الا صوت الباب الخارجي ونوره وريم توهم راجعين من برى
فيصل: وين كنتو ...
نوره :كنا بزواج وتو فهد جابنا وراح
فيصل: زواج زواج مين..
نوره: زواج بنت ابو عبدالله جارنا
فيصل حس بأحساس غريب أحساس وده يصرخ
ريم :انا تعبانه بروح انام
نوره: الحمداله عالسلامه نوف
نوف: الله يسلمك فيصل انا بروح ارتاح طلع الشنط معاك طيب
فيصل نظره ضايع في الفرآغ اللي قدآمه ساره تزوجت...!!
فيصل: نوره ساره تزوجت
نوره: أي أي يافيصل اليوم كان زواجها الله يوفقها
فيصل: آهـ يانوره تعبت افكر ماتدرين كيف عايش
نوره ورحمة اخوها: فيصل خلاص ياخوي انسى انسى ساره ساره لغيرك
ساره لغيرك
ساره لغيرك
تردد هالكلمه على مسامع فيصل
فيصل: نوره اذا جا اليوم اللي تنسون فيه فيصل راح انسى ساره
نوره: ياقلبي عليك ياخوي أي بعدين خير ان شاءالله وش اسلوب زوجتك ذا طلع الشنط معاك تشتغل عندها انت
فيصل: خليها على ربك اهم شي افتك من حنتها على راسي
نوره: فيصل ماتوقعتك ضعيف لهدرجه اسمح لي ياخوي
فيصل ينآظر نوره يحس انه طفل تايه يحس بأحسآس انه محتاج لأحد هو صحيح رجال بس الرجال بشر مو حجر يحس انه خلاص عاف الدنيا:نوره انا طالع انام تصبحين عخير...
نوره: وانت من اهل الخير .....تتكلم مع نفسها مسكين يافيصل كنت تتمنى ان ساره لك واليوم ساره انزفت لغيرك...
نروح للعروسه ساره ..زوجها اسمه ناصر
طبعه عصبي شوي المزح مش ولا بد يعني قليل يمزح بس ياترى كيف حياة ساره معه ساره الهاديه الطيبه الخلوقه العطوفه
بتقد تغير زوجها .....؟؟
نتابع ونشوف
بغرفة العروسين
ناصر :ساره شوفي بكون واضح معاك من الأول اذا طعتيني وماطلعتي عن شوري راح تكونين على عيني وراسي
ساره تتكلم مع نفسها..وش هذا اولها كذا الله يعين
ساره بخجل: ان شاءالله
ناصر: كذا تعجبيني
ومرت اول ليله حلوه كأي ليلة تمر على عريسين.................
تتقعون حياة ساره عكس حياة عاشقنا فيصل
اللي انتظر الفرح ورسم الحياه لكن أنصدم بالواقع
نكمل مانبي نسبق الأحداث
وقت الصباح جوال ساره يدق
ساره : هلا والله
نوره: هلا بعروستناصباح العسل ياعسل
ساره: تسلمين ياقلبي وش اخبارك والله اشتقت لك
نوره: وانا اكثر والله من قدك غارقه بالعسل وتاركتني
ساره: دووبا خير وش هالكلام المهم اخباركم واخبار اهلك<< تقصد فيصل ^-*
نوره: كلنا بخير بس الحاره مظلمه
ساره :لبى قلبك والله منوره فيكم
نوره: اوكي بس حبيت اسلم عليك واطمن باي ياعسل
ناصر: ساره مين هذي نوره
ساره: اختي وصديقتي
ناصر: بس انا ماخبر عندك اخوات الا الصغار
ساره: هي صديقتي بس اكثر من اخت
ناصر بشوية شده: شوفي يابنت الناس انا حركات صديقات ماصديقات هذي ماعترف فيها
وبعدين انتي الحين متزوجه موفاضيه حق صديقات وغيره
ساره: بس ....
