َََترآنيم الأميرآت في مسآء صآخب بالألم ,. !َََ~

[عبيــــرالــــورد]

كآنت فرح ترمق الهآتف بـ رّعب ، فـ نبضآتهآ تتضخم ، تسرُع ، تتهوّر .. كآدت تشعُر بأّن جميع المتوآجدين يعلموُن بّأمرهآ فـ يرمقونهآ بنظرآت ترعبهآ ., !
وبينمآ كآنت فرح بـ عآلمهآ الذي يمتزج بألحآن بيتهوفن الخآلده ,,

شهد : فروووووووووووووح !
فرح : بسم الله ، وجع اشفيج تناديني جذي
شهد : قررت خلاص
فرح : شقررتي؟
شهد : قررت اروح اقص شعري
فرح : وين ؟
شهد : هني بالصالون الي بالمجمع فوق . !
فرح : وامي ؟ شبتقولين لها؟
شهد : مابقولها شي من نروح البيت بحط على شعري قبعه هع
فرح : صدقيني بتسوين لج سالفه
شهد : لا تحاااولين تغيرين قراري بقصه خلااص
فرح : كيفج والله
شهد : ايه المدرسه بعد يومين راح ندخل وانا ابغي ستايل جديد ، يحطم الجميع !
فرح : الله يعين قلبج ,
شهد : قررت أسوي ستايل خطييييييييييير
فرح : شنو يعني؟
شهد : قررت اقص شعري مثل حبيبة قلبي هيآآآآآآآآآآآ عبدالسلام

ملاك : ههههههههههههه والله ضحكتيني
شهد : من الحره
ملاك : ايه هين من الحره ، شعليه احتر
شهد : لانه شعري احلى من شعرج
ملاك : ويي عشتواا ، انتي تطنزين على شعري .؟
فرح : سكتواااا فضحتونااا ، الناس تطالعكم
فرح : وين رزان ؟
شهد : مع رتاج تشوف لها فساتين
فرح : امم بروح اشوفها
شهد : لا لا انا قلت لها بتروحين معاي الصالون

وتوقف قلب فرح [هذآ صوت مسج ] اكيد من عنده ! هذا نايف ، يمه شسوي ؟ وين اروح
كانت تلك الكلمآت تفترس فرح بـ شرآسه
أفتحه ؟ اخاف !
احس الناس تقرا معاي كلماته !

ملاك : فرووح ، هذا اهو ؟
شهد : منهو؟
فرح : ها ؟ مادري شهد يالله نروح الصالون
ملاك : اشفيج فتحييييه خل نقرا
فرح : لا لا اخاف ، يالله شهد بروح وياج الصالون

وهُنآك كآنت شهد مُستعده لـ تغيير شعرهآ , جلست فرح بـ كرسي ّ مُبتعد بعض الشيء عنهآ ,,
خلاص بفتحه و امري لله !
احس يدي ماتساعدني
اصابعي ترتجف ليش ؟

و فتحت فرح رسالة نآيف ,, كآنت تلك رسآلته الأولى , /

في ذمتي أحلىآ حروف
أحلىآ بشر بين الألوف
يجي ينآدي نبضتي
يجي يتحرىآ كلمتي
وأقعد أنآدي يآ بشر
هذا قمر , !
هذا أبد مآ شفت أنآ مثله أحد ,
هذآ حكآية فرحتي
هذآ سبآيب ضحكتي
هذي فرح , !
هذي سعآدة دنيتي
هذي الامل هذي الفرح , !

آآآآآآآآآآآآآآآآآآآآه يآ نآآآيف شسويت بحآلي , !
احس نفسي انسانه ما اعرفها
سعاده تختلف . !
احساس غريب
شسوي بس

فرح : ملاك شوووفي
ملاك : شنهو
فرح : شوفي نايف شكتب لي
ملاك : يه يه شاعر بعد
فرح : قلبي بيوقف
ملاك : امبيييه هذا كتب لج شعر وقلبج بيوقف لو يتصل فيج شبتسوين ؟

[عبيــــرالــــورد]

فرح : لا لا مستحيل ماقدر
ملاك : وييييييييييي لحقي على اختج
فرح : امبيييه وين شعرج ؟
شهد : نيووو ستآيل

