مساء الخيرات
الساعه 11 صباحا
ماجد استأذن من عمله لانه تعبان وراح البيت يرتاح
دخل ويسمع ضحكة ريم تجلجل في البيت
ولما شافته ريم حاولت تنهي مكالمتها
ريم : يللا حبيبتي بشاير اكلمك مره ثانيه
بشاااااااااااااااااااااااااااا اااااااااااااير
انصعق ماجد
ماجد بعصبييه : انا ماقلت لك تقطعي علاقتك
بهذي الواطيه
ريم ببرود : انا ماني صغيره عشان تختار لي صديقاتي
ماجد : انا زوجك وامري يمشي على رقبتك
بعدين انتي تعرفين ان سمعتها مهيب زينه
ريم : حرام لا تظلمها
ماجد : انا ما اناقشك انا قلت لا تكلمينها وبس
ريم : انا ماني صغيره وعقلي براسي لا بشاير ولا غيرها يأثر علي
ماجد وصل حده منها قرب منها ومسكها وصرخ في وجهها : اذا ما قطعتي علاقتك فيها بتشوفين شي عمرك ما شفتيه
ورماها على الكنبه وراح وهو يقول ما تفهم الا بال........
وحس نفسه ماهو قادريجلس بالبيت وطلع.
..............
ميساء خلصت تنظيف بيتها وحطت البخور وراحت شالت كيس الزباله -وانتم بكرامه- بتطلعه عند الباب عشان اذا جاء العامل ينزله
لانها حاطه بخوروماتبي تكون الزباله بالبيت من اليوم الاول لان الاخ مشاري كعادته ينسى يخرجها معاه
فتحت ميساء الباب بسرعه وبتحط الكيس وفجاه تشوف قدامها جارهم ماجد اللي فتح الباب بنفس الوقت كان طالع من البيت تسمرت من الخوف وهو ارتبك وكل هذا كان امام عيون شخص ثالث وهو
مشاري
ماجد رجع لبيته وميساء ركضت لبيتها ومشاري وراها والشرر يتطاير من عيونه
مشاري بصوت مخيف : ميساااااااااااااااااااااااء
ميساء وقفت ولفت عليه .............
مشاري وهو يصك على اسنانه : ليش
ميساء : ماقصدت اسفه
مشاري : ايش ماقصدتي, شلون, مين سحبتك وحطك عند الباب
لا وبلبس البيت بعد وشعرك مكشوف انا كم مره قلت لك لا تطلعين الزباله ابدا ابدا لو تقعد اسبوع
ماتفهمين
و ميساء ساكته ومنزله راسها
ومشاري قعد يهاوش وهو ماهو حاس بنفسه وبالاخير قال اصلا انتي اهلك ما ربوكي ولا ماكان طلعتي كذا قدام الجيران
هنا ميساء رفعت راسها وحطت عيونها بعيون مشاري وراحت على غرفه النوم تبكي
ومشاري طلع من البيت
رمت نفسها على السرير وقعدت تبكي وتقول ماراح اقعد لك بالبيت ولا دقيقه .
صح هي غلطت بس كان قاسي عليها كثير
هي ما توقعت ابدا يكون جارهم بالبيت لانه ما يجي الا بعد الظهر
بس تعرفون كان تعبان ورجع يرتاح بس ريم طفشته من البيت
............
وبينما افكارها توديها وتجيبها سمعت ذلك الصوت الذي به تطمئن الارواح وتسكن النفوس وترتاح له القلوب بصوت ندي صدع المؤذن في الافاق
الله اكبر الله اكبر
اشهد ان لا اله الا الله
اشهد ان محمدا رسول الله
رددت ميساء وراء المؤذن وهي تبكي وبعد الاذان توجههت لله بقلبها ودعت
يارب انت القوي وانا الضعيفه انت القادر وانا العاجزه لا حول لي ولا قوه يارب الا بك يارب ارشدني
اعني
دلني
لا تكلني لنفسي والشيطان
ارشدي للحق والصواب يارب
.........
ميساء ذكيه وعاقله وحكيمه ولكنها تعلم انها بدون توفيق الله وهدايته لها لا تستطيع حل اي من مشاكلها
.........
توضئت وصلت الظهر وبعد الصلاه جلست على سجادتها وتذكرت كلام امها
خروج الحرمه من بيتها يابنتي ما يحل المشكله الا يزيدها تعقيد
وتذكرت بنت خالتها اللي لها 7 شهور في بيت اهلها زعلانه وزوجها ما راح يراضيها وصار السبب اللي طلعت علشانه من بيتها تافه امام ماعانته هي واولادها وزوجها من الشتات.........
ولو كل وحده تفكر بالموقف اللي بتحط زوجها فيه قدام اهلها واهله والناس لما تطلع من بيته كان فكرت الف مره قبل تسوي هذي الحركه
وهذا اللي يخلي الرجل انتصارا لكرامته يخليها عند اهلها وما يروح يرجعها
..........
ميساء في نفسها : انا مجنونه اش اللي اروح لاهلي وما اروح
انا غلطانه فعلا وما سمعت كلام زوجي
وكل عصبيته وغضبه بسببي
راحت على جوالها وارسلت له رساله.
حس مشاري بالهدوء بعد ماصلى الظهر بالمسجد
,سمع صوت الرساله فتحها واذا بها _ انا غلطانه واسفه واوعدك ماراح تتكرر ابدا -
قال في نفسه :الله يهديكي يا ميساء
لكنه ماقدر يمحي صورتها هي وماجد من قدام عينه
دخل البيت وجلس بالصاله
جت ميساء جلست قدامه واخذت كفه واحتضنه بين كفوفها وهمست لها
مالي عذر يامشاري بس صدقني ماراح اعيدها ابدا
مشاري وهو يتجنب يطالع بعيونها : خير ان شاء
راحت ميساء وانشغلت بامور بيتها
مشاري حس ان البيت بارد وجاف ماهو متعود على كذا
وحس ان ميساء زعلانه لانه ماعاد شافها
راح يدور عليها لقاها قاعده على السرير وتقرأ قرءان والدموع بعيونها
جلس قدامها
حطت المصحف من يدها
ولفت بوجهها عنه
مشاري : زعلانه
ميساء :...............
مشاري : انا عارف اني غلطت بس مو بكيفي
ميساء رفعت عينه لعينه وبصوت متقطع : الا أهلي يا مشاري الا أهلي
مشاري وهو حاس بغلطه : صدقيني بلحضه غضب
ماادري اش كنت اقول
الموقف اللي حطيتيني فيه ماخلى براسي عقل
انا اسف
واخذ يدها وباسها
وقال:وانتي عارفه انتي احب اهلك واحترمهم خاصة انهم اعطوني هالجوهره
ميساء طالعت فيه برضا
مشاري : خلاص راضيه عني
ميساء تهز راسها بالايجاب
وانتهت مشكلتهم في مهدها
...........
