ردا على " انتر" ومن يحمل نفس الفكر لديه ..

[ملكة الفن]

أهلين خيتو الريم

بصراحه اهنيك ع ردك وصح بكل كلمه قلتيها البنات تغيروا كثير

وبصراحه كلن بعقله راضي بس استغربت من رده واتوقع من وجهة نظري انو مايرد هالرد واحد امه تحمل الجنسيه السعوديه وانا اشوف وياكثرهم اجنبيات من الجنسيه اللبنانيه والسوريه وغيرهم تتمنى وحلمها تاخذ الجنسيه السعوديه أو أنها سعوديه أصلا

وباقولك موقف حصل معاي بدوامي بالجامعه لما جا وفد امريكي ولفوا بالجامعه...
وحده منهم قالت انا ماكنت اتوقع بنات السعوديه بهالجمال والأناقه أنو لما أرجع لأمريكا بأتكلم بكتاب عن اللي شفته بالجامعه وتكلمت عن اجسام البنات والوانهم وغيره ... وبما معنى كلامها انها انصدمت وانها كانت تتوقع انها بتشوف ناس (لو )مره..
ولو بأرجع لنانسي وغيرها فما أشوف فيها الجمال المطلوب بحكم أني شفتها بالطبيعه وممكن أختلاف الاذواق بس مع بنت جمالها طبيعي مو مخبصه بنفسها..


ولو بارجع لكلامه وإذا انه يتمنى وحده تدلعه نفس الشي البنت السعوديه تتمنى واحد جينتل وفيه مواصفات اللي تبيها ويدلعها لاكن مااقول ابي لبناني لانه يقولي ويقولي واقارنه بالسعودي لانو من وجهة نظري انو السعودي شي والكل يتمناه فمااقدر احطه بموقف مقارنه مع اي احد غيره لانه بغني عن المقارنه

وكل ونظرته...
وتسلموا خيتو

[فوق الغيوم]

هو حر بأختياره اذا يبي اللي يبيه بس بدون مقارنه

لانه برأيي انه السعوديه فاقت كل الي حولها من ناحية كل شئ

جمال ودلال وعلم بالاضافه وهذا اللي خلاها تتفوق على غيرها

انها محتشمه بعبايتها لؤلؤة صاينه نفسها عن اعين الذئاب

المضحك انه الان منتشر بالمنتديات

تعال شوف الفرق بين ثلاجة اللبنانيه والسعوديه !!

شوفوا الفرق بين السعوديه واللبنانيه !!

وللاسف اللي يكتبون هالمواضيع من بني

جنسها استهزاء وبس

تحلمون بلبنانيه حلوه ودلوعه ورومانسيه وتمشي متبرجه ؟؟

حتى مافكرتم بقول الرسول صلى الله عليه وسلم

تنكح المرأه لاربع لجمالها ولمالها ولحسبها ولدينها فأظفر بذات الدين تربت يداك

الريم تسلمين اختي على طرحك الموضوع

وغيرتك على بنات جنسك

تحيه ملؤها مسك

[!! ملكـ ع ـالمي !!]

شي غريب ! ! !

كل منطقه لها صفات في بناتها

وماحد كامل

بس بقولها لكل واحد شايف ان البنات غير السعوديات اجمل

على الاقل البنت السعوديه ماترفع صوتها على زوجها بوسط الشارع وحط تحتها الف خط

والي يتزوج من البنات غير سعوديه ما هو رجل بنظري بنظري ( طرطور ) يعني الحرمه ابرك منه

يكفي بالبنت السعوديه احترامها لزوجها هذي الصفه تخلي زوجها يشكرها عليها

والصراحه انا اشوف ان الرجال هم مقصرين بحق زوجاتهم

سلاااااااااااااااااام

[عِشْقْ بَـدَوُيُ]

اذا كان هذا فكر انتر .. فهو حر بفكره ,

لكن الأدهى والأمر دفاعكـ ,

يعني بدل ماتفتخرين بما لدى بنات مجتمعنا من حشمة ودين واخلاق , وتردين عليه من هذا المحور , وجدتك تردين عليه من فكره (وهو حر في فكره ) , ولكن انتي لستي حرة فأنتي تتكلمين عن بنات مجتمع كامل , وكلنا نفتخر بهالبنات , يعني ماشاءالله صارت اللبنانية طموح لك !!, وتفتخرين انك وصلتي لما وصلت له من حضارة وعصرية , والله عجيب !!

