الى متى وانتي بعيـده عن العين ** لــيه البعـد يـانـور عيني تـريـده
ترى الهوى لاصار مابين قلبين ** منـقــول مـابين الـفـؤاد اوريــده
يبري جروحٍ داخل القلب ويزين ** وعرش المحبه فالاعالي نـزيـده
تعالي افـرش لك فـؤادي بساتين ** ونعـيش انـا واياك بـدنيا سعـيده
ونبني لنا دار ٍ ونسكن بها سنين ** واكتب حروف الحب لك قصـيده
اعطيك عمري ومابقا اسجله دين ** هـذا لانك في فــؤادي وحــيـده
ودي ابيّن لك هـوى القلب تدرين ** واشرح معاناتي ولو في الجريده
وان كان مـاودك عـلــيّه تطـلـين ** وإن الحـياة اللي بقـربي زهـيـده
حطي بوسط القلب يابنت سكين ** وقولي لكل الناس روحـه شهـيده
ولـيـاذكـرتـيـني وانـتي تصـلـين ** دعـوة تـزيـد الاجـر وانـتي بعـيـده
وهذه اول قصائدي هنا
اتمنى ان تحوز على رضاكم
واستحسانكم ولكم كل الحب
تحيتي
نديم الليل
العرض الشجري
