هلا بك يالغـلا يالـورد يالنعنـاع يالنـوار
هلا باحلا احبك فـي طعـم الشهـد مبلولـه
حبيبي والله اني من الهوا الطاير عليك اغـار
والا من غبت لحظه بس قلت العمر وشهوله
الى من غبت عني يالغلا تلعب بـي الافكـار
اقول شلون قلبك طاوعك ما هيـب معقولـه
يا روحي ما لحبي حد مالـه يالغـلا مقـدار
وانا لا قلت احبك طاح طيف الحب من طولـه
احبك كثر ما تسكن حشاي وتشغـل الافكـار
احبك كثر عالمنا الصغير وكثـر مـا حولـه
وكثر ما نظرة عيونك حبيبي تلفـت الانظـار
وكثر ما كانت احبك على شفتـك معسولـه
حبيبي ما هقيت انك سمعـت باخـر الاخبـار
عن اللي سارق له قلب تبحث عنـه الدولـه
عن اللي كل من قال اعشقك صار الحكي نوار
عن اللي كل كلمه مثل هـذي فيـه مبلولـه
أختِ دلع نجد...قصيده نبعت من شاعره تمتلك الموهبه على مزج اعذب حروف الشعر..لترسلها مع شذاها الخاص ..لتعاانق من تحبه...وهأنا عدت اليكِ..لأسمع بوحك لمن تحبينه..وليس هذا فقط بل جئت أيضاً لكي اودع حروفك قبل ان اودعك..وكلي اسف بأسف لأنني اخر من وضعت حروفي بصفحتك... واتمنى أن ترتقي الى قمة مبتغاكِ...
مع السلامه