اشوفك كل آمالي واقول الجود من جودك
غرامك يضوي الدنيا ياشمعة كل أيامي
مراسيلك وكلماتك وكل الحب في ورودك
ونغماتك تسلي وحدتي وتشابه أنغامي
سواليفك وهمساتك وصوت الشوق في ردودك
تجي مثل المطر تروي خفوقي العاشق الظامي
انا ما أحبك لحالك أحب ابوك وكل جدودك
ولكنك لحالك من رفعت لحبه أعلامي
أنا كلي فدى قلبك أنا كلي فدى جنونك
ولو قالوا تجاوزت الغلا ماتلزم حدودك
حبيبي لايهمونك مدامك حبي السامي
يبونك بس تتركني او انك تعلن صدودك
عواذل مادروا بأن الغلا في قلوبنا إلزامي
وأنا لو شفت قدامي جبال الصد وسدودك
تعداها خفوقي لين أشوفك غصب قدامي
العرض العادي
