تعال اسكن وسط صدري وبدد وحشة الوجدان
واذا حسيت بالغربة تسلى رتب ضلوعي
تعال اسكن بصدرٍ ماتمتع في دفاهـ إنسان
سوى اللي من عرفت وحبهم بالقلب مشروعي
هلا بك وسط صدري وانتبه للقلب والشريان
ماهو خوف عليه الا غلاكم فيه مزروعي
ياوردٍ طايفي ياجوري مايزرعه لبنان
ياهتان الربيع المختلف بالكم والنوعي
لفا طيفك ولج بمنزلك يالغالي التحنان
عسى طيفك بشوفك ياشفاة الروح متبوعي
على وزن اليتيم اللي كتبته مامعاه اخوان
نويت اكتم مشاعر خاطر بالحيل مليوعي
على شان الوحيد اللي ذنوبه مالها غفران
ذكرته مانسيته لو ذنوبه فيني تروعي
رقيق احساس والألماس منه يغار بالأثمان
كريمٍ في شعوره بإتجاهي ماقطع جوعي
بخيلٍ بالوصل للي تجرع منّة الحرمان
تقبلت الكرم بس البخل ماهو من طبوعي
قبل كانت مشاعر داخليه ضامها الكتمان
على صدفه تفجر في حشاي وتوقد شموعي
هلا ياوردةٍ في خاطري ماضمها البستان
آسج احيان لكن لو ذكرتك ضاعت سنوعي
هلا يالؤلؤ المكنون في المحار يالمرجان
هلا يا ســر سجات الخيال وسبة فزوعي
الله الله على تلك الذائقه
نجمتنا وشعلة منتدانا الغالي
اقف احتراماً وإجلالا لكي ولذائقتك الرائعه والتي اعتدنا على كلما هو رائع وجميل من شخصك الكريم
حقاً لقد اثريتي منتدانا منتدى الود بكل ما يبعث للنفس البهجه والسرور وبكل ماهو قيم ومفيد
فلك مني وافر الشكر والإمتنان |
العرض العادي
