(**** فــــارقـــــة أنا أحزانــــي وابتـــداء حـــزن ثانـــي ****)

[مفارق الأحزان]

ايه أحبك و أنتي تستاهلين .... ليه مستغربه و ليه تناظرين

أدري انك فينـي تحسين .... وأدري انك مثلي تحبيـن

بس مسويه انك ماتدرين .... وتحاولي تنسين وتتجاهلين

أنا صريح ليه ما تصارحين .... أنا تكلمت ليه ما تتكلمين

أنا أتعذب ليـه ماتتعذبين .... أنا أتعب ليه انتي ما تتعبين

أنا جيتك ليه انتي ما تجين .... ايه أحبك ليه ما تبي تردين

آآه ياويلي من لون هالعين .... آآه ياويلي لو بس تناظرين

لو بس أشوفك تضحكين .... أقول يكفيكي مالحاسدين

يوم أشوفك أنسى أنا وين .... ولو ما شفتك يومي يشين

يوم أشوفك قدامي تمشين .... ودي أغمـز لك غمزتين

بس والله أخـاف تزعلين .... و أنا ما اقدر لو تتضايقين

لما أشوفك لحالك تجلسين .... ودي أجلس يمك لحظتين

وأحكي لك عن الحنيـن .... بس أخاف مني تنحرجين

[مفارق الأحزان]

حاسس بحبك و أدري بغلاي ... أنت مو مقصر في شي معاي

أدري ما تبي تعيش الا بدنياي ... و أدري مستحيل تعيش بلياي

ما عمرك فيوم رديت خطاي ... ولا عمرك زعلت من جفاي

ما أنـام الا و تطلب رضاي ... وما أصحى الا وتقول ياهناي

ساكن خيالي وساكن بذكراي ... ساكنٍ فينـي و تتنفس هواي

حبك والله هو شفاي ودواي ... حبك بدنيـاي أرضي و سماي

لوكرهتني يـاويلـي وبلواي ... ولو تركتني يتحطم كل مناي

[مفارق الأحزان]

ياناس أحبه وهو مو مصدقني .... كل ما أقول اني أحبه يكذبني

مدري غرور والا يبي يعذبني .... مايدري اني عايش بس عشانه

والله اني أتعب لو شفته قبالـي

يتلخبط كلامي وأنسى حالـي

أنا وروح روحي وقلبي فداله .... لو يبي بعد أكثر قولو له جاله

يامرني أمر بس أكون في باله .... قولوا له يصدقني تكفون أمانه

أحبه وليته يصدق كل كلامـي

أحبه وليته يحس شوي بآلامـي

ياناس قولوا له بحالي تكفون .... قولوا له اني ميت فيه بجنون

قولوا له كفايه شك وظنون .... عهدٍ علي أحبه بدون خيانه

[مفارق الأحزان]

توه اتصل علي حبيبي ويعاتبنـي .... زعلان ويقـول ليه ماتتصل فينـي

استحيت منه و حسيته أحرجنـي .... وقلت له هالأيام مشغول ياعينـي

و عندي بعد اختبارات وسامحنـي .... و يادوب الوقت بالقوه يكفينـي

قدر ظروفي وأرجـوك اعذرنـي .... والله عالبال وبدمّـي و شرايينـي

أنا مقصر معاك و لا تزعل منـي .... ودي أجيك لكن مـو بايدينـي

وكان نفسي أصـرخ ويسمعنـي .... وأقوله وحشتني و بعدك مشقينـي

و أقول مشتاقلك و بعدك ذبحنـي .... و أبي صدرك يضمنـي ويدفينـي

بس ماقلت له غير بعدين كلمنـي .... لأن صاحبي كان قاعد على يمينـي

ومن يوم قفّـل السمـاعه عنـي .... وأنا ضايع والله مـا أدري وينـي

نغمات صوته في أذنـي تغنـي .... صوته ذوبني دوخني زود حنينـي

ياخوفي يكون زعل وبيخاصمنـي .... والا أخذ بخاطره وزعل ومايبينـي

لا لا حبيبـي وماخاب فيه ظنـي .... مايزعل وأكيـد بيتصل و يجينـي

[مفارق الأحزان]