ملاك : ونااسه اليوم امي بتذبحج هع
شهد : شعليه تذبحني ، شعري وكيفي فيه
ملاك : ههههههههههههههههههههههه
فرح : اشفيج تضحكين؟
ملاك : اضحك على روحنا يعني سارقين فلوس من عند امي والي تقص شعرها والي تتسوق والي بكوفي شوب تشرب ولحد يدري من وين هالفلوس هع
فرح : شنسوي دنيآ أجبرتنآ !
ملاك : صدقتي ياا صاحبة حمدان
فرح : شنو يعني؟
ملاك : يه يه نسيتي اختي ؟ حمدان قصدي نايف نايف
فرح : تطنزين ؟
ملاك : لا لا اختي بس حلو يكتب يعني اسلوبه حلو
فرح : قرررت اليوم اتصل فيه واعطيه رقم امي و تنتهي السالفه
ملاك : اشهالجرأه اختي ؟
فرح : تعبت لأني . !
شهد : والحين انا شسوي؟
فرح : شنو؟
شهد : البس عباتي ولا اطلع جذي ؟
فرح : متخرعه انتي ؟
شهد : اييييه متخرعه

[عبيــــرالــــورد]

تجي رزآن مع رتآج وتتأمل المنطر , !

رزآن : من هذي؟
ملاك : هذي اختج هع
رزآن : امبييييه شسويتي . !
شهد : اشفيكم ؟ عاجبني خلاص مالكم شغل
رزآن : والله كيفج احنا مالنا شغل بعدين لا تقولين احنا رحنا معاج الصالون
شهد : اوكي مب قايله
رزآن : خلصتوا؟
فرح : ايه
رزآن : وين سوير؟
فرح : تلون أظافرها هههههه
رزآن : خربتوا بنتي
فرح : خل تستانس
سارة : ماما شووفي حلو؟
رزان : يهبل ماما / يالله حبيبتي
رزآن : يالله نمشي
فرح : اوك , !


/

رزآن : يالله انا بمشي
فرح : مابتنزلين ؟
رزآن : محمود يبي السياره
فرح : اوكي !

فرح : سمعي انتي ، مو تراوين امي شعرج الحين ، صبري بكلمها بموضوع
شهد : اوكيشن


وتدخل فرح غرفتها .. يكون الهآتف في احدى يديهآ بينما اليد الآخرى على قلبهآ تستمع الى نبضآته الغريبه
بتصل بس شقول ؟ ياترى شلون صوته ؟
يمه بس !
شسوي ؟

فرح : ........
نايف : الو .. ؟
فرح : الو
نايف : هلا هلا هلا هلا هلا هلا
فرح وقد اوشكت ان تقع : هلا
نايف : هلا بك وبهالصوت وبهالطله وبهالنبره
فرح : بك اهلا
نايف : واخيرا ً ،، سنين تمر واليوم اسمع صوتك لا مو مصدق
فرح : ههه
نايف : فديتها هالضحكه
فرح : نايف انا متصله اعطيك رقم امي
نايف : لحظه لحظه ,, خلني اكمل كلامي ،
فرح : اسفه ,, كمل
نايف : لا تقولي اسفه انتي ما تتأسفي , ! توقعت صوتك حلو مليون بس صدقيني ماتوقعتك كذاا خيال
فرح : ههه
نايف : وربي شي مو طبيعي
فرح : انت بعد صوتك حلو
نايف : هذا مو صوتي ، هذا قلبي يتكلم !

فرح : نايف بعطيك رقم امي ,
نايف : طيب ان شاء الله الليلة بعد العشا الوالده تتصل فيكم
فرح : بس امانه تقولها انكم من طرف اختك
نايف : لاتوصي قلبي انا مرتب كل شي
فرح : نايف انت ماشفتني يمكن بعد ماتشوفني تغير رايك
نايف : وربي والي خلق هالسبع السموات لو تكوني ما تكوني ماغير رايي انتي باكر يا فرح , ! انتي حياتي الجايه
فرح : .................. هذا رقم امي
نايف : صار يالغلا
فرح : مع السلامه
نايف : عسى ربي يحفظك من كل شر , !


اغلقت فرح الهاتف و القت بجسدها على كرسي يقع في اخر الزآويه
يآ رب ,!
احس روحي ضايعه
اول مرة اكلم واحد بالتلفون
شي يخرع , قلبي بيوقف .. ! احس روحي بمرض
مادري يمكن اسلوبه شوي خوفني
ليش يكملني بهالنبرة
حسيته بالغ بمدحه وكلام الغزل
اكلم امي ؟ ولا لا؟

خلاص بكلمهآ , !