ناصر : خلاص ماحب احد ينآقشني<<<< عصبي
ناصر: قومي البسي عشان ننزل تسلمين عأهلي ونطلع
ساره بقلة حيله : طيب .... يآربي يانوره تعالي شوفي وشو ذا
الله يعني شكله مو هين
نوره: ريم وش فيك هالأيام كله بغرفتك وماتطلعين وهالبيبسي في اليوم تشربين خمس علب
ريم بطفش: اذاكر ومالي خلق احد وقت اختبارات والببسي مو جديد يعني
نوره: بس كل شوي ترآ مضر فطور وغدا وعشا وبين الوجبات مو صاحيه انتي
ريم بستهبال: اعشقه يصير اتزوجه
نوره: والله انك خبله وتذبحين عمرك
ريم: اوووووووف بدينا بالنصايح خلاص خلاص برووح غرفتي
نوره: الله يهديك نوره مادري وش اخرتها معك
فيصل توه راجع من برى: هلا نوره كيفك
نوره: الحمدالله ياخوي
تو فيصل بيجلس الا نوف
نوف:فيصل تعال ابيك
فيصل يتمتم على روحه وسمعته نوره: اووف وش تبي ذي
نوره بضحك: روح شوف يمكن تبي شي ضروري
طبعا هذا الحال والأيام تمر
فيصل صار مايطيق يجلس بالبيت ..وطلبات نوف ماتخلص وريم اغلب الوقت بغرفتها وصارت ادمان على البيبسي
نوره ونوف ابدآ مايتوآلفوون<< خخخ هذي كلمه يعني مايطيقون بعض .....
دايم هواش فهد صار نادرآ مايجلس بالبيت وصار اغلب وقته بلأستراحه مع اصدقائه
ثامر ومشاري وسعود لاهين بأنفسهم ودراستهم ونوره كانت تهتم فيهم بما انها جالسه في البيت وماعندها شغل
اما ساره فكانت مسكينه بيت زوجها تغيرت حالتها وزوجها منعها تكلم أي صديقه لها ومايحب تطلع كثير ويشك بأي تصرف تتصرفه
وكانت مره مكروفه بيت حمولتها <<< اهل زوجها
لأن قلبها طيب وماتعرف ترفض أي طلب
والطيب هلأيآم مايعيش حقه ضايع بين الناس
عشان كذا نصيحه من مـــ الشوق ـــلاك:
لاتبينون طيبتكم الا للشخص اللي يستحقه ويقدره
ناصر كان مايرحم زوجته واذا شكت له قال هذا واجبك كزوجه
واجبك تجاهي وتجاه اهلي
بس وش تسوي وش تقول مين تشكي له
بعض الأزوآج بعتقادهم ان المرءه خلاص بس يشتريها من اهلها
على باله شاري له خدامه <<<<< رجل متخلف
ساره بالتلفون : اهلين نوره والله اشتقت لك يالقاطعه
نوره: انا القاطعه والا انتي ورجلك المتخلف
ساره بحزن: اهـ يانوره خليها على ربك والله انه موريني الويل هو واهله
نوره: وليش ماتكلمين ابوك
ساره: مابي اتعبه خلقه هو اللي فيه مكفيه تعرفين
نوره: حسبي الله على الرجال خير مايرحمون
ساره: لاتقولين كذا ترآ مو كل الرجال مثل ناصردمثل مافي رجال مثل ناصر بعد ترآ في حريم مثلنا يمشوون كلمتهم على الرجال
نوره تذكرت فيصل: تصدقين ساره نوف مره ماتعجبني وخير الا تبي تفرض شخصيتها على اخوي وفيصل بس عشان يفتك من صجتها يسوي لها اللي تبي ياعمري ياخوي ساره تذكرت فيصل ولو انه تحقق وارتبطو بيصير حالتهم كذا
بس صرفت الموضوع
ساره: المهم كيف تجهيزآتك ياعرووسه خلاص طاح كرتي
نوره: والله اني خايفه
سااره: كلنا في البدايه كذا
نوره: بس تدرين مادري حسيت ان نواف غير ومن كلامه بس مادري بعد الزواج كيف بيكون
ساره : الله يسخره لك
نوره: امين سوسو بعدين اكلمك جت النسره مرة اخوي
ساره: اوكي الله يعنيك
نوف: مين كنتي تكلمين
نوره: وانتي وش لك من كنت اكلم
نوف: اذا كنتي تكلمين حبيبك مدري زوجك نواف عندك جوال اظن
نوره بعصبيه : وانتي وش دخلك وش يهمك ترآ مالي خلقك فكيني من شرك وروحي غرفتك
نوف: البيت هذا بيتي واجلس وين ماأبي فاهمه
دخل فيصل هالوقت
نوف بخبث: فيصل شفت اختك كيف تتعامل معاي
نوره : خير وش تقولين انتي
فيصل: لاحوووووول الله الحين الواحد يدخل بيته يبي يرتاح وانتو هواش
نوف: مادري عن اختك أدبها فيصل اختك هذي...
