وين بس ودّك تروحي ؟!
طمنيني ..
انا كل اللي اخافه مو لأنك رايحه !
مو لان عيوني راح تكون :
سود وطايحه !
ويختفي مني وضوحي ..
مو لانك كل شي ..
مو لاني كل ما اشتاق لك :
اشمّني والقاك فيني فايحه ..
انا كل اللي اخافه لا مشيتي ..
تورق بصدري جروحك !
شسوي يعني كل فرحه ازرعها ../ بخدودك حزن
واحاول اجمعني عشانك ./ وانتثر كلي وراك !
تعبّت ادور راحتك .. واصير لعيونك جفن ,,
والقاني فجأه منتقل بيديك والقاتل غلاك !
غلاك ؟!
غلاك اهلكني وانا مانيب ناقص من الاصل ,,
شاللي تبينه واعمليه
الا يدك
الا ييدك
خليني ما سكها وابكي براحتك !
يمكن بعد هذا البكاء ./ نرتاح
ويتجدد وصل !