وفي الصاله تجلس ام محمد .!

فرح : يمه ابي اكلمج
ام محمد : تعالي .!
فرح : امم يمه بقولج شي
ام محمد : شفيج ؟
فرح : امم من سنتين ثلاث كنت اكلم وحده من الرياض على ايميلي
ام محمد : انزين ؟
فرح : وصديقتي حيل حيل و يعني اتصلت فيني جم مرة و الحين قالت لي اخوها يبي يخطب ورشحتني له !
ام محمد : وييي مو صاحيه هالبنيه ؟ شلون ترشحج لأخوها وهي ماتعرفج من بنته وشنو اصلج شنو نسبج ؟
فرح : اقولج يمه صديقتي من زمااان
ام محمد : انزين وانتي شقلتي لهم ؟
فرح : عطيتهم رقمج !
ام محمد : انتي مينونه ولا صار بعقلج شي ؟ لا لا اكيد مو صاحيه
فرح : ليش يمه ؟
ام محمد : من الرياااض يالمينونه و انتي بديرة ثانيه
فرح : يمه احنا الخليج نعتبر ديرة وحده وكلنا قريبين لبعض
ام محمد : هذا الكلام تقولينه لأبوج واخوانج عشان يذبحونج
فرح : يممه حرام شنو يعني هذي حياتي انا
ام محمد : ولا كلمه اسمع وانا اذا اتصلوا بقولهم هالكلام واكثر منه وانتي من اليوم وهو رايح مافي قعده على الكمبيوتر
فرح : هذي حياه بذمتكم ؟ وتقولون لنا ليش ما تتكلمون مع اهلكم اذا اهلنا مايسمعونا ولا يفهمونا ليش مانروح برى ندور احد يسمعنا
ام محمد : وجع ياخذج يلي ما تستحين تروحين برى تخلين احد يسمعج ؟ لكن انا اليوم بقول لأخوج اخليه يربيج
فرح : تقولين لأخوي ؟ اخوي خل يربي روحه بالاول ، وثاني شي انا كبيرة ماني ياهل اعرف اقرر بنفسي
ام محمد : ماعليه يا جليلة الحياا براويج
فرح : افففففففففففففف الله ياخذني وافتك منكم
ام محمد : انشاء الله ياخذج وانا ارتاح منج ومن مشاكلج الي عمري ماحسيتج بنت سنعه مثل بنات الناس كل يوم ولج سالفه
فرح : يمه تتكلم من قلبج ؟ انا كل يوم اسوي لكم مشاكل ؟ يمه من قلبج تدعين علي ؟
ام محمد : ايييه شوفي بنات خالتج المتربيات الي كل وحده لما تشوفينها تقولين هذي بنت اوادم مو انتي

فرح وقد اختنقت حروفها في حنجرتهآ صمتت ولكن ام محمد لازالت تتكلم وتتكلم حتى شعرت فرح بأنها لم تشعر بقدميّهآ فـ ذهبت تركض إلى غرفتهآ وهنآك فقط أصبح كلام ام محمد يتكرر مرة واثنين وخمسه وعشره
وفرح تصرخ كفى كفى ولكن الكلمات لم تكتفي , !
فرح تحدث جدرآنهآ بـ دموع حآرقه / من زمان ادري امي ماتحبني دايما ً تفرق بيني وبين رزان واقول تبقى امي وتخاف علي يمكن تفضل رزان بس تحبني بس الايام تجبرني اقول لا لا ماتحبني دايما ً تقط علي كلام يذبح يجرح ماقدر انساه !
شسوي ؟
اذا امي تقول عني جذي من ياترى بكون حنون علي ّ من بيسمعني من ؟

كانت ملاك وشهد يقفون خلف الباب يستمعون بـ صمت خآنق ودموعهم أختقنت في محآجرهآ

ملاك : شوفي مسكينه فرح تحس حلمها يموت جدام عينها
شهد : امي قاسيه قاااااااااسيه ماتحبنا
ملاك : مسكينه فرح والله قلبي يتقطع عليها شسوي . !
شهد : خل نروح لأمي نكلمها


