سعوديات بعروق ايطاليه > باكر على الظالم تدرور الدواوير <كاملة

[آوهآآم]

اميره : لاااااااااااا ياربي لاااااااااااااااا ياخزيااااااااااااااااااااااااااااااااااااااااااااا اااااااااااه
ود : وشو
الهنوف : الله يلعن ابليسك لا يكون تحسف وحن قلبه علينا ودق ولا رديتي هاتي الجوال بس
اميره : ياليت كذا ياليت إلا رديت و عطيته تهزئ محترم
البنات ضحكوا بقووووووووووووه بعدما فهموا السالفه
اميرة تكره عمرها اذا تذكرت الموقف ....
ود كلمت هشام من جوالها بعد ماشحن وفهمته السالفه
هشام : ياخسااااااااااااااااااااااره قهر والله قهر ياليتني عارف بسسسسسس
ود : استح على وجهك اشوى اللي ماعرفت
هشام : بس تصدقين انها بنت رجال والله وصوتها جنان
ود : حلالك وانا اختك هههههههه المهم هاه عساك بتودينا
هشام : يالله لعيونها اوديكم وبعد ابوي ارسلني بجيب اغراض من البيت نروح لبيتنا بيت خالد طيب لان فيه رجال
ود : لا يقولون لي البنات انهم راحوا يزورون قبر عمي
هشام : الله يبلشك اقول بتمشون او لا ..؟
ود : هاه إلا إلا يالله ...
ود : يالله يابنات
الهنوف : منهو ؟
ود : ابو الهش ( تناظر اميره وتضحك )
اميره : سخاااافه استغفر الله العلي العظيم
ود تتريق : يالله بيودينا لعيونها اللوزية ههههههه بس لبيتنا ترى
الهنوف : احلفي بس و في بيتكم اروح وش اسوي
ود : احمدي ربك اعطيك من فساتيني اللي شريت يوم كنت اجهز واحمدي ربك وتراك بترجعينه بعد
الهنوف : يمه يمه حلال اخووي تراه
ود : لا شكلنا ماراح نتفق ابد انا وانتِ هههههههه
اميرة : يالله تراكم تأخرتوا مره ينتظركم
ريم : يحووول يالحب يضني يقولون يالله لا تفطس اميره بس
طلعوا ود و الهنوف ودخلت داليا وحصه وفرح بعدما كانوا يلعبون كورة في الحوش ..
في السيارة
هشام : 10 دقايق اذا ما طلعتن قسما بالله لاحرك السيارة
الهنوف : ياخي دامك معصب ليش وافقت ترى محب احب يتمنن علي
هشام : عفوا مين اللي رطنت حتى البزران عرفوا يصفون كلمتين على بعض يالله بس
الهنوف و ود نزلوا بسرعه اختارت الهنوف اغلى فستان و افخم واحد خخخخ قالت ايش قالت حلال اخوي كيفي
ورجعوا الإستراحة وكشخت في الفستان وضبطت الميك اب و طبعا لا يفوتكم تمشي مع البنات والحريم وتقول هذا هدية من سعود اخوي

بعد الغداء ..
الاغلبيه دخلوا ينامون .... الصبايا توزعوا بين غرفتين
..ود + ابتهال+ صوفيا + تغريد + اميرة في غرفه....... و ريم + الهنوف + حصه + داليا + فرح في غرفه
و اندعست داليا بين فرح و ريم و الهنوف طاقه او بالاحرى حاجزة السرير لها من اول ما وصلت و شاريه مفرش جديد بعد ههههههه دخلت وجلست تسولف مع داليا
طبعا حصيصه و فرح و ريموت خمدوا مباشره بس هنيف ودلو راحوا ودخلوا عن البنات في الغرفه الثانية
وكانت اميرة و تغريد يسولفون عن العيد وكشخة البنات وطبعا اميرة تسترجع موقف هشام وتضحك
الهنوف نطت على السرير : ليش مانمتوا ..؟
اميرة : علمي نفسك ذا وينقالك مصليه العيد المفروض د ايخه من المشوار
الهنوف : يمه يمه خمسه وخميسه بعين العدو
تغريد : صدق ليش ماهجدتِ
داليا : مافيني نوم العيد مرتين بالسنة نبي نفلها ياناس
قعدوا يسولفون واميرة و تغريد خالطهم النعاس بشكل واضح
قعدت داليا تسحب من البنات العلوم خخخخ
تغريد : رجاء بنات اذلفوا وقفلوا الباب
قامت الهنوف شغلت اللاب توب وقعدت تفحط في النت <<راسها دايخ بس تكابر على النوم
داليا : اقوول بالله ياقلبيييه يقولون ماجد المهندس صاير له حادث روحي تأكدي
راحوا فحطوا في المنتديات و وحده من الصبايا كاتبه رواية في المنتدى راحوا يشوفون الردود عشان يقولون لها اذا صحت < < فضاوة من جد
فتحت المسن تبعها وانصدمت : دلو بالله تأكدي ذولي اخواني او يتهيأ لي
داليا : خخخخخخ ياحبني لهم اون لاين كلهم يعيدون ربع النت شكلهم
الهنوف : نوافوووه لو اني شاحدته ابي شيء طيح ماء وجهي وناظري الحين
داليا : هههه يختي من الكتمه اللي هنا ترى ابوي يكتمهم هو وعماني عشان كذا اول مايجون الإستراحه ياخذون اللاب توب ..
الهنوف بفكرة خبيثه : لحظه لحظة ....
راحت وفتحت الشباك الكبير اللي في الصاله يطل على صاله جانبية في قسم الرجال ...شافت اغلب الشباب متبطحين على الزل واللي على الكنب منسدح وكل واحد اللاب تبعه معه
داليا : ياعزززي عنهم احس انهم طفشانين ههههه كاتمهم ابوي واضح ههههه ناظري نايف اخوي يضحك تافل العافيه بجد
الهنوف : اقووول بس شووفي حجرف يجنن ووواااااااو من جدك ذا ولد عمنا
داليا : أي والله حلوو يجنن عارض ازياء والله
الهنوف ناظرتها بعصبية : عفوا ماسمعت مابقى غير البزران يالله تعالي نروح ننام بس ...
و راحوا يجرون خطواتهم ومن الربشة ماسكروا الشباك و دخلوا على غرفة البنات ( واتفقوا يروعون البنات)
طلعت الهنوف طرطعان صوته يرووووع بقوه بس مو ذاك الضرر بس صوت ...( طبعا هالطرطعان اشترته الهنوف من رامي و بلوط بـ 15 ريال نصابين البزران ) و فقعته بغرفه البنات << مجرمه ^_^
الهنوف قربت عند اميره بصووت عالي : قوموا قوموا حررررررررررررريقه حررررررريقه ( وتلمسهم) قوموا حرررررررريقه يمه الكهرب التمس
وداليا ترش ماء : الدفاع المدني وصل يالله قوموا حرررررررررريق ممثله
صرخت اميرة و ابتهال بقوة خافوا من جد و تغريد تجمدت بمكانها من الخوف اووما صوفيا ماطقت خبر نايمه
راحوا يركضون برى بالبجامات ...
والعيال طبعا انفجعوا من الصوت والصراخ لان الشباك مفتوح وصوت الطرطعان روعهم حتى هم
ودرعموا بعد النحنحه طبعا دخلوا حوش الحريم والبنات كلهم طالعات برى بالبجامات ...
العيال تافلين العافيه لا شمغ ولا رزه عليهم ثيابهم بس ...انهبلوا و تبلموا يوم شافوا البنات
والبنات ما تتخيلون شكلهم ... يناظرون بعض بصمت كلهم
كل وحده تنادي اخوها
اميره منفجعه ياقلبي بقوة : ناااااااااااايف ناااااااااااااايف الكهرب ا لكهرب
تغررررررريد : نوووووووواف يا قلبي
ابتهال : سعود امي وين حريق
ود : هشام سلمان ..وليد هذا ..
العيال انفجعوا مو مستوعبين يناظرون بعض بدهشه فظيعه
هشام + نايف : خيييييييييير
نواف يتوعد خواته يصك اسنانه ويحاول يغض البصر عن بنات عمه : يالله ادخلي انت واياها
وقفوا بلموا ....صدوا العيال وهم مفجوعين لانهم مابعد فهموا السالفه .
بس اللي عليه العلم ان هشام كحل عينه باميره المربوشة اللي الخوف جملها زيادة
و سعود حالة خاصة لان الهبله ود مسكت كتفه على بالها اخوها حجرف بس تحمد ربها ان محد شافها غير البنات
الهنوف بلعت العافيه كذبت كذبة و صدقتها على بالها فعلا انفجر عداد الكهرب مدري وشلون تجي ذي خخخخ
( للمعلومية صوفيا بلغت الدفاع المدني وطلب المساعده والإسعاف باسرع وقت)
الامهات اللي نايمة واللي رجعت البيت مع شايبها ....
نايف: يالله يالله اشوف ادخلوا
ريم خايفه تبكي مصدقه : هييييييييه وش ندخل حريقه عساك الحريقة
نايف ابتسم من بين عصبيته : مين ذي الملسونة مين ..؟
الهنوف انعقد لسانها خخخخخ
العيال دخلوا جوا يشوفون ,,, و حجرف مازال يناظر الهنوف بتمسخر على بجامتها اللي مصورتها كانها بزر
بعد حالة الإستنفار ... اللي صارت
حصيصة و فرووحه دقوا على ابوهم جاء واخذهم خخخ << نذاله ولا احد قالهم بدري من البنات هههه
سلمان اللي توه واصل مايدري عن شيء بس الاكيد انه لمح حصيصه و فرح وهم طالعات يتغبرون ويتصايحون
سلمان نزل نظارته برزة والقى نظرة على الجمس اللي فاضي كلها كبير مافيه غير يمكن 10 بزران و كلهم جايين قدام وركبن بنتين عبيهم تبرق و ترعد وواضح الربشة عليهم
سلمان استنكر هالاشكال بقوة وضحك على اشكال البزران اللي جايين قدام كلهم
سلمان يمشي عند البنات : من العايدين بنات عمي الزاحفات ( استغرب يوم شافهم مجتمعات في شرشف واحد)
سلمان : ابوك يالولد وش صاير يا بنت انتِ واياه ...
من ورا الشرشف صوت داليا : حرررريقه حرررريقه
سلمان استغرب الصوت جديد مايعرفها ذي : حريقه تحرقكم قولوا آمين اهااا لا يكون بس الطقاقات اللي جايبين احرقوا الطيران على روسكم هههههه
الهنوف : تتريق حضرتك
سلمان : هنيف بذا ماعقلتِ للحين .....بس وش قصة الطقاقات اللي طلعن مخروشات
داليا+ الهنوف فطسن ضحك من تحت الستار لانهم تذكروا اشكال حصيصة وفرح
سلمان : الحمدلله والشكر انا قلت شيء يضحك
ريم بميانة الاخت : إلا اخبار القنص معك ياشاعرنا الموقر ...
سلمان : مسويه تعرفين انت وخشتك علوم الرجال
داليا : هههههههههههههه
سلمان : يقولون ها هان الضحك من دون سبب من قلة الادب
العيال طلعوا وعلامات العصبية على وجيههم ..سلمان مستغرب بكل قواه العقليه خخخ
نايف بقهر : تستهبلون هاه؟ متى راح تتركون حركاتكم الغبيه ؟
اميرة بدفاع : لا والله والله ضرب العداد ( طبعا البنات لبسوا عبايتهم)
هشام : قالوا ايش قالوا حريم بزران لبسناهم عبايات صدقوا اعمارهم
اميرة انقهرت و لاحظ هشام نظراتها له وابتسم لها : والله ماعقلكم غير اميرة
نايف : اقول زانت علومك بس امش مابقى غير 3 ايام و تأخذها أن شاءالله
هشام : بالله عليك 3 ايام اجل توني ادري احس انها 3 سنين
حجرف : ياليل يالله بس جايزة لكم الجلسه هنا ارحبوا سلمان هووون ..؟ ( ناظر الهنوف يحاول يدورها لان بعد مالبسوا العبايات مايعرفهم )
سلمان : الله مير يخليك ياخوي إلا وين ود لاتصير احترقت بس او لاتكون طلعت مع الطقاقات اللي تو
البنات بصوت خافت ضحكن ....
طبعا خلال ربع ساعة او اقل وصل الدفاع المدني و الإسعاف
وباالنهاية ( بلاغ كاذب )
الامن بالدفاع هزؤهم بكلمات محترمه خخخ بس يعجبكم نواف دخلهم مع كم وطلعم مع الثاني صرفهم
الهنوف وداليا نزلت عليهم حالة دلاخة لا توصف ...... راحوا العيال كلهم
الهنوف : انا شفت شيء مدري وشو ولع نار مدري وش << تبي تصرف عمرها
داليا : لا قصدك بلوط يوم شرينا منه ال
الهنوف : كح كح احممممممم احمم ايه البيبسي وش فيه
داليا و الهنوف فقعوا ضحك وسط استغراب الجميع ...
وفي الساعة 10 في الليل
جلسوا البنات اللي تو ماصحصحوا على الثيل وعندهم شيبس وبيبسي ..
تغريد بتساؤل : إلا وين حصيصة و فرح ؟
ابتهال : خخخخخخ الله يسلمك راحوا من ساعة ما فقع الكهرب ولااحد قالهم بدري منا دقوا على ابوهم وانحاشوا
الهنوف و داليا فقعوا ضحك
الهنوف : تصدقين داليا الحين الحين بس استوعبت اللي صار
داليا : ههههههههههه مبروك انا ماراح استوعب ابد
قعدوا البنات وقالت لهم الهنوف السالفه كلها ...اللي هاوشت واللي ضحكت واللي قدمت نصائح لا تعد ولا تحصى ههههههههه
ريم : ياسفااااه بصداقتي بس اجل حصيصه وفرح رخوم صاروا
الهنوف : الحمدلله اللي جاب ابوهم واخذهم هههههههه

قعدوا سهروا طبعا والصبايا مبسوطات مره ( بعضهم من الخوف مابعد نامت )
ريم : بالله اميرة وش شعورك انت وود و زواجك بعد بكرة
الهنوف : يمه يمه لو اني بمكانكم كان دقتني ام الركب و بكيت
ود حالمه : الله يستر بس ويعدي على خير الله يخلي نورة و وردة هم اللي مضبطات كل شيء
اميرة : نسرين اكدت لي موعدي عند الكوافيره وعلى مسؤوليتها انه شغل اوكي ربك يستر بس
قعدوا يسولفون
الهنوف : ودي اسوي لكم باتشيلوريت
اميرة : استغفر الله وش قالوا لك ترانا مسلمات ياخانوم
ريم : بالله مسلمات خخخخخخ احد قال غير
الهنوف : اقول ملعون ابو اللي مايفلها بس يالله بنات نبي نرقص و نسفهل عشان خاطر اروع عروستين خصوصا واني تسببت وسويت لهم اكشن ما ينسووونه طول عمرهم يحكونه لعيال عيالهم
اميرة : اصصص بس كل مااتذكر قلبي يعورني
الهنوف : ياغبيات انا اعطيكم فرصة عشان تشوفون معاريسكم على الطبيعيه شفتِ هشام دخل مدرعم بدون شماغ ولا شيء يعني بالفرح بيجيك ضارب ابو الشيطان بالرزة و شماغ مدري ايش وانتِ يا ود شفتِ سعود دخل وجهه كلها مقلوب لعلامة إستفهام خخخخ
ود : يازينه و يازين وجهه
ريم : كح كح احممممممم مو كنك مسكتِ كتفه
ود خجلت و خدودها وردت : أي ماانتبهت
الهنوف : لا والله
داليا توها صاحيه : صدقنااااااااااااااااااك عيب استحي شكل عطره جاز لك
ود بتعصب قاطعتها الهنوف : عادي باتشيلوريت نسوي اللي نبي مالك شغل ههههههه
اميرة : اقول ود امشي بس اليوم مانبي ننام هنا اخاف نتعب من مقابل هالمهبولات
إبتهال : خخخخ انصحكم والله ترى تروحون ( توها مصحصحه ) يتناوبون على السرر خخخ
وطبعا تغريد و اميره و ود راحوا البيت مع اللي راح و لا ناموا بالاستراحه ..و صوفيا طبعا من اول ماعرفت بمقلب الهنوف وداليا راحت ولا جاز لها جوهمم ولانها ضروري تعايد صديقاتها

[آوهآآم]

ثانــــــــــي العـــــــــــــــــــــيد

كان الجو هادي جدا والهنوف فكرت تدق على حصيصه وفرح
ريم : مع انهم رخوم و وجيه فقر بس يونسوونا والله
الهنوف : والله عشان اخوهم بلوط بس بدق راعي فزعات مايقصر
داليا : هههههههه قولي لهم يمرون ويجيبون لنا شيبس و حركات << ميانه
الهنوف : احلفي بس يمه عشان يفضحني ابوهم بسم الله علي بس
داليا : ياربي نبي بلعه حرررررررام تعالوا نطلب طلبيه بس معكم فلوس
ريم : ماعليك اطلبي وانتِ مغمضه نصك العيال بفاتورة كلهم بالمجلس هنا
الهنوف تكلم حصيصه اللي يبدو انها رفضت تجي بعد الحريقه << ماتنلام خخ
ريم : اخوك نايف ذا قاهرني ودي الفعه كف والله مع إحتراماتي تعالي نصكه بفاتورة
داليا : اقول ياخاله ناظري وجه هنوفه شكل وجه الفقر ذي رفضت تجي هههه
ريم : ماطاح من النجوم اخف للسماء ( رفعت صوتها)
الهنوف : خالتكم عندكم اجل تقولين ...؟ اهااا تخلخلت عظام العدو يالله مع السلامة
ريم : بالله وش تقول ؟
الهنوف : تقول خالتها عندهم جايتهم من القصيم
داليا : يالله وش نسوي احنا كذا ...
ريم : اقولكم يقولون يقولون ان فستاني حق زواج الاسره السعيدة لونه
بيج
داليا : خخخخخ مزاج خوال شرهتك على اللي فكرت تشري ليش البذخ اخذت لي فستان من جهاز اميرة مصممته عند..
الهنوف قاطعتها : أيه هايطي هايطي بسسس بس ترى مافيه احد من خوات رجل اختك يعني تلايطي
داليا ضحكت ..... طبعا طلبوا طلبيه ووصلت واللي حاسب حجرف
حجرف : ياسبحان الله البنت تجي رقيقة حساسه وانتم الزم ماعليكم بطونكم
داليا : احلف بس ترى اللي ما يأكل يموت << يحبون كلمة ترى كثير خخ
حجرف : بالله عليك صدق إلا متى غطيتِ الفيس الميمون اذكرك العام تلعبين بالشارع
داليا شهقت : بسم الله علي مااحب لعب الشوارع مثل بعض الناس
حجرف : اوف اوووف ماكنك تسبين
دق جواله ... نواف يتصل بك
حجرف راح لنواف وترك البنات ياكلون ...