وفي هالوقت صوت صرآخ ريم
فيصل بخوف: وش فيها ريم
نوره بخوف: والله مادري
نوف: تدلع من الصبح وانا اسمعها يوم سألتها طردتني
نوره :انتي وشو انتي نوف حسي خلي قلبك ابيض
فيصل بعصبيه "خلاص اسكتو
طلع فوق يشوف ريم
دخل ريم كانت على الأرض ماسكه جنوبها وتتألم
فيصل: ريم وش فيك..؟
ريم : لا مافيني شي
فيصل: وش اللي مافيك قومي خليني اوديك للمستشفى
: ريم بخوف: لا لا فيصل لم شوي وبيروح
نوره: فيصل لاتسمع كلامها ريم لها اكثر من شهر وهي تتألم من بطنها
فيصل بعصبيه : وليش ماقلتو لي
نوره تناظر نوف: حسبي الله عليك انتي اللي فرقتي بينا
نوف: نوره احسن لك امسكي لسانك لأقصه لك الحين
فيصل: اوووووووف خلاص انتم فاضين الحين البنت تعبانه وانتوو هواش
شال فيصل ريم وتوجه للمستشفى
حز بخاطره كيف همل أخوانه ومعاد صار يسأل عنهم مثلا اول نوف خربت حياته ونكدت عليه
وصل للمستشفى ريم دخلت غرفة الملاحظه وبدو ياخذون تحاليل وفحوصات
ونوره كل شوي تدق تتطمن
رن جوال نوره وكان خطيبها
نواف: هلا والله بالقلب
نوره بصوت مبحوح: هلا نواف
نواف: حبيبتي وش فيك
نوره: ريم اختي طاحت علينا تتألم وفيصل شالها للمستشفى
والحين له اكثر من كم ساعه وارد علي
نواف: اذكري الله ياحياتي وان شاءالله مافي الا كل خير
نوره: الله يسمع منك
نواف: نوآآره تبين اروح اشوف
نوره: أي نواف الله يخليك لأن فهد مو بالبيت طالع البر مع أصدقائه
نواف : غاليه والطب رخيص
نوره: تسلم ياحبيبي
نواف: وشو...
نوره: وشو
نواف: وش قلتي...؟
نوره بستعباط: وش قلت
نواف : نوني تكفين عيديها
نوره بخجل : يووه نواف يالله روح
نواف : طلبتك
نوره طيب بس بقفل بعدها
نواف : طيب
نوره : تسلم ياحبيبي ... وقفلت الخط ^-*
نوف : وزوجك ذا طايح حب ومغازل والله انه فاضي
نوره:..................
نوف: اظني اكلم بشر مو جدار
نوره بعصبيه : اووووف نوف خلاص اسكتي من يوم مادخلتي هلبيت وحاله انقلب فهد صرنا مانشوفه الا في الأسبوع مره فيصل معاد يطيق البيت ريم معاد تبي تجلس معنا لأنك دايم تتهاوشين معها وتطحين تهزيء فيها
اخواني الصغار يكرهوونك لأنك خذتي فيصل منهم
رن جوال نوره
نوره بحزن وتعب وتناظر نوف: هلا ساره
ساره :والله بخير بس حبيت ادق اسلم ادام زوجي طالع
نوره: الله يسلمك
ساره : نوره وش فيك ..
نوره: والله خايفه اختي ريم بالمستشفى ووحالتنا مره تحزن وتغيرت سوسو
ساره: سلامت ريوومه وش فيها
نوره: مادري طاحت علينا وأخذها فيصل ولمن الحين مارد
ساره في هالوقت دخل زوجها وكان معصب لأنخ خسران بلأسهم
ناصر: مين تكلمين
ساره بخوف: اكلم نوره صديقتي..
