Welcome To My Feast

[nada]

مـــــــــــــــــــرحــــــــــــــــــــــــبا



كيفكم ؟؟؟






اممممممممممممممممممممممم

اممممممممممممممم

لمممممممممم




وحشتوني

اكيد مابطل عليكم بيدي فاضيه

اتمنى تعجبكم الأطباق :)




منيو اليوم ... مررره سمبل و لذيذ


My Favorite Salad

سلــــطة الفيـــــتا

سلطة الروبيان

باذنجان بالريكوتا

مصقعه بطريقتي

Beef Stroganoff

صينية اللحم بالبرتقـــــال

Banana Mascarpone flowers







My Favorite Salad

ووووولا اروع و احلى منها

مقاديرها اللي انا استخدمها : بروكلي و زهره و فاصوليا مسلوقين + ذره و فاصوليا حمراء العلب الجاهزه + خس +
جزر مبشور + فطر + فلفل حار + زيتون + جبنة ( مرات استخدم تشيدر السلايس و مرات قودا ) المهم نقطعها على
السلطه
نصب عليهم شوي من صوص الثوم + صوص الرانش
نرش على الوجه جبنة بارميزان
ساعات اضيف لها شرايح الدجاج الجاهزه او روبيان
مرات مايكون عندي رانش ... فاستخدم خلطه عباره عن ( مايونيز + سور كريم + خردل + زيت زيتون )


**********

سلــــطة الفـــــيتا

خس + خيار + بصل ابيض + طماط + زيتون + قرن فلفل حار ( حسب الرغبه )
نقطعها و نحطها في صحن التقديم
الصوص : زبادي + كتشب + ثاوزند ايلاند + اوريجاااااانو
( شخصيا اضيف زيت زيتون و شطه )
نصب الصوص عليها و على الوجه نقطع الفيتا لمكعبات


**********

سلطة الروبيـــــان

على بالي اني مكتشفه الصوص تبعها ... طلع معرووووف من سنة جدي :)

روبيان ( لو بتستخدمون طازج اسلقوه اول اما لو مجمد على طول نغسله و نستخدمه )
نذوب زبده و نشوح فيها ثوم مقطع شرايح و بقدونس طازج
نضيف عليهم الروبيان و نحركهم لحد مايتغير لونه و ياخذ النكهه و نطفي عليه
في صحن التقديم نحط الخس و الروبيان و الصوص اللي عباره عن :
3 ملاعق اكل مايونيز + ملعقة اكل كتشب + شطه
( كل 3 ملاعق مايونيز يقابلها ملعقة كتشب )


**********

باذنجـــان بالريكوتا

باذنجان مقطع الى شرايح و مقلي
الحشوه : علبة جبنة ريكوتا نخلطها مع بقدونس + 2 بيض + صنوبر + موزاريلا + بارميزان + شوي بقدونس و نعناع
نحشي الباذنجان و نرصه بصينية .... و نبدأ بعمل الخلطه :
في قدر نحمي زيت و نحط بصله مقطعه شرايح و نخليها تذبل و نضيف الثوم و الطماط و الماجي و نحركهم سوى
نضيف عليهم دبس رمان و خل بلسمك و اوريجانو و بهارات ايطاليه ... و نخليهم لحد ما يتكاثف الخليط
نصبه على الباذنجان و نرش الوجه بالجبنه و ندخله فرن حار تقريبا 20 دقيقه