في الليل
حاولوا يقنعون الاهل ينامون الليلة بعد بس رفضوا العيال بحجة ان وراهم عرس وقالوا كلهم : مالكم غير البيت
"
"
"
"
( طبعا زينة يوم العيد كله كانت في البيت و لاعندها غير نسرين اللي عايدت اهلها بس رجعت ما كملت اليوم معهم ...زينة يومها بائس بعيد عن اجواء الفلة في الإستراحه ,, بندر مستلم ) -
-
ثـــــــــــالث ايـــــام العيد
الجميع يتحضر لفرح اميرة وود .... اميرة راح تتزوج هشام وود تتزوج سعود فرحهم في قاعة وحده . الجميع منشغل بتحضيرات الفرح ...
زينة كانت جالسة ماتجهزت ولا بشيء لا فستان ولا ميك آب ولا شيء ابد حتى نفسيا ماتجهزت
زينة شافت شغلها في البيت كالعاده ودخلت على اميرة قبل تروح المشغل .. ضمتها وقعدت تبكي هي واياهاا..
زينه : الف مبروك انتبهي لنفسك ومن العايدين نسيت اعايدك صح هههه
اميرة : الله يبارك فيك يؤ ليش مابعد لبستِ ولا تجهزتِ ابيك تجين معاي المشغل ..؟
زينة تبكي : اعذريني مقدر احضر الشغل مكركب في البيت وعمتي ماتحب الفوضى وبعد بندر مااذن لي يعني انت خابرة كل شيء ( نزلت راسها بحزن )
اميرة : اذا ماحضرتِ والله ثم والله اني ما ..
زينة سكتتها وحطت يدها على فم اميرة ..
زينة : لا تقولين شيء والله مابيدي شيء ابد اعذريني بعدين مالي وجه اقابل بنات عماني خبرك محد يحبني ابد كلهم يكرهوني ومآخذين فكرة عني من حركات امي ...
اميرة بكت وضمت زينة ......
اميرة : طيب زينة بندر ماراح يرضى فرح اخته وعيال عمه و ماارح تحضرينه ...
زينة : لا بندر ماقال شيء بس احساسي بيرفض مالي خلق مشاكل خصوصا وان الوضع مستتب نوعا ما اعذريني تكفين واعتذري لي من هشام .....
طلعت زينة هدية عندها من زمان اقراط من سرماس وعطتهم اميره هدية
اميرة مابيدها حيلة سكتت وقالت لزينة : تأكدي انك نقصتِ فرحتي
زينة: اميرة احبك انتبهي لنفسك ونصيحة لاتخلين احد يتدخل في حياتك انت وهشام عيشوا حياتكم مثل ماهي
نايف اللي زعق بصوت عالي : اميـــــــــــــــــــــــره انجزي
اميرة : ياربي انا مو ناقصة يجي نايفوووه يزعق علي بعد قلبي يرجف خلقه ..
زينة ضمت اميرة وبكووووا ..
..طلعت اميرة واهي تمسح دموعها
البيت خلى تماما ومافيه إلا زينة ومعها دموعهاااا حرام بندر مافكر فيها حتى بهاللحظة فرح اميره و سعود ولد عمها وتعتبره زي بدر بالضبط ليش يحرمها من فرحهم ليش ..؟
"
"
الساعة 11 بندر كان واقف يستقبل المعازيم المهمين ويجلس مع ابوه وعمانه ..فجاءه نااظر ساعته "اوووووف نسيت زينة اكيد غبيه تسويها وتصير جالسه في البيت ماحضرت
دق على جوال امه ردت داليا سألها بندر زينة حضرت قالت لا .."
****
زينة جالسه على الاريكة حاطة راسها على ركبها ... وتبكي بحســــرة تتذكر كل شيء صار و تغمض عيونها كل ما تتـــذكر الطق اللي اكلته تحس ان جروحــــها ما برت للحين ...؟
إهانات امها لها و الطق اللي اكلته وهي صغيره كل الذكرى الحزينة في طفولتها استعادتها في هذه اللحظات في ذاكرتها لحظات سوداء امها تقفل عليها الباب في الظلــــمة إذا غلطت و هي تبكي ماما افتحي توبه خلاص افتحي ماما انا احبك ماما.... تنزل دموعها لتبلل ذكراها المكلومة خصوصا وهي تحس بفارق تعامل امها معها ومع بدر اخوها اللي لو يســــــــــــوي ايش ما يتعاقب ابد .....
.استعــــــادت كل ذكريـــــــــــــــــاتها البائسة
بــــندر عض شفته اللي تحت من القهر... واختلس لها نظرات قد تحمل طابع غريب
بندر حاول يسيطر على نفسه ورعد بصوته : زينة .......
زينة فزت مرعوبة وقفت وناظرت تحت ( للحين من ساعة اللي صار ماتجراءت تحط عينها بعينه تخاف منه خوف رهيب )
زينة بإرتجاف : سم
بندر متوقع انها ماراحت للزواج : ليش ما رحتِ الزواج ،؟؟
زينة صدت وشعرها غطى معالم وجهها : مدري
بندر بعصبية : كيف ماتدرين سألتك سؤال ردي علي ..
زينة خافت من عصبيته : مااذنت لي والشغل اليوم كثير مافضيت ....
بندر : بجد انت انانيه كيف بس تنقصين على اميرة اللي ساعدتك بمحنتك
زينـــــة صـــــدت بحزن وقلـــــــــبها يضــــــــــرب بــــقوه لانه موجــــــود
بندر بحزم : معك ربع ساعه تجهزي وبوديك بسرعه يلا وراي شغل مانيب فاضي لك زين اللي تذكرتك بعد مدري ايش طراك على بالي بس اشوى عشان مااحنا بناقصين فضايح انجزي بسرعه...
-
-
زينة ماعندها فستان جديد
طلعت فستان قديم عندها شافوه عليها قبل في مناسبة
لبست ووسوت الميك آب بسرعه و ضبطت شعرها طبعا ماشاءالله بدون شغل مشاغل بس الزين زين ..
بندر ناظر فيها وشاف الفستان ......
.( اشتاق لجمالها و قلبها المجروح بس كابر ومصمم على الفراق)
( بندر يفكــــــر في ياربــــــي وشــــــــــــــــــلون راح عن بالي اوديها الســـــوق تشتري فستان )
بندر بإمتعاض : ماعندك غير ذالفستان ..؟
( يبيها تكون مميزة مثل ما عودها كل شيء جديد و كشخة ولا احد ينافسها باللبس والكشخة بس زينة تغيرت الحين انكسرت بقوة ولاعاد تهمها المظاهر مثل اول) زينة ناظرت فيه : عندي بس سيمبل مايصير ....يعني مو لفرح ..
بندر بثقل و عصبية : بدليه طيب ....
المشكلة فساتينها في دولابها اللي في غرفة بندر واهو كان في الغرفة ماتعرف كيف تتصرف تخاف يدخل ويطردها او يهزءها
المهم طقت الباب ولا رد كان في دورة المياة الله يكرمكم دخلت وفتحت دولابها واخذت الفستان اللي يشبه فستان مادلين مطر العنابي اللي صممه زهير مراد و كرفته بكذى برنامج وحفله خخخ ...
طلع بندر وشافهااااااا ...

( مازالت مشاعره تعلن العصي و تجميد دقات القلب)
بندر بإمتعاض : وش دخلك الغرفه .؟
زينة بإنكسار فظيع : فستاني هنا
بندر فهم قصدها غلط ياحرام على باله انها تبي تبدل عنده .. مسكها مع يدها وشدها ..نزلت دمعتها
بندر : لا تحاولين او تفكرين بس انك تغريني انسي هالفكرة خلاص ماعاد لك قبول لو تسوين ايش..؟ مايمديك لو تسويين ايش لايمكن اقبلك بعد سواتك فاهمه او لااا
زينة بحــــــــــزن سكتت وطلـــــــــــــعت وهي تبكي
.. لبست وغيرت الميك آب تبع الفستان وطلعت ناعمة جداَ كيوت ...
في السيارة كان بنـــــــــــــــــــــــدر مشغل ....

يـا عذابي كيـــــــــــف انا بقــــوى عذابـــــك ..
لا صـــــــــــار في بــــعدكـ عـــــــــــــــــــــذاب ..
وفي قربــــــــــــــك عـــــــــذاب ....
ما تصــــــــــدق لو اقـــــــــول انك حيـــــــــــاتي في كل شيء
سمـــــعي و شــــــــــوفي انت دمــــــي وإحساسي
بأسم الـــــــهوى لازلـــــــــت حــــبي وهــــــوجاسي
وتدري عـــــــــلي .. قربك عذاااااااب وفي بعدك عذااااااااااااااب"
"

[آوهآآم]

"

(11)

دخلت زينة الفندق اللي كان الفرح في قاعته ... دخلت وابهرت الجيمع بجمالها الرباني ونعومتهااااا شعرها طاااااال كثير ما شاءالله وحاطه تاج ناعم جدا .. الجميع يناظرونها واهي تمشي ..

على تــــــــلك الطــــــــاولة من فئة 1st class ..

ريم : اخيرا شرفت بنت الاكابر هههههه إلا اقولكم فستانها مو كأنه قديم
إبتهال : لا تغلطين ذي عمتنا اخت خطيبي هههههه
الهنوف : يا عيني يا عيني عليها تجنن ماشاءالله ولاحظوا شغل الاتكيت تو ماتجي والفستان قديم بس روعه عليها ماشاءالله
صوفيا تناظـــــــــرها من فوق لتحـــــــت ...( طبعا صوفيا كانت كاشخه جدا )
تغريد : بصراحه تجنن من عذر بندر يوم انه طاير فيهاا ومن عذرها بعد يوم انها ماتشوف احد شيء ههههههههههه ماشاءالله شعرها صاير طويل مره
الهنوف بإقناع : لا مو لذالدرجه بالعكس اول كانت شيء بس كبر راسهااا
طبعا الهنوف وريم كرفن جملة ( خوات المعرس ) يعني يمكن هلكلمة كانهم قالوها ميه مرة قليل عليهم هههه
طبعا وردة و نورة متصدرات الفرح بالتكتيك الراقي و الشغل المضبوط ...
-
-
طبعا لاحظوا ولا وحده رحبت في زينة ولاحتى سلمت عليها من بنات عمانهاا كلهم اخذين فكرة عنها ولا يعرفون وش اللي صاير لها حتى تغريد صديقتها اللي دايم تشكي لهاا سحبت عليهاا..
نسرين كانت كاشخه بفستان ولا اروع بس مسويه ثقل لانها اخت العروس مدري ليش خخخ
داليا عند اميرة ما بعد طلعت للمعازيم ...
حست زينة بالغـــــــــــــــربة واهي بوطنهااا كل المدعوات يناظرونها اللي تسأل عن اسمها تبي تخطبها ابهرت الانظار بجد ..
و زينة نظراتها مبعثرة ..خايفه ...ماحد فز لها و استقبلها ...تحس في الغـــــربة وسط الناس

زحمــــة وجـــــــــــــــــــوه و عـــابـــــــــــريـــن ...لا شــــــــــــوق فيـــــــــــها و لاحنـــــــــــــــــــــين ...
وذا هو لسان حال زينة
طلعت زينة وراحت لاميرة مسكت يدها : شفتِ جيتك انا اقدر اتركك ههههههههه
اميرة : ايه يختي اضحكي تجنينن وانت تضحكين بس تعالي انت بجمالك بتخلين العالم يتركوني ويناظرونك ههه
زينة : لا وش دعوة انت العروس الاحلى اكيد .......
ناظرت زينة بود وراحت تبي تسلم عليها إلا ان واضح ان ود مرتبكة ومو متقبله زينة خير شر زينة قالتها الف مبروك
وراحت بس ووقعت في الاوتجراف للذاكرى وقعت لاميرة وسعود وهشام بس ود ماوقعت لها لانها ماعطتها الاوتقراف ....( وذا سبب لزينة جرح ندي جديد ) .
زينة جالسه بلحالهاااا على طاولة واهي تشوووف الرقص والهيصه وجواتهااا حزن والالام ..
نسرين كانت ليئمة لدرجة انهاا تجرح زينة بكلام قدام صاحبتهااا ...بس زينة كانت طبيعيه جداً و سيطرت على اعصابها قد ماتقدر لانها مو بناقصة مشاكل
زينة متحملة كل شيء عشان اميرة ..
واهي جالسه تعد جراحها وتغلط إلا بوقفة إبتهال عندها
زينة ابتسمت بحزن و خوف : هلا والله ..
إبتهال : هلا فيك كيفك ..؟
زينة : بخير انت شلونك .
إبتهال : ماشي الحال
وينك مالك شوفات ولا شيء ..؟
زينة : مشاغل تعرفين صرت راعية بيت هههههههه
إبتهال : أي صح قصدك راعية مركز تجميلي واهي تطق على كتفهااااااا
( يالله يإبتهال ليش بس تحيين ذكرى يوم موت حبي ليش تذكريني بيوم إعدام بندر لمشاعري واحاسيسي )
زينة : لا المركز خسر ولا عاد كملته
إبتهال : يؤ وانا على بالي هههههه اثاريك مانتب بشيء
زينة : ياحبني لك وحشتيني ..........
إبتهال : عطيني رقمك عشان ادق عليك ونتواصل ..؟
زينة بحزن تسوي نفسها طبيعيه : مامعي جوال حاليا بس عطيني رقمك وانا ادق عليك ... خصوصا ان فيه ناس احرقوا دمي عليك بالسؤال هههههههههههه
إبتهال : هههههههه أي وش جاب لجاب ....
زينة تبتسم : لا حرام عليك انا اهلي برى واحس بغربة إلا اذا سمعت اصواتهم وتبينه يسأل عنك بس قاهرني اخوي ترى ههههه
إبتهال : يختي كفاية عليك بندر اعوذ بالله مايفك عنك ابد
زينة ( وش فيـــــــها إبــــــــتهال اليــــــــــوم تبـــــــي تـــــــــــــذبحني )زينة تبتسم بألم : ايه الله يخليه لي
إبتهال : زينة انت فيك شيء متغير ماادري وشووو ,,
زينة : ناحفة صح ..
إبتهال : من يومك رشيقة اصلا ههههههههههه جسمك يجنن يالهبلا
زينة: عاملة دايت تصدقين .............
إبتهال : وشو الحقيني فيها خبرك اخوك هناك مسنتر ويشوف هالعصل هههههههههههه
زينه توهقت وعطتتهاا مكونات من راسها ( الله ييستر لا تنتفخ البنت )
مرت احداث الفرح بتسلسل منطقي يعني مافيه شيء يستحق الذكر
"
"
... بنـــــــــــــــــدر
في سيارته ينتظر زينة كان يشخّص ويعدل شماغه كاشخ مره ذيك الليلة
فجاءه شاف بنت جت وقربت صوبه : السلام عليكم
بندر استغرب وناظر تحت( مايستبعد هالحركة عن وحده تطلع بعباية مثل كذا) : وعليكم السلام ..
..............: " كيفك بندر "؟
بندر : بخير (انحرج مره )
" بسراحة ماندري من المعرس انت او هشام ماشاءالله عليك يوم دخلت مع هشام تحديت انا والبنات ماندري مين المعرس فيكم ..؟
بندر ناظر تحت ( وش عندها ذي قاطة الكلافة وشايته الفيس ) : الله يسلمك ....
زينة كانت طالعة وشافت ((((صوفـــــــــــــــــــــــــيا)))
واقفه تحاكي بندر تضايقت مره وحشرجت مشاعرها الغيرة خصوصا وان صوفيا متبرجة تقريباً ....
بس
تذكرت زينة بعدين ان بندر مهما صبر على وجودها معه فذا مو معناه انو لسى يحبها بالعكس يوم ورا الثاني يتجاهلها اكثر واهي كانت حاسه انو صابر عليهاا لان مالها احد في الديرة اهلها برى وامها تخلت عنهاا وبرضوا سافرت وتركتهاا فلذلك بندر ماحب يكون قليل اصل مع بنت عمه مع انها ماتستاهل اللي يسويه عشانها ....
زينة جت قربت للسيارة وفتحت الباب ،،
صوفيا تناظر فيها بنظرات استحقار وتقليل من شأنها ....
صوفيا : اوكي بندر انتبه لنفسك ونشوفك على خير ...
بندر سكت وكان يناظر في جواله طول الوقت مايعرف كيف يتصرف مع بنت عمه الجريئة بزيادة .....(طبعا عرفته بنفسها الشيخه )
زينة تحس انها شربت حزن الدنيا كلها و عيونها تحتضن كميات لا بأس بها من الدمع
بندر ناظر زينة اللي ماقالت ولا شيء ... بندر يناظر عيونها وشاف غيرة حزينة صماء خرساء : كيف كان الفرح ..؟
زينة بصوت صغير ومخنوق : حلوو..
بندر : الله يوفقهم ...
زينة : آمين ...
(زينة تفكر طـــول الوقت في امها كيف بس تتخلى عنهاا بندر ماقال لها شيء بس هي حست لانها تعرف حركات امها اكـــــــــــثر من أي شخص ثاني )
بندر: يلا وصلنا ماودك تنزلين .؟
زينة تبتسم ونزلت ....
طلعت غرفتها فوق وبدلت ملابـــسهاا وبكت شوي من حركات بندر فيها يوم ورا الثاني يهمشها اكثر
، بس يحق له ....بندر طعنها بحركته اللي من شوي مع صوفيا ..بكت بحسرة لبرودة كل شيء حولها
فتحت شعرها ومسحت الميك آب وجلست حطت راسها على ركبتها تداري احزانها ........
" امها من وهي صغيرة علاقتها فاترة معها تقسى عليها و تطقها و تهزءها على أي شيء عكس بدر اخوها الدلوع اللي امها تموت فيه ...ياما و ياما حجزت ام بدر بنتها زينة في غرفة ظلمة بهدف تأديبها تبكي زينة وتصرخ ماما اسفه اسفه توبه توبة بس افتحي لي اخاف من الظلمة كثير ... كثير هالذكرى تتردد عليها
...امها وفرت لها كل اسباب الترف والأناقه بس حرمتها حنان الامومه و دفء الاسرة لولا الله ثم ابوها كان من زمان انجنت وصار فيها شيء كايد ..او انحرفت
بندر ناظر في جاذبيتها اللي كانت توب ونعومتها وشكلها الحزين ، كانت سرحانه
جلس جنبها انتبهت لوجوده وعدلت جلستها ولمت شعرها بسرعه عشان مايفهمها شيء ثاني ..
بندر بحزن يفطر قلبه من جوا : لا يكون على بالك اني جاي اسولف معك او اضحك او حتى اقول مشتاق
( غمضت عيونها بحسره ) ووقفت .
.وقف ومسكها مع يديها بشويش وقال : لسى ماخلصت كلامي
ناظرت فيه واهي تفك يده ماتطيق أي لمسة منه كرهته قد ماعذبها وطقها ..
بندر : اسمعي ان شالله اهلك كلها شهر شهرين بالكثير وجايين يعني بتفارقين عندهم ..
زينة : ان شالله
بندر : بس عشان تعرفين وش قد انا صبرت عليك ورحمتك ماحبيت القيل والقال يكثر والا تدرين اقدر ارميك في بيت جدتك واخليك ...
زينة جمعت قوة وانفجرت من الاسطوانه اللي مليون مرة قالها لها وردت عليه : ادري ماجلستني هنا إلا عشان ابوي وعماني...
بندر صفق بيدينه : برافووو تعلمت الدرس ..
زينة : وحفظته عن ظهر قلب بعد ..
بندر : حلووو شيء طيب في تطورات ...
زينة : واللي يعاشرك ويذوق اللي ذقته منك معقول مايصير له تطورات ..
... بندر : والله وطلعت تعرفين تتكلمين بالاصول يابنت مضاوي
زينة دمعت عيونها و غمضت يوم جاب طاري امها وعجزت تكمل وبكت
بندر : هذا انت كلمتين على بعض وتبكين صدق ضعيفة ومنكسرة بقوه ........
... زينة ناظرت فيه لاول مره بعد اللي صار ( حتى اهو تأثر من نظرتها ) : بندر طلقني ولو ترميني في الشارع مو مشكلة بس ولا الذل والاهانة اللي كل يوم اشوفها منك خلاص طلقني انا ماابيك طلقني عذبتني كسرت قلبي....
بندر يضحك بسخرية : اولااا ماعندك احد ارميك عليه ، ثانيا مو انت للي تطلبين او تحددين الطلاق فاهمه ومسكها مع ذراعها بقوه وقال : متى ماطقت براسي اطلقك طلقتك .... لا تستعجلين بطلقك قريب ان شالله ......زينة بكت وطلع بندر وقلبه منفطر باللي سواه فيها .. مهما كان اهو يحبها موووت ليش يكابر ويجرحها
"
"
من بــــكـــــــــــــــــرة الــــــــــــــصبــــــــــــــح
سوت زينه شغلها كالعاده وكانت تعبانه مره ذاك اليوم مرهقه بشكل غير طبيعي ومع ذلك اشتغلت وسوت الفطور ....
على الفطور كان بندر وامه ونسرين وزينة جالسين ويسولفون عن الزواج ..
اثناء ماكانت زينة تصب الشاهي ،
قالت نسرين بخباثة : بندر لقينا لك عروسة؟
بندر ارتبك يعني اهو يقسى على زينة ويهزءها و يسحب عليهاا ويجرح فيها ....
بندر : هههه ومين قالك اصلا تدورين لي ؟
(زينة كل علامات حزن الدنيا على وجهها نسرين النسرة حتى وجودي مااحترمته يعني بلا في شكلها مو صابرة لين اطلع عشان تقول له )....
ام تركي : لا يمه انا ابي اشوف عيالك
زيـــــــــنــــــــــة صـــــــــاعـــــقة تــــــــفـــــجـــــــرت في راسهـــــــا
( ليش يبون يذبحوني ويعيروني وين الانسانية ، زينة عيونها امتلاءت دمع وخافت تغمض جفنها وتنزل الدمعه لكذا كابرت وتركت الدمعة تلمع في عيونها .).
نسرين : لا يابندر وحده تجنن ملكة جمال حلووووووه مووووت والاهم من هذا مشهود لها بالطيب واحترام الناس ( وركزت على ذالكلمه واهي تناظر زينة ) ..
بندر ماله وجه يناظر زينة حس بموقفها ....
زينة : عن اذنكم عندي شغل ......
نسرين مازالت تقنع بندر اللي سكتها ورفض رفضا تامااااااا ,
نسرين : بندر وربي انها حلوه ..
بندر : انا مشكلتي مع الحلواااات ماابي حلوه تكفي زينة حلوه ...
نسرين : بلا بشكلها زينة شينه ذي مو زينة بعدين ولا يهمك ادور لك غير البنت واجيب وحده اشين منها .. اهم شي انك تحط على راس زينة تكفى طلبتك .....
بندر تنرفز لان زينة قريبة وسمعت كل شيء ...
بندر : نسرين خلاص روقينااااا قلت لك لا يعني لا مانيب بشكي لك الحال انا
-
-
زينة جلست على طاولة المطبخ تبكي بحرقة ماتعرف كيف تتصرف كل يوم ورا الثاني تفقد صبرها عجزت تتحمل بندر مايرحمها ويتجاهلها الخاله ام تركي تلمح لها دايم انهم مانسوا اللي سووته والزفت نسرين عاد حاله خاصه .... زينة : وينك يا أميرة تشوفين حالي.....
"""
"""
"""""
"""
زينة طلعت غرفتها وضلت تبكي واهي ندمانه على كل شيء
دموعـــــــــــــــــــــــــــها
معرفـــــــــــــــــــــــــــــــــــــــتها في بنـــــــدر
حبـــــــــــــــــــها اللي ضــــــــــاع
خيــــــــــــــــانة الــــــــــــــــوعـــــــــــد
ذكرياتهــــــــــــــــا المؤلمـــــــة مع امها
تتمنى تموت ولا انها تعيش في عالم يركلهاا ويجرح فيهااااا....