ناصر بعصبيه وانهيار : وانا وش قايل لك
وبدا يضربها
ونوره تسمع الصوت وقلبها يتقطع
ناصر ياخذ جوال ساره:وبدأ يهزء في نوره انتي قليلة ادب وين اهلك عنك ماحب انا البنات اللي يتكلمون بالتلفون ساره انسيها انسيها
نوره: حرام عليك يامجرم لاتضربها..
تقفل الخط ورجع يضرب في ساره لأنها ماسمعت كلامه
دخل فيصل وكان واضح عليه التعب والأرهاق لكن ماتكلم ولا كلمه طلع لغرفته يبي يرتاح يحس الدنيا ضيقه فيه
سألته نوره عن ريم بس طنش ورقى بسرعه ودخل الغرف وقفل الباب لأن ماله خلق نوف
فتح الدولاب وطلع طلع صديق حياته
صديق فولته وأيام مراهقته ايام عشقه لمحبوبته ساره
ايام مرت نثر اروع وأحزن الكلمات
كان محتاج لأحد يضمه يخفف عنه
محتاج احد يتكلم معاه
بس مافي الا هالدفتر
أهـ من الدفتر فعلآ ياليت ان الدفتر والقلم بشر
هل يآترى بيكونون مثل البشر
نوره اتصلت بنواف: نوره نواف بشر وش صار بريم
نواف: لاتخافين ان شاءالله خير ياقلبي والتحاليل بكره بتطلع
نوره: طيب فيصل وش فيه
نواف: شكله مررره تعبان ومحاتج يريح الله يكون بعونه تقولين مو كأن عمره 27 والله كأنه 72
نوره: ياقلبي عليك ياخوي والله انك مسكين
نواف: والله انا المسكين
نوره: ليش وش فيك
نوف : متى يجي يوم زواجي
نوره بحيا وضحكه: لاتستعجل كل شي بوقته حلو
نوف: آآهـ يالبى روحك بس
نوره: نواف يالله ماطول عليك
نواف يسوي روحه زعلان: تبين الفكه مني
نوره: حرام عليك بس مرة اخوي الشينه ذي جت
نواف: طيب ياقلبي انتبهي على نفسك
نوره: خلاص ولا يهمك
فيصل كان فاتح دفتر خواطره ومذكراته ويمر على كل ورقه ويتذكر اليوم اللي كتبها فيه
فتح ورقه كان مكتوب فيها..
تعبت اشكي تعبت ابكي تعبت احكي مأسي الروح..
قتلني الوقت بظروفه ذبحني وجفف انهاري..
اخبي علتي وأسكت وانا في داخلي مذبوح..
اجامل وأرسم الضحكه وانا قلبي على ناري..
احاول والله يعلم بي أداري دمعتي لاأبوح..
اداري الجرح وأتجاهل عن اللي ينشد اخباري..
اقول بخير لكني جريح وفي حشاي جروح..
صداها لو دفنته يوم يبين سنين بأنظاري ..
صرخت بحسرتي يكفي صرخت بصوتي المبحوح..
الاياوقت وش ذنبي عشان الفيك بأعذاري..
تبعثر حلمي قدامي وغديت بدنيتي منزوح ..
وقفت ولا قدرت اجمع مغير مشتته افكاري...
وأهني النفس وأخدعها وأقول ان كربتي بتروح ..
وهي والله مولوده قدر فأرحك اقداري..
قتيل والبقا في راسي في دنيا مابها مصلوح..
قتيل والقهر قاتل من اللي ياخذ بثاري..
انا ببقى ضحية وقت اعاني والعنا مجروح...
دعيت اللي خلق يرحم رجيته ربي الباري ...
ابي اسعد انا بلحظه قبل نزعه توافي الروح...
قبل مارحل عن الدنيا واروح لأخر دياري..
انا بحمل صديد الجرح في باقي وقتي المسموح..
واذا وافتني القدره ترى هالبيت تذكاري..
رثاني دمعي الطاهر وفي صمته مارضى بالنوح ..
رثتني قسوة الدنيا رثتني حتى اشعاري..
