لمن وده بالمحاوره (( تحدي ))..!

[a99a]

هلا اخوي سم

خابر(ن) الحال والنيه لها ولا عليها=والشلي يبقى بحاله لين عَذاله يدفه
لي مع العراف غايه والمعاني نشتريها=في دروب الخير نمشي والعوج عنا نهفه

[نديم القصيد]

ياهلا بك يالصديق وبكل لحظه احتريها
احتري اصدق صديق واحتري يوم يحكي ظرفه

احتري فيك الشهامه والاخوه اشتريها
لو صرفت المال لجلك مايهم اليوم صرفه
وسلامتك

[@سحـكل البارود@]

سم الله عدوك..أخوي ((a99a))
..
وأستلم
..

النوايا في بطون أصحابها محد يغزيها ..=.. والشليل إن ما لقــاله فزعةٍ أمـسى برفه
وكل غاية طيبة عند العــوارف ما يليها ..=.. بيرق أهل الطيب دايم فالهوا ما خف رفه

..
..
ألعبوا يا لعاااابه

[@سحـكل البارود@]

سالم وغانم
..
وحيالله مشرف همس القوافي(( نديم القصيد ))
ويامرحبا بك..
..
وأستلم لاهنت..
..
..

..
..
و ألعبوا يالعااااابه

[@سحـكل البارود@]

تعديل على الشطر الثاني من البيت الأول
والعتب على الكيبورد..

(....................) ..........وكل طيب(ن) ياعميل الخير منكم نستشفه

[a99a]

البقا بك

سحكل البارود يبحر في بحور(ن)نقتنيها=كان وده بالملاقا يستدير بكل خفه
ياعميل الخير وش لك بالزوايد تقتفيها=لا تدور في هماج البحر مرجانك تلفه

[@سحـكل البارود@]

الله الله
..
..
أستلم لاهنت
..

سحكل البارود غنا في بحور(ن) منتقيها ..=.. ودرّته في غبةٍ من غــاصها مـوجه يزفه
ولا يخلي قـالةٍ تمشي وتسعد مع شقيها ..=.. دون ما يدرج على من قالها ويفك زرفه

..
..
و ألعبوا يا لعااااابه

[a99a]

استلم

شاعر(ن) والدروره اللي دارها ماينتهيها=ومن يدّور في قباله مايشوف اش صار خلفه
والحقايق في دروب(ن)تسعد اللي يهتديها=ياعميلي والدروب بوقتنا اللي مر صلفه

[المبتعد]

حي نباك ياسحكل

يا سحابة صيف عدت مع مطرها وابرديها
ليتها دايم تعدى ما تجي صدفه وصدفه
يا سلام الله عليك ويسلام الله عليها
سحكليه يا سحابه والهوى نفه ونفه

[المبتعد]

واستلم يا سحكل

فارس العرجا يطيح ومن عناها مبتليها
كل(ي) ما يا بى يقوم وعن مطاحه هي تحذفه
كم عذلنا فيك لكن اهتوته ومهتويها
نطلب المولى يعينك نطلبه من زود عطفه