الكبير يظل طول عمره كبيره, وانا مااقصد انّه كبير بماله , اقصد كبير بااخلاقه وبصيرته وحكمته ,, فاالطيبين مايظرهم ذم اعدائهم وحسّادهم لهم , لأنهم معروفين وصفاتهم الحسّنه مورّثه اباً عن جد ... عشان كذا ماتلقاهم يلتفتون لأذاهم , لأنهم ماتعوّدوا ان ينظروا لسفاسف الأمور , ويخاطبون الناس على قدر مافيهم من عقول ...
ذكرت بيت لراكان بن حثلين الله يرحمه ويسكنه فسيح جناته ,,,
الاسبوع الجاي الاختبارات النهائيه , وماراح اطلع الاّ متأخره , وانا معروف عني بين زميلاتي انّي اذا اخذت وقت طويل وانا اصحح باالاوارق , تجيني حاله ضحك بشكل هستيري , لدرجة انّي اشغل كل اللي حولي عن شغلهن بسبب وصول عدوى الضحك لهن , واخذن من هاالمناديل وامسحن هاالدموع ,,
اليوم يقولن ماراح يجلسن جنبي وعاملات حساب الحاله اللي تتجيني ...
وانا والله مالي حيله ... احيانا اذا كنّا هادييييين مرّه ومانسمع الا بس اصوات الاوراق يوم نقلبنها , اناظر لزميلاتي كلّهن ,, القى انواع الحالات ,,اللي تكلم نفسها , واللي تثاوب , واللي جالسه تحت المكتب ومستنده عليه , واللي باااااااارده مرّه تاركه مادتها وقاعده تقهوى وتقول بكل برود تعالن تقهون ترى الدنيا فانيه ...! ويااليت قلبي مثل قلبها ,, ولاّ اللي دوم معروف انها نايمه لانها دايماً تجي مواصله وذيك الله يستر عليها ,, عليها شخير يجيب القلق ....