ماأقول الا ياليت اننا نفكر مثل تفكير شيابنا ماكان هذا حال الأمة

اختي الريم فرحنا بعودتك , واتمنى تتقبلي وجهة نظري بصدر رحب << أيه هين

[للشقاوهـ حلاوهـ]

.


.


اعجبتني هذي لسلطان القصيم :

اقتباس ( رجاليه يعني ربت منزل بحق وحقيق علشان ماتفهون الكلمه غلط ).

ما بوه بنات تسذا هاليومين




.



ريموو يا قلبي كلن وحر في اختياروهـ




.




يعطيتس الف عافيهـ





(:

[ناعمة العود]

اقتباس المشاركة الأصلية كتبت بواسطة سلطان القصيم وعليكم السلام ورحمة الله وبركاته تعمقتوا بالسالفه هذ1 اولاً .. ثانياً:- اخوي / انتـــر يمثل نفسه وهـو حرر ان شاء الله يتزوج هندوسيه وان كان جاب مواصفات للمرأهـ اللبنانيه فهـو صادق ماجاب شي جديد .. ثالثاً :- فيه اشياء انا ضدهـ بالمرأهـ السعوديه او الخليجيه لانه ماخصص هـو والزمن هذ1 زمن الانفتاح نادر ماتحصلين بنت رجاليه على قولة امهاتنا ( رجاليه يعني ربت منزل بحق وحقيق علشان ماتفهون الكلمه غلط ). ومن حق الشاب السعودي ان يضفر بذات الحسن والجمال وصاحبة الرومانسيه على ماتعقد شي مو عيب بشرط لاتلهيه هذي المواصفات بذات الدين والخلق . هذ1 مالدي ولي عـــودهـ ان شاء الله

أعتقد أخوي سلطان القصيم انه صحيح هو حر باختياره لكن ماينقص من مكانة وثقافة السعوديه قصدي يعني البنت السعوديه
عيب عيب جدا الكلام اللي قاله ومايصير يتمسخر ويستهزىء
وأنا أبدا مااسمحله يتكلم بهالطريقه الهمجيه اللي تكلم فيها ،،

اقتباس المشاركة الأصلية كتبت بواسطة عشقـ بدويـ اذا كان هذا فكر انتر .. فهو حر بفكره , لكن الأدهى والأمر دفاعكـ , يعني بدل ماتفتخرين بما لدى بنات مجتمعنا من حشمة ودين واخلاق , وتردين عليه من هذا المحور , وجدتك تردين عليه من فكره (وهو حر في فكره ) , ولكن انتي لستي حرة فأنتي تتكلمين عن بنات مجتمع كامل , وكلنا نفتخر بهالبنات , يعني ماشاءالله صارت اللبنانية طموح لك !!, وتفتخرين انك وصلتي لما وصلت له من حضارة وعصرية , والله عجيب !! ماأقول الا ياليت اننا نفكر مثل تفكير شيابنا ماكان هذا حال الأمة اختي الريم فرحنا بعودتك , واتمنى تتقبلي وجهة نظري بصدر رحب << أيه هين

بالنسبه لأخوي عشق بدوي البنت ماتقصد انها تحطها مثال اعلى لها،،قصدها انا نعرف كل شي مو عايشين على عصر جدتي وجدة جدتي،،


أما عن رايي الشخصي فأنا زي ماقلت حر انتر بكلامه ولكن بدون سخــــــــريه بالبنت السعوديه !!!!!!!

[عزتي بحجابي]

والله الجمال مو كل شي

اهم شي الاخلاق <<<<<<<<<< ههههههههههه

والله الاخلاق والدين والعادات والتقاليد واكيد المحافظه على الدين اهم شي لانها اذا حفظت دينها حفظت بيتها وعيالها وكل شي يعني نم قرير العين ايها الزوج ال...............