مستغربه من حال الدنيا ليش بندر وعدها يحميها وبلحظة طيش منهااا خسرت وعوده وحبه لها..



مستغربه من حال الدنيا ليش بندر وعدها يحميها وبلحظة طيش منهااا خسرت وعوده وحبه لها..
بندر كان ممكن يصير افضل قدر بحياتي بس عاد المكتوب لازم نرضى فيه
نسرين درعمت على جناح زينة بدون احم ولا دستور
نسرين بكبرياء : زينة صاحباتي بيجون بليز يعني شوفي شغلك والله الله بالنظافه تراها اهم شيء ( شوفي الوقحة نسرين ) ..؟
زينة صدت عنها متقرفة من وجودها
وقالت : انا تعبانه مره مااقدر ساعديني عشان نخلص بسرعه..
نسرين بعصبية : نعم نعم وش قلتِ ما سمعت يلاااا بس انجزي لاااسود عيشتك ...
زينة عضت شفتها وناظرت نسرين بتحدي : لا تخافين عيشتي اصلا سوداء من اول ماشفتك ....
نسرين بحماقة : والله الظاهر لسى ماتربيتِ عدل يبغى لك الظاهر تهزيئة من بندر على كم كف يعلم في وجهك غير العلامات اللي متعلمه ههههههههه.
.. زينة ( تذكرت حركات امها فيها وطق بندر لها) : والله مو بعيده عليكم عادي يعني اعتقد مافي وسيلة تعذيب في العالم ماتجربت علي ....
نسرين : لانك ماتربيت واحنا نقوم بالواجب ... يلا بس انزلي شوفي شغلك
وعطتها فستان قالت لازم تلبسينه لان كلنا مطقمين كذاا وطبعا مايصير انت غير لازم تصيرين مثلنا ..
( زينة ماحبت ترادد نسرين لانها لو بترد عليها تخاف ان بندر يضطر فعلا انه يرميها بالشارع لكذا اهي مضطره تجاري نسرين )
زينة سووت اطباق حلاا ومعجنات وقامت بالواجب والقهوة طبعا قهوة زينة غيرر فيها طعم غير شكل ....
دخلت زينة اللي كانت في قمة النعومه حتى الشغل ماغير شيء من جمالهاا وكشخت في الفستان اللي طلع عليها يجنن ..
صديقات نسرين انبهرن في جمالهاااااا وبنفس الوقت انصدمن
من فستانهاااا ،، ليش ..؟
-
-
-
تتوقعون ليــــــــــــــــــــــــــش.....؟
-
-
-


تتوقعون ليــــــــــــــــــــــــــش.....؟ --

[آوهآآم]

تتوقعون ليــــــــــــــــــــــــــش.....؟ --
-
" عندما تحــــــتدم نيــــــران القســـــــوة و تــــلتهب ألســـنة الإنتـــــقام "

لأن رنا صديقة نسرين معها شغاله ملبستها نفس الفستان ، ونسرين كانت مع رنا يوم تشتري الفستان للشغاله واضطرت تشتري واحد للشغاله لانها نوت تذل زينة و ترجع لها الحركة أقوى < - - حركات حريم
رنا : واااااااااااااااو نسرين مين ذي قمر والله ..؟
نسرين غارت منها وقالت : ذي مدبرة المنزل
رنا بنظرات إعجاب : شغالتك احسن منا كلنا تجنن ماشالله ....
( تخيلوا شكل زينة عجزت تقاوم خلاص رجولها ماعاد تقواها بتطيح من الفشيلة ومن الارهاق ومن الحزن اللي فطر قلبهاا وهمش مشاعرهاا و من الإحساس المر اللي ذوقته خالتها ام بندر في سابق لحظة هذا هي قاعدة تشرب من نفس الكأس المر بجــــــد باكــــــر علـــــى الظـــــالــــم تــــدور الدوايــــر يا زينة )
نسرين بإرتباك : أي يقولون اصولها إيطالية مدري وشلون تجي ذي ههههه ...............
العنود : بكم تستأجرينها نفس اجار الشغالات الباقيات ..؟
نسرين : البركة بقناة بداية ههههه ومن السعر أي اكيد وش على بالك وارخص بعد الحبشيات اغلى منها للمعلومية ....
زينـــــــــــة حاولت تكمل الطــــــريق عـــــشان تنزل لهم القهــــوة بس ماقدرت
( آخ بطيح ) لسان حال زينة نطق هالكلمة
بس استجمعت قوتهاا لين وصلت الطاولة ونزلت القهوة والشاهي وطلعت بدون ماترد على السلام لإن دموعها تجمعت في المحاجــر الرقيقة
نسرين عضت شفتها بقهر : ذي مشكلتها ماترد شايفه نفسها لانه مزيوينه ههههههههههههههه
رقية بحسن نية : إلا مزيونة والله ماشالله عليها كاني شايفتها قبل بس مدري وين .....!!
زينة طلعت بسرعه وراحت غرفتها تبكي
بحســــــــــــــــــرة وبـــــألـــــــــــــــم و بــــــــــشــــــــــــــــــجن .
القهر يقطع احشاءها ( ياربي انقذني مااتحمل انا صار لي سنه وانا بين الحياة والموت ياربي اموت وارتاح )
.... بكت بـــــــــقوة وبحــــــــــــــسرة ..
" زينة قررت مستحيل تجلس في هالبيت ثانية وحده خلاص كفاية مايحبونهااا لازم تطلع لو تنام بالشارع بس بتطلع .... "
نزلت شنطتها وحملت اغراضها بعشوائية فظيعة
خطوات متهالكة
طق طق طق
بالكاد ادركت زينة صدى هذه الخطوات ...
التوتر اعتلى على انغام الحزن ....
وتلك الخطوات صوتها ...صداها قد أطل بصاحبها ......
-
-
دخل بندر عليها بهيئته الشامخة المألوفة ...
وشافها مختبه وحالتها حاله ...
بندر بنظرة رجولية خالصه والإستفهام على ملامحه : خير ان شالله ...
زينة مسحت دموعها و تشجعت : الخير بوجهك خلاص ياولد عمي انا ماعدت بصبر تعبت بطلع مستحيل اقعد هنا ...
بندر بغير إكتراث لكلامها : مافي طلعة رجعي اغراضك .......
زينة بإصرار وقفت : بطلع يعني بطلع والله لو على ايش مستحيل اجلس هنا مستحيل
وبكت ........
بندر بحزم اكثر : رجعي اغراضك لا اتهور ولااخليك تندمين ..
زينة بحزن فظيع ناظرت عيونه وقالت بنبرة حزن : وش تتهور بتطق طقني للاسف يابندر تعودت على الضرب خصوصا منك ........... يااخي ارحمني ارحمني ارحموا من في الارض يرحمكم من في السماء ......
بندر ضــــــــغط على اســـــــــــــنانه : مافي طلعة ولا تكثرين هذره ...
زينة جلست بإنكســــار
وحطت يدينها على وجهها
وبكت بقوه بصوت مسموع : حرام عليك والله مقدر اتحمل خلاص بموت ودني لو بالشارع بس هنا خلاص عجزت مااتحمل ....
بندر ناظر فيها واهو يسمعها وقلبه منجرح بلكنة عصبية : ممكن افهم وش اللي تغير يعني لك سنة صابرة ليش الحين ماقدرتِ ..؟
زينه قامت وناظرت ورا وقالت : خلاص انا مالي قبول بينكم كلكم حتى بنات عماني تخلوا عني ـ انت اللي وعدت وعود طلعت سراب خواتك امك وحتى امي واهي امي تخلت عني وش ابي في الدنيا خلاص اللي ابيه اعيش لوحدي عشان اضمن حياتي ابي ارتاح منكم انتم ماتعرفون الانسانية ابي ابوي

" وتــــــــقـــــــــــــعـــــد تــــــبـــــــــــكي .."

التفت لبندر وهي تبكي : تكفى بـــندر ابـــوس رجولكـ ودني لاابوي او عند بدر اخوووي طلبتك تكفى ذا لآخر طلب الله يوفقك ابي اشوف ابووووي الله يخليك ويسعدك ان شالله ......ابي ابوي

بندر صـــــــــــــد عنها عشان ما تقرأ عيونــــ وهو لا يزال غير قادر على إستيعاب رائحة الدمع والحزن العارم الذي انتشر في المكان .....

زينة مسكت رجوله بهيئة باكية جداً : تكفى ابوس رجولك ودني ابوووووي .. الله يرزقــــك بالولد الصالح ان شالله والله يسعدك مع بنت الحلال اللي تــــسعدكـ وتشتري راحتـــك ...و تعوضك عن كل لحظة شقا عشتها معي

بندر انصـــــــــدم ناظر لها لمح الإنكسار والضعف بعيونها
واهـــي ماسكه رجوله ونزل لها تحــــت تلقائياً بعد النظرة قال بنظرة حانية فظيعه : يصير خير

زينة قامت ومسحت دموعها مثل الاطفال : متى بتخليني اروح ؟
بندر وقلبه ينزف جراح لان وقت الفراق قرب .... : قريب ان شالله .....
بندر ناظر لها واهو حس ان اسارير الفرحة بينت عليها لانه وافق انها تروح ابوهاا ...
بندر بيسترجع شموخه شوي : زينة طيب ليش ماقلتِ ودني لاامي ...؟
زينة بحزن : لان امي مو فاضيه وراح تكمل الدكتوراة وبعدين انا اذا تضايقت احب اكون عند ابوي من وانا صغيرة ....( كتمت حرتها بقوه و دمعت بقوة )
بندر راح ووقف عند الشباك وقال : ما تحسين إنك مخبيه شيء ......
زينة ناظرت فيه بخوف : لا وش راح اخبي يعني ...( إلا قسوة امي لو ايش مستحيل اعترف لاحد فيها )
بندر : ماادري بس احس مجرد إحساس
زينة تمسح دموعها من الفرحة بصوت صغير : لا مااخبي شيء ..
بندر : تدرين زينة انا شفت امك امس ....
زينة بخوف وقلق ( خافت منها او عليها ماندري ) : والله وين وشلونها .؟
بندر يقرأ الإرتباك الممزوج بالحزن بعيونها : لاتخافين عليها بخير ....
زينة بحزن فظيع ناظرت فوق وكتمت دموعها : سألت عني ..؟
بندر " رحمها بقوه " : لا
زينة حست سكين جديدة انضمت لقائمة جروحها الدامية ...
-
-
زينة طلعت من الغرفة وراسها تحت ...

بندر استدرك قبل تطلع : على فكرة زينة ممكن اعرف وش التطورات يعني ليش هالوقت بالذات اختترت الفراق ..؟
زينة رجعت للغرفة و جلست جنبه ( شجعت عمرها ) ومسحت دموعها : انا كنت صابرة طول الوقت لان ماعندي احد اروح عنده استحي اروح لبيت أي واحد من عماني خصوصا وانك تعرف مايحبوني عشان امي كلهم يحاسبوني على حركات امي معهم و تعاليها وغرورها وكنت متأمله ان قلبك يلين وترحمني لانك حبيتني بيوم واللي يحب ما يكره و يرحم بس للاسف طلعت يوم ورا الثاني تزيد قسوتك ومع الايام لان اهلك شافوك ماتحترمني صاروا مايحطون لي احترام
بندر قرب عيونه وناظر في عيونها : تقصدين نسرين صح ...؟
زينة ارتبكت بقوة من قربه صدت وسكتت ....... بندر صد وسكت بعد
بندر اول مره يفتح قلبه لزينة ..
. بندر ( تذكر إهانتها لامه ولعن دقات قلبه اللي لسعته هاللحظة ) : زينة تدرين الليلة موعد فرح بالنسبة لي لان حضرتك قرررت تفارقين انتِ عارفه ان ماعاد لك قبول
( قالها وقلبه يتفطر بس يبي يجرحها لان جرحه منها لسى ندي) .... زينة ناظرت فيه بمشاعر حانية حقًا واهي على وشك تبكي : كل شيء له نهاية وانا بنتهي من حياتك وابي اشكرك انك تحملت تشوفني طول هالفتره فعلا بندر انت علمتني اشياء ماكنت اعرفهااا إلا لين علمتني انت وانا ممتنه لله سبحانه ثم لك بشيء كثير ..
.. بندر بكبرياء وتجاهل لنظراتها : من ناحية انك بتنتهين لا عيوني ابشرك انك منتهيه من زمان من حياتي
زينة : اوكي اذا منتهيه وش تبي فيني حرام عليك عذبتني بما فيه الكفاية ..
بندر يناظرها بسخريه وغنى : تحملتك بما في الكفاية ولا ظني ابتحملك ثاني
زينة تأثرت وطلعت .....
"
"
"
"
"
يا ساتر ليش الدنــــــيا مصـــــــره تعـذبكـ يا زينـــــــــة ...!