اما ريم فجلست هي وماجد 3 ايام متقاطعين ما يتكلمون مع بعض
وكل واحد ينتظر الثاني يجي يعتذر له
وفي الاخير ريم اللي اعتذرت بعد ما اقنعتها ميساء انها هي الغلطانه
ريم : اسفه
ماجد : بدري
ريم: خلاص عاد
ماجد : الله يسامحك
ريم : خلاص رضيت
ماجد : ايوه
ريم بابتسامه : بروح اعلم البنات
ماجد :تعلميهم بايش
ريم : اننا تصالحنا
ماجد :ليه انتي علمتي البنات بمشاكلنا
ريم وهي مبتسمه : ايوه
ماجد : ليه ياريم هذي اسرارنا المفروض ما تطلع من البيت حتى لامك واختك تروحين تقولينها لصديقاتك كمان
ريم : لا انت فهمتني غلط
ماجد وعاقد حواجبه : كيف
ريم بابتسامه عريضه : البنات بنات عالم حواء
مساء الخير ياحلوات .............. الخميس الساعه 9 مساء ريم : الو هلا ميساء ميساء :هلا حبيبتي ريم:شفتي الكابتشينو اللي مسويته امس ام سلمان خطييييير احلى من اللي بستار بوكس ميساء: صدقتي روعه ريم :انا بسويه اليوم لماجد عشان يعرف انه محظوظ فيني ,وامه دعت عليه انه اخذني ,اقصد دعت له ميساء: ههههههههههههههه وانا بعد بسويه لمشاري ........... يوم الجمعه الساعه 10 صباحا صحت ريم غسلت وجهها بسرعه ولبست روب واتجهت للمطبخ تسوي الكابتشينو بالطريقه اللي اعطتها اياها ام سلمان بالتفصيل وماجد صحى واخذ دش وراح عالمطبخ يشوف وش تسوي ريم ماجد : صباح الخير ياحلوه ريم : صباح الخير حبيبي ماجد : اش تسويين ريم : بسوي لك كابتشينو ماذقت قبله ولا بعده ماجد : تعرفين ؟ ريم :اذا انا ما اعرف اسوي مين اللي يعرف . ماجد: خلاص بنتظرك,وراح للصاله وفتح التلفزيون يشوف اخر الاخبار. ريم خلصت بسرعه وحطت الكوبين على الطاوله وناولت واحد لماجد وهي مبتسمه واخذت لها واحد وبعد ما ذاقوه ساد الصمت على المكان ريم بخجل : الله يهديكي ياام سلمان ما اعطتيني الطريقه صح ماجد وهو يحس بقشعريره في بدنه : هذا اللي لا قبله ولا بعده هههههههه هذا بعده كثيييييييييييير ريم ساكته وخجلانه ماجد: اليوم رايحين لاهلي تجهزي ريم : زين ................. في الشقه المجاوره ميساء صحت من النوم غيرت قميصها ببيجامه بناتيه خفيفه ولمت شعرها على فوق كله وحطت كحل خفيف ازرق وراحت تحضر الفطور وبعد ما طلع زوجها للصلاه راحت عالمطبخ وسوت لها كابتشينو بطريقه ام سلمان وكمان هي ما ضبط معاها تحطمت ,الا وجوالها يرن, ريم : شفتي ام سلمان ما اعطتنا الطريقه صح سويته وطلع وووووووووووع وتفشلت من ماجد ميساء : ههههههههههههه حتى انا ما ضبط معاي بس سويته بعد ماطلع مشاري,اكيد فيه غلطه سويناها انا بتصل على ام سلمان واتاكد. ............ راحت ريم لبيت اهل زوجها دخلت وسلمت وقعدت تسولف مع ام زوجها وطلعت لخواته بالغرف وسوالف وضحك ريم داخله معاهم بقوه كانها في بيت اهلها ام زوجها : كيف اهلك ياريم اش اخبارهم واخبار خواتك ريم طبعا على نياتها ربع ساعه اعطتها كل اخبار العايله بالذات ام زوجها ماتخبي عنها شي عشان تبغاها تحبها وتعتبرها زي بنتها. وتعامل اخت زوجها وسلايفها كانهم خواتها. اخت زوجها قربت منها : متى شريتي البلوزه هذي ماشفتها لما كنا ببيتك _ ريم لما يجو بيتها توريهم كل اغراضها الجدد _ ريم : اهدتني اياها اختي ام زوجها : ليه ماجيتي يوم الاثنين انا قلت لماجد يجيبك ,عندنا خالته وكانت تبي تشوفك ريم انحرجت : كنت تعبانه شوي وما قدرت اطلع من البيت ام زوجها وهي تلف بوجهها عنها وماهي مصدقه : سلامتك اخت زوجها : رحتي سيتي ماكس اللي بجنب بيتكم ريم : ايوه اخت زوجها : طيب ليه ما قلتي لي ما قلت لك اذا بتروحين كلميني بروح معك ريم : نسيت والله ام زوجها : بنت خالك سعود انخطبت ؟ ريم : ايوه ام زوجها: وليه ماقلتي لي ريم : باقي الموضوع ماصار رسمي ام زوجها : نص المملكه درو وماصار رسمي. ريم انحرجت وماقدرتت تتكلم.
........... حست ريم بالضغط من التدخلات والاسئله اللي ما لها داعي وتتساءل ليش مركزين عليها كذا وسلايفها الثانيات محد يقول لهم شي ......... طبعا علاقتها بسلايفها راح يكون لها حلقه خااااااااااااااااااصه .................. بالسياره ريم : افففففففففففففففففف ماجد :خير ريم : طفشت ماجد: من اهلي؟؟؟؟؟؟؟؟؟؟ ريم : ايوه احس انهم يتعمدون يضايقوني ماجد : وش صار الحين ريم : مافي شي بس اسئلتهم ما ادري ماجد التفت عليها بنظره ذات مغزى وهو ساكت ريم : احس اني ما ارتاح ,اسئله وتدخل واش شريتي ووين رحتي وليش ما قلتي وليش ما جيتي ماجد : كلام فاضي انا قلت مسويين فيكي شي كبير ريم : تقول كلام فاضي طبعا لانهم اهلك ماجد : ايوه اهلي ولا عاد تجيبين سيرتهم على لسانك فهمتي ريم : انا اش قلت اصلا انا ما بعد قلت شي ماجد : خلاص سكري الموضوع ريم : بدال ما توقفهم عند حدهم تقول لي سكري الموضوع ماجد عصب : اوقف مين ,أمي ,انتي ما تستحين هذي مثل امك المفروض تستحملينها وتجاملينها ريم في نفسها : ياالله بيذبحني ماهو حاس فيني ابدااااااااااا ............. كمان ميساء راحت يوم الجمعه لاهل زوجها ميساء دخلت وسلمت على خالتها وباست راسها خالتها يعني ام زوجها خالتها : كيفك وكيف اهلك ميساء : تمام خالتها : سمعنا ان بنت عمك اللي بالطايف قاعده عند اهلها ليش ؟زعلانه من زوجها؟ ميساء : ما ادري خالتها بتعجب : كيف ماتدرين ماتعرفين اخبارها ميساء : احنا سمعنا مثل ما سمعتو بس ما نحب نتدخل باحد اذا هم ماتكلمو مانسالهم خالتها: امممممممممم ميساء : وين البنات خالتها : فوق اطلعي لهم ميساء : لا خليهم براحتهم بنتظرهم هنا خالتها : كيف جيرانك ميساء : طيبين يسلمون عليكي ........... كانت رسميه معها كثير لانها تعرف قبل ما تتزوج مشاري انها تحب تتدخل بالناس ولسانها طويل شوي ............ لو سمحتو يابنات عالم حواء لاحد تجي تكتب لي ليش مصوره اهل الزوج انهم سيئين بقول لكم فيه اهل ازواج مثل العسل على القلب وفيه مثل العلقم اللي مثل العسل ما نحتاج نصايح للتعامل معهم فنجي للجانب السيء ونمثله عشان ننصح ونوجه واعرف ان اغلب اهل الازواج طيبين وقليل هم اللي على شاكله من في قصتنا .............. نرجع لميساء حبيبتنا الحلوه نزلو اخوات زوجها وجاو سلايفها وقعدو يسولفون وهي تشارك بمواضيع عامه وتحاول تحط حواجز من الاحترام والتقدير بينها وبين كل الموجودين وما تسمح باي تدخل او تطفل بحكمه منها وذكاء لكنها كانت لطيفه وكلامها زي العسل ......... اخت زوجها : ليه غيرتي لون شعرك ما يناسبك الاول احلى ميساء بابتسامه ودلع : مشاري طلب هاللون اخته : وعجبه؟ ميساء : مررررررررررررررره ........... ام زوجها : ليه ما طلعتي معنا الاستراحه يوم الاثنين ميساء بثقه : الاثنين دوريه الجيران وما احب افوتها ام زوجها : الجيران جنبك اي وقت بتلاقينهم ميساء : احنا مانلتقي ببعض الا الاثنين وانا كل اثنين ما ارتبط باي احد عشان الجيران. مرررره قعدتهم وناسه -ميساء اوصلت لخالتها رساله انها مستقله ولها راي وماهي تابعه لاحد وهذا من حقها مثل ماهو من حقهم يكونو احرار بطلعاتهم ولقاءاتهم مع جيرانهم او اهلهم- .............. ميساء كانت تحب اهل زوجها وسلايفها حتى وان كانت تكره منهم بعض التصرفات واحيانا تتمنى تدخل معهم اكثر وتسولف باريحيه لكنها دايما ترن في اذنها كلمات امها الحكيمه اللي جربت الدنيا من قبلها -ياميساء يابنيتي اهل زوجك مهما كانو طيبين خليكي معهم رسميه لا تهدمين حاجز الاحترام والهيبه بينكم والا بتفتحين على نفسك ابواب صعب تتسكر وبتاثر على علاقتك بزوجك وترهقك - .............. انتهت الزياره ......... بالسياره ميساء : مساء الخير مشاري : مساء الخيرات يامياستي, شلونك ان شاء انبسطتي ميساء: الحمد لله مشاري :شلون امي معاكي ميساء: دامها امك اكيد عسل مشاري: وخواتي؟ ميساء :فديتهم كل الوقت اتذكرك فيهم تتشابهون كثير مشاري : ههههههههههههه انا اشبه البنات ميساء : خواتك !!!!!!!!! ............ بعد اسبوع من التجارب اتقنت ميساء وريم الكابتشينو اخيرا بس الفرق انه في بيت ريم كله تحت عين ماجد الله يعينه كل يوم كابتشينو غير اما عند ميساء كان كل شي بسريه حتى يوم الجمعه الثاني ............. يوم الجمعه الساعه 10 صباحا مشاري توه مصحصح وقاعد بالصاله الا ميساء تدخل وهي شايله صينيه وفيها كوبين من الكابتشينو وشكلهم روعه ومشهي وتمد واحد لمشاري وتاخذ لها واحد وتجلس تتفرج على التلفزيون ومسويه نفسها عادي مومهتمه مشاري يناظر ومومصدق: انتي اللي مسويته ميساء: ايوه مشاري يشرب شوي ويلتفت عليها : الله طعمه خيال يجنن تسلم ايدك ميساء : بالعافيه حبيبي مشاري : خلاص مافي روحه للمقاهي كل يوم عندك ميساء :ههههههههه ......................
ماجد وهو يشرب الكابتشينو اللذيذ : اخيرااااااااااا ريم زعلانه : بدال ما تقول تسلم ايدك ماجد : ياشيخه كرهتنيني بالكابتشينو كني فار تجارب كل يوم مرتين ثلاث ريم : لا تبالغ ماجد : اقل لك شي بس لاتزعلين ريم بغيض : ايش ماجد: صرت اذ شفت مقهى يجيني غثيان
..................
الساعه 7 مساء
ريم في زياره لميساء
ريم: اه ياميساء يااختي زوجي كأنه ساكن لحاله بالبيت
ياكل ويشرب وينام ويطالع التلفزيون وهو ساكت
ولا كأني موجوده بالبيت
ميساء :تصدقين عاد حتى مشاري كذا
عايش حياته كأنه عزوبي
طلعات مع اصحابه وروحات ويرجع يقعد ساكت يشوف التلفزيون وينام
مليت مررررررررررره ياريم ما تعودت على مشاري كذا
ريم : وانا بعد مليت متعوده على ضحك ماجد واستهباله وسوالفه
تقولين اش فيهم
ميساء : مدري يا اختي
ريم : انا شكيت بنفسي قلت اكيد زعلته بدون ما اقصد
ميساء : وانا حاسه اني ماعدت اثير اعجابه وماادري وش اسوي له عشان يرجع لي
ريم : انا كل شي سويته لماجد ومافي فايده
قريت كل مواضيع الرومانسيه والتواصل
وكل يوم اطبق فكره
وليله حمرا وزرقاء وخضرا وهو عنده عمى الوان
ميساء: هههههههههههههه
ريم : والله ياختي ولبس وكشخه واهتمام وعطور وحكي وماجد لا ارى لا اسمع لا اشم
ميساء: ههههههههههه
ريم : من جد يا ميساء مادريت من وين اجيه ماادري اش الحاله اللي هو فيها وما يبي يطلع منها
ميساء: انا بعد احاول اتقرب من مشاري وهو جامد ولا يلتفت
يحاول ينشغل عني وصار باااااااااااارد ماعاد يسال عني ولا يعلق علي ولا شي
كاني موعايشه معه بنفس البيت
ريم : ياخوفي خلاص ملو رجالنا منا ويبون يتزوجون علينا
ميساء: انتي كل شوي تقولون يبون الزواج يبون الزواج ماعندك تفسير صاحي ؟
ريم : طيب ليه كذا
ميساء :والله مدري
لحضه ياريم
لحضه ياميساء
لحضه ياحوائيات
لا تروحون بعيد وتاخذكم الافكار وتجيبكم
انا ادري وش فيهم رجالكم
............
يمر الرجل بدوره عاطفيه يحتاج فيها الى الانسحاب المؤقت من حياته الزوجيه
ينسحب ليشبع حاجاته الى الحريه والاستقلال
وفي هذه الفتره تبدا المراه بالشك في نفسها وتبدا باصلاح بعض الامور فيها والتقرب اليه
في الوقت الذي يجب عليها فيه ان تتفهم حالته وتتركه ياخذ مداه من الانسحاب حتى يعود اليها اكثر استعدادا للحب والعطاء
وعلى قدر الحريه اللي ياخذها في انسحابه يكون استعداده للحب والموده والتواصل
اما اذا اصرت الزوجه على موده مستمره وظلت تجري خلفه فانه يبتعد ويحاول ان يهرب بنفسه وبعدها لا يجد الحافز لكي يشعر بشوقه وحاجته للحب من جديد
................
نرجع لابطال قصتنا
رجعت ريم لبيتها
وتركت ميساء وفي راس ميساء الف علامه استفهام
...........
ميساء جلست عالنت تبحث حتى وصلت لموضوع عن انسحاب الرجل
وهنا تفسر لها كل شي وحست براحه
وبدات تشغل نفسها عن مشاري
راحت بيت اهلها وباتت عندهم
وراحت السوق مع اختها
وسنترت في عالم حواء تقرا مواضيع وتقيم وتشارك بردود ايجابيه
وعزمت صديقاتها
...........
اما ريم فما اقتنعت بكلام ميساء
وماقدرت تتحمل الوضع وصارت بينها وبين ماجد كم هوشه ولا تغير حاله
وهذا زاد من حقدها عليه
.............
انتهت الفتره العصيبه وعدت فتره الانسحاب على خير
ورجع كل واحد لطبيعته
...........