وجزت اللي ذبح قلبي وعشته بالخفا مشروح ..
لجل ماضعف بعين اللي نشدني كيفها اخباري.....
دمعة فيصل
طبعآ هالشعر من جوالي مو من تأليفي للأمآنه
حس فيصل انه مكتوم وان هالأبيات بعد ماطلعت اللي بخاطره
قلب الصفحه وبدا يكتب...
مانشغلت بغير جرحي وزحمة هموم الدفاتر .. وحس ضايع بين صمتي ينتظر تفريج ضيقه... مانشغت بغير دمع محتبس بين المحاجر والقصيده شخص فيني تايه ضيع طريقه ..قصتي رحله طويله ماتلملمها المشاعر ..الحزن ذوب نهاري والماسا همي يعيقه..
مابقى لي غير ذكرىتحتضر في قلب شاعر..الظما ادمى حياتي والأمل مابل ريقي...شفت نتفس غير نفسي والزمن كله مظاهر..
والملامح كن فيها منكسر وجه الحقيقه...هدني ظلم الليالي خانني ماضي وحاضر ..وشابت اطراف الشعر والعمر ولبى بريقه ...
وانحبس حرفي وحسي..كن بي صمت المقابر ..وش جديدي دام همي ينتظر تفريج ضيقه .. ضيقتي بس تنتهي << بلقيآ ساره الحبيبه ...^-* تعديل ساره من عندي خخخخخخخخخخخخ
دمعة فيصل
أيضآ الكلمات مو مني من جوآلي لطشتها........ بس حسيت تناسب للقصه.........
قفل فيصل الدفتر وتنهد من كل قلبه ..يبي ينسى حزنه مل من هالحياة لي متى بيعيش كذا فيصل غارق بالتفكير
صوت الباب يقطع عليه
نوف: فيصل افتح الباب بسرعه لو سمحت
فيصل بطفش اوووووف: طيب طيب وكان مبين على وجه انها متضايق...
نوف: وش فيك خير قافل الباب
فيصل : وش تبين...؟
نوف: ليش تصارخ علي وبعدين خير وشهالحزن والضيقه اللي بوجهك كل ذا عشان اختك ترآ انت رجال والله امحق رجال اللي يسوي مثلك
انا ماأسمح لك غصب عنك رجال ودفها عالسري وطلع ونسى يشيل الدفتر..
نوف جلست تبكي من قوة الكف
فيصل كان طالع من البيت
نوره: فيصل وش فيك..؟
فيصل: مافيني شي انا الحين بروح لريم أشوفها
نوره: فيصل تكفى خل اروح معك
فيصل بعصبيه: بسرعه بس مابي اسمع صوت بالسياره
نوره : طيب
طلعت نوره وفيصل
نوف كانت بالغرفه تبكي من فيصل لفت نظرها الدفتر لأن شكله كان حلو وبعد لأن فيصل محذرها تلمسه
لما مسكت الدفتر كان جوا الدفتر القلم وكان عالصفحه اللي فيها فراشات تتذكرووونها....؟
اخذت نوف تتصفح الدفتر وكانت بتموت من القهر تبي تعرف مين هذي اللي ماكله قلب فيصل
نوف: هين يافيصل اما خليتك تندم..
في السياره يرن جوال نوره :هلا وغلا ساروونه
فيصل يناظر ساره ويتنهد من كل قلبه<< ماحد يلومه لومكآنه باخذ التلفون وأكلمها ههههههههههه<<< أمزح ميشو وسوسو لاتعصبون علي هع... طيب خلونا نكمل
فيصل ان امنيته ياخذ الجوال من نوره يتكلم مع حبيبة قلبه يتكلم مع الأنسانه اللي يحس انها بتفهمه الأنسانه اللي محتاج لها
بس هو مايرضا على أخواته كيف يرضى على من سكنت قلبه
ساره بصوت متغير : نوره انا.. انا..