" عندما يعزف الحظ سموفــــينــته الدامية " "
دق بندر على عمه عشان يشيك على الوضع عشان يحجز لزينة وتسافر بلارجعه إلى حضن بندر مره اخرى...
المشكلة بندر دق على عمه اللي خبره انه في دورة في امريكا لمده سنة ......."
قفل بندر و تنهد بقــــــــوه
"يالله يعني زينة ماتقدر تسافر تروح عند مين هناك ابوها موب فاضي ابد ياحرام وبدر يحضر الماجستر "
زينة كانت مستعده ومجهزة اغراضها ..
دخلت غرفة النوم
سحبت خطواتها وذكريات هالمكان تلسعها لسع ...
ناظرت فيها بكـــت وتألـــمت لانــها ما توقعت ان بندر بيتركـــــها بيوم او انه حتى بيجـــرحها او يخلف وعده معها او يتـــــلذذ بالقسوة عليـــــها او يعلم فيها علامــــــــــات ....
مسكت صورة الـــــفرح ودخلتها معهاا واخذت كل صورها مع بندر ... وقلبها ينزف دم على حظها وحبها
صورة لهم جالسين على شاطئ قولد بلازا في تركيا وصور كثير ه في الاوتيل .. كل صورة لها حكاية ومعنى ورساله عشق انتهت بزمن قاســـــــــي مارحمـــــــها ..
بندر : زينة .....
ناظرت فيه زينة والحزن بعيونها : جاهزة ...
بندر رفع حاجب واحد وابتسم : الظاهر القدر مصمم اننا نظل مع بعض هههههه
زينة مستحيل بعد كل اللي شافته بهالبيت تجلس نطقت بصوت مخنوق بالعبره : مافهمت انت وعدتني اروح عند ابوي ..
" فهمها بندر السالفه كلهاا انصدمت وبكت ..."
بندر : ههههههه صح اني صابر كثير اتصبح واتمسى برقعة وجهك بس عاد الدنيا ضدي ماادري ليش يمكن خيره لك اصبري لين يفرجها الله ...
.. زينة تضايقت : لا انا بروح بيت امي نورة
بندر : لا والله عشان ابوي يقطع راسي قطع صاحيه انتِ الحين صبرتِ سنه مانتب قادرة تصبرين سنه ثانيه
زينة بشرهه حزينة ممزوجة بالدموع: مااظن فيه شيء يصبرني اتحمل هالعيشه
بندر وقف وبإسلوب عنيف: احسن عشان تتعلمين اكثر وتكونين إنسانه بمعنى الكلمة ,,,

((( زينة ياساتر يابندر للحين تجرح فيني بعد وش بيصبرني ...)))

بندر تجاهلهاااا وراح نام ....زينة رجعت ودخلت غرفة النوم اللي ينام فيها بندر فقط ...
بندر : يوووووووووووه ابي انام حتى نوم الواحد مايعرف ينام
زينة بإنكسار : آسفة بس بآخذ بجامتي لاني دخلتها بالدولاب ...
بندر تنهــــــــــد وسحب نفس عميق وهو يتأملها حزيـــــــــنة منكــــــــسرة

[آوهآآم]

" آهه مستعــــرة في جــــوف قلوب الحاسديــــن "

خــــــالد .. كبر اسمه وصار يهز السوق ماشاء الله يعني طلعة نسرين من بيته سبحان الله كانها بداية خير له ولاهله ....
خالد جالس مع المحامي عشان يشوف قضية هبة اللي جايه تطلب بعد من ورث الوالد ...
خالد : يعني افهم منك ان وضعي قانوني ميه بالميه وانها راح تخسر اكيد ..؟
المحامي متعب : ان شالله يابو رامي ... لا تنسى ان معك ورقة تثبت كل الحقوق اللي خذتها منكم
خالد : الله يبشرك هالقضية لها سنتين في المحاكم عجزنا نخلص منها المشكلة كل مانخلص تطلع هبه وتلفق قضية ثانيه .......
بدر : اقول خالد ورا ماتصرف لها كم ألف وتنقلع عنا عشان نرتاح والله مو قادرين نأكل ولا نشرب سببت لنا مشاكل في البيت والشركة والمحاكم فضحتنا الله يأخذها ..
خالد : يا بدر ذي لو اصرف لها مليار ماتقنع متعودة تأخذ ، وبعدين تهبى انا حالف انها ماتطول أي ريال إلأ اذا عاد مت فهذا شيء ثاني راجع لكم القرار
بدر : الله يعطيك طولة العمر بالعمل الصالح يابو رامي افا عليك بس وش حنا بدونك حنا نمشي على ظلك.
المحامي متعب : الله يطول عمرك يا خالد ان شالله بالعمل الصالح ونشوفك متغلب على كل اعداءك......
جلسوا يبحثون ويتشاورون وبعد نصف ساعة ...
استأذن المحامي وطلع بقى بدر وخالد بس .....
خالد : بدر بأخذ رأيك بموضوع وابي شورك ادري انك دجه بس عاد يلا مو مشكله ههههههههههه ....
بدر : لا والله ادري ماتصبر عني ههههههه
يلا تفضل وش عندك ..؟
اكيد تفكر في مشروع ويلا يابدر تعال معي نسافر برى من الحين اقولك انا مااصبر عن زوجتي ههههههههه
خالد : ههههههه استح على وجهك تراك 24 ساعة مرابط عندها خلها تتنفس
بدر : كيفي زوجتي وانا حر فيها ههههه
خالد : المهم ماعلينااااا... لا ابشرك مو شغل هالمره موضوع تقدر تسميه ...اي شيء بس مدري وش ههه.
بدر : الله يخلف اذا اخوي الكبير ذي علومه اجل حنا من باب اولى ماينشره علينا .....
خالد : بتنطم وتاكل هوا وإلأا شلون ....
بدر : الحين انت ماعقلت يعني ماتشوفني متزوج وزوجتي حامل ولله الحمد بعد وتعاملني كذىىىى ..؟
خالد : هههههههههه ايه خايف من ولدك الجاي يحرق كرت عيالي بس من الحين اذا بنت محيرة لرامي
بدر : اقووول وراك انت ورامي بس ههههههههههه اخاف تجي تشتكي منه اكيد بيصير زيك مقابل الشغل 24 ساعه وانا بنتي ابيها زي امها دلوعه ههههههههه
خالد : ياحبي لك اجل بنت ان شالله ............
. بدر : والله اتمنى تكون بنت ...بس تدري بنت ولد اهم شيء بصحة جيدة .. ( استدرك)
بدر : أي صدق وش الموضوع اللي كنت بتقوله لي ..؟
خالد : تعرف ابو وليد ..؟
بدر : أي ابو وليد فيهم ..؟
خالد : صاحب شركة التعاون
بدر: أي وش فيه الدب اللي كانه دافور ..؟
خالد : اقول اها عاد ذا يلمح لي يبني اخطب بنته لاتغلط .
. بدر : عز الله اللي رحت فيها اذا هذا نسيبك ههههههههههه
خالد : ههههههه
بدر : ليش وش قالك ..؟
خالد : لمح وبس انت مالك شغل قلي بس وش رايك ..؟
بدر : بصراحه الرجال يعني اشوفه كفو ومشهود له بالطيب
خالد : هههههههه وانا بأخذه اهو او بنته
بدر : أي وانا وش دراني عن بنته عاد هههههههههههه ..
خالد : لا بس يعني بصراحه انا مفكر اخطب منه لاني سمعت تغريد تقول انهااا كانت تدرس بالجامعه قبل سنة تخرجت تقول انها حبوبه ومتواضعه ...
بدر : اهم اهم شيء التواضع لا تجيب لنا وحده زي ام رامي تكفى
خالد : هههههههههه لا ام رامي بتنجن اذا درت وبتجي ترجع واذكرك
بدر : اها يعني انت مااخذ تبي تخطب بنت ابو وليد عشان ترجع نسرين وترفع ضغطها بس انتبه ياخالد ترى البنت راح تنظلم معاك ..
خالد : لاااااا مو كذى والله انا ناوي اخطب من زمان وامي تحن علي وام رامي براحتها اهي اللي اختارات واصلا النفس طابت خلاص غسلت يدي
بدر : والله اريح لك وانا اخوووك ههههههه
خالد : اقول عاد تراها ام ولدي خلاص بس الله يسامحهااا وبس
بدر : ياخوفي بس انك مأخذ البنت عشان ترجع ام ولدك ...
خالد : لا وش دعوى خير ان شالله انا عندي خوات وماارضي عليهن كذى انا ماراح اخطب لين اتأكد اني شاري البنت....
بدر : الله يوفقك توكل بس وانا اخوووووك هاه متى تبي نروح نخطب لك ...
خالد :هههههههه اخ يالدنيا اللي بدير بيروح يخطب لي ههههه صدق الدنيا محطات ...
بدر : اقول لايكثر ثم عاد استقعد لك واخليك تروح لوحدك ههههههههههه
"
"
بعد مـــــــرور 3 ايام

راح خالد وبدر لابو وليد اللي رحب فيهم ( طبعا كان صديق للوالد ) وانبسط بشوفتهم .....
خالد خطب بنته ضي وابو وليد ماقصر رحب فيه و بشره انه اهو من صوبه عطاه بنته بس يشاور البنت اول ...... عطاهم خالد مهله اسبوع ......
"
دخل ابو وليد على بنته ضي مدرسة لغة انجليزية ،، وقالها بموضوع الخطبة ..
ضي : يبه سامحني مااعصى لك امر بس هالشيء غصب عني مااقدر اوافق
ابوها : ليش يمه انت وحيدتي وابي اتطمن عليك قبل اموت
ضي بكت وبوست راس ابوها : الله يخليك لي يبه بس خايفه اولا مااعرفه ثانيا تقول انه متزوج ومعه اولاد مجازفة يبة والله
ابوها : ياماما هذا رجال كفو معروف بالديرة كلهااا طيبه ودين واخلاق والاهم من عائلها لها مركزها وبعدين من نفس القبيلة وانا ماوافقت إلا لاني مـتأكد انه شاريك ..
ضي : لا يبه تكفى لا تجبرني ماابي اجازف وانا باول عمري صغيرة .......
ابوها : طيب يمه فكري اخذي راحتك وذي صورته شوفيها ( كان خالد مصور مع ابو ضي في مؤتمر عقدوه مع بعض في القاهرة الصيف اللي راح )
ضي : يبه لا ماابي اشوف شيء وماعليش يبه سامحني .....
:
بعد مرور يومين
استخارت ضي وماتعرف كيف قررت تريح ابوهاا وتجازف وتأخذ خالد
مسكت صورته ناظرت فيه " واو رزة و شخصية يشبه لرضا العبدالله نوعا ما "
كررت الاستخارة وسبحان الله في كل مرة تحس انها بتوافق عشان تريح ابوهااااا ..
( ضي تحس بالضيق امها متوفيه من سنين ومالها علاقات قوية لدرجة انها تستشير احد ابوها كل دنيتها وحياتها )
اخيرا باقي على موعد الرد نص ساعه دخل ابو ضي على بنته
ابو وليد : هاه يمه وش رسيتِ عليه ....؟ انا قبل تردين انصحك فيه تراه كريم و ابن اصل وفصل والاهم من ذا قلبه طيب ويشيل العالم كله ...وملتزم يخاف الله
ضي بخوف : ليش طلق زوجته ام عياله واهي بنت عمه ..؟
ابو وليد : اهو للحين ماطلقهااااااااااا....
ضي بفزع : كيف وشلون تبيني اخذ واحد متزوج وحده على ذمته كيف بس اهدم حياتهم
ابوها : يمه زوجته خبله هبله ماتعرف مصلحتهاااا رايحه بيت ابوها من سنتين
ضي : طيب ليش تركته اكيد في شيء ؟
ابوها : عاد ذا انت اسأليه .....
راحت واستخارت ووافقت عشان خاطر ابوها المسكين اللي يبي يتطمن عليهااااا
ابو وليد دق على خالد وقاله انهم موافقين ، خالد فرح كثيرررر وقاله ان الشبكة والملكة الخميس ان شالله .... لإنه مستعجل جداً ويبي الامور تتم بهدوء لكذا ماشاور أي احد من الحكومة " اعمامه الشياب "
""""""""
""""""""""""""""""
خالد مباشرة راح لامه وخواته وزفهم لهم الخبر السعيد اللي فعلا طاروا من الفرحه
ام خالد دمعت عيونها : واخيرا يمه بترتاح ان شالله الف مبروك عساها فال خير عليك ان شالله
تغريد بفرحة : كلووووووووووووش الف مبروك الف مبروك عساها خير عليك وعلينا ههههههههههه
نواف اللي مسنتر جلسته المعتاده : وانتِ وش حاشرك علينا عساها تسعده اهو وبس
تغريد : يوووووه وانت لازم تستقعد لي على الوحده والثنتين
الهنوف : الف مبروك ياخالد .....
خالد واهو يضحك : الله يبارك فيكم ...
إبتهال دخلت : كلووووووووووووووووووووووووووووش الف مبروك
وراحت لخالد سلمت عليه وباركت له .... ابتهال : بصراحه خبر يبرد القلب
تغريد : مره هههههه
الهنوف : إبتهالوووووه وين ريم .. ؟
نواف : ياسبحان الله وانت ِساكته وان تكلمتِ بس سألتِ عن ريم صدق صفق ولفق ههههههههه
خالد : ههههههههههههه حرام عليك خف عليها شووووي
الهنوف : مايعرف يرحم اذا رحم بيموت يهودي اكيد
الجميع : هههههههههههه
خالد : يالا نواف شد حيلك وزوجتك عندي ان شالله ...
نواف بحسرة ( تذكر زينة واهو يدعي على بندر خخ ) : لا انا خلاص بضرب عن الزواج
تغريد : ههههههههههه ليش الى الحين مانسيت
نواف يغمز لها يعني انطمي واسكتي : تغريد كولكت يورسيلف
... خالد : هاه وش عندك تغمز لها ترى كلنا شفناك
البنات :هههههههههههههه
خالد طلب منهم ماينشرون الخبر لين يملك ويلبس زوجته ضي الشبكة ..
-
-
فعلا يوم المــــــــــــلكة راحن خوات خالد كلهن واخوانه وامهاته ....
تغريد بجنبــــها إبتهال .....
شافن ضي وانبهرن فيهاا حلووووه بروحها و طيبتها وناعمه وشعرها طويل اسود وواضح انها حبوبه تخش القلب بسرعه
ريم جلست جنب ضي ....
ام بدر : ريم فكي عن ضي تعبتيها..
ريم : لا ذي زوجة اخوي الكبير فرحانه فيها ههههههههه
ضي ابتسمت بخجل .....
نادى ابو وليد على بنته ضي ... ضي خافت وقلبه يضرب بقوووه لأنها اول مره تشوفه اليوم
وردة كانت معهم مسكت ضي وسمت عليهاا : لا تخافين عادي تراه ماياكل ولا يعض ههههههههههه
ضي : دعواتك لي خايفه تعالي معي ......
وردة : يؤ مو محرم لي اخذي وحده من البنات بس ماانصحك تراهن مربوشات ههههههههههه
ضي : مانيب ناقصة رباشة تكفين ...
تغريد : كأن زوجات اخواني يحشن فينا
وردة : ابد من قالك ههههههههه

-
-
دخلت ضي مع ابوها وجلسها جنب خالد واستاذن وراح عند اخوان خالد والمملك ..
خالد ناظر فيها وانبهر فيها يعني ارتاح لها سبحان الله: الف مبروك
ضي بخجل : الله يبارك فيك ...
خالد : ارفعي صوتك ماسمع شيء ...
. خجلت حمرت خدودها فشيلة << خجوله مره
خالد : بصراحه يعني كنت متوقع انك حلوة بس مو لذالدرجه انا بحياتي ماشفت جمال زي كذى
مسك يدها برقة .... ضي انحرجت مره وناظرت تحت ....
خالد : ناظريني ممكن
ضي ماقدرت ... خالد : امموت على اللي يخجلون تدرين وانت خجلانه قمر بعد ...
مسك خالد يدها ولبسها دبلة وخاتم ذهب ابيض يجنن شكله مرصع فيروز واحجار كريمة ..
خالد : الله يقدرني اسعدك ... خالد :يالله عاد قبل اقوم ابي اسمع صوتك ...
ضي : وش اقوووول ...
خالد : اممممم قولي احبك ..
. ضي ناظرت فيه واهي منحرجه
خالد : خلاص قولي اللي يخليك لي .........
ضي : الله يخليك لي ...
دخل ابو وليد : هاااااااااااااااه عاد يااخالد اعتقد طاح اللي براسك خلاص نص ساعه كفاية ( طبعا ماذكرت كل الكلام ^_^)
خالد : والله ضي تستاهل العمر كله ياعمي
ابو وليد : الله يوفقكم يمه ..
. خالد : عمي ان شالله نبي الفرح بااقرب وقت اذا العروس ماعندها مانع ....؟
ابو وليد : والله زوجتك وانت شاورها طلعني منها انا هههههه
خالد ناظر ضي : خلاص ضي ان شالله معك شهر جهزي حالك فيه وبعدين بخطفك من ابوك ههههههه...
طبعا خالد عطى ضي رقمه وصا يكلمها يتطمن عليها بين فترة والثانيه ....
؛
تخيلوا نســـــريـــــــــن يوم وصلها الخبر انجنت طار عقلها كذبت الموضوع كله في البداية دخل عليها نايف اللي كان متأفف من حركاتها

نسرين لبست عبايتها : نايف يلااااا ودني ودني ..؟
نايف انلخم : بسم الله وين ؟
نسرين: مو شغلك بس ودني
نايف بسخرية : اقول اجلسي بس وين اوديك بهالليل لا وتقولين مو شغلك انا اللي بسوق
نسرين : نايفووووووووه تدل بيت ابو وليد الهاموووور ؟
نايف : والله ماعمري سمعت بوليد الهامور كذى عائلته
نسرين عصبت : تستخف دمك انت وخشتك ماني ناقصتك ترىىىى يلااا ودني بس
نايف : ااااااااااااااهااااااا قصدك نسيبنا الجديد
نسرين ضربته مع صدره : بلا بشكلك نسيب هاااااااااااااااااه نايف توديني ولا شلون
نايف : مانيب موديك خلاص الرجال ملك وزواجه بعد شهر اجلسي وكملي عندنا في البيت وناسه صراحه البيت بدونك مافيه اكشن

( زينة في المطبخ وسمعت كل شيء بينها وبين نفسها فرحـــت كثير طارت من الفرحة )

[آوهآآم]

