حاصل على شهاده دبلوم تجاري من كلية الدراسات التجاريه
عضو ديوانية شعراء النبط الكويتيه بدرجة شاعر ممتاز
موظف في وزارة الشؤون الاجتماعيه والعمل
كانت بدايته الاولى في الظهور عبر وسائل الاعلام من خلال البرنامج التلفزيوني ( ديوانية شعراء النبط ) وذلك في اواخر عام 1996 للميلاد . والبدايه الفعليه بالصحافه من خلال مجلة المختلف في احتفالية العدد المؤوي وكان في نوفمبر 1999 للميلاد .
اطلقت عليه العديد من الالقاب من خلال الصحافه الشعبيه الخليجيه ومن اهم هذه الالقاب ( قنبلة الشعر ، شاعر المختلف ، شاعر الشباب ، شاعر المطولات ، شاعر الخناجر )
اقام العديد من الامسيات بالكويت ومن اهمها
][ امسية هلا فبراير بتاريخ 5 فبراير 2001 ][ بمشاركة كل من الشاعرين : ضيدان بن قضعان و عياد الشمري
][ امسية هلا فبراير بتاريخ 9 فبراير 2002 ][ بمشاركة كل من الشاعره بشاير الشيباني و الشاعر حمد السعيد
][ امسية هلا فبراير بتاريخ 16 فبراير 2004 ][ بمشاركة الشاعر خالد المريخي
][ امسية الهيئه العامه للشباب والرياضه بالتعاون مع جريدة السياسه فيه 12 يونيو 2000 ][ وكان عريف الامسيه الاستاذ على المسعودي
][ امسية معرض الكتاب ][ وكانت بمشاركة الشاعر رجا القحطاني فى عام ديسمبر 2000
][ الملحمه الوطنيه وكانت بمناسبة مرور عشر سنوات على تحرير الكويت واربعون سنه على الاستقلال ][
وكانت بمشاركة عشر شعراء خمسه من الكويت وشاعر من كل دوله من دول مجلس التعاون وهم كل من :
( خلف بن هذال العتيبي ) من المملكه العربيه السعوديه
( محمد عبدالعال ) من مملكة البحرين
( هادي القحطاني ) من دولة قطر
( خالد المعنى ) من سلطنة عمان
( محمد المر ) من دولة الامارات العربيه
ومن الكويت كل من :
( محمد عبيد العجمي )
( سعود الفهد )
( شنوف الهرشاني )
( طلال السعيد )
( سعد علوش )
بالاضافة الى العديد من الامسيات والمهرجانات فى كثير من المحافل فى الكويت
ومن اهم الامسيات التي شارك بها الشاعر خارج دولة الكويت
أمسية مهرجان عباده وإستفاده فى المدينه المنوره فى 25 يونيو 2001
أمسية مهرجان صيف الطائف وكانت تحت رعاية الأمير / فيصل بن خالد بن عبدالعزير آل سعود بتاريخ 5 يوليو 2001
أمسية أتحاد طلبت الكويت بالقاهره في اكتوبر 2000
أمسية عنيزه في ختام مهرجان القصيم السياحي والتي وصل جمهورها الى 8000 شخص في تاريخ 31 يوليو 2003
أمسية ابوظبي في 15 إكتوبر 2003 تحت رعاية سمو الشيخ فلاح بن زايد بن سلطان آل نهيان
أمسية صيف أبها في7 أغسطس 2004 تحت رعاية الامير فيصل بن خالد بن عبدالعزيز
وله أربع إصدارات ديوان مقروء ويحمل اسم أربع خناجر
والبوم مسموع يحمل أسم شعر حامد زيد وآخر يحمل أسم السفينه
والاخير شريط مشترك للشاعر حامد زيد والشاعر خالد المريخي واسمه امسية هلا فبراير 2004
وأتمنى من جميع الاعضاء عدم اضافة (كتابه) اي قصيده للشاعر حيث انني سأقوم بتنزيل جميع قصائده ..
... قصــــايـــد حــامــــــــد زيـــــــــد العــازمــــــــي ...