كانت ام محمد لا زالت جالسه حتى وقفت عندمآ تفاجأت بـ شعر شهد

ام محمد : الحين بس عرفت انّي ماعرفت اربيكم
شهد : ليش يعني شسوينا احنا؟
ملاك : روحوا برى شوفوا البنات شنو يسوون من ورى اهاليهم ، احان شسوينا يعني ؟ كل الي سويناه نبغي نحس بوجودنا بهالبيت كل شي محرومين منه ، كل شي
جاسم ولدج تعرفون شيسوي من وراكم و تطنشون و تقولون طايش بيكبر وبيعقل واحنا ؟ احنا بعد مراهقات من حقنا نعيش حياتنا نقدر نميز بين الصح والغلط نقدر ، عمرنا ما غلطنا من وراكم ولا سوينا شي غلط ، بس اذا انتوا تعاملونا جذي قاعدين تجبرونا على الغلط
ام محمد : سكتي ربي ياخذج من عندي احنا نجبركم على الغلط ياعديمة التربيه انتي لو فيج خير مارفعتي صوتج على امج
شهد : يمه حرام عليج انتي عارفه شنو قلتي لفرح انتي دايما تقارنينها في بنات خالتي ، انتي كل مرة تجرحينها بدون ماتحسين ، تقارنينها فيهم بدراستهم وشهادتهم وشكلهم ، شفيها فرح عشان تسوين لها جذي ؟ كل الي قالته واحد بيخطبها ؟ شصار يعني شصاار؟
ام محمد : انتي عاد مابيج تكلميني دامج طلعتي من شوري ، ادري فيج بتتبعين اختج الحين
شهد : اتبعها في شنو ؟ شفيها اختي يعني ؟ شمسويه
ام محمد : انا اعرف شتسوون من وراي وادري هالصبي اهي تعرفه ماني غبيه عن سوالفكم
</B></I>

__________________

[عبيــــرالــــورد]

ومر يومآن و نآيف لم يتصل . !
وفرح تنتظر بـ حرآرة جمر
في حين ملآك وشهد قد أستعدتآ للدخول للمدرسه , !
وأم محمد لآ زآلت تعآني من عذآب الضمير فـ تذهب كل مسآء خلف زوآيآ غرفة فرح وتستمع لـ حزنهآ بـ صمت لآ قوة لهآ في الموآجهه . !

أمآ فرح فقد كآنت تنزوي بـ آحزآنهآ بين الزوآيآ الأربع ، يأخذهآ التفكير إلى ريح الريآض
يآترىآ لمآذآ لم يتصل نآيف , ؟
مآّذآ هنآك ؟
مآذآ حصل ؟
آآآآآآآآه يآقلبي على سؤآل لآ أجآبة له , !
وآآآآآآآآآآآآه أكبر تحطم حلمي و تأخذني إلى الهآوية . !

[عبيــــرالــــورد]

و في عصر يوم الخميس

أجتمع الجميع على طآولة مستقيمة الزوآيآ
كآن أبو محمد يـجلس في الوآجهه , !

أبو محمد : ملاك وين اختج ؟
ملاك : فرح؟
ابو محمد : ايه
ملاك : مادري ، تقول ماتبغي تاكل
ابو محمد : صار لها يومين ماتنزل تاكل ، وشفيها ، تعبانه ؟
جاسم : مادري يبه تصدق شكلها متهاوشه مع امي
ابو محمد : هذي امك وحده ماتفهم ، تهاوش ياهل ليش؟
جاسم : يبه هذي ياهل؟ هذي شكبرها الحين الي بعمرها عندهم يهال
ابو محمد : اذا اهي شكبرها انتي شنو تطلع ؟ يالس لي بالشوارع مع صبيان مايستحون لا دراسه وشغل
جاسم : اففف شبعت انتوا محد ياكل وياكم
ابو محمد : تصدق وفرت علينا الاكل

تتدخل ام محمد ,,
ام محمد : ليش عااد تخلي الولد يقوم بلا اكل
ابو محمد : معور قلبج يعني ؟ اكا بنتج يومين ما تاكل ماشفت قلبج عورج عليها؟
ام محمد : اهي الي ماتبي تاكل ، شسوي فيها؟
ابو محمد : محد خرب هالولد غيرج
ام محمد : انا بعد شبعت , !
ابو محمد : ذلفي معاه بلي مايحفظكم
ملاك : هع ، وناسه فشلوا جسوم

شهد : انا يبه بروح اشوف فروح
ابو محمد : قولي لها ابوج يبيج
شهد : اوكيشن باباتي

[عبيــــرالــــورد]

وقفت شهد تطرق البآب ولكن فرح لآ تجيب ,, !
شهد : فرووح
فرح . !
فررررررررررررررح . !

