تبيني هلابك مرحبابك على الموجود
على قد حاله كل شخصٍ ومقدرته
على جمرةٍ من سمر يمناك هاك العود
قبل دلتٍ فنجالها قبله أثمرته
مدامك تعنيت وتعرضت نقص وزود
وتوطيت لجلي داب الانشاب وشجرته
تربع على قلبٍ سكنته بدون احدود
وغلاك الحنايا ضمته لين كبرته
كتبتك قصيده .. لا.. قصايد بلا منشود
وخطٍ حمر دسته وبالقاف دمرته
تجاهلت قول اللي يحذر من المنقود
وتماديت حتى حاجز ......... كسرته
لك اسرفت بالمعنى وذعذع هبوب النود
وطير الحزن من فوق الاغصان طيرته
ولك ازلجت بابٍ قبل عرفك وهو مردود
يهزه هوى الغربي ولا يوم سكرته
تخالف به العالم وفودٍ تلاها أوفود
وليا اهتز قلبي لاح طيفك وصبرته
وذالحين دامك وقت في قلبي المضهود
خذه وافهم ان اعيونك السود دامرته
العرض العادي