مرثيــه في الشيـــخ / زايــد بن سلطـــان آل نهيـــان
جيت اخاطب صرح واحكي من مناره ... جيت اجدد جـرح شعري واستثيره
جيت اقــاسم ديــن الاســلام المــراره ... جيـت اجــــرد حزن امه من جفيره
جيت اصفــق لتــواريـــــخ بحــــراره ... جيـت اوثـــق ذكريـات الألف سيره
عن صروح وعن طموح وعن اداره ... عـن قيـــاده عــن اراده عن بصيره
عن وجود الحب عن صدق الطـهاره ... عـن حنـــان الاب عن رحلة سفيره
عن منــارة كـــل بيــت وكــل حـــاره ... عـن خســــارة كــل دار وكــل ديره
عن رجل يصعب على الشعراختصاره ... عـن زعيـــم ٍ قــل من تنجب نظيره
لانـه اول مــن ثبــــت حبــــه لـــداره ... لانه اكثر مــن غمر هالارض خيره
ولانــه اقـــدم حـــب يجمـعنا شعــاره ... ولان دنـــــيا مـــا بها زايــد مريره
كـــــل دمــــع ما يســـاق إلـه بغزاره ... والله انـه مــا يســـاق الموت غيره
من رحل سبــع الجزيــره عـن دياره ... ضاقت الارض بعرب شبه الجزيره
يـــا ذارع ٍ رد للطهــــــر اعتبـــــاره ... يــا رســالة رحلــة الخيــر وبشيره
يا مــــلاذ الكــــل من لاذ بفـــــراره ... يــا مجيــر الكل من جوره يجيــــره
يا مرســخ كلمــة العــدل بجــــداره ... يــا ميــسرها وهــي قبلك عسيـــره
يا حضـاره فـي زمن ما به حضاره ... يــا ضميــر عالم ٍ ميـــت ضميــــره
من يعوض الخير عن غيبت وغاره .... من يلوم العرض في راعي الستيره
من يطفـي فـي ظلـوع الشعـر نـاره ... من يشتت عــن عقـول الناس حيره
عشــت مثــل الحب لا يمكن دماره ... كنــت مثــل المــزن غيره تحت خيره
كنــــت مثـل الدين نفرح بانتشاره ... كنـت بالنســــبه لنــا حــاجه كبيـــره
انــت نور ترفض الارض اندثـاره ... انــت غيــث يــروي الدنيــا غديـــره
والبعــــد عنها ياهل العـرف ماقدره .... لاشـــك نــاري زايــدة بشتعــالها
ماعيــش ببــلاد ولاهيـب بأرضاها .... ولابي عيــوني كان ماهي قبالها
.....
أرض ٍ تدوس امي بالاقـدام رملـها .... امــــوت فيـــها واندفن في رماله
الحـــلـــــــــم
من اول مارجعت من السفر ماشفتلك بينه ... وانا الي كنت احسبك قبل ادوس ارض المطار تجين
تكوننين انتي اول شخص عيني تحتضن عينه ... وكنت اتخيلك من زود فرحة رجعتي تبكين
واشوف بدمعتك حكيك.واعرفه قبل تحكينه ... واجيب احلى من اللي بتحكينه.واتركك تحكين
تقولين الوطن نور.واقول بنور مضوينه ... تقوليلي غديت احلى.واقول عيونك الحلوين
.......
كلام نام بشفاهك.وخفتي لاتصحينه ... ذخرتيه لغرام اللي ينام.ويتركك تصحين
تغانمتي غيابي لين رجحتي موازينه ... تعلم من يدك لمس الكفوف.وعلمك تجفين
وليتك لاقية به شيء.فيني ماتلاقينه ... مهوب غرور.لكن خابرك مالك امل تلقين
تغافلتي بغلا..ولا الحلا ماهوب من زينه ... تزينه الصور..بس الصحيح ابن الحلال زوين
طموحي بس اجي واظفر بشيء تستحقينه ... تدينته.تسلفته.سرقته.مو مهم منين
كأني من كثر مارضا بكل اللي تمنينه ... لو انك تطلبين الله يعنيني..بقول آمين
انا مالعب على الحبلين وقت الطيش وسنينه ... تبين الحين يوم اني كبرت.العب على الحبلين
ترا عند البدو بالذات..عيب اللي تسوينه .. حلاتك لاعشقتيني..تعشقيني ليوم الدين
.......
غرام نسكن ضلوعه..حشيمه من مجانينه ... جفا يجمع معزتنا.ولاعشقً يذل اثنين
كثار اللي تحدوني..وقالوا لي تحبينه ... امانه لاتخليني..صغير في عينهم تكفين
لأني كل ماقالوا تخون..اقول مسكينه ... عليك الله وامانه..علميهم من هو المسكين
انا خايف ليا طاح الجمل تكثر سكاكينه ... وانا ماعادت ضلوعي تحمل طعنةالسكين
.......
مثل ماقالوا المكتوب..واضح من عناوينه ... لو ارحل منك للغربه بسافر من ظلامك وين
كفايه كل حلم يمر في رقادي تزورينه ... كفايه من تفارقنا وانا ماغمضتلي عين
قبل يومين.شفتك في المنام.وقمت من حينه ... ونمت امس ورجع نفس المنام اللي قبل يومين
يالروعة كلمات هذا الاشعر التي لاتضاهيها اي روعه ...
أحساس غريب شدني لآن اتمعن في هذه الكلمات..
واحس بإحساس صادق ...واراها تخرج من قلب صادق ..
الغالي محتـــار
أشكرك على حسن اختارك لهذا الشاعر فكلماته ونبضه له مذاق خاص..
فلا تحرمنا من هذا الابداع..
وتقبل تحيتي وتقديري.