**********

مصقعه بطريقتي

هالأكله مظلوووومه ... كثير حولي مايحبونها:064:
بس قلت حطيها يا بنت ... يمكن لعل و عسى يكون فيه وحده زيك تحبها و تجرب الطريقه و تعجبها :)
طبعا باذنجان و بطاطس مقليين ( انا اضيف معاهم زهره مقليه )
في قدر نحمي زيت و نضيف حبة بصل مقطعه لشرايح و نكرملها و نضيف 4 فصوص ثوم مهروسه
نضيف اللحم المفروم و عليهم نحط كمون + بهارات مشكله + كزبره ناشفه + مكعب ماجي + بقدونس مفروم
نحركهم على نار وسط و نغطي القدر لحد ماتطلع اللحمه مويتها ... نفتح عليها و نضيف لهم ملعقتين اكل سكر و و مثلهم وورشستر صوص
( الوورشستر صوص مره ممتاز مع اللحوم الحمراء و يعطيها طعم لذيذ و عشان كيذا دايم استخده )
اخيرا ... نضبط الملح
في صينيه نرص بطاطس + باذنجان + مفروم + شرايح طماط + زهره
و هكذا لحد ماتنتهي مع مراعاة ان آخر شي يكون مفروم .... على الوجه نرص شرايح بصل و فلفل اخضر حار و بارد و طماط
نقصدرها و ندخلها فرن حار تقريبا 20 دقيقه


**********

Beef Stroganoff

نحمي زيت و نضيف له بصله مقطعه الى شرايح
نخليها تذبل و نضيف 4 فصوص ثوم مهروسه
نضيف شرايح لحم بقر ( استخدمت كيلو ) و نحركها لحد مايتغير لونها ثم نضيف الفطر و نحركه لحد مايذبل
نشيل الخليط و نخليه على جنب ... و في نفس الصاج نحط شوي زبده و 3 ملاعق نشا و ملعقة صلصه و نحركهم
نصب عليهم كاس و ربع من مرق اللحم ( اذا مو متوفر نستخدم مويه عاديه ) و نحركهم لحد مايثقل المزيج
نرجع اللحم في الصاج و نضيف كاس سور كريم و نقلبهم..


**********

صينية اللحم بالبرتــــقال

في الخلاط نخلط ( حبة بصله + عصير نص برتقاله + بشر برتقاله كامله + ربع ملعقه صغيره زعفران +
ملعقة اكل دبس رمان + ملعقتين اكل وورشستر صوص + ملعقة اكل خردل + كزبره طازجه + ورق غار +
3 فصوص ثوم +قرن فلفل حار+ عصير نص ليمونه + ملعقه صغيره من كلا من ( كمون + كزبره ناشفه )

* الوصفه الأصليه مافيها التالي : كمون ,, كزبره ناشفه ,, وورشستر صوص
و بدل الكزبره الطازجه تم استخدام الشبت
نتبل اللحم بالخلطه و نحط معاهم بصل و جزر و فطر و فلفل بارد
في صينية الفرن نحط شرايح بطاطس و خليط اللحم و نقصدرهم و ندخله فرن حار ( 350ف ) لحد مايستوي و نحمره قبل التقديم...


**********

Banana Mascarpone flowers

80 جرام طحين الكيك
65 جرام سكر
صفار 3 بيضات
بياض 4 بيضات
60 مل مويه
ملعقتين اكل زيت
ملعقة اكل فانيلا

مقادير الكريمه :
150 جرام ماسكربوني
150 مل كريمة خفق
40 جرام سكر
ملعقتين اكل حليب
موز

اول شي نبدأ بعمل الكيك : ننخل الطحين و نتركه على جنب
نخلط الصفار مع نص كمية السكر و نضيف الماء و الزيت و الفانيلا و نكمل خفق
نضيف الطحين عليهم و نحركهم بالملعقه حتى يتجانسوا
نخفق البياض مع المتبقي من السكر و نضيفه للخليط الأول و نمزجهم بالملعقه
نصب الخليط في صينيه مدهونه و ندخله فرن حار ( 350ف) مدة ربع ساعه او حتى تصير ذهبيه
نطلعها و نتركها تبرد

عمل الكريمه : نخفق الماسكربوني حتى تلين
نضيف عليها السكر و الحليب و نكمل خفق
في وعاء منفصل نخفق الكريمه حتى تتضاعف .. ثم نضيفها للماسكربوني و نحركهم سوى

الآن نقطع الكيكه على الشكل اللي نبيه و نحط طبقة كريمه ثم موز ثم كريمه و اخيرا شريحة الكيك
و ترش بالكاكاو باودر ( اللي مافيها سكر ) و سكر البودره


تحياتي :)