزن بعدك وانا بين الألم والآه
------- اعانق حسرتي وحدي ووسط العين دمعاتي
تمنيت الزمن يوقف على حد الوله والقاه
------- خيالك قبل ماتمشي لدرب الموت خطواتي
انا اللي كنت في حبك احب الحب واتمناه
------- لقيت الكون بعيونك رسمتك بين لحظاتي
تصورت الأمل قربك رسم حرف الوله بشفاه
------- تصورتك مثل روحي بروحي واقرب لذاتي
على هامش خيالات الهوى شلت العذاب احياه
------- رضيت اتحمل عنادك وفيك تزيد مأساتي
خذني الوقت بفراقك تعبت امشي على مرساه
------- اعيش بواقع الآمي واشوفك بين حسراتي
ولكن رغم نسيانك ذكرت في ذكراه
------- نسيت انك نسيتيني نسيتني معظم ابياتي