ماجد راجع البيت وهو يفكر بريم
حس انه كان جاف معها الفتره الاخيره
وكان ناوي ياخذها لمطعم راقي ويعشيها
وياخذ لها هديه
في هذا الوقت ماجد كان مستعد للعطاءو للحب وللغزل ولو طلبته ريم عيونه بيعطيها
وفي هذا الوقت كان سيسعد بحركات ريم الرومانسيه ومفاجأاتها
دخل بهذي النفسيه ولقى ريم جالسه بالصاله
ماجد بكل حنان : مساء الخير ريمو
ريم : هلا
ماجد : كيفك
ريم : ................
ماجد قرب منها ويحاول يمازحها ويلطف الجوعارف انها ماخذه على خاطرها منه
صدته ريم بقسوه ورجعت لورا
ريم : هيه انت انا مولعبه عندك متى ما بغيتني تلقاني واذا لا, كاني قطعه اثاث بالبيت
وانفجرت ريم وطلعت كل اللي بقلبها على زوجها
ماجد وقف مصدوم منها
شي ما توقعه ابد
ويشوف انه ماغلط عليها بشي يستاهل كل اللي تسوييه فيه
ماتكلم ماجد ابدا ولا رد عليها
راح لغرفه نومهم وحاول ينام
دخلت ريم بعد فتره
وسوت نفسها بتنام
التفت عليها ماجد وحط يده على يدها وابتسم لها
سحبت ريم يده واعطته ظهرها
...........
على نفس السرير
ماجد يتقلب وكانه على جمر
وريم معطيته ظهرها وتحس بنشوه الانتصار
وتقول في نفسها: حس بالجفا ياماجد والالم اللي تسببه لي
.........
ترك ماجد الغرفه وراح الصاله وفتح اللاب توب الخاص فيه وقعد عليه الى الساعه 3
..........
معلومه : في فتره العوده من الانسحاب اذا لم تشبعي زوجك وتحتويه فانك تعرضين نفسك لخيانته او تفكيره الجاد بالزواج وسيكون زوجك فريسه سهله للفاتنات سواء على الانترنت او غيره
لانه يصبح كالجايع الذي يبحث عن اي شي يسد به جوعه
.........
نسيت ريم او تناست تحذير نبينا محمد عليه الصلاه والسلام
فداه نفسي ووالدي وولدي
الذي امر المراه ان تجيب زوجها ولو كانت على التنور
لا ينطق عن الهوى
الله الذي خلق الرجل ويعرف طبيعته
وامرنا بذلك
وان احتراق الخبر في التنور اهون من احتراق الاسره
........................
عزيزتي حواء
تفهمي زوجك
اعرفي متى يريد الحب ومتى لا يريد
متى يستطيع العطاء ومنى يعجز
لا تضيعي على نفسك وزوجك لحضات الموده بدعوى الانتقام والكبرياء
وتذكري حالك يا اختي في وقت ماقبل الدوره كيف تكون نفسيتك ومزاجك وقدرتك على العطاء وتقبلك له
.............
اما ميساء فكانت تنتظر عوده مشاري لها بشوق
اعطته مجال واسع للانسحاب
وهي انشغلت باشياء مفيده لها
وعرفت انه سيعود لها بكل حب وشوق
ورجع لها مشاري واحتوته بكل حب
وتبادلا الحب والشوق والوصال
وهنا تفنتت ميساء باللبس والحركات والكلام
وعاشو لحضات رائعه مع بعضهم وطلعو وتمشو وانبسطو
...............
في اليوم الثاني
صحى ماجد ومزاجه متعكر
راح لعمله وهو متضايق ومتوتر وماهو قدر يتحمل احد ولا يسيطر على انفعالاته
وحصلت بينه وبين مديره بالعمل مشاده كلاميه ورجع لمكتبه متضايق,
رجع للبيت تعبان ويحس انه ضايع ومشتت
كان احوج مايكون لريم
يبيها تحس فيه وتشيل عنه همومه وتريحه
دخل البيت وريم ما زالت زعلانه وعلى حالها
سلم عليها وردت ببرود
ريم : ابي توديني السوق اليوم
ماجد : ابشري
ريم : المغرب زين؟
ماجد : او كي
تغدو وريم ساكته ودخل ينام لوحده
والمغرب طلعو السوق
...........
اه منك ياريم
زوجك في هذي الحاله وتودينه السوق
مرتع الشياطين
...........
كلنا عرفين المولات هالايام
البنات الكاشفات
والمغازلات
والعبايات والملثمات
والحريم اللي ما يستحون ويغازلون الرجال قدام زوجته
...........
وطبعا ريم اذا زعلانه او متكدره ماتحط اي شي من الزينه بس بيجامات او قمصان قديمه
على بالها ينكد على ماجد وتنتقم منه
.........
راحو السوق وريم حايسه بيت المحلات وتدورومحتاره وش تختار
وماجد ماقصر يطالع ويطالع بهالبنات عن يمينه ويساره
ويمتع ناظريه بحسناوات الاسواق
_ ماجد وسيم وجذاب وانيق - وهذا الشي خلى كثير بنات يحاولون يتقربون منه ,
اخيرا لقت ريم فستان اعجبها وراحت لماجد بتاخذ رايه
وشافته وهو يناظر بوحده وعلى وجهه ابتسامه خفيفه
التفتت الا تشوف هذيك البنت اللي لابسه عبايه مخصره وكاشخه على اخر شي وريحه عطرها فايح
وقاعده تناظر بماجد بنعومه
تركت ريم كل شي بيدها وطلعت زعلانه
وماجد وراها
.........
وفي السياره انواع الهواش والتجريح وانتهى السوق بمشكله
...........
راحت ريم وفتحت النت ودخلت عالم حواء قسم (حياه اسريه سعيده )
وكتبت مشكلها كالتالي
..........
(بنات انا اسوي لزوجي كل شي ليالي رومنسيه ولبس ودلع وهو ما يناظر فيني ويوم رحنا السوق يتلفت على البنات ويبتسم
ليه يفتنونه البنات اللي برا وانا لا ؟
لاتقولون انتي مقصره انا مااقصر معاه ابدا
احس الرجال ما يستاهلون نسوي لهم شي اش رايكم
الساعه 8 مساء
مشاري قاعد بالصاله ورايق
ميساء تقدم الشاي لمشاري : مشموشي ممكن طلب
مشاري وهو يبتسم : مشموشي !!!!!!
ميساء بدلع : خلاص ميشو
مشاري : خير
ميساء: حبيبي تعرف اجازه وطلعات وروحات وانا ملابسي صايره قديمه ومااحب اكون اقل من غيري
مشاري : من الاخير
ميساء : ابي السوق
مشاري : زين ,بكره بعد العشاء .
ميساء : زين
.............
اليوم الثاني الساعه 4 عصرا
على التليفون
ريم: كيفك ميساء وش قاعده تسووين
ميساء : اسوي فطاير وميني بيتزا لمشاري
ريم : ماهي العاده
ميساء : بنروح السوق
ريم :وش دخل الفطاير بالسوق بتكشتون هناك
ميساء : ههههههههه لا بس انا مااروح مع زوجي السوق الا وانا ماكلته والا في نص السوق بيقعد معصب ويبي نطلع واول مانركب السياره يوقف عند اقرب مطعم
ريم : ممكن ,ماجد كذا نلف ساعه ونص الا وهو معصب يبي يطلع من السوق,
تدرين انا بعد محتاجه السوق بروح اكلم ماجد يوديني, الله يعيني بحاول اقنعه مايحب روحه السوق
ميساء : مدري ليه الرجال مايحبون روحة السوق
.............