[¦ღ.. مياسه..ღ¦]

\


/



مدخل /// وش فيهم أهل تركيآ


(( فيها عرق وماترضى



((ومثل ماالشخص مايرضى على أجداده ياريت إنو مايغلط على غيره))




\


/


المهم نجي لموضوع الأخ إنتر ورد الأخت الريم .. لكل شخص وجهة نظر ... ولكن بدون تجريح



وسالفة إنو الرجل يتزوج بغير بنت بلاده أنا أشوف إنو مافيها شي .. على الأقل يتزوج أهون من إنو يسافر لغرض غير الزواج



ويازين الحلال لو حتى من نيجيريه



كل الشكر لك ياعزيزتي .. وتسلمين على غيرتك على بنات ديرتك ويستاهلون كل خير وربي




تحيتي

[تذكَـــرنـِي]

مساء الخير يااهل العام وادري اننا مقصرين بتواجدنا , ,

اختي الريم احييك على غيرتك ودفاعك المستميت وهذا ابسط حق من حقوقك , ,

وجهة نظرك تحترم وتقدر مثلما نقدر وجهة نظر الأخ انتر وكل من طرح وجهة نظره هنا , ,

انا بشطح شويات وبتعمق ولاني مع او ضد اي وجهة نظر لكن هذي وجهة نظري , ,

الجمال
ياكثر مانسمع هالكلمة من اكثر الشباب وهذا حق من حقوقه لكن ان يكون الهدف

الأول واهم هدف الجمال فهذا خطأ من وجهة نظري لان هناك اشياء اهم واولها

الدين والأخلاق ولا وش فايدة ملكة جمال لكن لادين ولا اخلاق!!

كيف برتاح ومن يربي اولادي تفتقد لااشياء اهم!!

هل الجمال سيفيد هنا ؟

قبل ايام سمعت خبر ان شاب يبي مواصفات في زوجة المستقبل ان تكون شبيهه لـ لميس

طيب ياللي تبي زي لميس او مصر على ان تكون زوجتك تكون جميلة جدا

هل جلست مع نفسك بصدق وقررت ان تذهب للمرآة لترى كم انت جميل !!

طيب قبل لاتشوف غيرك شف نفسك . .

يفتقدون حتى لملامح الجمال

اليس من حق الفتاة ايضا ان تطلب مثلك وان يكون زوجها على الأقل مقبولا ولم تقل وسيما؟

مع العلم ان السعوديات بشكل خاص والخليجيات بشكل عام الغالبية جميلات جدا , ,


الرومانسية
اعتقد ان من يحلم بهذا العالم بمعنى الكلمة هم الفتيات اكثر من الرجال وبفارق كبير , ,

من يجيد هذا العالم الجميل اكثر ايضا هم الفتيات , ,

لن اعمم واقول كل الشباب ولكن اقول البعض هم من يحب هذا العالم ويجيده , ,

هناك من تعتقد انه رومانسي بالفطرة ولكنه للأسف لايجيدها سوى في العلاقات الغير شرعية

ولا يجيدها في العكس ولا حتى بكلمة واحدة ,,

فقط في البدايات يكون رومانسيا

الأهتمام باللبس والمظهر

ماشاءالله عليهم البنات هذي لايعلى عليهم فيها وقل مانجد فتاة لاتهتم بنفسها

وان تكلمنا عن المتزوجات فكثيرا ماتغير في لبسها ومظهرها من اجل زوجها
على العكس فالرجال ليس الكل من يهتم لنفسه وقل من يحب ان يكون مظهره جيدا

من اجل شريكة حياته فتجده يهتم في نفسه في المناسبات فقط , ,

المطبخ

اذا تكلمنا عن المطبخ فليست تلك المشكلة الكبيرة والتي لاحل لها

قل مانجد من لاتجيد الطبخ , ,

ولنفرض ان شخص ارتبط بفتاة لا تجيد الطبخ . . اين المشكلة؟

اصبر عليها فترة من الزمن لتتعلم وتتعود على الحياة الجديدة والمسئولية , ,

لا يعتقد احد ما ان كل شئ يريده يجب ان يكون في يوم وليلة

ولايفكر احد انه سيجد انسانه كاملة او الفتاة ستجد انسان كامل المواصفات

فالكمال لله ولكن هناك ماهو شئ اساسي وهناك ماهو شئ ثانوي , ,

ادري ان طولت عليكم لكن اعيد واكرر ان الدين والأخلاق اهم من الجمال الذي لن يبقى , ,

[تذكَـــرنـِي]

تكرر الرد , , سوري