أنـا معجب فيك من سنيـن .... و زاد اعجابـي الين حبيـت

الحب يجـي من رب العالميـن .... واليـوم لقيت نفسي هويـت

صح اني لقيـت مليون زيـن .... بس والله مثلك ماقد لقيـت

تعجبني كامل يحفظك مالعيـن .... مافيك عيب ولا فيه حسيـت

حتى لو لقـيت شـيٍ شيـن .... ألقى اني أحبه و أنا مادريـت

ودي أضمك بشوق و حنيـن .... وأشمك الين تقـول حنيـت

والله حالتـي حالـه يازيـن .... أحلمك وأتخيلك اذا صحيـت

آه وينـك عنـي بس ويـن .... الظاهر انـي بحبك انجنيـت

ياويلي ومن حالي ربي يعيـن .... وليتك تحس فينـي ياليـت

[مفارق الأحزان]

أحبك لو تزيدي الجرح وتجرحيني .... أحبك لو تداوي الجرح و تشفيني
أحبك لو تزيدي القهر و تقهريني .... أحبك لو تزيدي الهجر و تهجريني
أحبك حتى لو من الجرح تسقيني .... أحبك حتى لو من الهـم ترويني
أحبك حتى لو بكذبـك تحرقيني .... أحبك حتى لو بغـدرك تكويني
أحبك وحبك ساكن وسط عيني .... أحبك وحبك دم يمشي بشراييني
أحبك وبحبك تحلى كل سنـيني .... أحبك وبحبك أظنـك سحرتيني
أحبك وبحبك أظنـك ملكتيني .... أحبك وبحبك أظنـك سرقتيني
أحبك حتى لو ماتفكري ترحميني .... أحبك حتى لو ماتفكري تعشقيني
أحبك حتى لو تروحي و تتركيني .... أحبك حتى لو تكرهيني وماتحبيني
أحبك لو تحبي غيـري و تنسيني .... أحبك لو تغيبي عني و ماتذكريني
أحبك حتى لو لا سمح الله ماتبيني .... أحبك ومايهمني تبيني أو ماتبيني
أحبك وهذا أهم شي ويكفيني .... أحبك وغير كذا أبد مايرضينـي

[مفارق الأحزان]

لو قلت أحبك هالكلمه ماتكفيك .... لو قلت اني فحبك لحظه ماسهيت

لو قلت أحبك وقلبي يصرخ يبيك .... لو قلت غير حبك ماعمري تمنيت

لو قلت كل عمري مايغلى عليك .... لو قلت من حبك الحنان ارتويت

لو قلت حياتي وروحي بين ايديك .... لو قلت سكنات شوقك مانسيت

لو قلت أحبك هالكلمه ماتكفيك .... ولو قلت اللي قلت والله ماوفيت

لو قلت هاك عمري مايغلى عليك .... لو قلت السعاده من حبك جنيت

[مفارق الأحزان]

هاك قلبي وخذه يجعله فدوه لقلبك .... مايغلـى عليك صاحبه و بعد أكثر

هاك صدري ضمـه لدفا صدرك .... و اشرب من أحضاني اليـن تسكر

أنا كل كلي يفداك بس لوحـدك .... خذ روحي وعطني حبـكاذا تقدر

خذ كل شي بس أبي تقول أحبك .... قول أحبك تعبت وأنا أنتظر وأسهر

ببقى أحاول وبتقولها غصب عنك .... قدر الله علي راح أتحمل و أصبـر

مابتتركني أعاني أكيد أمري يهمك .... تكفه يالله تعال وقولها أنا هنا أنطر

قولها وادلع ياويلي من خف دمك .... وان قلتها وعدٍ علي أوفـي و أنذر

[brens - 818]

أفضل طرق عيش الحياة بسعادة=هو انك تعيش الحياة بسعادة ... !!
أنت انعكاس لفكرتك يعني=إن كنت حزين صار الهم والحزن عادة
وإن كنت دايم مبتسم و متفائل=كسبتها مع السعادة عبادة
ما طول العمر القصير .. التوتر=يطول العمر القصير " الإرادة "
تفكيرك فــبكرة مضرة ليومـــك=وبكرة بــتفكيرك فــبعدة نكاده
عش في حدود اليوم وافرح لـهـ اليوم=واختــــار طلعاته .. ولبسـه .. وزادة

للمبدع سعد علوش .

[مفارق الأحزان]

هلاااااااااااااا وغلااااااااااااا

برنس

منووووووووووور


وكرررررررر الزيااااااااااااااااارهـ