قلتو لي ليه الرجال ما يحبون روحة السوق
لان مخ الرجل يختلف عن مخ المرأه
الرجل لايستطيع التركيز على اشياء كثيره في نفس الوقت
عكس المرأه التي تستطيع التركيز على اكثر من شي في نفس الوقت
مثلا تطبخ وتكلم بالتليفون وتراقب اولادها وووو
الرجل لااااااااا
والسوق بما يحويه من صخب وتنوع والوان واشكال يشتت فكر الرجل فيشعر بالاستياء والضيق.
..........
عرفتو ليه الرجال مايحبون يودونا السوق
وانا افضل اللي عندها اخت او جاره ممكن تروح معها السوق افضل من زوجها الا اذا اضطرت والله يعينا احنا الحريم
............
نرجع لقصتنا
.............
ريم : ماجد ابي السوق
ماجد : توك رحتي
ريم : بكره كلنا بنجتمع ببيت اهلك وماعندي لبس حلو
ماجد : بشوف
ريم : اليوم ضروري
ماجد وهو مكشر : زين
...........
راحت ميساء السوق بعد ما اكلت هي وزوجها الفطاير والبيتزا
واشترت كل اللي تبيه وعدى المشوار على خير
...........
وريم كالعاده بنص السوق وماجد بدا يعصب ويبيها تخلص بسرعه
وهي تضايقت منه ورجعت وما خذت كل اللي بخاطرها
...........
اليوم الثاني راحت ريم لبيت اهل زوجها
وهناك قابلت سلفتها ام فيصل زوجه نايف اخو ماجد الكبير
عندها فيصل عمره 7 سنوات
وكانت حامل بنهايه التاسع
ام فيصل قليلة الحظ من الجمال
وعلاقتها مع زوجها دايما متوتره
هي تحس انه ما يحبها
وله علاقات مشبوهه مع البنات على النت
ويحب بالصيف يسافر لوحده ويحطها عند اهلها
...........
دائما تقارن بين زوجها وبيم اخوه ماجد
ماجد شخص محافظ ومرح وما يسافر مكان الا مع ريم
...........
كل هذا ادى الى غيرتها الشديده من ريم
وطبعا قبل هذي الاسباب كلها
لان ريم جمييييييييييييييييله وهي لاااااا
...............
بالمجلس
ام فيصل , ريم, ام ماجد
ام فيصل : كيفك ياريم صارت جياتك قليله لاهل زوجك
ريم : لا بالعكس انا كل اسبوع اجيهم
ام فيصل : قليل كل اسبوع
خالتهم : اي والله قليل ما بيننا الا شارعين وكل اسبوع نشوفها
ريم : الدنيا مشاغل
ام فيصل : ايه مشاغل لاعيال ولا وظيفه وش مشاغله
ريم : ................
الخاله : كم باقي على ولادتك ياام فيصل
ام فيصل : مابقى شي هالاسبوع ان شاء الله
الخاله : ان شاء الله تجيبين سميتي
ام فيصل : اكيد مافيها حكي , وتلتفت على ريم
الا ريم ليه ماحملتي للحين لك حول السنه متزوجه
ريم : متى ماكتب ربي بحمل
ام فيصل : روحي للمستشفى شوفي نفسك في امل تحملين والا لا
وتلتفت على خالتها : اكيد خالتي متشوقه تشوف ولد لماجد حبيبها
الخاله : اي والله ودي اشوف عيال ولدي ماجد واضمهم
ريم ساكته ماهي عارفه اش تقول وعيونها امتلت دموع
ام فيصل : والا الله يعينكم ياخالتي تدورون له اللي تجيب العيال
ريم انصدمت : وش دخلك بالموضوع انتي
ام فيصل : انا وحده من العايله وماجد مثل اخوي وخالتي مثل امي اشلون مااتدخل بالموضوع
ريم حست انها مخنوقه وموقادره تتكلم
ام فيصل : وش صار يا خالتي على الجماعه اللي جونا يشوفون ملاك
ملاك تكون اخت ماجد
الخاله : ماعاد ردو علينا !!!!!
ام فيصل : غريبه مع ان البنت اعجبتهم كثييييير
وتلتفت على ريم : اكيد احد قايل لهم شي وهونو
هنا ريم تركت الغرفه واتصلت على ماجد
ريم : ماجد تعال بسرعه ابي ارجع البيت
ماجد : خير وش فيك
ريم : تعبانه
...........
في نفس الوقت حست ام فيصل باعراض الولاده وكلمت زوجها وجا اخذها للمستشفى
وريم رجعت لبيتها مع ماجد
وطول الطريق ساكته
وماجد نزلها البيت وراح مشوار
وهو راجع البيت بالليل اتصلت امه تبشره ان مرت اخوه جابت بنت
............
ماجد : مرت اخوي جابت بنت قبل شوي
ريم ببرود وعيونها حمرا من البكي : مبروك
ماجد : اش فيكي
ريم : مافيني شي بس انا ماراح ازورها بالمتشفى ولا بالبيت ,انا بقطع علاقتي فيها
ماجد : خير وش صاير
قالت له ريم باللي صار وطبعا تعرفون راي الرجال في كلام الحريم
ماجد : مهما صار هذا اخوي وهذي زوجته لازم تسووين الواجب ومايصير تقاطعيهم
ريم : انا ماني مستعده اتعب اعصابي واقعد اسمع كلامها المر .وماراح ازورها
ماجد : وش بيقولون عليكي اهلي
ريم :انت ماتفكر الا بكلام الناس انا مااهمك , انت لوتحبني ماتفكر باي احد ولا تجبرني ازورها
ماجد:عشان اثبت لك اني احبك اسايرك بالغلط ؟؟؟انتي لوتحبيني ماتحطيني بهالمواقف
ماتسووين قطيعه بالعايله عشان كلام فاضي
ريم : يعني ايش
ماجد : يعني بتروحين لها وتسووين الواجب, واذا قالت لك شي ردي عليها والا طنشيها
ريم : مااقدر استحمل كلامها وما اعرف ارد عليها ,فيه كلام يخليك مصدوم وينربط لسانك
هي تبي تكره اهلك فيني وتوريهم انها احسن مني
وقعدت هي وماجد في نقاش وهواش انتهى بزعل كبير بينهم
وطلع ماجد ينام بالمجلس
وريم قعدت تبكي وتقول في نفسها : بدال ماتواسيني يا ماجد وقفت في صفهم ضدي
الله لا يوفقك ياام فيصل مشاكلنا من تحت راسك وانتي نايمه ومرتاحه
.........................
ميساء راحت لاهل زوجها بعد
دخلت هي ومشاري واستقبلتهم عند الباب سلفتها الكبيره ام فهد ,طبعا بنقابها
ام فهد : حيا الله ابو عبد العزيز
ميساء في نفسها : ابو عبد العزيز !!!!!!!!!!! ماقد قال لي مشاري انه يبي يسمي ولدنا عبد العزيز وش دراها هذي
مشاري : هلا ام فهد
ام فهد دخلتهم الصاله وضيفتهم القهوه والحلا
ام فهد : خالتي فوق الحين بتنزل
وقعدت قريب من مشاري وتسولف هي وياه ولا كان ميساء موجوده
نزلت خالتها وسلمت عليهم
بعد ماسلم مشاري على امه قال: استاذنك يمه بروح زملائي منتظريني بالقهوه
ام فهد : والله ماتروح بجيب الشاي
ميساء تغلي من الداخل
جابت ام فهد الشاي وحطته على الطاوله
راحت ميساء بسرعه وصبت كاس لمشاري وحطت ملعقه سكر
ام فهد : حطي ثانيه مشاري يحب الحلا زايد
ميساء
ام فهد : ابشرك يابو عبد العزيز خطبنا لاخوي مساعد
مشاري: على البركه
ام فهد : بنت عمي سلطان ,بنت مثل القمر ,جمال واخلاق وتربيه ماهي حقت جامعات وكليات لااااااا
تشوف شغل بيتها وطبخها تقول هذي ام عشره
مشاري : الله يوفقهم , يالله انا رايح يمه تبين شي
ام مشاري : سلامتك ياولدي
............
