َََترآنيم الأميرآت في مسآء صآخب بالألم ,. !َََ~

[عبيــــرالــــورد]

أمآ في الخآرج كآنت تقف ملآك وشهد , ,

ملاك : وه ماقدر
شهد : حلو لا
ملاك : لا حلو شويه عليه ، من وين طايحه عليه اختي؟
شهد : مادري بس اكيد مو من الجات الي تقعدين عليه لاني اتوقعهم كلهم جياكر
ملاك : ويهج عاد شووفي شعره شكثر حلوو ، فديتهم هل الرياااض
شهد : يالله خل يخطب لج اخوه
ملاك : صدقيني اوافق ولا علي من بيتكم
شهد : وانا؟
ملاك : لا انتي حاجزينج لـ فيصل ولد جيرانا هع
شهد : منتي بكفو !

[عبيــــرالــــورد]

ومر ّت الساعآت وفرح ونآيف خلف الجدرآن يتأملون حكآية عمرها سنين وشهور . !

فاجأت فرح أمهآ بأنهآ موآفقه ولن ترجع في قرآرهآ ابدا ً
أما جاسم فقد توّعد لها بالقتل ، /

جاسم : وقسم بالله يا يمه اذا بنتج فرح ذي ماترجع بكلامها باذبحها
ام محمد : انا ماعندي بنت بهالاسم
جاسم : يمه بتفشلنا هذي بتنزل راسنا بالقاع
ام محمد : ماعليك منها الايام بترجعها
جاسم : يمه كل ربعي ينغزون لي بكلامهم، شبقولون يعني، صدقيني لو مابينها وبينه شي ماتعلقت فيه هالكثر
ام محمد : خلاص خلها مع ابوها وبنشوف شبيفعها فيه !

[عبيــــرالــــورد]

اما شهد وملاك ..,
شهد : ها بتلبسين اي لون ؟
ملاك : احمرر
شهد : وانا اصفر
ملاك : ايه موزة معفنه هع
شهد : مالت عليج

كانت فرح ترمقهم بنظرات منكسره رغم سعادتها
وكل ما يشغلها في ذلك الوقت هل ستكون امها راضيّه عنها .. ؟

اما رزآن فـ حآولت الف مرة ومرة ان تقنع اختها بأن هذا الزواج لن ينجح
وفرح كآنت تتعمد الصمت والإبتسآم فقط
فهيّ مدركه في قرارات نفسها بأن الايام كفيله ان تجيب على اختها ,, !

كان حينها ابو محمد يناقش موعد الزفاف مع اهل نايف

فرح : ملاك
ملاك .. هلا
فرح : مادري مع من بروح اخذ فستان
ملاك : ورزان ؟
فرح : هه ماتقدر ,, !
ملاك : شعندها متقدر ، اذا الاخت ماوقفت مع اختها بهالوقت من يوقف معاها . ؟ الظاهر رزان نست من وقف معاها بعرسها من وقف معاها بوجه امي وابوي بس الظاهر رزان ناكرة للمعروف
فرح : ماعليش انا مو زعلانه منها

ملاك : امم بتصل في موزة بنت خالي
فرح : تقدر عاد ؟
ملاك : شعندها عاد ما تقدر لانه جمانه مستحيل تتصلين فيها تعرفينها حسوده وعينها حارة
فرح : امم اوكي اتصلي لها وشوفي

ملاك : الووو
موزة : هلاا
ملاك : شخبارج بنانه
موزة : اهلييين انجل اوكي ,,
ملاك: شعندج يوم الاثنين ؟
موزة : ولا شي ، ليش ؟
ملاك : تقدرين تاخذين فروح اختي تاخذ لها فستان ؟
موزة : امج تدري؟
ملاك : ليش يعني ؟
موزة : اذا ماتدري ماقدر اوديها
ملاك : شدعوه قبل نطلع وامي ماتدري الحين وقفت عاد بس اوكي بتقطج الايام علينا ، باي
موزة : ملاك لا تزعلين تعرفين شقد فرح مكانتها عندي بس الي سوته غلط تختار واحد مو من ديرتها و توقف في وجه اهلها عشانه
ملاك : اقول يالغاليه محد طلب رايج وانتي من الي تعطين رايج بالموضوع ، انا غلطانه متصله فيج ,, باي
موزة : باي