نوره :ساره وش فيه صوتك
ساره: نوره انا تطلقت من ناصر وأخذت تشهق وتبكي
نوره: طيب لاتبكين انتي راضيه
ساره: اكيد نوره مليت كله طق وهواش وأكرف لأهله خلاص خلاص والله مليت
نوره :طيب انتي وين
ساره :انا الحين بطلع للمستشفى
نوره: سلامات وش فيك...؟
ساره: لا بس يوم قلتي لي عن ريووم قلت بروح اشوفها
نوره: يالبى قلبك تسلمين يالغاليه نشووفك هناك اجل
فيصل: وش فيها
نوره: فيصل ساره تطلقت
فيصل بتعجب وفرح وخوف وحزن مايدري وش شعوره: وش تقولين...؟
نوره: مسكينه يافيصل من اول ماتزوجت وزوجها متسلط
فيصل: لدرجه انها تطلق
نوره: واكثر ماتتصور
فيصل: نوره شفتي ان احنا مكتوبين لبعض
نوره: وش تقول انت ...؟
فيصل: انا ماتوفقت مع نوف وهي ماتوفقت مع زوجها
نوره تصرف الموضوع واخوها: فيصل ترآ ريووم محتاجه لك
فيصل: ليش...؟
نوره: حاول تتكلم معها مادري احس فيها شي وانت اقرب واحد لنا كلنا
وصلت ساره لريم وهي جالسه داخل فيصل ونوره
نوره تحظن ريم: يآقلبي ياختي الحمدالله على سلامتك يالدووبا
ريم تناظرهم بنظرة حزن وتناظر ساره: ساره مشكوره
ساره: ريوم انتي مثل اختي
نوره تناظر ريم .. هذي ساره اللي تكرهينها ياريم جايه تزورك
الدكتور يدخل: اخ فيصل تفضل معاي
ريم : نوره انا خايفه
ساره: لاتخافين مافيك الا العافيه
وفي هالوقت تدخل نوف وكان بيدها الدفتر نوره لما شافت نوف حست بعيونها الشر ولما شافت الدفتر تذكرت ان هذا تبع فيصل
ساره ساكته ومو قادره تنطق بشي وفي هالوقت دخل فيصل وعيونه غرقانه بالدمع
نوف : هلا هلا هلا بالراهق فيصل
فيصل: نوف وش عندك
نوف: انا قلت لك من اول انت منت رجال والدليل هالدموع اللي ودها تنزل
فيصل بعصبيه :نوف ان ماسكتي والله نهايتك على يدي
نوف تناظر ساره وساره تغطت هذاك الوقت: هذي ساره اللي مزعجنا فيها انت وين شفتها وحتى لو شفتها وش هالذوق وبعدين وش هالحب والغرام اللي طايح فيه من وراي
ريم تحس بألمها يزيد: فيـــصل
فيصل: لبيه ريم وش فيك
ريم حست بغصه توهآ تتذكر هي اللي جنت على فيصل
هي اللي خربت عليه
هي اللي خلت نوف توقف بطريقه
هي اللي سرقت ضحكة وفرحة وامل فيصل
فيصل صآر انسان ثاني انسان الصمت يخيم عليه
انسان كأنه تجرد من كل المشاعر
انسان بارد لاحس تغير كثير فيصل
نعم مآتت ريم ودعت الدنيا هاهي ريم تلحق روح والدها
فقدنا ريم بس كان سبب الأكبر في وفاتها ادمانها على البيبسي الى ان تلفت كليتينها الثنتين واصبح من الصعب معالجتها الا بوجود متبرع
فيصل مو مستوعب اخته راحت من يده وماتت وموقف فقد ساره والسبب ريم ليش ليش ياريم وش سويت لك انا ليييش....؟
نوف بنفس اليوم اللي مانو بغرفة ريم بالمستشفى: صدق انكم عايله
فيصل قبل لاتكمل كلام: بس .. بس ..بس.. يانوف انتي
طالق ..طالق..طالق
ساره ونوره مصدومين من اللي يصير قدامهم طلع الكل ونوف طلعت تبكي ونست الدفتر على طاولة المستشفى بغرفة ريم
وطلع فيصل وراه نوره
ساره كانت اخر وحده وأخذت الدفتر حست ان فيه شي
يحس الدنيا ضيقه فيه يحس كل مره تضيق فيه اكثر واكثر
فقد اخته ريم الشيطونه العصبيه
أهملها لما تزوج واهمل اخوانه
يارب سامحني انا السبب هي ماتت وانا السبب أي انا
انا كنت اتابعهم اراقبهم لو يحسون بشي على طول أعالج الوضع
بس انا انا انا انسان ماعندي قلب
وجلس يلوم نفسه ويحس انه خلاص بيموت من الحسره والألم
وصل نوره البيت وطلع
وقت دخول نوره فهد توه واصل من البر كان في رحله معهم بس بلأساس هو ماراح للبر كان مسافر
دخل وشاف اخوانه يبكون وفيصل وريم مو موجودين
فهد: وش صاير ...