ولما جاء مشاري يرجع ميساء للبيت راحت معهم ام فهد عشان يوصلونها بيتها لان زوجها مشغول
وطول الطريق سوالف مع مشاري وضحك وكانه اخوها ولا هي حاطه اعتبار لميساء
وميساء ساكته و حاسه انها غريبه بينهم
...........
...........
بعد مانزلت ام فهد وعيالها لبيتهم
بالسياره
مشاري : تدرين ياميساء ام فهد هذي طيبه وقلبها ابيض
ميساء : مشاري
مشاري : هلا
ميساء: ليه تسولف معك كذا كانها اختك المفروض انها تستحي شوي
مشاري : هههههههه تستحي مني هذي دخلت بيتنا واحنا صغار يعني اشوفها زي اختي الكبيره
ميساء ماقدرت تتكلم وحاسه بنار داخلها
................
وصلو بيتهم
وميساء راحت جلست لوحدها تفكر
اش تقصد ام فهد بهذي الحركات قدامي
هذا زوجي مو زوجها
ليه تحاول تضايقني كل ماقابلت مشاري
-ماوصلت لنتيجه-
طيب اشلون اقنع مشاري انها تسوي كذا تتعمد تضايقني
وشلون اقول له اني اغار عليه منها
وهو يعتبرها اخته الكبيره
وانه عيب تمدح قدامه بنات الناس
وهل بيتقبل مني
يارب تكون بعوني
...........
قطع عليها افكارها دخلت مشاري
مشاري : اش فيكي حبيبتي من جينا من بيت اهلي وانتي متضايقه
ميساء : مشاري بقولك سالفه بس اوعدني تسمعني للاخير وماتقاطعني
مشاري : اوعدك
ميساء : تخيل اني لما اروح بيت اهلي اقابل ولد خالتي اللي من يوم واحنا صغار اعرفه ويعرفني
ويقعد يرحب فيني ويسولف معي و ينكت ويمزح, واذا كنت انت موجود يقعد يمدح بنفسه وباخوانه وانهم مافيه مثلهم بالرجال وكل شوي يقول ياميساء وياميساء
وش بيكون شعورك
مشاري : بذبحه
ميساء : ليه هذا ولد خالتي ومثل اخوي وطول عمرنا نعرف بعض ونتكلم كذا
مشاري : هذا قبل ماتتزوجين , لا وقدام زوجك بعد هذا قليل ادب
ميساء : لاااا هو طيب وقلبه ابيض
مشاري حس انها تقصده : ميساء وش السالفه
ميساء : شفت شعورك الحين يامشاري هو نفس اللي احسه مع ام فهد
مشاري: ام فهد حرمه كبيره
ميساء : وولد خالتي رجال كبير
مشاري سكت وحس فعلا باحساس ميساء
ميساء : مشاري حسيت فيني, انا زوجتك احبك واغار عليك
مشاري : طولي بالك عليها حبيبتي هي طبعها كذا ما بنغيرها
ميساء : انت تتغير مو هي , هي مالنا سلطه عيها
مشاري : وش اسوي مااروح بيت اهلي يعني !!!!!!!
ميساء: اذا تحبني حاول تتجنبها واذا صارت موجوده لاتدخل البيت روح وقت ثاني واذا صار وتواجتهتو حاول ماتدخل معها بسوالف بس كلمه وردها.
............
وانهت ميساء الموضوع وماانتظرت موافقه مشاري وماحبت تضغط عليه خلته يفكر بالموضوع بعد مابينت له احساسها
...........
بعد يومين
مشاري : انا بمر الوالده تبين شي
ميساء: سلامتك وش رايك نعزمهم بكره عندنا من زمان ماجونا
مشاري : زين
ميساء : خلاص كلم امك وشوف اذا فاضيين بكره حياهم الله
مشاري : زين وبكلم ابو فهد هو وعياله بعد
ميساء : زين
...............
مشاري : يمه انتو معزومين بكره عندنا
ام مشاري : وميساء تدري
مشاري : ايه هي اللي قالت لي نعزمكم انتو وبيت اخوي ابو فهد
ام مشاري : غريبه
مشاري مستغرب : ليش غريبه
ام مشاري : لانها تقول لام فهد ما احب اعزم اهل زوجي ببيتي كثير ويحوسون البيت, احب بس صديقاتي اللي ماعندهم اطفال
مشاري : ميساء تقول كذا
ام مشاري : ايه واسال ام فهد اذا منت مصدقني
...........
مشاري رجع البيت وهو معصب :ميساء انتي قلتي ماتحبين اهلي يجونا البيت
ميساء: لا والله ماقلته
مشاري : امي تقول انك قايله هالكلام لام فهد
ميساء : والله ماقلت كذا
مشاري : يعني الحرمه بتكذب عليكي
ميساء : ايه تكذب والله ماقلت لها شي
شوي الا ميساء تذكرت
ميساء : اخر مره تقابلنا عند اهلك سالتني عن ام سلمان جارتي
قالت لي تجيكي بالبيت
قلت لها لا هم عايله كبيره
انا اروح لهم انا خفيفه
بس هذا اللي قلته والله مازدت كلمه
..................
راح مشاري لامه وفهمها الموضوع
امه اتصلت على ام فهد
وام فهد انكرت كلام ميساء وقالت انها قالت مااحب اهل زوجي يجون بيتي
وام مشاري مصدقه ام فهد
ومشاري قال لامه انه بيزعل منها اذا ماجات بيته هي وكل اخواته واخواته ومنهم ابو فهد وعياله
................
رجع لميساء وقال لها كل اللي صار
..............
ميساء تكلم امها بالتليفون وتبكي
ميساء : يمه تكذب علي عند خالتي والكل مصدقها
امها : ماعليكي يمه ربك بيكشفها اهم شي زوجك مصدقك
ميساء : ايوه مصدقني وطاحت من عينه ويقول حتى لو قلتي لها شي ليه توصله لامي , هذي وحده فتانه
امها : خلاص يابنيتي ماعليكي بيجي يوم وكل شي بيبان
ميساء : يايمه وربي مقهوره ومشاري عزمهم بعد كلهم, انا بقول له لاتدخل بيتي ولا اروح بيتها يكفيني ماجاني
امها : لااااا انتبهي يابنيتي ماراح يطاوعك بس بتخربين اللي بينك وبينه, يايمه لا تحطين زوجك بموقف اختيار بينك وبين احد من اهله وهذي مرت اخوه
ميساء : يمه ماني طايقها اشوف وجهها شلون استقبلها ببيتي بعد اللي قالته
امها : ماعليه يايمه تحمليها عشان زوجك واكسبيه وربي بيعوضك خير
ميساء : الله يعيني ادعي لي يمه هذا مشاري جا مع السلامه
................