[عبيــــرالــــورد]

كآنت فرح في حآلة من الجنون الصآمت
قآطع سلسلة افكارها المجروحه اتصال [ نآيف ]

نآيف : هلا بهلي وعشيرتي وطوايفي
فرح : هلا ,.,
نآيف : شخبارها الغلا
فرح : بخير عسى ربي يحفظك
نايف : ها جهزتي روحك ؟
فرح : امم لا
نايف : افا ليه ؟
فرح : ماعندي احد ياخذني اشتري لي
نايف: واختك ؟
فرح : ماتقدر تاخذني
نايف : كيف ماتقدر يعني ؟
فرح : مادري
نايف: وبنات خالتك وينهم ؟
فرح : اممم كلهم مايقدرون وطبعا محمد اخوي مسافر وماعندي احد غيره يساندني وابوي مسكين شغله ماخذ كل وقته
نايف : واهلك من ابوك وينهم ؟
فرح : اممم علاقتنا فيهم مو ذاك الزود يعني احس مو حلوة طول هالفتره مدري عنهم الحين اتصل اقولهم تعالوا وقفوا معاي
نايف : ولا يهمك يا بعد عمري ولا تتضايقين الليله اجيب خواتي البحرين عندك وتروحين معاهم كل مكان تبين
فرح : اممم احس روحي استحي
نايف : تستحين من ايش ؟ خواتي من اول ماشافوك حبوك وربي
فرح : انتظرهم الليله ؟
نايف : ايه يابعدي


اما في الغرفه المجآورة كآنت ملآك تقف محتآره ..

ملاك : الووو من ؟
.. / ماعرفتيني ؟
ملاك : لا من ؟
.. / انتي ملاك صح ؟
ملاك : وجع ياخذك انت من .؟
.. / على هونج غلاي ترى طول هالفتره تركتج تراجعين حساباتج وتفكرين على راحه يمكن تعرفيني
ملاك : من انت ؟
... / انا الي اعرف اسمج واسم خواتج وامج وابوج ورقم بيتكم وعنوانكم واذا منت يمصدقتني اختج الي اكبر منج اسمها فرح والي اكبر منها رزان والي اصغر منج شهد والي مسافر امريكا محمد والي موجود بالبيت جاسم
ملاك ..............................
سكرت الخط بوجهه ولكن ,,

ملاك / ياربي شسوي ؟ من هذا ؟ شيبغي مني ؟ انا نسيته بس اهو ما نساني من هذا انا ماعرفه اقول حق من ؟ لأمي لا لا مستحيل لجاسم مستحيل ، ابوي لا لا ، رزان / بتفضحني ، فرح مسكينه مشغوله بزواجها وهمها اكبر منها اقول حق من ياااربي .
من راح يوقفه عند حده هذا متمادي معاي
انا خايفه يسوي لي شي . !

[عبيــــرالــــورد]

كآنت ملآك رغم عدم معرفتهآ بهذآ الشخص ـ متيّقنه حد الثقه بأنه ُ من الجات ولكن كيف عرف رقمها ؟
كيف توصل إلى تلك المعلومات عنها ,,
فـ أعدآء ملاك في الجات كثيرون
فـ هيّ تقريبا ً زعيمة قروب في السب والشتم ولا تدع شخص بحاله ابدا ً
فـ أكثر الاشخاص يخشونها ,,
و تكرر الاسئلة في ذآت ملاك ,,
هل ياترى ذاك احد الاشخاص الذي لم يسلم من لساني .. !