شهد : يبه فرح ماترد علي ! . !
ابو محمد : اشفيها ؟
شهد : مدري

ولأول مرة يشعر ابو محمد بأنه ُ اب فـ يتحرك الأحسآس بين جوآنبه لـ يذهب مسرعا ً إلى غرفة أبنته التي مرت شهور ولم يرىآ جدرآنهآ , !

أبو محمد : فرح يبه فتحي الباب
فرووح ., !

أبو محمد : شهد روحي يبه غرفتي بتلقين مفتاح ثاني لـ غرفة اختج
شهد : ان شاء الله يبه
شهد : هذا يبه ؟
ابو محمد : ايه يبه

تفاجا ابو محمد بأّن فرح جالسه تستمع لهم دون أن تحرك سآكن . !

ابو محمد : يبه ليش جذي وقفتي قلبي عليج ؟ شفيج ؟

فرح تتأمل والدهآ ولأول مرة .. ! كآدت ترىآ خوّف أول مرة تلتقيه في عينآ وآلدهآ ,,
فرح : غريبه يبه !
ابو محمد : شنو يبه ؟
فرح : انت تخاف علي؟
ابو محمد : افا بس في ابو مايخاف على بناته ؟
فرح : ايه في وايد
ابو محمد : انا يمكن اانشغلت عنكم وايد بس ربي يشهد انتوا عيالي واحبكم واخاف عليكم
فرح : الله يشهد بس احنا مانشهد لك بشي ,. ! المشاعر اذا ما حس فيها الطرف الثاني صدقني يبه مالها لازم !

كان ابو محمد يرمق أبنته وكأنهآ أنثىآ كبرت خمسين عآم لآيرىآ تلك الطفلة العابثه فيهآ , !

ابو محمد : قولي لي وشفيج شلي مضايقج ؟
فرح : ليش امي ماقالت لك؟
ابو محمد : عن شنو . !
فرح : عن نايف ؟
ابو محمد : من نايف؟
فرح : الي كان يبي يخطبني ؟
ابو محمد : لا وانا ابوج اول مره اسمع منو نايف ؟

كانت فرح تتكلم بـ صورة أرعبت شهد . !
تأملتهآ وبداخلهآ ملايين الأسئلة هل هذه فرح حتما ً أم ماذا !
أراها تحدث ابي بجرأه كبيرة دون ان تخشى ردود فعله !,

انتهت فرح من حديثها بعناق حار من والدها
تفاجأت فرح وتفاجأت اكثر شهد ,!

فرح : يبه نايف يحبني؟
ابو محمد : عطيني رقمه ,,
فرح : ان شاء الله يبه

و لأول مرة تشعر فرح بأنه والدها بجآنبهآ ، يشعر بهآ ، يحاول إرضآئهآ ..

ودآر ذلك الحديث بين ابو محمد ونايف ,, /

ابو محمد : الوو
نايف : ..............
ابو محمد : لا تخاف وانا ابوك رد علي ّ
نايف : هلا . ! من ؟
ابو محمد : انا ابو فرح
نايف : هلا عمي ,,
ابو محمد : انا دريت بكل السالفه وفرح قالت لي عن كل شي وقالت لي انك خذيت رقم امها بس ماتصلت !
نايف: انا ماتصلت ؟ الله يسامح ام فرح بس وربي دزيت الوالده لها تكلمها وهزأتها و سمعتها كلام ما يتسمع لأحد يعني مو هذا العشم فيكم أبد .. حنا عائلة محترمه وربي وانا ماقبل حد يكلم امي بهالاسلوب بس غلاة فرح اجبرتني . !
ابو محمد : يعني الوالده اتصلت لأم فرح .؟
نايف : ليه انتوا ماعندكم خبر؟
ابو محمد : لا وانا ابوك بس تدري يوم السبت العصر حياكم البيت .. منها نتأسف من الوالده ومنها نتعرف عليكم
نايف : صدق يا عم؟
ابو محمد : ايه وانا عمك
نايف : ان شاء الله نكون عندكم بعد العشاء
ابو محمد : حياكم الله ..

