أنا وقصيدي أتفقنا على شيء
ان القصيده ما تجي غير فكره
ما كل حي ذكره يصير له حي
وما كل ميت لااندفن مات ذكره
موقف يجي أحيان تكره به الخي
وموقف يمر تعز من كنت تكره
خض اصدقاك التجربه صايره لي
بان النقي وتبين وجيه عكره
الناس تفرق ونتفق كلنا بذي
حال المعرف ماهو بحال نكره
وناس فرج بعد الكريم ولك الفي
لاصكتك بقعا وهيجنت مكره
وناس تهقا به بس تطلع ولا شيء
ما تسقي الضامي ومشلول فكره
ماكل شارب لا تزهل وفى في
ثعالب ما عيشه غيرمكره
الأرض لا جفت قل بطنها المي
يعطيك ربي كل ما زدت شكره
ودام الكرم خلد عطايا ولد طي
بسوق ذودي ما أبي منه بكره
يعيش طيبك لالقى واحد حي
ويموت طيبك لاتجازى بنكره
ومقسومك بتأخذه والمسأله هي
مقدر وما تدري وش فيه بكره
ومهما تزخرف بدنيتك كلها غي
نهايتك لو طول الوقت سكره
وطير كفخ لصيد مع فجة الضيء
وطير يهد وهدته حول وكره
نواف الشرمان
العرض العادي