نوره: فهد وينك وين كنت ...؟
فهد: بصراحه كنت مسافر
نوره: ليش رحت وخليتنا مو وعدتني تكون مثل فيصل
فهد: نوره وش فيكم
مشاري يبكي: ريم ريم فهوودي راحت عند ربي
فهد بصدمه :وش تقول نوره وش يقول اخوك
يناظر نوره والدموع بعيونها
مستحيل مستحيل ريم ماتت
فهد: كل هذا يصير وانا مدري
نوره: وانت وينك عشان نعلمك
رجع فيصل للبيت بعد ماغاب عنه يوم ومرت ايام العزا أيام كئيبه على بيت يفقد الضحكه
لعب فيهم القدر
دارت فيهم الدنيا
فيصل كان حزين على اخته وعلى اللي صار لها ماتت وهي توها بأول عمرها بس العمر مايعرف صغير او كبير
ترحم لها
فقد فيصل الدفتر وبغى يجن جنونه وين راح مايقدر يستغني عنه
تذكر انه اخر مره شافه مع نوف
والمستشفى لا مستحيل يكون ضاع
أخر شي قرر يدق على طليقته نوف يستفسر منها
فيصل: هلا نوف وشاخبارك..؟
نوف بكل غرور: مابيني وبينك شي عشان تسألني
فيصل: ممكن اعرف الدفتر اللي معاك اليوم هذاك وين وديتيه...؟
نوف: والله تركته بالمستشفى ومادري عنه يالمراهق
فيصل ماوده يغلط عليها كل اللي سوى اغلق الخط بوجهها
ومره متضايق ان الدفتر ضاع منه
مرت أيآم عادي ايام صفرآء خاليه من الضحكه
كانت نوره تطلع بالغصب مع ساره حتى يجهزون لزواجها
بفقد اابوها وامها وفقد اختها ريم
صحيح فيصل كان مو مقصر بس كان وجوده يغطي حاجات وحاجات تتطلب احد يساعدها
بس ربي عوضها بعد بنواف اللي كان يحبها ويموووت فيها...
نوره بعد مده
أقترحت على فيصل يتزوج ساره وافق فيصل لأن هذا حلمه بس خاف انه ترفضه
ساره كانت تتمنى تفتح الدفتر وتشوف وش جوا مكتوب
بس كان فيصل كاتب بأول ورقه يمكن نوره مانتبهت لها
وصيه ان الدفتر ماينفتح لما يغادر فيصل الدنيا ....
نوره كلمت ساره وطبعا بعد عدة محاولات وافقت
يعني فيصل لساره بيجمعهم القدر اللي فرقهم
يعني حلم عاشقنا فيصل يتحقق
بيوم الزواج ساره كانت مجهزه هديل لفيصل
بغرفة العروسين....
فيصل يتأمل ساره صحيح انها مو درجة الجمال صحيح انسانه عاديه بس يحس بأن هلأنسانه غير
يحس ان هالأنساه مافي مثلها بالكون
فيصل يقطع حبل التفكير: آهـ ياساره لو تدرين كم تمنيت هالحظه ..