كآنت شهد حينهآ منشغله بـ صديقآتهآ في المدرسه
و إعجآبهم الكبير بـ ستآيلهآ الجديد
و مدحهم لـ أنآقتهآ و جمآلهآ
فـ تأتي كل يوم لـ تحكي لت فرح عن معجبة جديده جائت تقف خل الصف لتهديها رسالة إعجآب
أمآ فرح فـ كآنت تستمع لأختهآ بـ تشوق وتبدي رأيها ايضا ً ,,
نعم أنت ِ جميله

[عبيــــرالــــورد]

روز : ماما فرح
فرح : هلا روز , !
روز : اكو مدام يجي
فرح : اوكي ,,
شهد : انا اقولج لا تروحين لها بتقولج كلام يغث
فرح : ماعليه ، تعودت اصلا ! تقدرين تقولين متعوّد على الصدمآت قلبي
شهد : اممم باروح باسمع شتقول لج ورى الباب

وهنآك ,,
فرح : هلا يمه
ام محمد : شتبين ؟
فرح : ابغي اتكلم معاج
ام محمد : طلعي برى وصكي الباب
فرح: ليش يمه؟
ام محمد : لا تقولين يمه ، انتي منتي بنتي ولاني امج
فرح : كل هذا عشان بتزوج الشخص الي احسه مناسب لي؟
ام محمد : صدقيني ماعدتي تهميني تزوجتي ماتزوجتي عشتي متي مايهمني , !
فرح : بموت بس صدقيني وقتها انتي اكثر وحده بتتحسفين ـ بتذكرين هاليوم الي جيت لج فيه ابغيج تسامحيني ومارضيتي
ام محمد : لا بتحسف ولا شي الا بفتك منج ومن مشاكلج
فرح : منتي جايه عرسي؟
ام محمد : طلعي برىىىىى
فرح : اوك !

كآنت دموع فرح [ إجآبة وآضحه ] لـ شهد وملآك
و عآد الصمت مجددا ً يسود الزوآيآ

فرح : ملاك شفيج هاليومين؟
ملاك : شنو؟
فرح : مدري عنج احسج كله متضايقه فيج شي؟
ملاك : لا يتراوى لج متضايقه بس لانج بتروحين عنا
فرح : اممم من قال بروح بزوركم كل يوم والثاني ,,
شهد : قفلي الباااااب بسرعه صوت جاسم
ملاك : اوك . !

كآنت فرح وشهد وملاك يختبأون في غرفة فرح
فـكلمآ دآهمهم صوت جآسم أختبئوآ خلف الزوآيآ , !

[عبيــــرالــــورد]

كآنت ليلة طويلة على جميعهم . . !

فـ رزآن تخشىآ من الغد ، فـ هنآك تنآقض كبير بين عتآب الضمير ، و وآجب أسود ,!
أمآ أم محمد فـ كآنت قآسيه بعض الشيء تتمنى من الله أن يمنع هذا العرس ، !
و ملآك تخشى الغد ، فـ يفاجأهآ ذلك الولد المجنون . ! محتآره في كوّنه من . ؟ وماذا يريد
أمآ شهد فـ كآنت خآئفه على أيآم تفتقد فرح , ! فـ أكثر ساعاتها تقضيها بـ رفقة فرح وعندما تتزوج سـ تكون وحيده كمآ ترىآ , !
وجآسم كآن يفكر بـ جميع الطرق الشيطآنية بين القتل والخطف و التهديد ,,
أمآ فرح فـ كآنت تحلم بـ نآيف و الايام القادمه ,,
ونآيف كآن قلق بعض الشيء فـ شعور فرح بالحزن يرهقه حتما ً , !
أمآ أبو محمد فـ مآ أن وضع رأسه على الوساده قد غط في سبات عميق

[عبيــــرالــــورد]

وجآء الغد /

كآنت ملاك غير مستعده ابدا ً لموآجهة القدر بـ جميع أشكاله , !


ملاك : شهد انتوا اليوم متى راح تجون لي ؟
شهد : جسوم بمرني بعدين بروح لج
ملاك : بتتأخرون ؟
شهد : انزين انتي تخلصين 1 ونص صح ؟
ملاك : ايه
شهد: انزين كل يوم وحده وربع احنا عند مدرستج
ملاك : تصدقين في واحد كل يوم يوقف يغربلني
شهد : كفخيه لا
ملاك: تفكريني مقدر ؟ بس والله المشكله عند المدرسه مابي حد ياخذ فكره عني ، بس لو بمكان ثاني فصخت له نعالي وكفخته فيه
شهد : اممم يعرفج يعني؟
ملاك : لا شعرفه فيني !
شهد : اها ، اوكي بروح لفرح أنا بشوفها اذا قاعده تسوي شعري استشوار
ملاك : اوك . !