تفاجأ ابو محمد من قسوة زوجته يآترىآ لماذا فعلت هذا . !

ابو محمد : شووفي يام محمد انا للحين محترمنج وحاسبج وحده عاقل بس والله ثم والله لين جونا الجماعه وماتأسفتي لهم صدقيني بمد يدي عليك ولاني ابمتندم !
والبنت مالك شغل فيها خلاص , انتي مب كفو تربي !

ام محمد : انا مب كفو اربي؟ سنين تركتهم عليّ بمشاكلهم بعد ماتعبت عليهم جاي تقول لي هالكلام ؟
ابو محمد : ايه اقولج اياه واذا مو عاجبج ذلفي بيت هلج
ام محمد : ماعليه انا اوريك ,,

[عبيــــرالــــورد]

وجآء الموّعد المترقب من الجميع
فـ ملاك تقف خلف النافذه تترقب حضورهم
وشهد تتأمل الساعه
بينمآ فرح تضع يديهآ على قلبهآ تخشىآ القآدم المجهول . !

كآن الجميع في حالة توتر
مآعدآ ابو محمد الذي شعر ولأول مرة فقط بأنه مسئول عن أسره , !
أمآ جآسم فـ كآن يقف امام الفناء الخارجي للمنزل متهدد متوّعد لذلك الوغد كمآ أطلق عليّه
وأم محمد في حآلة جنون . !
ورزآن تحآول تغيير مشآعر أختهآ ولكن دون جدوى,

وأتىآ نآيف بعد سنين من الحُب من الشوق من الحنين
جآء من الريآض لـ يعلن لـ فرح بأنه يستحقهآ !

وقفت أم محمد بخطوآت يعتريهآ الجنون وذهبت لغرفة فرح
كانت تنطق بحروف غريبه

ام محمد : شوفي عاد انا سكت عنج وايد بس والله ثم والله لين قبلتي فيه لاني امج ولانتي بنتي ليوم الدين أنا بريّة منج خلاص ، انسي امج ، حتى الحليب الي سقيتج محرم عليج !
فرح : حرااام عليج انتي مووو ام مووو ام !
ام محمد : سمعي كلامي زين ترى اخوج متهدد فيج بيذبحج صدقيني ، تنزلين لهم وتقولين انتي مو موافقه ـ سمعتيني ؟
فرح : يمه انتي تتكلمين بـ واقعيه يعني؟ اقولهم مو موافقه ؟ تبيني اهدم حلمي عشانج وعشان اخوي هذي حياتي مستقبلي انا اشوف نايف المستقبل
ام محمد : وه مالت عليج وعلى مستقبلج فوقج الي عندي قلته وانتي كيفج ، اخوج مابخليج بحالج راح يذبحج صدقيني وابوج مابيفعج طول هالفتره مايدري عن هوا دراكم والحين بس ذكركم يبي يفتك منج وبقطج اخر الدنيا !
فرح : ابوي على الاقل تفّهم احلامي
ام محمد : ماعلي من كلام الجرايد والمجلات ، اما انا ولا اهو !

و اغلقت الباب بـ قوة كانت فرح هُنآ تتأمل السقف بـ غرآبه ، يآترىآ هل هذه امي فعلا ً ،!
هل يُعقل أن تكون قد أحتضنتني تسعة شهور بين احشائها !
هل يُعقل أن تكون تلك هيّ أمي . !

وجاء نآيف مع اخته وامه وابوه !
رحب بهم أبو محمد بـ طريقته الخاصه
فـ قد أثبت لهم بكرّمه وطيب خلقه !

ابو نايف : والله وانا ابوك ، احس ابوها خوش رجال ماشاء الله عليه ابن اصل
نايف : ايه يبه

اما في الغرفة المجاورة لهم كانت هناك ام نايف واخته تستقبلهم رزآن بحرآرة رغم انها لم تتقبلهم ابدا ً , !
تقف ملاك وشهد خلف الباب يتأملون نايف ساعه وامه واخته ساعه

اما فرح فقد كانت مختنقه بالأوكسجين !
لا حول لها ولا قوة

وجاسم يشتم بـ شراسه
متهدد بقتلهآ وقتله !