بندر بإمتعاض : خير ان شالله فضحتونا اصواتكم واصلة مجلس الرجال ابوي عنده شيووووخ وانتم تزعقون ماتستحون
نسرين : بندر ودني تكفى هذا غبي اشحده لي ساعه ..
بندر يصفط شماغه اللي طاح : وين ...( ناظر ساعته )
نسرين : عند بيت الحيوانه اللي اخذت رجلي مني
بندر بعصبية : خير بتفضحينا انت ذاللي بقى وربي الكريم لو اعرف بس انك رايحه لها ترى بجد بجد راح تزعلين مني يا ما ياما نصحتك وطنشتِ انت اللي جنيت ِعلى نفسك ....
نسرين : مالت عليكم من اخوان حتى انتم رخوووووووم الواحد لزوجته بس يمشي وراهااا بس لخواته ولا شيء
بندر بصوووت عالي : نسرين بس خلاص .....
نايف : بندر ترى المجنونه ذي بتورطنا الله يخليك شف لها حل تراها تسويها مايهمهاااا عادي
ناظر فيها نايف وقال : الحين يوم انك تحبينه ليش تاركته سنتين مدري ثلاث ليش ؟
نسرين : كيفي ماابيه ماابيه
بندر : ماتبينه ليش طيب بتروحين لزوجته ....
نسرين : بقولها عن كل شيء ................
نايف وبندر وحتى زينة اللي كانت قالطه باذانها تسمع استغربوا
بندر : نسرين كلامك كبير وخطير استحي على وجهك ولا تسوين شيء بعدين خالد مااحد يلحقه بعيوب ..؟
نسرين : بقولهاااااا انه بيخنقها عند امه وخوااااااااااااته ،،،
نايف : هههههههه ليش على بالك انها مثلك بالعكس يمكن حياتها معهم بنفس البيت تصير جنه
نسرين صرخت : بندر سكته لااذبحه .................
نايف : مو غريبه عليك اللي بنتك راما صابتها عقده من كثر الطق عاد بترحمين اخوك لا وكبير يعني بينتك واهي بنتك واهي صغيره عذبتيها
نسرين حقرتهـــم و طلعت فوق لغرفتها
زينة كانت تســــمع في المطبخ مرت نســـرين وشافتها << جالك الموت ياتارك الصلاة
نسرين : لااااااااااااااااااا والله مابقى إلا انتِ بعد تتشمتين فيني والله لاواريك
ودخلت ومسكت زينة مع شعرها ...
زينة صرخت من غير شعور :أأأأأأأأأأأأأأأأأأه أأأأأأأه
نايف : بندر الحق الحق زوجتك بتذبحها
بندر بقلة حيله : ياربي ساعدني يارب
دخل بسرعه ومسك نسرين اللي قطعت شعر زينة بيدينها
زينة تصرخ : وش فيك انتِ اتركيني ؟
نسرين : وتراب في فمك ياقليلة الحياء وتراديني بعد
بندر فرقهم عن بعض وطلع نسرين من المطبخ وناظر في زينة : يلا اطلعي فوق شغلك بعدين
زينة بإسلوب باكي : والله ماتسمعت والله اهي اللي ظلمتني ...
بندر معصب مره : بسسسسس يلا فارقي فوق
زينة طلعت غرفتها واهي تبكي من القهر...
نسرين طول ليلهاا تفكر في خطة تفركش فيها فرح خالد بس عناد ماتبي رايه يتم تبيه يرجع يطلب السماح منها ويسكنها في بيت بلحالهم ......


(14)

( يا واقع جرحي في أي صحــو أنت ...!! )


" النـــاس تبكي لجروحها وأنا بكت لي جروحي "


" زينة جلست تبكي مو متحملة مستحيل نسرين ذبحتني سببت لي انهيار
وبندر جرحني وراح يقتلني بتجاهله وقسوته علي خلاص يطلقني يرميني في أي مكان ..."
دخل بنـــــــــــــدر واهـــو معصب ....
بندر عيونه تتطاير شرر : ممكن تفهميني وش قلة الحياء و المسخرة اللي سويتيها .. الظاهر انك لسى يبي لك تقويم ماعقلتِ بصراحه انت انسانه لئيمة يعني مكرمك ومجلسك( يعد باصابعه ) عندي للحين مع اني مااطيقك ومع ذا تتلصصين ... ما تستحين
زينة بحزن صوتها صغير : والله العظيم ماتسمعت هي اللي صوتها كان عالي ...
بندر صرخ : بس عاااااااااااااااااااد اسكتي مابي اسمع صوتك
زينة طلـــــــــــــعت وتركته .....
" بندر مسكين الهموم محيطه فيه ... اخته اللي ماتعرف كيف تتخلص من انانيتهااا ومابين امه اللي تعبت فجاءه وطاحت ودوها المستشفى وإلا زوجته اللي يحبها ويموت عليها بس يكابر عشان كبرياءه وعشان يجرحها ويعذبها مثل ماعذبته وده يرميها في بيت جدتها بس مايدري اهو بيستحمل فراقها او لاااااااا ؟
يعني اهو يستلذ بتعذبيهاااااااا ويقسى عليها بس يكحل عيونه بشوفتها دايم وذا افضل عنده من خسارتها خير شرررر ..."
بعد 3 ساعات تقريباً
دخل بندر على زينة واهي تصلي وجلس ينتظرها تخلص ....
بندر : شوفي ذالجوال لك عشان يمكن نفسيتك التعبانه تتحسن اذا سمعت صوت امك هذا اذا ردت عليك ..؟
زينة بحزن ......( نفسيتها سئية جدا انعدمت ثقتها بحالها وكرهت كل شيء ماعادت تتحمل أي شيء دمعتها قريبة و صارت ساكته كل وقتها )
بندر : بنروح لامي بعد شوي نزورها انتبهي للبيت ..؟
زينة بإحساس الطيبة : بجي معاكم .....
.. بندر : لا والله يعني تسوين فيها طيبة وتبين تتطمين على امي
زينة بحماس : هذا الصدق .......
بندر : حركاتك انت وامك التمثيليه ذي مو علي فاهمه ,,,
زينة دمعـــــت عــــــــيونها بكت...
" ام تركي من تصرفات نسرين بنتها اللي ارسلت وحده لضي وقالت لها كلام ماله اساس من الصحه عن خالد تبي تفرق بينهم ...."
ضي تأثرت وكلمت خالد وشكت له واهي تبكي ...
خالد وضح لها الموضوع ووضح كل شيء من إلى
وصارت ضي ملمه ابالموضوع كله وحذرها من نسرين ..
خالد كلم تركي اخو نسرين الكبير اللي ماقصر فيهااا هزأها كثير وام تركي سمعت كل شيء وطاحت مغمى عليهاااااا صابتهاااا جلطة وعدت على خير بس وش النتيجه .....
ام تركي صارت ماتمشي ولا تتكلم .....
زينة بكت كثير لان خالتها ماتستاهل هذا كله بس اللي من الله ياهلا فيه ،



15)

( بعد مـــــــــــرور شهــــــــــــــــــــرين )

زينة لا تزال في قوقعة جراحها تلتهم أهازيج الصبر علها تمدها بالإنتعاش ..
آمله منها فجر جديد وميعاد للتصافح معها من جديد ... !

بندر لا يزال يمارس طقوسه القاسية ليس على زينة وحسب إنما على نفسه حتى ..!

نسرين لا تزال تبحث و تبحث آمله بإيجاد حياة ترسم لها قوة و جبروت !

( طبعا خالد تزوج ضي اللي طاير فيها واهي بعد طايرة فيه )

امــيرة وهشام رجعوا السعودية بعد شهر عسل دام شهر ونص .....<< سعيدين ماشاءلله
طبعا اميرة و هشام الجميع فرح بعودتهم واكيد كانت هناك مناسبة كبيرة في إستراحة العائلة وكل المعاريس مشخصين ...
اميرة كاشخه بلبس ليموني على زيتي مطلعها رزة وكشخه شعرها صاير طويل طالعه شيء ..
ود ناحفة كثير عن اول و كاشخه بفستان بينك مخطط بسكري مره رايق ..شعرها شينيون على فوق بحركة ناعمة جداً .. << مشخصات عند الحريم ...
ريم : اقول هنيف مو كان ود ناحفة ..؟
داليا : يمه يمه يالحريم وش حاشرك عيب القز ترى ...
الهنوف : كح كح مين تحكي عفوا ما سمعت وش عنده الدكتور ميسره
ريم : هههههه لا عاد كل شيء و إلا اميروه مسويه ثقل ..
إبتهال و تغريد و ود و اميرة مع بعض خاشات جو بالسواليف
ريم و الهنوف وداليا متجات للبنات
ريم برباشتها المعهودة : ود من جد شنطتك مسكته امووت انا على اقنير
ود : اقول رجعي فستاني بس هههههه
ريم برد وجهها : افا بس بدل ما تقولين ماتغلى عليك صدق الذوق لاهله
الهنوف مسكت شنطة ود : والله ماهوب من زينها والله لااشتري اسنع منها بمليون مره
ود : احلفي بس انتِ واياها هذي تدرين من وين ,, وبكم ..؟
الهنوف حطت رجل على رجل : بدينا بهياط العروسات هههههه من وين باريس او جنيف
داليا : ماليزيا وتخب ههههههههههه
ريم : تقولين لي اجل كسرتِ ظهر سعود اخوي بفاتورة على هيك خرابيط
ابتهال : ههههههههه ياليل البزران وش جابكم
داليا بنظرة خبيثة للبنات : ليش يعني فيه سواليف خاصه او شيء هيك ماهيكات ..
اميرة : برافو على الشاطرة يالله انتِ واياها ...
الهنوف : افا الاخلاق قافله اجل خخخخ وش دعوه يقولون البنت تروق بعد الزواج ...يؤ لا تكونين حامل بس
ريم برباشتها : إلا قولي لا تتوحم على خششنا هههههههه
ود : يالله بسرعه انتِ وهي وبعدين عيب تطبون عم طم كذا
الهنوف : احلفي بس لا احلفي بقوه واصدقك يعني وذالكمخ ( اشرت على ابتهال و تغريد) وش موقعهم بينكم ؟
ابتهال : لا يامال العمى اللي يعمي عدوك ماتستحين انتِ .....
ريم : الواحد ألزم ماعليه ماء وجهه يالله يابنات قوموا الله وذالوجيه عاد ..<< تسمع بالذوق خخخ
اثنــاء مغادرة الجميع الإستراحه
ريم تزعق بصوت عالي : دالياااااااا
داليا تلبس عبايتها التفت : خير فضحتينا كل العالم عرفوا اسمي ....
ريم : احلفي بسسسس ههههههه وهالعالم للمعلومية كلهم اهلنا ترى
داليا مكشرة بدلع : اخلصي وش تبين
ريم : تعالي معنا البيت نامي عندنا براسي اكشن الليله
داليا : وش قالوا لك عبدالخالق الغانم وإلا وليد ناصيف
ريم :هاهاهاهاهااا سخيفه عز الله هذا حدك يالمعفنه ..المهم امشي معنا البيت
داليا : لا ياختي اميمتي تعبانه تعرفين ماعندها غيري ...
ريم : الله يعينك .....
صرخت الهنوف باعلى صوت : ريموت يالله مشينا ترى
داليا : طيب يالله اشوفك على خير ...
اميرة : يالله داليا هشام وصل
داليا : نعم ايش عفوا ماسمعت ترى
اميرة : احمدي ربك بعد
داليا : اقول احلفي بس تبيني اروح معكم احشر نفسي كني خبل مستحيل كبريائي لا يسمح
سحبتها اميره اللي شافت العامل " درعم بيطفي الانوار "
اميرة : يامال ابو رمح استغفر الله يالله شوفي دخل بينام اكيد
داليا : لو اني رايحة مع ريم وهنوف اصرف لي
اميرة : لو انتِ قلتيها لو انك ذالفه ولو تفتح ابواب الشيطان ...يالله انجزي
داليا : طيب لا تنافخين اروح وامري لله بس رجاء من الحين ماابي غراميات بينكم تراي ماتحمل اشوف كناري حب وبينهم عذول ...
اميرة : انا مادري من وين تجيبين هالحكي كله من هالروايات اللي لحست مخك
اميرة وصلت البيت ولا كان فيه غير زينة بس ....
داليا : هههههههه إلا اقولك ما خلصتِ رواية ....لـ..
سحبتها اميرة وسكتت ...<< نكته خخخ
-

[آوهآآم]

-
وهم في السيارة داليا وهي تتأمل السيارات والناس ... استدركت شيء مهم
( اميرة ماتعرف وش صار بأمي اكيد بتصير مناحة الله يعين )...
داليا : احم احم
هشام : وش عنده وجه ابن فهره متأدب اليوم هههههه لا ويقولون بالقوة ركبتِ معنا..
داليا بقهر : انت قلتها يقولون يعني يمكن احد كذاب قايل لك وإلا فيه احد مايبي يركب مع هشام
اميرة : هين شغلك بعدين
داليا : بعدين بعدين وش اخذين من الدنيا .....
هشام : ياليل التبن خخخخ لا تكونين تبين اكل مطاعم مقفله
داليا : الله يخلف عليكم بس دوافير من جد ألزم ماعليكم الفلس ههههه المهم اميرة ياليت تتوكلين وتروحين مع رجلك
اميره : لا هشوم وافق بنام عندكم الليلة وبكرة ارجع ؟؟؟
داليا ( تفكر في المناحة اللي بتصير ) : ياشيخه عيب تتركين زوجك تعالي وقت ثاني
هشام : لا من جد متغيره خلاص بندور لك على عريس هههههههه
اميرة نزلت مع داليا البيت ...داليا تفادياً لأي مناحات سلمت على امها و دورت ابوها مالقته كالعاده في المزرعه ....مرت على زينة القت السلام و دخلت غرفتها ....... قفلت الباب ...تكأت ظهرهاعلى الباب ..تنهدت بعمق وكتمت دمعتها بحسرة فظيعة ......
" نسرين نايمة وعيالها عند ابوهم "
" ومحمد و عبير في الشرقية كانوا لان محمد يشتغل هناك .."
.. اميرة بملامح تكسوها الدهشة شافت زينة وسلمت عليها ...
بكت اميرة كثير يوم شافت امها وحزنت وتمنت لو انها ماسافرت خير شر..!
اميرة دمعتها بعيونها : ليش محد قالي مالكم حق..! اسألكم وتقولون بخير ....وين داليا ذي انا اوريها !
زينة تواسيها : خلاص اميرة عاد عمتي تتأثر حرام عليك بعدين موعد ابرتها الحين وخري بطقها ( ابتمست لها زينة )
وطقتها زينة برفض من ام تركي اللي كانت تكره زينة ولا تبيها تقرب لها ابد
مع العلم ان زينة اهي اللي قايمه فيها وتسنعها ولا وحده من بناتها تسوي لها كذى ...
زينة تعاملها بطيب آمله تكسب قلبها وتسامحها وتبي الأجر من الله فوق كل شيء ...
ام تركي شاتت يد زينة بقوة مع نظرة قاسية جدا و عدم إنصياع لقبول زينة بقربها ..

" زينة كل عبارات الوصف لا تفي بوصف حالتها وهي تقابل بالصد وعدم القبول وكأنها مجرمة حقاً ..."
اميرة : زينة طولي بالك ولا تشيلين هم والله مااراح يلحقك غير الاجر ...........
زينة وعيونها تدمع : ان شالله ... انتِ يا أميرة شفتِ امك وتدرين عن حالها بس انا امي لي فترة طويلة سنه و كم شهر ماادري وش اللي صار لها مادري اهي بخير او لا تخيلي ... اسأل ابوي عنها يقولي بخير وبدر يقولي طيبة وهي عندهم اطلبها بس مدري وش فيها ماترد علي ابد..
و بكــــت زينة بحسرة تقطع القلب
زينة تفكر بينها وبين نفسها بـ :

( مدري ليش امي سوت فيني كذا ..تتخلى عني وتتركني عند بندر اشبعني ضرب وإهانات ..مليت من الحياة ليش الناس كذا مايعرفون التسامح ابد )

جــوهرة عاشت حزينة وابتلعها اليوم حــوت
عاشت الماضي حزين وحزنها الحاضر سنين


طبعها مثل الملاك وطعمها سكر و تـــــــوت
بس لو تمشي يسار فحظها يمشي يمــــــين


اميرة : ان شالله انها بخير زينة ذي امك وانتِ ابخص فيها
زينة تمسح دموعها : الله يسامحها بس.............

قطع الجو رائحة عــــــــطر بالــــــــــــــــــــكاد سببـت لزينة توتر لا يضاهــــى ...
بندر يبتسم : ماشالله وانا اقول الرياض منــورة اثاري الشيون شرفوا ههههههههههه
زينة تجفـــف دموعها بسرعه قبل يشـــوفها بنـــدر ( ماعاد يستاهل أي دمعة يا زينة خلاص )
اميرة تضحك وعيونها مدمعه :هههه شفت كيف اظلمت الرياض بدوني
بندر : اتعب انا ياثقه هههههههههههه ( طبعا جلس عند راس امه وبوسها )
بندر ناظر في زينة وبانت عليه جدية حازمة : امي اخذت الابرة ..؟
زينة شعرها على وجهها : ايه ....

ام تركي مسكت يد بندر وبوس يدها وجلس جنبها يوكلها بيدينه ...<< رحوم لامه بشكل لا يتصور
اميرة و زينة طلعن راحن المطبخ ...
زينة : وش رايك صرت طباخه ماهره ههههههههه
اميرة : أي حسيت ان بندر كارفك ههههههه
زينة تبتسم : مره بشكل فظيع بس الحمدلله استفدت شكلي بفتح مطعم
اميرة بحمـاس : لااااا لا تخسرين هشوم ذي فكرة مشروع بنسويه انا واياه هههههه
زينة وهي تطلع كأس من الدرج : حلوووو قاولوني وانا اطبخ لكم
أميرة : لااااااااااااا يختي تبين تشوهين سمعة مطعمناااااااااا هههههههه
زينة واهي تغسل يدينها : ههههههه حرام عليك تذوقين طبخي و تحكمين
بندر دخل وعاود زينة ذلك الإحساس اللعين : هاه ما شاء الله اشوف العالم تضحك ..؟
اميرة تبتسم : وليش الضحك ممنوع ؟ يقولون لك هو الوحيد اللي مابعد ارتفع سعره للحين

(زينة تنهدت بحسرة آكثر شيء ارتفع سعره بالنسبة لي الضحك يا اميرة )
بندر : مو ممنوع بس ماالومك مع هشام اكيد بتأخذين طبعه إلا قولي لي للحين خبل او عقل ....
اميره كانت تشرب مويا اخذت شوي ورشته على بندر
زينة : ههههههههه
بندر عصب وناظر في زينة : يعني جازت لك هااااااااااااااااااااه
زينة بإرتباك : ههههههه سوري بس غصب طلعت
-
-
-
(16)


ناس تـدس الهـم بيـــــــــن الحنايـا
وناس وربي مادرت وش صـــــــــاير

هذاك حظه مثل بيـض الــــــــثنايـا
وهذاك حظه مثل سودالضـــــفايـر

مـــرت الايـــــــــــــــــــام تجـر بعضها حتى اصبحت شهر او ربما شهرين او ثلاثة

"اميرة طلعت حامل وحتى بعد ضي ماشاءالله حملت الامر اللي جنن نسرين وخلاها تخاف على اموال عيالها وتفكر في حيلة انه تذبح اللي في بطن ضي..."