مشاري : كيف الحال
ميساء: تمام
مشاري : باقي زعلانه
ميساء : وليه ماازعل وهي تكذب علي وتفتن علي عند امك وكلكم مصدقينها
مشاري : لااااااااا انا ماني مصدقها , بس انتي لازم تنتبهين مره ثانيه بكلامك معاها ماتعطينها فرصه تلف كلامك لصالحها
ميساء : اصلا ماراح اكلمها ابدا وبستقبلها ببيتي عشانك انت بس عشان ماتصير قطيعه بالعايله
مشاري : كل يوم تكبرين بنظري اكثر واكثر ياقلبي, وصدقيني مهما الواحد مثل الطيبه والحب وهو عكس من الداخل بيجي له يوم وينكشف , وانتي لاتشيلين هم احد اهم شي اني انا عارف انك صادقه وطيبه ومايجي منك الغلط
ميساء حست براحه من كلام مشاري وحمدت الله ان ام فهد ماوصلت لمبتغاها من انها تفرق بين مشاري وبينها بل صار العكس زوجها حبها اكثر وكبرت بعيونه , وقررت تتحمل اي شي عشانه
وهي واثقه بالله ان لكل ظالم يوم
............
اما ريم فخضعت لامر زوجها مكرهه وراحت زارت ام فيصل بالمستشفى بعد ولادتها بيومين
كان عند ام فيصل زوجها وولدها فيصل
لما دخلت ريم طلع ابو فيصل وقعد مع ماجد برا
ابو فيصل : زين جيت يااخوي زوجتي كتبو لها خروج الحين وسيارتي اخذها عبد الرحمن يرجع امي للبيت
ماجد : ولا يهمك حبيبي
وركبو السياره جميعا
ماجد وابو فيصل قدام
وريم وام فيصل وفيصل والبيبي ورا
ودار هذا الحوار
ماجد : كيفك فصول
فيصل : طيب عمي
ماجد : مارحت المدرسه اليوم
فيصل : ايه
ماجد : مبسوط صار عندك اخت حلوه
فيصل : لا مو حلوه ,تشبه امي , مافي احد حلو الا عمتي ريم
تبون تشوفون وجيه اللي بالسياره كيف صارت بعد جمله فيصل الاخيره -فديته-
ماجد
.....................
ريم في زياره لميساء
جالسه بالصاله وتتامل بيت صديقتها
ريم : ماشاء الله , بيتك مرتب مرررره
ميساء تبتسم
ريم : ودايما تغيرين فيه, تدرين الكنب بهذي الجهه احسن ومبين الصاله شكلها اوسع
ميساء : ايوه شكلها كذا مرتب اكثر
وتلتفت ريم وتلاقي على الطاوله الصغيره اللي جنبها كتاب
ريم : اش الكتاب هذا
ميساء : عن الفرق بين المرأه والرجل
ريم : وش الفرق يعني كلنا اوادم
ميساء : لا, في فروق كثيره.
ريم : وليه تقرينه
ميساء : عشان يفيدني بالتعامل مع زوجي
ريم : وهو يقرأ كتب عشان يعرف يعاملك
ميساء : ابدا عمره ماقرأ كتاب , شريت له كذا مره ومايقراها ابدا بعدين هونت
ريم : خلاص انتي لاتقرين بعد , ليه كل شي علينا نتعب انفسنا ونتعلم لهم وهم مايتعبون انفسهم
بعدين الكتب ذي ماتفيد كلام فاضي , الهدايه والبركه من الله
سكتت ميساء وماردت عليها
و راحت للمطبخ ورجعت بدله قهوه وحلا
وحطتها قدام ريم على الطاوله
وناولتها فنجان قهوه
واخذت نفس عميق
ميساء : قلتي لي طلعتو للبر الخميس
ريم : ايوه وناسه
ميساء : طيب بما انكم بالبر وانتي تقولين انك تموتين بالسواقه ليه ماسقتي سياره زوجك
ريم استغربت من كلام ميساء وحطت فنجان القهوه من يدها
ريم : ميساء من جدك , كيف اسوق السياره وانا عمري ماجربت السواقه
ميساء : عادي سهله السواقه
ريم : اي سهله يبغى لها دراسه واتعرف على اجزاء السياره واتدرب واختبر , وين سهله
ابتسمت ميساء : هذي سياره قيادتها يبغى لها كل هذا , اجل الحياه الزوجيه وش يبغى لها
الزوجه عندنا تدخل حياتها بدون ثقافه ودراسه مثل اللي يسوق السياره لاول مره بدون تعليم
تقعد تتخبط فيها يمين وشمال
احنا محتاجين نقرأ كتب كثيره عشان نعرف نمشي حياتنا صح ومانقعد نتخبط فيها
ريم : ليه احنا نقرا وهم لااااا
ميساء : اذا انتظرتي زوجك ياريم يقرا ويتعلم لك راح تتعبين كثير وانتي نتتظرين
بقول لك شي
وحده عندها بنت او ولد في سن مراهقه
وتقرا كتب كيف تتعامل معه , نقول لها لاتقرين لانهم مايقرون كيف تتعامل مع والديك في سن المراهقه
ريم تضحك : لا طبعا , فعلا معاكي حق احنا محتاجين نتغير ,ان شاء الله بأقرا
ميساء : ان شاء
ريم : الله يعينا عليهم هالرجال
ميساء : خذي الامور ببساطه والله يوفقك
ورجعت ريم لبيتها
بعد ساعه اتصل ماجد على ريم
ماجد : ريم حبيبتي اش رايك نتعشى برا
ريم : زين
ماجد : طيب دقايق وبكون تحت
ريم : اوكي بروح البس
وفعلا دقايق وريم بالسياره
ريم : وين بنروح ؟
ماجد : سمعت عن مطعم عوايل يمدحونه زملاي
ريم: توكلنا على الله
وقعد ماجد يدور المطعم ومالقاه
ريم : اسأل احد بدال مانضيع الوقت
ماجد :...............
ريم : طيب اتصل على زميلك وخليه يوصف لك اكثر
ماجد :..................
ريم : خلاص خلينا نروح مطعم ثاني , اذا عرفت مكانه بعدين وديني .انا تعبت من الدواره
ماجد : افففففففف
ليه ماجد يحس بالضيق من كلام ريم
لأن الكلام اللي تقوله وصل له بطريقه تختلف عن اللي تقصده .
وبسبب الفروق بين الرجل والمرأه وصل كلام ريم لزوجها بهذا الشكل
انت ماتحسن التصرف
انت ماتفهم
انا اللي اعلمك كيف نخرج من المشكله
.................
واخيرا وصلو المطعم المطلوب
وطلبو الاكل ,وهم ياكلون
ماجد : اش رايك بالمطعم
ريم : يعني .توقعته احسن من كذا
ماجد :
ريم : يا الله مين بياكل كل الاكل هذا , دايما تطلب فوق حاجتنا
ماجد: بتدفعين شي من جيبك
ريم :
...............
وطلعو من المطعم وهم راجعين البيت
ريم : وقف عند السوبر ماركت ابي اغراض
وقالت ريم لماجد على الاغراض اللي تبيها ونزل اخذها ورجعو البيت
شالت ريم عبايتها وراحت المطبخ وشافت الاغراض اللي جابهم ماجد
وطلعت للصاله
ريم : ماجد كم مره اقول لك السميد ابيه ناعم مو خشن
والزبده غير مملحه
ماجد وهو متضايق : خلاص بكره اغيرهم
ريم : افففففف عمرك ماجبت اللي اقول لك عليه بالضبط لازم تلخبط.
العباره الاخيره وصلت لماجد بحكم انه رجل كالتالي
انت غبي
انت ماتفهم
.............
راحت ريم غيرت ملابسها
وماجد راح للثلاجه واخذ له بيبسي وقعد بالصاله يشوف التلفزيون
طلعت ريم للصاله وشافت ماجد يشرب بيبسي
ريم : حرام عليك توك شارب بيبسي بالمطعم, وعلى الغدا , انتبه لصحتك شوي.
