نمت 2 وقمت اكره يوم السبت
بسبب ريح السشوار والقرق علي راسي ..
وتاخرتو والا عجلو
ليتني بنغالي يجمع الكراتين وعينه للقواطي ..
احيان مالوم الي يقلبون جنسهم استغفرالله .
بس انا بقلبه ماهو للغايه بقلبه هروب .
المره تحمل تسع شهور كنها تشيل كيس المهيدب ليمن ينحني ظهرها .
المره تسهر الليل ولاتنام الشهور الاولي ولامشي صار معرض للخطر لازم تقلب ناطور وسكرتي .
يكبر تنتظر ينام يلعب ياكل يشرب واذا مرض قلبت حياتها عياده وغرفتها
صيدليه بدال العطور تمبرا ودوا كحه و سعوط ومره اذا عجز الطب
. ماي مقري فيه وطلاسم مسويتها جدتي تعلقها في رقبته كنه خروف الغنم . من الشمم والصك
يكبر يدرس اول اسبوع يحلوه اخر الشهر مطاردات في السكيك والشوارع اتحول الي باتمان عباتي طايره وراه ..
ونشتري ونرشي نربيهم عالرشوه والبقشيش والزي منه قلبنا مصاريه ويالله يفيد معه ويطخ عفريته .
ونعود الي مرحله الوعي ونرتاح شوي تجيك عنصريه التفرقه حتي في كاس الماي ليش تعطينه وانا ماتعطيني
ويتحول البيت الي ثكنه عسكريه وتنقلب الي مجلس امه مطالبه بالحقوق .. واصير نص رجال ونصي مره .
وحياتي انقلبت راسا علي عقب .. واكذب واجيد انواع كلمات الحب والغرام وتبادل القبلات امام العلن شوفوني احب بنتي ! والا شجبتني في مجلس الامم ؟
ويجيك الولد ماد بوزه اكتشف انه سبع برومبه ليش اختي ماتلبس عباه وميخالف البسها عباه واخليها مجاهدات ايران و تعرقش الجدران بعد فيها ؟؟.
ابي اضمن ان اعيش في سلام واعتقد انه لايوجد بشي تسميه سلام ..
الا سلم مؤقت مثل جرس المنبه !!
.. حدد متي تفرح واختار الساعه وعقبه اكل هوا!!!
, وابصم عليه . < من عندي
كثير العناء في عالم الهمومه والتربيه..
.( الامومه) صعبه ..
في زمن قل كثرت قله التربايه
واطاله اللسان صفه حسنه .
ولا ـ احترام للمعلم..
ولا للكبار قدر . حتي انقلب الكبير صغيرهم .. !
وبعد كذا تبوني ماغير جنسي ؟؟
اقلب قطو << تفكر
بس خايفه من العتاويه .
بررريك
ابكيها زهره بنت صالحو
مسويه من الفجر قهوه وشاي لان الشغاله طايل لسانها انش ومتر.
ونخاف من اشتاتا اشتوت واللي عليه عفريت يفووت ..