فيك
الامل لا ضااااقت الدنيا على
وفيك
الفرح لازادت جرووووح الايام
وفيك
الوفا اذا احتجت بدنيتي انسان
وفيك
المحبة واضحة دون
عنوان
باختصاااار
ا انت الدفا لا ذيحني برد الاحزان
ليتني طير إلى من ضاق رفرف به جناحـه
لا تضايق حرّك الجنحان لحـدود السحابـه
يرتفع حتى يبدل ضيقـة الصـدر انشراحـه
يعتلي النسناس ويعانق بـه النـوّ وضبابـه
لو يروح بعيد ما أحد يسألـه سبـة مراحـه
ما هو بمثلي يفجّـر ضيقتـه دمـع وكتابـه
لا نوى ما هو يحسّب فرق بعد ولا مساحـه
ولا يحاتي لا لفى بأرض بعيـد ولا قرابـه
ما يفكّر غير فـي لمـة جناحـه وانفتاحـه
لا بغى ينزل بنهر وان بغـى ينـزل بغابـه
لأجل قلب لا طرى له صاحبه داعب جراحه
عانده وجه الزمان وزاد وقته مـن مصابـه
صاحبي والحظ الأ قشر قلّد أيامـي وشاحـه
يسقي أيامي دموع ويطعـم الظلمـى كآبـه
في رجاء لقياك دارت غربتي في كل ساحـه
وعين قلبي في غيابك صدّقت كذب السّرابـه
لا أرتسم بعدك هجير ترتسم لقيـاك واحـه
ولا أرتسم حبك قريب تصبح اللقيـا مهابـه
لا جنت فرقاك فرح ولا أثمرت جمعاك راحه
بين حرّ القرب وأحزان الفراق أوجه تشابـه
من مساء هاجس لقاك اللي يماطل في صباحه
لين هاجوس الفراق اللي تمادى فـي عذابـه
ليت قلبي طير لا من ضاق رفرف به جناحه
لا تضايق حرّك الشريان لحـدود السحابـه
العرض العادي