ماجد : .................
ريم : صاير مثل الاطفال اللي تبيه تسوييه ماتفكر اذا صح والا غلط.
ماجد التفت عليها وبعصبيه : مالك شغل فيني
ريم : ليه مالي شغل فيك انا زوجتك والا ناسي, انا تهمني مصلحتك وصحتك
ماجد : انا ادرى بمصلحتي
...............
رجع ماجد يشوف التلفزيون وريم ملت من البرامج اللي يشوفها
ريم : اففففففففففف
ماجد : وش فيكي
ريم : مليت من الاخبار والرياضه حط شي ثاني نشوفه سوا
ماجد : انتي طول اليوم بالبيت وتشوفين اللي تبينه.
ريم : بس لازم يكون عندنا اشياء مشتركه نسوييها سوا , مو كل واحد بوادي, انت لازم تحس فيني اني موجوده معك بالبيت ,انت ماتعرف كيف تتعامل مع زوجتك وتسعدها.
.............
وصلت عبارات ريم لماجد كالتالي
انا لا اتقبلك
انت لا ترضيني
انت لا تستحقني
.....................
ماجد سكر التلفزيون والتفت على ريم
اش تبين بالضبط
ريم : ابيك تكلمي , تهتم فيني ,تحسسني بالحب, تحكي لي عنك , ماتقعد صامت ومعزول
ماجد : زين بقول لك شي
ريم : تفضل
ماجد : ابي افتح مقهى انا وواحد اش رايك
ريم : لااااااااااااا مشاريع لاااااااااا التجاره لها اهلها انت وش دراك عن المشاريع ,ماعندك خبره ولا شي والدراهم اكيد سلف واذا خسرتو من وين تسدد بندخل بدوامه
خلينا كذا احسن ليه وجع الراس
كأن ريم تقول لماجد بكلامها هذا
انت فاشل ولا تستطيع خوض التجارب
.................
ريم : خلينا نغير الموضوع
ماجد : تفضلي
ريم : خلينا نتكلم عني وعنك بس
ماجد : او كي
ريم : اش رايك فيني؟
ماجد : من اي ناحيه
ريم : امممم مثلا شكلي
ماجد : حلو ,وانتي اش رايك فيني
ريم : من اي ناحيه؟
ماجد : كل شي
ريم : الصراحه في حاجات ماتعجبني فيك
ماجد : مثل ايش
ريم : ماتهتم بصحتك ,ماتهتم باسرتك , صامت ,
ماجد : ..................
ريم في نفسها : الحين اكيد بيفكر بكلامي وبيتغير , زين اللي اعطاني فرصه اتكلم
لكن الموضوع عند ماجد مختلف
ريم ماتقدرني
انا ما اعجبها
.....................
كل من الرجل والمرأه له حاجات واولويات يحتاجها من شريك حياته
اول حاجات الرجل واهمها
التقدير
واول حاجات المرأه واهمها
الامان
اذا لم يحصل الرجل على التقدير فلن يستطيع ان يعطيكي اي شي ولن يتغير من اجلك ابدا
حسسيه انه البطل والذي يحسن التصرف وانك معجبه به وانظري كيف سيتغير ويحاول ان يثير اعجابك اكثر
اما كثره النقد ستولد عنده تبلد الاحساس والاستمرار في الاخطاء ولا يحفزه على التغيير شي طالما ان زوجته لا تقدره وليست معجبه به
وقد تدفعه الحاجه للتقدير والثناء ان يبحث عنها خارج البيت مثلا بالمنتديات المختلطه او الشات او وجها لوجه مع بنات الهوى
.............
اما الكلام عن اخطاؤه ومعالجتها سياتي في حلقات قادمه
.................
وفي المنزل المجاور
مشاري وميساء معزومين عند صديق لمشاري سكن ببيت جديد
نزلو السياره وراحو
الحي اللي سكنوه بعيد و اول مره مشاري يروح هناك
وماعرف مشاري البيت وقعد يلفلف ويدور بالسياره
ميساء كانت ساكته وخلته يركز وانشغلت تقرا اذكار المساء ولما شافت الموضوع طول
حطت سماعه الجوال باذنها وقعدت تسمع اناشيد
وبالاخير وصلو للبيت
وقعدو عند الجماعه وتعشو ورجعو بيتهم الساعه 11 مساء
............
اليوم الثاني
مشاري بالدوام
ميساء تكلمه بالتليفون : حبيبي لاتنسى تجيب معك ماجي بالخضار وبقدونس وفلفل رومي
مشاري : ان شاء الله
ورجع مشاري البيت
استقبلته ميساء بابتسامه وقالت له : يعطيك العافيه ياعمري
واخذت منه ميساء الاكياس وراحت المطبخ وشافت اللي فيها وكان
ماجي دجاج وكزبره وفلفل حار
ميساء تكلم نفسها : اففففف توبه اطلب منك شي لازم بنفسي اروح معاك السوبر ماركت اخذ اللي ابي
وحضرت السلطه وحطت الاكل على الطاوله
مشاري : جيبي البيبسي
ميساء :اوكي
مشاري : ليه جبتي كاس واحد بس
ميساء : انا ماابي اشرب
مشاري: ليه
ميساء : اخاف على صحتي
................
بعد العصر جلسو يتقههون قدام التلفزيون
مشاري : ودي اسجل بنادي رياضي
ميساء : الله يوفقك
مشاري : تبيني اسجل والا لا
ميساء : براحتك انت تبي تحافظ على صحتك ولياقتك سجل
مشاري : اكيد
...........
والتفت على الشاشه الا يشوف مذيع برنامج وسييييييم مره وقاعد يضحك مع ضيوفه
تغير وجهه وغير المحطه
والتفت على ميساء وشافها تناظر فيه بحب واعجاب ومبتسمه
مشاري : ليه تبتسمين
ميساء : تغار ؟
مشاري : ............
ميساء وتقرب منه ومازالت مبتسمه بحب : انت لاتغار , واحد بوسامتك وجاذبيتك ورجولتك يغار من هذا؟
غير كذا مكانتك في قلبي
انا ما يحرك مشاعري غيرك
ولا يذوبني الا نظره عيونك
وكل رجال الدنيا مايسسون عندي ظفرك
مشاري حس ان قلبه يطير من السعاده من كلام ميساء
مشاري : كل هذا بقلبك لي
ميساء : واكثر ,انت تحسب نفسك شوي , رجال شهم وكريم وخلوق وكل الصفات فيك
مشاري : الله وش بعد
ميساء : وانا فعلا محظوظه فيك والناس تحسدني عليك
مشاري : لاااااااااا انا اللي محظوظ فيكي
ميساء : هذه مفروغ منها
مشاري : ثقه والا غرور
ميساء : الاثنين
مشاري وهو يضحك : يعجبني غرورك
ميساء : بس
مشاري : وكل شي فيكي عيونك نعومتك حنانك لمساتك في البيت وفي حياتنا
انتي خليتيني اعيش بجنه الله يخليكي لي
ميساء : ويخليك لي
.................
ماهو شرط تكون ميساء مقتنعه باللي قالته ولا شرط يكون كل الصفات هذي بمشاري لكنها عرفت توصل لقلبه وتخليه يعشقها
.............
قَال مُحمّد بن مُناذر : كنتُ أمشي مع الخَليل بن أحمد
فَأنقطعَ نعلي , فمشيتُ حافياً ,
فخَلَع نَعليهِ و حمَلها يمشِي مَعي
فقُلت له : ماذا تَصنعْ ؟! قال : ( أوَاسِيكَ في الحفَاء ) : ) لله درهـ
العرض العادي
