يعطيك الف عافيه يا الحدبي والله نا مقصرين معاك بس العذر والسموحه وصح الله لسانك هذا الام يعجز التعبير عن وصف غلاها ؟؟
والله يالحدبي انت متواصل معاي بردودك لكن والله اني مشغول واحيان مالقى فرصه اقرا شي او ارد
وعشان كذا حضرت لك مفاجئه هنا مو عشان قصيدتك انا عندي وحده في الام وابي اقولها هنا اكيد تسمح لنا لاني ماقدر اشارك في المنتدى غير بعد اربع وعشرين ساعه خبرك نسيت وشارتك مرتين ورى بعض؟
هذا سلمك اللله قالو امك مريضه وانا كنت متغرب عنها وقلت الابيات هذي فيها
ياطير يللي طاير ٍ بالجناحين... ترسل سلامي للعجوز المريضه
يقطعك ياوقت ٍ سقاني من البين .. كيف المصيبه مساويه للفريضه (1) التوضيح تحت
عجزت ومن يعجز ضمن المساكين .. ضاقت بمقعادي عليه العريضه
جالس تخبطني سموم البراكين ... الموت ليت الموت ياتي بحيضه
وقعت في نارين ماهي بنارين ... نار سعير ونار حر المقيضه
ياغاليه ياسيد كل المزايين ... ياحارمه نفسك لاجلي قريضه
يفداك كل الخلق وافداك بلعين .... يالله عسى الخلاق ينعم بريضه
واشوف الوشم تضحك له حجاجين .. واقول يانفسي أنتي حظيظه
جلسه معك تسوى فلوس وملايين ... وتسوى قعاد مع نفوس غليظه
وصلاة ربي عد ورود الرياحين ...على المصطفى المحمود راعي الفريضه
وسلامتك اخوي
وش تبي عاد هذي قصيده مسانده لقصيدتك بس لخاطر عيونك اخوي تستاهل انت يالغالي وتقبل تحياتي ؟؟