شهد : فرح ...
فرح : دخلي الباب مفتوح
شهد : تقدرين تسوين شعري ؟
فرح:اوك
شهد : كتبتي لي الواجب الي امس عطيتج ؟
فرح : اي كتبته
شهد : اخاف المعلمه تشك بأسلوبي وتقول مو انا
فرح : قولي لها اختي ساعدتني
شهد : فروووح تلفونج سايلنت ؟
فرح : ايه !
شهد : كأنه حد يتصل
فرح : اي والله ، هذا ناااايف
شهد : يه يه
فرح : لحظه بكلمه وبخلص شعرج

فرح : هلا حبيبي
نايف : هلا فيهم كلهم
فرح : قاعد من الصبح ..
نايف : ايه ورانا دوام مو انتي اكل ونوم يابطه
فرح : ههه شسوي .. !
نايف : قعدي خططي لـ زواجنا شبتسوين شبتلبسين
فرح : ناايف اشفيك ..
نايف : فديتهم الي يستحون
فرح : صاير سخيف من الصبح
نايف : احبك اش اسوي ؟ وربي من شفتك وانتي دايم في بالي ، عيونك هذي جننتني ، ماتوقعتك بهالحلا كله ، قمر العن يومك
فرح : قلت لك لا تكلمني الا بعد الزواج عشان تشتاق لي
نايف : لا مابي انا مشتاق وابي اكلم حبيبتي
فرح : انزين اختي معاي بكلمك بعد شوي
نايف : اوكي ..
فرح : باي
نايف : فرووح
فرح : هلا
نايف : اموت فيك
فرح : انا اكثر ..
نايف : وربي احبك مووت
فرح : هههه نايف خلاص . !
نايف : اجيك الليله البحرين ؟
فرح : نااايف اشفيك ؟ كلها ليلتين ونتزوج ، بتجي شتسوي ؟
نايف : اشوف عيونك
فرح : يالله باي ، بسكره بوجهك
نايف : افا عورتي قلبي كذا
فرح : يا عمري خلاص بسكر
نايف : طيب يابعد هلي انتي ، ديري بالك على حالك
فرح : وانت اكثر
نايف : مع السلامه
فرح : مع السلامه

اغلقت فرح الهاتف وكادت تشعر بأنهآ ليلى وبثينه و جميع عاشقات الارض معا ً
كانت تغني لـ فيروز و ترقص مع الحان العندليب الراحل عبد الحليم
وتقرأ لـ نزآر أروع أشعاره
و ترتمي بأحضآن شهد لـ تصرخ بأعلى صوتهآ

وآآآآآآآآي أحبه أحبه ,, !

كآنت شهد ترمق فرح بنظرآت غبطه
يألـ سعآدة أختي
فـ هٌنآك من يعشقهآ
يسأل عنهآ كل حين
يترقب أخبآرهآ بـ حنين
أمآ أنآ فـ لآ أحد معي سوى ملاك المعتوهه , !
افف اقدار , !


فرح : يالله خلاص عشان لا تتأخرين عن المدرسه
شهد : اوكي ، يالله سي يوو
فرح : سي يوو

__________________

[عبيــــرالــــورد]

و ذهبت ملآك للمدرسه
كآنت ترىآ السآعه تركض على غيّر عآدتهآ
فـ حقا ً كآنت الـ 8 والـ 24 دقيقه قبل وقت قصير
مآلي أرآهآ الـ 12 والنصف
يـالله بـ سترك .. !
أخشىآ أن يكون هذآ الشآب المجنون ينتظرني الآن
فـ يراه أخي و تحدث فضيحه كبيرة لي ,,

يآرب سترك , !