"ام تركي ماتحسنت حالتها من اسوا لاسوا .."

" علاقة بندر وزينة لا تزال في تلك الجفوة العميقة و القسوة من بندر "

" طــــــــول هالفتــــــــرة زينة هي اللي تقوم في ام تركي وتسنعها على اتم وجه حتى الخاله ام تركي تقبلتها وصارت تموت على قربها ولا تنام إلا اذا مسكت يدها وقرت عليها زينة ............".

" نسرين فكت عن زينة هالايام في ضي وخالد اللي حقدت عليهم بجد "

هذا موجز التغييرات في تلك الحياة المكتظة بأهازيج الحزن و شهقات الألم وملامح القسوة ...

( بداية المشهد 15)

في بيت سعــــــود....
ود جالسه على الاريكة ومعها الريموت تتفرج على التلفزيون قناة mbc تشوف طبعا المسلسل اللي احدث ضجة " سنوات الضياع " ....سعود يقرأ الجرايد
ود : حياتي إلا ماودك نسافر تركيا ...
سعود : هههههه قلب حياتك انتِ إلا ماودك نصور مع لميس
ود بعصبية : وش معنى لميس هاه معجبتكم هالفلبينية
سعود :ههههه كح كح والله ماقامت ولا جلست عندي الله يخليك لي بس
ود بدلع : ايه على بالي لا تكون مثل اخوك بدر بعد
سعود : هههههههه بدر من جد مضيع مع اخت رفيف الدكتورة مدري وش اسمها
ود : يا سبحان الله مزاج بدر ذا ههه ليش يعني كل ذا عشان وردة حملت هين والله ان ماقلت لوردة
سعود : حياتي دنيتي اركدي وبلاش هالحركات
ود : ياسلام يعني هينه كذا تشوف انها هينه
سعود : فكينا يابنت وردة خلقه تغار يعني بالعقل تغارون من ممثلة بالتلفزيون ليش وشذالتفكير ههههه
ود قربت لسعود : تدري حياتي مهند جنان وإلا يحيى اخ بس يا رزته
سعود يبتسم ومسوي نفسه معصب اتجه لها ومسك خدودها ....
إلا والباب يطق ......
ود ببراءة : الباب يطق
سعود : بحريقة خليهم وش علينا منهم تقولين لي يحيى اجل هاه ..؟
ود بعدته عنها وهي ميته ضحك وراحت تفتح الباب
الهنوف وريم : احم احم ....
ريم تهمس للهنوف : تكلمي انتِ دقتني ام الركب انا خفت والله
الهنوف : احلفي بس انا اتكلم وليش ماتحكين انتِ
ود : ههههههه وش فيكم الحمدلله والشكر
الهنوف : شوفي على بلاطه << ماعندها وقت عربجية خخ تهاوشنا مع نواف وقفل و mbc1 mbc4
و انا اعرف افتحها بس تفاديا لعدم تقطيع شعري اللي رايح فيها من كثر الهوشات والاهم تفاديا لمعصية اخوي الملحوس نواف ممكن نشوف سنوات الضياع عندكم خصوصا واني قريت بالنت الحلقة ما تنفوت
ود : ههههههههههههههه خلصتِ وإلا باقي شيء طلعي كل اللي بقلبك لا تكتمين
ريم : يادنياااااااااااااا حتى ود قامت تشخص اقووول هنيف ادخلي بس
ود : حياكم هههههههههههه
سعود : اهلن اهلن اهلن اهلن.....وش عندهم الاخوين الرحباني خخخخ
ريم : هنيف ماكنا في محل تريقة
سعود : تريقة أي تريقه محشومه انت واياها مع ذالخشه اللي مادري وش تبي ...الحمدلله والشكر بس
الهنوف : الخلق خلق ربي الحمدلله والشكر وبعدين بدال ما تضبطنا عند المدام عل وعسى تفكر تخطبنا تقول كذا
سعود بحلق عيونه ونزل عقاله بحركة تضحك : لا ياللي ماتستحين وش معجلك على الزواج هاه هههههههههوبعدين ياللي مسويه ذويقه نعنبوعدوك تسمعين بالذوق انتِ ترى للمعلومية مالنا اسبوع او اقل جايين من شهر العسل ومسيرة انتِ وذالخبله علينا لا والساعه 1 ونص بالليل
ريم فقدت اعصابها : لاااااااااااا موع شانك ولا عشانهاا ود ابد لا تفكرون كذا
الهنوف : انا اقولك نواف الملحوس ذا قفل ام بي سي وجينا نبي نشوفها فقط ليس إلا
سعود يناظر ود مشخص : لا تقولين لي بعد بتشوفين يحيى معلم هالشاورما ذا ...
ريم شهقت : لا تغلط
سعود : وش قلتِ ( مسك عقاله يستعرضه ) انا هالعقال شكله وده ينضرب اليوم ..
ود كتمت ضحكتها ......
الهنوف شهقت : ريم ريم ناظري تيييييييم والله اني شفته شكله هرب من السجن
ريم وقفت مندهشه .....: بكرة الساعه 12 الظهر إعادة نشوفها طيب
سعود : ارحم الله ابو هالوجه لو انها صلاة ماصحيتِ لها من جد هالمسلسلات التركية خطر قادم
الهنوف : سعود اخوي الله يخليك ويوفقك ويرزقك بالولد الصالح ترا اكره مااشوف كلام المنتديات ذا بليز
سعود : فاضيات من جد يالله حياتي انا طالع الإستراحه وراجع إن شاءالله
ود : وين بتروح ....؟
سعود : بروح الشباب من زمان عنهم ...ماراح اتأخر ...مع ان الوقت متأخر بس يالله مو مشكلة
طلع سعود و ود طبعا هاوشت البنات لإن سعود طلع..
ريم : ماتملين انت من مقابل خشته 24 ساعه لازم يطلع يشم هواء
ود : ريموت انكتمي بليز والحمدلله مازال فيهم شوية ذوق
جلسوا لحد ما رجع سعود والحمدلله مازال فيهم شوية ذوق وادب و نزلوا خخخ
-
-
-

[آوهآآم]

(17)

" ابسألكـ وش هو الشبـــه بين النهـــاية و الأخيـــر ...كلها نفـس المصيــر "

في تلك الليلة ..
بــــندر دخل متــــضايق مره والدنـــــــيا صافـــــقته هـــــــــموم ...
سلـــم ببرودة ...
وشاف زينة عند امه تحكي عليها وتقرا عليها آيات .. تعتليه نظرات غريبة جداً
زينة شافته معصب وخافت تسأله عشان مايكرشها ( يفشلها )
دخل وجلس في غرفة امه يشوفها ويجلس عندها
زينة بصوت مرتجف خايف : تعشيت ......
بندر ساكت بعدين قال: مالي نفس...
زينة تفرك اصابعها : ليش عسى ماشر ...........
.. بندر عصب وعطاها نظرة اخرستها وصوته عالي شوي : مايجي الغالين الشر ان شاءالله
زينه خافت وتمسكت في ام تركي من غير شعور...

بـــــــــــــــندر طـــــــــــــــــلع غرفتـــــــــــــــــه فــــــــــوق ..
زينة دموعها طلعت تلقائياً وماحست إلا بلمسة حانية من ام تركي تضمها لصدرها وتبكي معها
زينة طول الليل عند ام تركي تضمها ا لانها معها حست بحنان الام اللي ماقد حسته ابد

بندر طول الليل ذبحه التفكير والهموم زادت على راسه
جلس في مجلس وقال له واحد للحين ماجبت عيال صح ...( طبعا اللي قاله كان يكره بندر )
بندر : الله كريم اللي عند ربي قريب ان شالله ...
الرجال : أي بس مااظن فيك ظنى ( خلفه )
وضحك بمسخره على اسلوب ساخر لاذع ينم عن تخلف ذاك الشخص
بندر تضايق كثير من كلام الجزمة ذا بس عاد كيف مافكر اهو بهالشيء
" بس التحليلات اثتبت اني قادر وحتى زوجتي قادرة بس مادري ليش اكيد فيه مشكلة وخمن 80% انها منه "
-
-

زينة حبت تتطمن على بندر طلعت له فوووق وطقت الباب بهدوء ...
بندر كان جالس على الاريكة البوربل ....
زينة تحاول تكتشف وش فيه : احط لك عشاء ؟
بندر يناظرها ويحدق فيها بتركيز
( يالله على رقة هالانسانه على كثر ماسويت فيها إلا انها واضح انها تحبني تداريني جايه تسألني ابي عشاء او لا )
بندر رفع نظرته : ايه وهاتيه هنا ....
زينة بتردد و خوف : بس ممكن تنزل لأمي تحت تبيك تحاتيك من قبل شوي لانك منت على بعضك قبل شوي
بندر بإستغراب وتقرف : امـــــــــــــــــــــــــك هنا متى شرفــــــــــت ووش تبي فينــــــــــــي ..؟
زينة بحزن تحس ببرودة فظيعة : امي منيرة ( رفعت عيونها عشان تداري دمعتها) قصدي عمتي ام تركي ....
بندر بإبتسامه فيها خبث : ايه اشوى على بالي امك مضاوي هنا ..
زينة بحزن نزلت راسها : ماتدري عن امي وشلونها؟
بندر وهو واقف بينزل لأمه : لا مادري عنها اكبر همي اسأل عنها

زينة تضايقت من كلامه وطلعــت تداري دمعتها اللي انولدت للتو .......

" نزل بندر لأمه اللي كان في عيونها نظرات لوم و عتاب لإنه زعق على زينه وكأنه يحس بامه توصيه على زينة ......."
مسك يدها واعتذر من امه وبوسها..
زينة قطعت عليهم : الاكل جاهز .......
وبوست راس ام تركي وقالت : تصبحين على خير
وطلعت
ام تركي تراقبهاا لين طلعت واهي تدعي لها بينها وبين نفسها...
"
"
زينة جالسة في غرفتها تقرا كتاب فجاءة دق جوالها ناظرت فيه ما تعرف الرقم .. بعدين ( طوط طوط) صوت مسج فتحت المسج وإذا من بدر اخوها وبعدين ...

مفــــــــــــــــاجأة
"
"
" اخيرا تذكروني اهلي "
وشوي دق بدر..
بدر : هلاااااااااااااا زيوووون
زينة الدمعة بعيونها : هلا بدر كيفكم ...
بدر : بخير انتِ كيفك مرتاحه يالغلا ..؟
زينة : بخير وحشتوني (تتكلم بصوت عالي )
بدر : ههههههه وجع فجرتِ اذني ترانا بالرياض وش فيك تزعقين
زينة : واااااااااااااااو صدق ليش ماقلتوا لي ؟
بدر : وانا وش اسوي الحين ذا انا في المطار داق عليك ...يلاا اسبقينا للبيت
زينة بحماس فظيع : ان شالله ....
زينـــــــة قفلـــــــــــت من بــــــــدر ( رجعت لها الحياة )
ونزلت طايرة لبندر اللي كان طالع مع الدرج صدمته الهبله من زود الرباشة
( تخيلوا في نفس مكان الصدمة اللي اول مره حبوا فيها بعض )..
عيونهم تلاقــــــــت
وقلوبهم نبـــــــــــضت بقــــــــــوة
بلموا ساعه كاملة يناظرون بعض حتى مابعد ابعدوا عن بعض مازالوا قريبين من بعض
بندر قطع الموقف: بسم الله الرحمن الرحيم مين اللي يلحقك ؟؟ لا تكون صحت نسرين
زينة : ههههههههههه
بندر يناظرها بدهشه جملت عيونه العاشقة بعصبية : خير ان شالله احاكيك وتضحكين وش فيك طايره متى بتعقلين هاه ؟
زينة واهي تبتسم : ابشرك عندي لك بشارة
بندر يتأمل عيونها : ماظن ان علومك تبشر بالخير بس هاتي اشوف
زينة تبتسم بقوة تغطي إرتباكها : لاااااااا ذالخبر بالذات بيطيرك السماء
بندر بدهشه : وشوووووو طيب
زينة صرخت بفرح : فرجت ابوي وبدر اخوي في الرياض
بندر انصعــق وحزن بنفس الوقت : بسم الله عليك اكيد انتِ محمومه( حط يده على جبينها)
زينة : ههههههه والله العظيم بدر توه مكلمني من المطار خلاص ابشرك بفارق عنك خلاص اهلي وصلوا
بندر تكدر ولا وضح عليه : جد والله الحمدلله على سلامتهم....
بندر مر جـــــنبها وطلع فــــوق غرفته ..
زينة ناظرت فيه : بندر ماعليش تقدر توصلني
بندر : عفوا ..؟
زينة بتردد : ودي اروح الحين ..؟
بندر وهو ماشي : لا خليه بكره ...
زينة : لا بدر يقول اسبقينا في البيت
بندر : اها طيب بتروحين وترجعين صح ...!
زينة ببراءة : لا ابشرك ارتاح لا تخاف ما راح ارجع
بندر التفت بحزم : صادقة او تتريقين ...!!
زينة ناظرت تحت : لا صادقة انتم ماقصرتم معي خلاص انا الحمدلله اهلي رجعوا صار لازم اروح لهم .....
بندر وقف قدامها : ايه بس امي تعودت عليك تعرفين ماتأكل إلا منك ..؟
زينة ( انقهرت ياغرورك يابندر امك بس وانت طيب وإلا تبي الفرقى اليوم قبل بكره ادري ومتأكده ) ...
زينة سكـــــتت ولا قالت شيء......
زينة طلعــت غرفتها ولمت اغراضها كلها وجمعت الصور وكل شيء
بندر كان جالس يناظر فيها ويتألم من قلبه لانها يحبها للحين ولاراح يحب بعدها
بندر : بتسافرين او تجلسين هنا بالديرة يعني ؟
زينة راسها كله في الدولاب تجمع اغراض: ماادري اذا سافروا اكيد بسافر وش يجلسني بعد
بندر : اها طيب اذا سافرتِ هنا بتتحجبين او لا زي قبل ...

( زينة انجرحـــت وش فيه ذا قاعـــــد يذكرني بالتــــغيرات اللي سواها في حياتي )
زينة ســـــــــــــــــــكتت

بندر قرب لها ومسك جلابيه طلعتها اخذها من يدها : على فكرة ماعليش نأجل موضوع الطلاق شوي..؟
زينة ناظرت فيه وقلبها ينزف : ليش ذي الفرصه دام اهلي هنا ..؟
بندر شخص عيونه على عيونها : بس امي تعبانه اخاف تتعب وانت تشوفين مااحد عندها نسرين الله يهديها لنفسها واميرة فيها الخير بس متزوجه ومستحين نأخذها من زوجها كل يوم ..........وحتى انا اذا تـــــزوجت يبي لزوجـــــتي وقت عشان تتأقلم على وضع امي ....

" قالها و نظـــراته ليست مفهــومه قاسـية عاشقه غامضـة حـزينة باكيـة مختلطة "
( زينة دمعت عينها لانها تكره الفراق كثير وحزت بخاطرها انه يتزوج غيرها كبيره والله كفاية تحطيم يابندر )
بندر يمشي صوبها و مسك خصلة من شعرها : وش تعتقدين الحل .........؟
زينة تبعد يده : مافي حل كل شيء متفقين عليه ..
بندر شدها مع يدها : بس الوضع تغير الحين
زينة بنظرات عاشقة جريحة : اتركني خلاص اهلي هنا كفايه تجريح كفاية اهانات الحمدلله عزوتي و سنايدي وصلوا مو زي اول خلاص لاعاد تضربني مره ثانيه
بندر يناظر فيها ويبتسم : اوكي انا مقدر اضربك تدرين ليش..؟ ( نظرته جنان عذاب)
لان امي احس بعيونها انها توصيني عليك ..... بس انتِ انانية لانها تعلقت فيك وحبتك واليوم راح تتركينها

( هو بالضبط ماندري يتكلم عن نفسه او عن امه )

زينة : خلاص يابندر شبعت اهانات شبعت منتك وغرورك وكبرياءك مليت بالعربي اطلق سراحي الله يريحك دنيا وآخره ......
-
-
راحت زينة لبيتهم ونظفته بندر كان يناظرها يتأمل ملامحها لانه مايدري ليش حس انهم بيفترقون الليلة..
زينة بتقطع الموقف لانها انحرجت من نظراته : اقوووول وش رأيك فيني صايرة اعرف اشتغل ؟
بندر بلؤم : عشان تعرفين قيمتي بس انا اللي علمتك
زينة نزلت راسها : ماقصرت والله معروفك على راسي من فوق
بدر بروحه المرحه : لاااااااااااااااا وتتغازلون في بيتنا بعد صدق من قال اللي اختشوا ماتوا
بندر وزينه ضحكوا وتلاقت عيونهم بنظرات غريبة طابعها حــــزن الفراق
وسلمواااا على بدر وابوه
بندر و زينة عيونهم تلتقي مع بعض و فيها حزن كبير وشجن عنيف اتفقت حياتهم عليه واليوم موعد الفــــراق
زينة راحت غرفتها وضبطت اغراضها ...نزلت بعد ربع ساعه
بندر قلبه يننزف من جد ..( احبها اعشقها اموت فيها ياناس بس الشكوى لله )
اخيراً استأذن بندر بيروح ....زينة نبضاتها تلسعها بقوة ...