ساره بخجل: كل شي مكتوب مانقدر نتهرب منه
فيصل: اوعدك ياساره اني اعوضك عن كل لحظة حزن بحياتك
ساره: وانا بعد يافيصل وأوعدك اكون لك كل شي بحياتك
معقوله معقوله انت تحلم يافيصل انت اليحن مع ساره ساره حبيبتك
ساره الأنسانه اللي تمنيتها
فيصل يحس انه بيطير من الفرح
فيصل: تسلمين لي حبيبة قلبي
ساره: فيصل ممكن اقدم لك هديه
فيصل: والله انك انتي احلى هديه
ساره :بس هالهديه اتوقع غير
فيل: طيب خلينا نشوف
ساره: طيب غمض عيونك
فيصل يسوي نفسه يغمض
ساره : غمض اشوفك تناظر
فيصل يضحك :طيب طيب يالله والله غمضت
ساره: الحين فتح
فيصل يناظر مستغرب وين وكيف ومتى
ساره من وين جبتيه
ساره اخذته من المستشفى ذاك اليوم بس والله كان الفضول بيذبحني اني افتحه بس وصاتك عليه ماحد يفتحه
فيصل: حلالك ياقلبي تدرين ان هالدفتر اصلآ لك
ساره : صدق
فيصل : ايه وخذ متى ماتبين اقري كل اللي فيه....
بعد الفراق بعد أيام الحزن بعد تلك الأيام الموحشه على عاشقنا فيصل
اجتمع بمحبوة قلبه
وبدأ يعيش بحب وسعاده لم يشعر بها من قبل
نوره ونواف متفاهمان نواف طيب خلوق ويعشق نوره
رجعت الحياه تدب في بيت فيصل ورجع فيصل الآول
بضحكته ابتسامته واهتمامه بأخوانه
الكل فقد ريم الله يرحمك ياريم.....
لو تسمح اسمع مني هلكلمتين.. هي مو كلمتين هي كلمتين بعدة جمل
بها حياتي تكتمل ..بس قبلها أبسألك سؤال واحد.....؟
يكفي عن عدة اسئله مو مشكله مابي جواب بلمح البصر ...
ابنتظر الزمن علمني الصببر
تعرف معـــــــنى الحـــــــــــــــــــــــــب
لحظه قبل الجواب .....
اسمع مني هالجمل....
الحب ماهو بلأغاني او الموسيقى الصاخبه ...
الحب رقة مشاعر والصاحب يحس بصاحبه...
الحب ماهو بالجمــــــــــــــال او مليون في الحساب ..
الحب شوق وتضحيه وعيشه فوق السحاب...
الحب ماهو لعبة مشاعر او وناسه ومصلحه ..
الحب اخلاص ووفا الحب عيون تفضحه..
الحب ماهو بالحروف والكلام الأبجدي...
الحب يرفض الظروف اذا ابتدى ماينتهي...
الحب جراح شافيه مدام تحقيقه مباح...
الحب شمعه ضاويه ماراح تطفيها رياح
بعد ماعرفت الحب بهديلك من قلبي كلمتين اتمنى يكون لها في قلبك محل احبك موووووووووت
فيصل اهدآء لحبيبة قلبه ساره
وبعدها قرر مايكتب دمعة فيصل بنهاة كل خاطر
بس راح يكتب اسمه طبعآ ساره طلبت منه كذا
أي على فكره ترآ الكلمات مو انا من موبآيلي جبتها ......
هنا تقف احزان فيصل
هنا نعرف بأن للصبر مفتاح
هنا نتعض من كل مايمر بنا
هنا نعلم بأن الحزن لايدوم يومآ
كما ان الفرح لايدوم يوما
هنا نعرف بأنه يجب ان نصفي القلوب
هنا نقوللنوف الله يعوضك باللي يفهمك
ونقول لناصر حسافه عليك ساره
ونقول لعاشقنا فيصل يابختك بنصيبك
هنا قد انتهى مسار قصتي ومن هنا اقول لن امنع احدآ ان ينقل القصه لكن امانه في عنق كل من ينقلها ان يذكر أسم مـ الشوق ـلاك وماأحلل اللي مايكتب اسمي^_*
لأني ناويه انزل قصص ان شاءالله اكثر واكثر
كل مآ أتمنى ان تكون روآيتي اعجبتكم لأني أطلت الكتابه
وأرجو من كل من عبر ان يترك رأيه بكل امانه بعيدآ عن أي مجامله
أرائكم ومروركم يهمني
وكل انتقاد يفيدني ان يطرحه هنآ كي أستفيد منه
هنآ توقف قلمي
هنآ خط حيآة فيصل اللتي كانت تغيم عليها أجوآء الحزن
هنآ كانت دمعة فيصل
العرض العادي