كآنت تلك العبآره تتردد على لسآن ملآك في ذلك اليوم
كآنت حينهآ تسترجع ذكريآت عمرها أشهر
فـ ترىآ نفسها تشتم هذه
وتلقب ذآك بأسوأ الألقآب
و تستخدم الفآظ بذيئه لـ شخص مآ حآول أن يتقرب لهآ

أمآ فرح فقد كآنت بين زوآيآ أربع تسترجع ذكريآت عمرهآ سنين
فـ هآ هيّ مريضه وأمهآ بجآنبهآ ,,
وذلك اللقاء الثاني لـهآ مع نآيف
وتلك مكآتيب حُب
و بعض الأغآني التي تجبرني على السفر إلى ارض الرياض , !
تلك الاغنيه لهآ سر خآص معي

فـ حين تقول ديآنآ [ أحس برآحتي قربه وكل شي يحلى بعيوني ,,

أشعر كأني أحدثه أمآم الملأ ,,

ورزآن تحدث محمود عن أوجآعهآ
فـ آه يآ أختي وآه يآ أمي ,, !

لآ أعلم من أرضي . !
ومن على صوآب

[عبيــــرالــــورد]

و جائت الساعه لـ تعلن إنتهآء الدوام المدرسي , !

كآنت ملاك مرتبكه بطريقة تُلاحظ , !

ملاك : سيمو
سميه : هلا ملوك
ملاك : مع من بتطلعين الحين ؟
سميه : ربعي
ملاك : بطلع معاكم
سميه : اوكي حبي تعالي ويانا


وبالخارج كانت عين ملاك يمين ويسار وغرب , وجميع الجهات معا ً , !

ملاك : يمه
سميه : شفيج
ملاك : مدري شوفي الصبي الي هناك
سميه : شفيه ؟
ملاك : قاعد يطالعني ويبتسم
سميه : الي لابس تيشرت احمر؟
ملاك : سميه اكو قاعد يتقرب لنا شنسوي؟
سميه : شفيج خايفه ، عادي يعني
ملاك : احسه ياي لي انا بالذات
سميه : هذا مو اخونج الي هناك؟
ملاك : اي واحد ؟
سميه : سيارته اكورد ازرق
ملاك : اي اي
سميه : واي عليه ، حده حلو
ملاك : حزاتج انتي

اقترب الشاب اكثر من ملاك حتى تعمد ان يصدمها

ملاك : وجع ماتشوف انت ؟
... / لا ، مسامحه
ملاك : عساك العمى
... / انتي للحين طويلة لسان ! بس صدقيني محد بقصه لج غيري

ويغمز الشاب لملاك بطريقة شيطانية ليرحل حتى يختفي عن الانظار
وينزل حينهآ جاسم من سيارته لـ يشتم ملاك عن التصرف الغير لائق

ملاك : انا شيخصني ؟
جاسم : ركبي براويج في البيت
ملاك : اهو الي تعمد يضربني
جاسم : وين راح ؟
ملاك : الجهه الثانيه
جاسم : الي عليه احمر
ملاك : اي

جاسم : لحظه ركبي مع اختج انا براويه
ملاك : لا جااااسم

تنزل شهد مندهشه

شهد : اشصااااير , !
ملاك : لحقي ورى اخوج
شهد: وين راح

جاسم : تعال هني يابن ,,,,,,,,,,,
... / خير اخوي؟ شعندك ؟
جاسم : انت كفو تضرب اختي وانت ماشي؟
.. / اي كفو واكسر راسها لو بغيت
جاسم : اقول عاد بس قول حق امك تترحم عليك
.. / يقولون اللسان الطويل دليل على اليد القصيره انت عاد اعكس لي المثل

و يدخل جاسم في عراك كبير جدا ً
كانت جماهيره اكبر

فـ آخر مانطق به الشاب وهو بين يدي جاسم

.. / اختك حبيبتي و اسمها ملاك
جاسم : شنوو يابن الـ ,,,,,,,
.. / والله اختك حبيبتي و بينا مسجات واتصالات ورقمها بتلفوني وصورها عندي

هُنا فقط سقطت ملاك مغشي عليها وسط الحشود من بنات المدرسه
وكانت شهد ترمقهم بإعجاز

اما جاسم ترك الولد من بين يديه و وقف يتأمل الجميع من حوله , !

__________________