القلب يحزن والمدامع غزيرة & في جوفي نار من لهبها تبكيت
والدار ظلمة كانت أمي تنيرة & يايمه وينك من دونك خلى البيت
قلبي تفطر على الفرقه المريرة & آمنت بالله وبقداره ترضيت
الموت حق وكل له مصيره & وموت النبي قبلك يايمه تعزيت
هذا جلالك وريحك فيه عبيره & كل يوم اشمه واذا شفته تغنيت
صوتك يايمه يامحلى أثيره & حنانك يمه يخليني تدفيت
يايمه منهو اجيله واستجيره & يعدلني لا شفت الصواب وتلحيت
يايمه كلن يناظرني في حيره & من يوم رحتي وانا اللي ماتواسيت
ياكم تعلمت من معاني غزيرة & يامنهل التعليم منك تربيت
كم قصة قلت وللماضي نسيره & ولاجيت عندك سواليفك تسليت
آه يايمه نظراتي الأخيرة & مليتي كفي ترابن ثم حثيت
ابشري يمه بدعوات كثيرة & كل ماذكرتك وللرحمن صليت
العرض العادي
