حسدت طفل ما بكى مر الايام=ينام في حضن امه اليل كله
وحسدت طير في سما دنيته هام=لاضاق ناظر في جناحه وفله
وحسدت شيخ لضملت ليلته قام=يستغفر الله من دنس كل زله
مازلت في رجواه لو كان بالشام=ولازلت في حبه على اي مله
جمرة جفاه وصده اليوم وهيام= حطًت بوسط القلب عله .. وعله
يامحمد بن جبيل يالليث ضرغام= تكفى طلبتك روح يمه وقله
قله ترى صاحبك سهران مانام=مازال في رجواك هذا محله
وش بقى ما علمتنا الليالي وش بقـا
كل يوم درس باسلوب ولسان فصيـح
ياهل المعروف كل شقى باللـي لقـا
والحظيظ اللي من الهم قلبه مستريـح
بين لحظات المفارق ولحظـات اللقـا
تتضح لك صورة الود بالمعنى الصريح
العرض العادي