( معقولة هذي اخر مره اشوف بنــــــدر فيها دمـــــوعها كتمتها بعيونها )
بدر التفت لزينة : افااا وانتِ ليش جالسه ورا ماتقومين مع رجلك ..؟

زينة واهي تضم ابوها : بنام هنا .....
ابو بدر : اذا رجلك سامح لك اجلسي هاه يابندر ..؟
بندر يناظرها بغموض شامخ : والله ياعمي لو الشور شوري ماتركتها بس عاد بنتك عنيده ههههههههههه
زينة تضحك مجاملة ( وش فيه ذا عندي يهزءني ويجرحني وعند الناس يدهني بزبدة )
دق جوال بنـــــدر ورد واهو بيـــطلع
وواضح من شكله انه انفجع ....
بدر وابوه فزوا وسألوا بندر وش فيه !!
( زينة كانت رايحه المطبخ تجيب لابوها مويا وطاح من يدها كأس المويا كانها حست بشيء قبض قلبها ) طلعت بسرعه وشافت بندر محيوس....
زينة مسكت كتف بندر من غير شعور : وش اللي صار بندر وش اللي صار ..؟
بندر بحيرة : زينة امي تعبانه ممكن تجين معاي نوديها المستشفى ...؟
زينة لبست عبايتها وطلعت من غير شعور وبدر لحقهم بسيارته ...
وصلواا البيت ولقوا داليا ونسرين عند امهم .. ( للمعلومية نايف في الشرقية و تركي في بيته )
زينة دخلت طايرة وشالت خالتها ام تركي مع ان نسرين حاولت تدفعهااا على ورا بس زينة دفعت نسرين بقوه وحملت امها
طول المسافه واهي تقرا عليها....

[آوهآآم]

الساعه 2 فـــــــي اللـــــــــــــــيل

والخاله ام تركي داخله غرفة العلميات لها ساعتين تقريبا
بندر قلبه يضرب خايف على امه .... وزينة انهارت من البكى
وبدر ضاع بين بندر و زينة كل شوي يطمن في واحد منهم ... اخيرا طلع الدكتور وطمنهم على الوالده
/ زينة قررت واصرت ترافق معها/
بدر تطمن وطلع ... بندر جلس عند امه و زينة لين اذن الفجر ...
زينة : بندر روح نام وارتاح وان شالله انها بخير...
بندر : طيب بروح بس عاد اذا جاء الدكتور دقي علي خلاص لو يجي بعد ساعه دقي
زينة : ان شالله .
بندر تابع امه بنظرات حانية فظيعه و طلع
"
"
"
( 18 )

< تبـــــــــــــــــــــاً للحـــــــــــــزن >

داليا كانت جالسه لوحدها طول الوقت وتبكي ماتدري وش اللي صار لأمها ... طبعا البنات عندها
الهنوف : يابنت الحلال اذكري الله والله توني كلمت بندر قالي انها بخير ..
داليا تبكي : هنوف ماشفتيها يوم تشيلها زينة ماتحس بشيء والله
ريم : والله العظيم اميرة توها كلمت بندر وطمننا قسما بالله وربي
داليا : ياربي احفظ لي امي يارب
الهنوف : إلا عمي وينه مااشوفه ...؟
ريم : وقتك انتِ الثانية هذا وقته ..
داليا : ياشيخه ابوي 24 ساعه في المزرعة ولا داري عنا إلا اذا فكر يقرر قرار غصب نسويه يتذكرنا ذيك الساعة...
ريم : طولي بالك والله يحفظ امك وابوك لك يارب ....
الهنوف : اقوول بنات عشان خاطر دلو بخربها وادفع لكم من حسابي الخاص يالله اطلبوا من أي مطعم ..
داليا بعصبية : وقتك انتِ امي بين الحياة والموت وانتِ تقولين لي اكل
ريم : خلاص هدي دلو
الهنوف : هذا جزاي ينقالي بواسيك ....
داليا : بنات والله مدري وش انا فيه لاحد يواخذني ...!! حتى اميرة ما ترد علي الحين
نسريــــــــــــــــن دخلت .... ريم نـــــــــــــــــــــــغزت الهنوف ...
نسرين بتعالي : ماجاك خبر عن امي ..؟
ريم + الهنوف يناظرون بعض لإنها جحدتهم ما سلمت خخخخ
داليا : اميرة دقت على بندر وطمنها
نسرين : اجل اميرة اللي عندها مرافقه ...
داليا تفكر : مدري لا اميرة كلمتني من بيتها قبل شوي......( ناظرت البنات) صح مين عند امي مرافق شكلي بروح انا ..؟
نسرين طنشتهم وطلعت ....
الهنوف تهمس لريم : قاهرتني والله ينقالها ماهيب معبرتنا يع ودي الفعها مع ذا الخشه اللي متغيره علي
ريم : ايه لاحظتِ شكلها مسويه عملية تجميل بحواجبها ...
داليا : خير انتِ واياها ...ليش ماتردون
الهنوف : نعم نعم انا اقول لو تروحين ترافقين عند امك ابرك وحنا بنروح معك نقول لخالد يدبر لنا واسطه من هنا من هناك ..
ريم : والله فكرة مش بطاله
داليا : احلفي بس انتِ واياها ...الحين يعني ماسمعتوني حاكيت بندر وقالي ان زينه مرافقه
الهنوف + ريم : زينه زينه ماغيرها
داليا : زينة مرت بندر ..
الهنوف : مرافقه عند امك
داليا : الله الله
ريم قامت : متأكده انها زينة بنت مضاوي
داليا عصبت : وجع انتِ واياها اسمها زينة بنت سعود او حتى قولي مرة بندر بن فهد
الهنوف تصفر : ياعيني ياعيني على الموود اللي ضبط بس متأكده انك داقه على بندر
داليا بعصبية : لا يمكن اني داقة على جون ابراهام او زايد خان مدري يمكن وش ظنك يعني
الهنوف : هههههههههههه لا يمكن داقه على سلمان خان ( رفعت حواجبها وضحكت )
ريم فطــــست ضحك ...
داليا : لا ياشيخه ذبحتوني بسلمان تراه ولد عم ليس إلا واذا عاجبك اخذيه ..
الهنوف : خخخخ وش ابي فيه والله انا عيني على اخوه المزيون اخ بس و طر ماي شسيت طررررراه
ريم : قلبتِ الفراعنة على غفله
الهنوف : لا احترمي نفسك انا اثقف منه
داليا : المهم تبون قهوة
ريم : بدري ههههههههه
داليا : يختي والله حالتي حالة اختبيت من اميمتي الله يعافيها
الهنوف + ريم + داليا راحوا المطبخ يسوون قهوه << كل هالوفد على دلة قهوة من جد يسمعون بالمطبخ خخ ياحبني لهم بس ...
-
-
" الحمدلله تحسنت صحة الخاله ام تركي بس كانت مصرة ان زينة تكون جنبها ترعاها وتداريها..رفضت داليا واميرة ..
زينة انشغلت عن حفلة ملكة اخوها بدر على إبتهال في انها ترعي خالتها في المستشفى
طبعا إبتهال آخر وناسه ومتجهزة للملكة من شهر تقريبا... وكل شي منظم "
-
-
الســــــاعه 8 الـــــــــــــمغرب

دق بندر على زينة : هلا زينة اليوم شبكة بدر ليش مارحتِ للحين ؟
زينة : أي بروح بعد شوي الساعه 9...
بندر بحنية غامضة : مسويه بريستيج هههههه
زينة : حرام عليك اخوي الوحيدهههههه
بندر في لحظة يأس : اها طيب لو كانت شبكتي انا تحضرين ..؟
زينه تنهدت : اكيد لا وش يخليني اجي اصلاااااا بسافر مع ابوي يعني استريح ماراح افكر ادمر الخطبه او شيء ...
بندر : ههههههه ياحبني لك والله انك طيبة مره
زينة : طيب هات اميرة او داليا عشان تصير عند خالتي .. لاني بروح
بندر : يجيبها هشوم لا شغل ولا مشغله بس مقابلها 24 ساعه
زينة : طيب دق عليه عشان يجيبهااااااا تستحي هي تقوله
بندر : اميره صارت تستحي مو معقوووول بس تدرين انا بجيهاا بجلس عندها انت توكلي على الله صح مين بيوديك ..؟
زينة : بدر بيجيني
"
"
زينة بوست خالتها وقالت لها : يمه ماعليش بروح شوي وارجع لك اليوم شبكة اخوي بدر ودي افرح له تعرفين امي مسافرة برى وانا بمكان امه ...
دخل بندر : ههههههههههههه والله انك مأخذه مقلب مكان امه مره وحده
زينة تبتسم : بسم الله متى وصلت ماامداك توك مكلمني
بندر يناظر عيونها : ياذكية اكلمك وانا تحت عند باب المستشفى....
زينة : طيب شوف هذي ابرة خالتي
وناظرت فيه واهي تضحك قصدي عمتي
بندر : هههههههههه أي تعدلي
زينة تبتسم : لا تغلط في الابر واذا خربطت صوت على الممرضة
بندر : بالله عادي اصوت للمرضة ماتغارين ...
زينة تبتسم بثقل : خلاص احنا خالصين من هالموضوع..............
بندر : ايه صح طيب بترجعين هنا بعد الحفلة ....؟
زينة : ان شالله
بندر : لا تتأخرين
زينة : لا اعوذ بالله وش اتأخر اصلا بدر نظام امريكي مايحب يضيع الوقت
بندر : الله يوفقه
زينة : آمين ...
بندر : و يوفقك انت بعد ...
زينة : آمين ....
بندر : وانا طيب
زينة تبتسم وتناظر فيه : الله يوفقك .......
بندر : ههههههههههههه يمه واضح انها من غير نفس
زينة : بالعكس حرام عليك
"
"
راحت زينـــــــــــة شبكــــــــــــــــة اخوها بـــــــــدر
كانت الحفلة مره حلوه ومرتبه بس نغص على زينه ان امها مو فيه ولاحظت نظرات الكره اللي يقابلونهااا فيها ماتعرف ليش بإستثناء إبتهال < --- تحس زينة انها ميب واثقه بنفسها من النظرات
ضي : مين ذي ياتغريد ؟؟
تغريد : وين الدبه اللي لابسه ازرق ..؟
ضي : لا يالهبله الحلوة اللي تأخذ ملامح من جويل بحلق ..
تغريد : أي ذي زينة اخت بدر بنت عمنا سعود زوجة بندر هي قطعة بس مغرورة ماتشوف الناس شي
ضي : ماشاء الله قمر تجنن .......بالعكس احس انها طيوبة
تغريد تجامل : أي حلوووه ماشاءلله و طيبة بالحيل
ضي كانت لابسة فستنا حمل ... جت زينة وسلمت عليهم جميعااا وصدفت انها جلست جنب ضي
ضي : كيف الخاله ام تركي ؟
زينة تبتسم : الحمدلله ان شالله انها بخير
جت راما تركض لزينة وضمتها لانها تحبها مره وجلستها بحضنهااا
ضي : واااااااو تحبك شكلها مره..؟
زينة : أي كثير نلعب انا واياهاااااااااااا صح رمرم هاه عساك مبسوطة
-
-
نواف دخل المطبخ جايب القهوة ويهاوش لانهم تأخروا فتح الثلاجة واخذ كاس مويا وشربه دفعه وحده......
نواف : كرفني خالد اليوم هو وبدر البرنسييس وكل ذا على حساب ام لسان ابتهالوه
ريم : ههههههههه احسن يوم فرحك تكرفهم ان شالله
نواف بثقة : انسي انا ما راح اتزوج ابد
إلأا وبدخلة تغريد اللي سكتت نواف
: فضحتنا صوتك عالي حتى راما يوم سمعت صوتك بكت وراحت تركض بحضن زينة
نواف بلع ريقه بحسره : زيـــنة هنا
الهنوف : وجع اخت بدر اكيد بتكون هنا ههههههههه
نواف : آآآآخ مااقول غير ياحظك يابندر عرفت تختار آخ بس
تغريد : هههههههه يلا بس لا يكثر البنت متزوجه
نواف واهو يستهزء: شكلي بذبح بندر عشان آخذها هههههههه
ريم : اعوذ بالله الله يسترنا دنيا وآخره والله ينحرك بندر زينة غالية عنده وكلنا ندري
نواف يناظر تغريد : ترى ابو الشباب هنااا يسأل خالد تو يبي الشبكة الاسبوع الجاي
حمر وجه تغريد اللي انحرجت وطلعت ..........
ريم : ههههههههه عرفت وشلون تسكتها بس بدري ترى
نواف |: تقولين لي بالله وش اخبار زينة ...؟
ريم : احلف بس من جد ماتستحي على بالك نسيت حركتك فينا البارح يوم تخمك ام التكرن وتقل سنوات الضياع ...
نواف : الله يلعن شيطانك انا نسيت القهوة مالت عليك بسسسس
طلع يجر اذيال خيبته في الأمنية المستحيلة !
و بدر طبعا شاف إبتهال و لبسها الشبكة و جلس معها شوي وسط تنغصيات نواف و سعود .. والحفلة ككل كانت بيرفكت لولا اصوات البزران اللي شتت كل شيء خخخخخ
"
"
صوفيا شرفت وكانت لابسة برمودا ابيض على تي شيرت اسود سلمت على الجميع وجلست تهايط وتقول السعوديين والسعوديات....
دق بندر على زينة ............. طلعت عيون صوفيا من راسها من الحسد
زينة : هلاااااااا ...
بندر : وغلااااااااااااااااااااااا
زينة تبتسم : نامت خالتي ..........
بندر : لا بس اشتاقت لك تبيك تددلل علي من تو آخر شيء شكلها زعلت حسيت انها تقول مافي مثل زينه
زينة قلبها ينبض بقوة : ههههههههه طيب ما راح اتأخر نص ساعه بالكثير واجي ان شالله

صوفيا ولعت حسد وغيره .... وكل الوقت تقز زينة من فوق لتحت

استأذنت زينة وراحت طلعت برى تنتظر بندر اللي دق عليها من 10 دقايق يقول انه عند الباب
زينة : سبحان الله طبعه مايتغير مايحب يصبر يطلعني قبل يوصل بساعه
شوي إلا ويكبس النور عليهااااااا
زينة ركبت
بندر يناظرها : هاه بشري كيف الاوضاع وناسه ..؟
زينة بحزن : الحمدلله وناسه
بندر لاحظ حزنها : وش فيك مكتمه طيب ..
زينة: مافيني شيء
بندر واهو يسوق : شوفي والله ان ماقلتِ اني لااطبل على الدرقسون ويصير اللي يصير بتركه واحنا في تقاطع خطر ...... << ياحب بندر لهيك حركات خخخ
زينة تبتسم : يؤ مافي شيء وش فيك
بندر ترك الدرقسون .. صرخت زينة .... بندر طايح شماغه يبي يخوفهااااا
زينة بخوف ورعب فظيع : بندر وش فيك صار لك شيء..
بندر يضحك : للحين خوافة انت ههههه يلا قولي وش فيك ؟
زينة : بس تضايقت لان امي مو موجوده في شبكة بدر آخ ياقلبي الله يهديك بس
بندر : وانا على بالي عندك سالفة هههههههههههههه طيب مافي شي جديد يعني انت متوقعه انها تجي ........ زينة تناظر قدام : كنت متأملة.....

( غريبه علاقة بندر و زينة بعدما طاحت الخالة ام تركي صاروا يحكون مع بعض كثير ويضحكون مع بعض بس الاهم الرابط النفسي والعاطفي بينهم مرفوض ولا له أي قبول للحين )"""
""
"
طلعت الخاله ام تركي في السلامة وزينة جهزت اغراضها كلها وودتهم البيت ورتبت غرفتها وعطتها الدوا والحبوب ....

" والحين خلاص يازينة وش يجلسك الفترة انتهت والخاله تحسنتت موضوع الطلاق لازم ينفتح، بندر كبرياءه يرفضني وانا بعد ارفض اعيش بذل واهانه "
نامت الخاله وجلست زينة في الصالة مع داليا على التلفزيون ...
داليا : اقول زينة ما شفتي بنت تركي اخوي اليوم جت مع ابوها
زينة تبتسم : لا خساره بس اذكرها يوم كانت في المهد تجنن ماشاءالله
داليا : الخالق الناطق نسخه مني هههههههه
زينة : انتِ قمر والله إلا كيف اميرة ما مرت لها يومين عسى ماشر ...
داليا : يختي تعبانه مره يوم واحد بالاسبوع تصير نشيطة وست ايام ملازمة السرير
زينة : الله يعينها ......

دخـــــــــــــــــــــل بـــــــــــــــــــــــــندر
الجو يعزف اوتار القلق على جفون زينــــــــــة
وطفش داليا شوي بتعليقه عليها اذا لبست العباية هههه
وطل على امه بعدين طلع غرفته يبي ينام
زينة لحقته وطقـــــــــــــــــــــــت الباب وفتـــــــــــــــــــحته

" كان بندر لابس فوطه بس لافها على جسمه توه آخذ شاور و معه فوطه صغيرة ينشف شعره فيها "
زينة دخلت وانحرجت يوم شافته كذى طلعت عشان مايهزءها بعد ويجرحها بكلامه..

بندر : خير في شيء ..........
...... زينة من خلف الباب بخجل : أي بحاكيك بموضوع
بندر : انزين شوي وجايك ...........

لبس بنطلون بس بدون بلوزة وطلع عندها في غرفتها
وقفت يوم شافته وانحرجت كيف بتكلمه وهالخبل كذى ...

زينة واهي تبتسم متفشلة : ممكن تروح تلبس عشان احاكيك زين واقدر اناظر فيك
بندر : ههههههههه مستحيه عادي حلالك ناظريني
زينة( أه يالجروح اللي تلسعني ) عيونها تحت : ادري بس الموضوع يبي اكثر جديه من شكلك كذى
بندر انسدح على سريرهااااااااااا .....
زينة : لا ياشينك لا تنام الموضوع جدي لازم تجلس..
بندر حط يده على رأسه و غرس يدينه بشعره : ادري وش بتقولين بس عشان امي مو عشاني اجلي الموضوع شوي ؟
زينة : لمتى ابوي وبدر بيسافرون بعد بكرة ولازم اروح معهم
بندر جلس وناظر فيها : تدرين انك للحين لئيمة ، كم مرة قلت لك لا تختارين الوقت اللي تفكرين انك تروحين فيه لاتفكرين انك بذالشكل تجبريني انا مااحد يجبرني فاهمه ... لا يكون على بالك اني بخليك عندي لان امي تحبك لا عيوني مو بندر اللي تتغير مشاعره بيوم وليلة انت خلاص مالك مكان (( ابتسم بخبث)) وناظرها
زينة وقفت عصبت بتطلع
بندر مسك يدها وقربها له ناظر في عيونها
زينة : بعد عني
بندر يناظرها بصمت غامض
زينة : بندر خلاص بليز
بندر : بتركك بس قبل ماتركك بقولك ..
زينة عصبت : بجد وقح

[آوهآآم]

( الجـــــــزء الخـــامس .. The Fifth Part)



< منذ أن عرفتكـ و أنا أعرف أنك " قابل للضياع "
ربما لذلك...!!
صرت " ضد الإنكسارات" مهما تتابعت,,, ولمـــرات عدة !! >


(1)

عنــدما تــدق الساعة ، معلنــة منتص الليل
ينقلب فيها يوم " مات " ليوم آخر " سيعيش" في تلك اللحظة الفاصلة بين
< موت و ميلاد >
لا يهم شيء غير أن الأمل سيجتاح جزر الشخصيات الطيبة
و الحقد سينصب خيامه في فيافي رحاب الشخصيات الشريرة ..


