مساء الخير لقلوبكم
تقبلو كلامي ادري مو منمق
بس في حين احتاج للتعبير ولكن افتقد الكلمات
بتحدث بكل شفافيه وبكل صراحه وابيكم تسمعون
والي مايبي يسمع شي راجع له
طبعاً من الحياه الواقعيه راح اتحدث ومن كوني
سمعت قصص كثير ومن ناس قريبين لي كثير
طبعاً اغلب الي اعرفهم يتحدثون لي كصديقه
كاتمة اسرار وفي حين اتعب من كثر ماأسمع
وأكثر شي يتعبني لمن أنصح احد وأبدي رأيي
له ويكمل طريق غلط هو ماشي فيه فعشان كذا
خلاص مرتين لو حسيت هالشخص ماسمع
مستحيل اتقبل منه بعد كذا
سواء من صديقاتي او أهلي وأقاربي
حب.. حب.. حب .. حب...
انا ادري وأجزم ان الحب موجود بس الحب
مشكلة الأغلبيه انهم مايعرفون وش معنى حب
كل منظورهم ان الحب كلام وغزل وجوال وماسنجر
وتبادل رسائل وأرقام وسهر وتفكير
البنت تحب وتعذب قلبها
والولد يحب ويعور راسه
حتى بالنت لمن افتح واقلب الصفحات اشوف التوبيكات بالماسن
اسولف مع البنات كن الحياه بس صارت كذا وسوالفهم كذا
بجد الى متى ياناس
لو نجمع اغلب المدونات ونشوف كيف
حب خيانه شوق تلاقي عشرين ألف شعور مجتمع في مدونه وحده
ومسكين هالقلب ما أعطف الا عليه
عقليه صغيره لم تعرف الحياه جيداً
الي يقصر النت على انه مكان لترجمة المشاعر التي تختص بنبض القلوب
فماأجمل ان يكون حبك خاص فيك لوحدك
لاتريه مخلوقاً كان ترسمه بشفافيه وسريه
لاتبادله اين كان تحب من قلب حب ممزوج بحب الله
مو حب وغزل واهديك ورده مع كلمه مع بيت شعر
وأطيح في حبك << معليش هذا الي حاصل للأسف الشديد يعني
والبنت عاد ماتصدق خبر ان كانت بمنتدى
اول مره تقول لا اعرف نفسي اصلآ انا بس اسلك له
والمره الثانيه تبدا اخذ وعطا معه
المره الثالثه ههههههههههههههههههههههه يالغلا
والمره الرابعه وراه وراه بالردود
والمره الخامسه اضافة ماسن
والمره السادسه .... عاد انتو كملو الفراغ
اما اذا كانت عاد على الجوال هذا ادهى وأمر
اول مره خير وش تبي انت وطووط بوجه بالسماعه
المره الثانيه لاحول انت ماحد قالك انك مزعج
والمره الثالثه تخلي الخط وتسمع وش يهذر وتقول الصرفيه عليه
والمره الرابعه انت مامليت مايأست
وووووو طاحت ومحد سمى عليها
واذا بالسوق تدور وتدور وتدور
والمشكله بعد هذا الدوارن كله
تطلع من السوق معها كيس اكسسوار بس
هذا اذا يعني شرت شي
وأثناء دورانها لمن يلحقها احد بالبدايه
يعني ماشفتك ومطنشتك والمره الثانيه اوف وش يبي هذا
وتبدا تعدل الطرحه وتزينها كانت مو معدله
واخر شي اوف طفشنا هذا خليني افتح البلوتوث يا حصه ولا روان ولا رنا عاد الي معها
واخذ الرقم خل نفتك منه بس
وحدث ولا حرج تهاون في تهاون
تسيب وياغفلين لكم الله
بجد بنات خلاص الى هنا وستووب
اصحي وفوقي لربك قبل لاتفوقين لخلقه
امس والله اسولف مع وحده بالماسن تقول ودي اتزوج
قلت الله يرزقك على قد نيتك قالت انا ابي واحد تجيبنه لي
انا وش تقولين انتي
قالت بوريك صورته بس امانه امانه ملاك
امسحيها على طول
وبقلوك السالفه وماقلتها لأحد غيرك والله
قلت اسلمي يابنت وش السالفه
قالت انا ترى ماحبه ولا شي
قلت اها طيب
قالت بس اتعاطف معه واسمع له وهو مره طيب
والحين هو بالسويد وكذا المهم حكت لي سالفته
قلت طيب وماتخافين من ربي يعاقبك
ماتخفين لو اخوك طاح عليك وهو واثق فيك وشرى لك الجهاز
قالت ملاك لاتصيرين غبيه انا ماأحبه
قلت فهميني يالذكيه
قالت انا مسويه ماسن ثاني ماحد يدري عنه
وغير كذا هو موب سعودي ترآ
قلت اها طيب من الأخر تبين الي عندي
ولا ماتبين
قالت الا ملاك وانا حكيت معك لأني اعرفك
متفهمه وبتنصحيني وتسمعين انتي قلت طيب
اول شي انتي تقولين الحين ماتحبينه
والبنت لاحبت لو قالها بوسي رجلي
والله لاتبوسها
قالت يخسي
قلت ايه الحين تقولينها ولاحبيتي شوفي
وش بتسوين وأبئي آبليني ياعسل
البنت لانبض قلبها لرجال والله لو انه اشين مخلوق بوجه الأرض
والله ماتعرف امي من أبوي
وانتي الحين تقولين انه مثقف ومحترم وهذا الي اعجبك فيه
ومو راعي خرابيط وهذا الي معلقك فيه
وانه بس يسولف لك وانه فقير وا وا
ولاحظي انك قلتي
تعلقتي وأعجبتي وهذي من مراحل الحب صح ولا لا
<< ردت فعلها سكتت وحطت فيس مستحي
قلت اذا انتي تحبين اهلك وتحبين نفسك
وتخافين عليها ترآ هالعلاقات ماوراها خير
فأتركيها افضلك لأنها بتدمرك نفسياً
قبل لاتدمرك جسدياً
وخساره انك سويتي هذا الشي
ترآ انتي بتضلين زميله بس تتغير نظرتي
في الناس انا لاغلطوو
ومثلها ومنهجها سيارين عليه بنات كثير
الى متى طيب بابناااات فكرووو زين
هذرت واجد احتري اهلي يصحون للغدا
عن اذنكم برووح اصحيهم جعت وانا احكي
^_^
برررررب
مـ الشوق ـلاك
ألــــــى متى ....؟
العرض العادي