نسرين تتأنق بدقة فائقة ....وهي ترسم الكحل استوقفت نفسها وهي تتأمل حالها في المراية
" كل ذالزين ولاني سعيدة ...غيري اقل جمال مني وسعيد بحياته ...غيري اقل مادية مني و سعيد....< نبعت فيها مشـــاعر غريبة جداً مزجـــتها بنظـــرة ما تـــطمن > إن ما كسبت الرهان ما أكون بنت فهد يا خالد اجل انا تعيفيني عشان وحدة غريبة .......( نسبتها لقبيلتها مع انهم من قبيلة وحده بس المقصود العرق اللي ترجع له في القبيلة ) وهنا نشوف مشكلة مستأصلة الجذور في المجتمع "
داليا دخلت تتسحب : نس نس انا بطلع عند بنات عمي طيب
نسرين وهي تحاول تضبط كنترول نفسها : ارجعي بدري لا تتأخرين انا مدري وش جايز لك مع الـ..
داليا قاطعتها : ياليل رجعنا لطيري ياللي لا تنسينا نهم اهل عيالك ترضين احد يقول كذا عن عيالك ..
نسرين ابتسمت بغرور : عيالي غير لا تنسينا ني امهم يعني..
داليا واضح انها تكرنت خخ : لا يعني ولا يقول ....وعلى فكرة ترى فيه ثنتين تحت ملطوعات لهم ساعة يمكن
نسرين ببرود : تقولين لي وليش ما ضيفتيهم !
داليا وهي تضبط شعرها في المرايا : والله تعرفين هيك شخصيات ما اتقبلهم خير شر اووما ذي اللي ينقالها ام زكي ما هضمتها ابد يعني احس انها عبله كامل يوم كانت بشخصية " ريا"
نسرين بشموخ لا يضاهى : لا يكثر بس وارجعي بدري واترك حركات الناس البداوية شوي << يبي لها تصفيق وبقوة ^_^
داليا : ماراح اتأخر بإذن الله

نسرين طلعت تمشي بشموخ وخطوات مليئة بأحاسيس غريبة ولكن تتفق مظاهر الغرور على تلك الخطوات ...


جرت الخـــــطى لحد ما وصــــلت عند ضيوفـــــــــــها ....

بعد الضــيافة الأكثر من راقية والكلام الرسمي المتداول

نسرين : اسمعي ام زكي ابي منك طلب صغير ما راح يكلفك أي شيء وبالمقابل لك شيك مفتوح اكتبي فيه اللي تبين.!
ام زكي (حضرمية مع إحترامي لجميع الفئات ولكن هكذا تمت الواقعة ): شيك مفتوح معناتو تبين شيء كبير
نسرين بلؤم : اهو كبير كبير بس ما راح يكلفك أي شيء انت بالذات؟
ام زكي تتلفت : اش معنى انا
نسرين : لان قلبك قوووووي ( طقت كتفها ) قامدة اوي يعني
ام زكي بنظرات يعتليها الإستغراب : ايش المطلوب مني ؟
نسرين مسكت الشيك وحطته قدام ام زكي : برسلك لوحده حامل مواعيدها عند الدكتورة هالة ، اهي اكيد جاني خبر انها متنومه في المستشفى ابيك تتفقين مع بنت خالتك الممرضة الـ.....( نسبة لمنطقتها ) مدري وش اسمها وتطقونها ابرة تسبب لها نزيف وتسقط الجنين ......وتذكري شيك مفتوح ( قربته لعيونها )
ام زكي بإسلوب اللي تطمع : اووووف ماتحسي ان الموضوع صعب شوي في حياة او موووت
نسرين بقهر تعدل ساعتها : ياشيخة اهي ماتستاهل اهي خطفت رجلي مني
ام زكي بنسبة ضئيلة من الخوف : بس اخاف يكشفونا
نسرين : لاااا ما راح يكشفون ابد انتِ متأثرة مره بالافلام العربية هههههههههه
ام زكي بإقناع : طيب ايش رايك نسوي لها عمل تتفرق مع زوجها؟
نسرين عضت شفتها : وش دعوه يعني ماحاولت بس تخيلي المشعوذة تقول عجزت و اللي ما تتسمى ملتزمة يعني صعبة شوي وذالمشعوذة اخذت مني ألآلآف على الفاضي بس خرطي بس
ام زكي : لا شوفي ام هاجوس قامده اووووي وشغلها يصيب
نسرين بتقرف : لا.... بعد كيف تبيني انزل نفسي لهالمستوى هاه بتساعديني او لا !
ام زكي : انتِ تعرفين انا محتاجه فلوس كتير عشان راح ابني فيلا لي في جده بعدما طلقني السافل
نسرين : آخ الرجال خونه مالهم امان مايملى عيونهم إلا الجحود
ام زكي : ياعمري انتِ لا تخافي تشوفي اذا ماجاك ذاللي مايتسمى يترجاك ترجعين له هما الرجال كدا مثل الكورة تشوتيها وتجيك راجعه
نسرين : والله ماحد فاهمني غيرك كفك هههههههههههه
ام زكي : كم عندي من نسرين انا اعتمدي ياشيخه...يا أميرة الكل
نسرين : اوكي بس لازم احذر انتبــــــوا ترى الزفت مرابط عندها 24 ساعه
ام زكي : لا تخافي بسوي نفسي زائرة عشان يستحي ويطلع
نسرين : لا فيه تغريد عندها تخيلي طايرين فيها وانا كانوا مايحبون يناظرون خشتي
ام زكي : غيرانين منك يااختي
نسرين رزت عمرها : أي صح من هالناحيه انا متأكده ميه الميه ............

(2)

عــــــــــــــند جلـــــسة الصـــــــــبايــــــــــــــــا ...


قهـــوة ...صياني حـــلا ...شوكلاتات ... موكا اوردر طبعـــــا ...شيبس و بيبسي << حوسه كثيره خخ

الهنوف برباشتها : بنات يالله القطه بليز ترا مانيب مكلوفة كل وقت بباشر عليكم ( تناظر ساعتها) الاوردر مابقى على وصوله شيء ..
داليا : ياليل القعاطى انت تموتين على القرش طالعة على مين ابي اعرف ..! وبعدين الطلب مسجل باسمك
الهنوف تحرك حواجبها بحركة تضحك : احلفي بس ..اصلا وش دراك انتِ يقولون لك قمة التحضر إنك ما تسرفين تضبطين ميزانيتك اول بأول..وبعدين انا كنتاكي ابد ماخش مزاجي تعالوا نغير بس ..
داليا : ههههههه لا تقولين هارديز ترى السنتر نفسه بنات شيلوا سبحة ابليس ذبحني ( تقصد الفصفص) خخ
ريم قاطعتهم سحبت الفصفص ورفعته : يا مال الفقر والله اللي يسمع يقول بنت فقر احمدي ربك على النعمة
الهنوف تبوس يدها وجه وظهر << ليش صفحة هي خخ : وعشان كذا انا احمد ربي اجل تبوني اتبطر و اباشر عليكم على الطالعه والنازلة المرة الأولى قلت عني وعن والدي بس عاد طولتوها
إبتهال : مسوية كاش اباشر عليكم واباشر عليهم تراك صدعتينا ماتسوى علينا هالمنه
الهنوف ألتفت لها : منيب رادة تكريما مني لك لانك بعد ايام معدودة بتضفين عفشك وتروحين لرجلك ليس إلا
أميرة : أيــــــوه عشان ليس إلا ذي ههههه انا اللي بباشر عليكم
داليا : احم احم والله لو اني متزوجة لاضفكم كلكم واقول لرجلي يودينا البلورة او ابل بيز هيك شيء
ريم بتريقة : على اساس ماعندك سايق كش بس ياشين اللي بيثبت وجوده باي طريقة
اميرة بعد ما دقت على هشام ..
اميرة : هشوم مايقدر عنده رجال في الإستراحة قولوا لداوود وانا احاسب ..
الهنوف : صلاح موب فيه راح مزرعتنا اللي بالخرج مدري وش عنده فيها بالله دقوا على ايوب !
داليا فطست ضحك : دريتوا ان ايوب انحاش خخخخ
اميرة شهقت : اووما انحاش هههههه وعزاه عن اخواني وابوي بس
داليا : لا ووسيع الوجه تارك رسالة قبل النحشة
ريم بحماس : ههههههه وش عنده البنقالي نحشتوه
داليا : والله نايف يقولون انه متكرن ليش نقلوه من البيت للإستراحة وتعرفين مافيه امل يعارض ابوي عشان كذا انحاش هههه
الهنوف : عرف لكم والله ههههه بس تدرين عني انا انه مشخص بالبطحاء
اميرة : خسارة والله انه كفو يعني من سنين بس مدري وش جاه !
ابتهال : خيرة خيرة
الهنوف تغني : لا تقول خيره خيـــبة كـــــبيرة ...
اميرة : داليا دقي على نايف مايقصر صح بيغسل شراعك بكم كلمة بس تحملي عشان هالمجاعة خخخ
الهنوف : تبطرنا يا مدام هشــــــــــام
اميرة دق عليها هشام وطلعت تحاكيه ..
داليا : و الله فكرة بدق على اخواني عاد ابوي مهزئ فيهم البارح ههههههه لان ايوب هرب يعني ابن امه يقول لي منيب جايب لك شيء
ريم بشطانة : فرصتنا أي صدقتِ يالله
داليا فتحت شنطتها " البنية وفيها إطارات وردي فاتح "
الهنوف : تبطرنا والله بزران عرفوا يشخصون ههههههه
داليا : هاهاهاهاهاا ابرك من زولك يالخبله .....المهم
الهنوف : تعرفين المهم
داليا : هاهاهاا حس بالي انتِ اللي تعرفين بس
الهنوف : حس بالي وإلا كمبيوتر
الجميع فطس ضحــــكـ
داليا : ماجبت جوالي
الهنوف تناظرها : لو تفحطين بيدينك و رجليك
ريم : قايله لك هنيف فيهاعرق ......( نسبة لفئة قعاطى مره خخ) خذي جوالي
داليا : من جد قعيطية ...
نايف : سم
داليا : هاي نايف
نايف في الإستراحة وعنده كل الشباب : بالاذن شباب...لحظة شوي
داليا تضحك بصمت و تناظر البنات اللي كلهم قلطوا يسمعون ...
نايف : امري
داليا : الله مير يسلمك مايأمر عليك عدو ولا ظالم
نايف ( ياليل شكلها بزر وفاضيه و ملكعة ) : خير
داليا : اعصابك خير خير إن شاءالله
نايف : عفواً مين معي ...؟ << بلهجة مهايطية نطقها
البنات ضحكوا ...الدهشه والغموض على معالم نايف
داليا تمسح دموعها : معك داليا عبدالصمد القرشي
البنات ضحكوا وطلعوا يكملون الضحك برى
نايف عصب : لا ياللي ما تستحين وتتملحين تخففين دمك
داليا : ههههههههههه حلو المقلب صح
نايف : كلي كبر راسك يالعصلى وقتك يعني تتريقين الشرهه ميب عليك على اللي عطاك جواله
داليا : اجل الشرهه على ريم ميب علي ...المهم نبي بلعة ممكن تجيب لنا تغيثنا ماسكة معنا
نايف قاطعها : فيه إختراع اسمه منيو زين و هي عبارة عن ورقة مربعة طويلة عريضة فيها مالذ وطاب و بأخر شيء فيها ارقام يعني لو وحده منكم تتذيكى وفكرت ودقيتوا وتركتوا التحويط شوي
داليا : احلف بس لا احلف وبقوة بعد هههههههههههه وبعدين حلوة تحويط بس مابعد وصل الاوردر
نايف : اصبروا وإلا تسمعون بالصبر انتم
داليا : نايف لا تفشلني قدام الصبايا
نايف : ياشين السرج على البقر بس قالت صبايا خخخخخخخ يالله شويات وادق عليك اشوف طلبات الشيخات
داليا : يااااااااااااااااااااي ونااااااااااااااااااااااسه ( كل البيت ارتج من صرختها )
طبعا بعد ربع ساعة ماقصر نايف اللي وصل لهم الاكل ... وطاحوا فيه أكل << مجاعة بجد
اميرة مشت ... وابتهال جالسة عند البنات ...
ابتهال تحوس بجوالها
ريم : وش تدورين يالغلا هههههه
ابتهال مسفهه فيها
الهنوف وهي تبلع خخ : يقولون لك إن بدر اللي هو زوجها او بالاحرى اللي مملك عليها بيأخذها يتعشون سوا ومدري متى ذالعزيمة بتجي بيجحدها و الله أعلم
ابتهال : فيه ناس كثيرة قاطة الفيس و الميانة وبقوة
داليا : عشان وبقوة ذي اشك انك مجحودة بس تعالي البارح كان عند اخته للمعلومية
إبتهال ناظرتها : أي صح تعالي يختي زينة احس انها متغيرة ماتسولف ولا شيء بس ساكته وحتى يوم جيناكم آخر مره ماجلست كثير ماشاءالله تشتغل كثير قرمة ( قرمة = سنعة = راعية بيت )
داليا << الله يستر لا تكب العشاء : ايه هي تحب الشغل بالحيل
ريم : اوووما ذي وربي ماحسيت بس من جد متغيره
الهنوف : احس فيها لمعة حزن ليش
داليا << على وشك : ياهوووه هههه انصحك لا تكثرين قراءة الروايات ولا تشوفين الأفلام
الهنوف : ههههه لا تخليني اتهور واروح اغازل و ارقم ! << تمزح طبعا
ابتهال :وجــــــــــع
الهنوف : خخخخخخ وين جوالي وينه بس !
ابتهال خطرت عليها فكرة جهنمية
ابتهال : هنيف رامي يعرف رقمك ؟
الهنوف بدلاخة : على اساس انه مو ولد اخوي يعني هههههه اكيد بيعرفه
ريم : ليش ؟
ابتهال : عندي مقطع الهيئة هههههههه ودي ندق على رامي ونحطه بنشوف يكب عشاه او لا!
الهنوف : أي والله اني شاكة فيه ههههههههه ذاك المرة يهمس لبلوط يوم العيد ويوم شافوني قمطوا
داليا : يااااااااااي اكشن ياالله بليز
ريم : من وين رقم ...بس لقيتها بجيب جوال يانتي
الهنوف : كح كح ههههههه دايركتلي بتعطيك اياه
ابتهال : والله لو تفحطين بعربية بندة ماراح تعطيك اياه
ريم : اقولها بشحن لك والله تعطيني غصب تبطرنا يعني نست ايام ماكنت اعطيها جوالي وتحاكي اهلها بإندونيسيا ساعات ....
راحت ريم وبعد وقت طويل ومحاولات إقناع جادة جابته....
ريم : ههههههههه تقول لا تطولون لان صلاح بيدق ومايصير هو فيه ادق وفيه ويتنق
إبتهال : ههههههههه حتى هم بعد يغارون والله مشاعر صدق
الهنوف : يالله مين تتعهد و تتطوع لهذه المهمة !!
راما قامت معصبه تجلس وتروح بس الحين تكرنت : تلعبون على اخوي هاه !
ريم : قامت الورع ذي فازعة نامي نامي ياماما ! ( ورع = طفل )
راما بعصبية : شيلي يدك هنا ...والله لااقول لابوي
ابتهال مسكتها وفهمتها انهم بيضــــحكون .....
دقوا على رامي اللي مايرد .....<< مشخص خخ
راما : قايلة لكم مستحيل يرد على رقم غريب اخوي وانا ابخصه
داليا : رمرم حياة خاله يصير ماعاد تغردين بليز
شويات و وتعيد هنيف الإتصال
الهنوف : رد رد
إبتهال جهزت مقطع الصوت وقربته .....
( اعتقد المقطع مشهور واغلبكم سمعه خخخخ مايحتاج اذكره ....)
طبعا رامي كب عشاه كله ههههههههه
الزينة وين يوم قاله رجل الهيئة : اطلع عند الباب قبل يدخلون عليك و يسحبونك يجرونك جر ..
رامي : وش سويت منيب بالبيت انا كيف اطلع << نصاب بغرفته هههه
رجل الهيئة : اقول اطلع بس
رامي : والله ماسويت شيء حمد ( بلوط) هو اللي عطاني صور هيفاء وأليسا و التفحيط منيب رايح معهم والله والل
البنات فقعوا ضحك وقفلوا .....
يمسحون دموعــــــــهم من الضحك .....
إبتهال : طلع من تحت لتحت وحنا نقول بزر مايعرف اخ من جيل هاليوم بس
ريم : جيل بوكيمون و ديجتال ههههههههههههههه
داليا : بدق عليه اقوله تعال محرم معي مع السايق بروح البيت بشوف وجهه وشلون بعد الخرشه
الهنوف : اخ يا بطني ههههه رخمه خواف
راما : هيه انتِ مااسمح لك ترى
ريم : دقي عليه ....بالله
دقت عليه داليا من رقم ابتهال ولا بين أي شيء ....راح معها وصلها البيت وهو قامط ... راما راحت عند امها وبكرة بترجع ...!
الهنوف : هين والله الحمدلله اللي مسكت عليه دليل وهو دايم يطيح وجهي قدام الناس
ريم : هههههههههههههه راعي تفحيط اجل
إبتهال : مصدقين حده تفحيط بعربيات بندة والعثيم

^^^^^^^^

(3)

تمتلئ ســــــــلال القلـــــــــــــوب بهــــــــــموم المعذبين ...
زفراتها الهــــــــــــــــادئة ثكلى بآهاتهم ...!!
يستعيرون حفنةً من العتمـــة لطــــــــــــــلاء الهـــمـــوم


ياظالمـه زينـــــك بشيــــن السوايـا
من وين لك قلب على طـــــــول جاير

مبغا الدوا لاصـــــار جرحـــــــك دوايـا
باكر على الظالم تــــــــدور الدوايـــــر


من إطلالة أشعة شمس الغد المشرقة ...