[عبيــــرالــــورد]

ملاك : مسكينه فرح اختي ، اول مرة بحياتها تتمسك بشيّ وامي تبي تحرمها منه ؟
شهد : اصلا ً مايحسون فينا حتى رزان شفتيها شلون ؟ نسيت لما كانت تحب محمود من ساعدها عشان تاخذه كانت فرح واقفه بكل بكل لحظه
ملاك : رزان اصلا ً كله يازعم تسمع كلام امي عشان ماتنقلب عليها !
شهد : انا خايفه على فرح /هذا جاسم حقييير كل شي ممكن يسويه
ملاك : هه مايقدر يسوي شي هالبطه هذا ، اهو لو فيه خير خل يصلي بالأول الي مايعرف ربه
شهد :خل نروح لفرح
ملاك : رحت لها بس قالت لي طلعي تبي تقعد لحالها
شهد : مسكينه احس بصيح عشانها
ملاك : لو انا من فرح انزل واقول قدام الكل مووافقه ولا اخاف من احد اهم شي ابوي معاي
شهد : ايه وجسوم مايقدر يسوي شي اذا ابوي موافق



أمآ فرح فقد مسكت قلم و جرّدت ورقة من نقآئهآ وكتبت ,, /

وكأننّي هذه اللحظه مخيّرة بين الموت بلآ حيآة
والحيآة بلآ موت !
فـ أنّ مُت َ رغبت بالحيآه مجددا ً
وأن طالت حيآتي لآ حبذآ بأّني أشتقت لقآء ربي فـ رغبت ُ الموّت !
ولكنّي هذه اللحظه مُختنقه بين السمآء والأرض
لآ حيلة لي على نفسي
كُل مآفي هُنآك بأنّي أنثىآ لآ تملك حق الحيآه
حق الإنتمآء لذآتهآ
فـ يآمن كنتم قريبون مني حد الروح
عذرا ً لكم بحجم العذاب الي يتخبط ملآمحي
فأنآ اليوم قد أخترت ُ الفرح لـ ِ فرح
فـ لن أقبل أن يضيع حلمي لـ أجلكم
لن أقبل
لن أقبل

[عبيــــرالــــورد]

واخيرا ً وقفت فرح بـ شموخ قد أوشك على الإلتئآم و أتخذت حيآة في قرآرآت نفسهآ

فرح : رووز ,!
روز : ها مدام
فرح : نادي ملوك اختي
روز : اوك . !

ملاك : هلا فروح شفيج ؟
فرح : تعالي اختاري معاي شي البسه
ملاك : من صجج ؟ واااااااااااي وناسه الحين انتي صج اختي / ماعليج منهم والله هذي حياتج انتي بتعيشينها واهو لو مايحبج جان ما رجع مرة ثانيه وامي هزأتهم
فرح : ماعلينا تعالي اختاري معاي شي
ملاك : لبسي هذا ، حده حلو
فرح : لا لا ، فشله اول مرة يشوفوني جذي ، استحي !
ملاك : تستحين من شنو عاادي انتي لين بتروحين تشوفينه بتلبسين عباتج فوقه
فرح : هاا ؟ اشوفه !
ملاك : ايييه لااا
فرح : امبيييه نسيت
ملاك : شنو ؟
فرح : ملووك اليوم راح اشوف نايف
ملاك : امبيه صج شي يخرع
فرح : تخيلي يعني ثلاث سنين بلياليها ضحك وهواش ومسخره و تهزأ والحين عيني بعينه !
ملاك : لا تخافين انا بوقف ورى الباب اشوفكم
فرح : احس قلبي يدق
ملاك : لبسي وتظبطي انا بروح اشوف الوضع تحت
فرح : اوك !

[عبيــــرالــــورد]

كآنت شهد أكثرهن تعلّق بـ فرح
فـ أكثر أوقآتهآ تجلس معهآ
تحكي لهآ عن صديقآتهآ
و أشيآء كثيره تشعر بهآ , !
كآنت تخشىآ أن ترحل فرح فلآ ترآهآ بعد ذلك
فـ بالحجم الذي كآنت به سعيده بـ زوآج أختهآ كآنت به متوّجعه , !
فمـآ هيّ الحيله من تنآقض المشآعر

طرقت الباب بـ طريقة مريبه , ,

فرح : من؟
شهد : انا شهد
فرح : دخلي الباب مفتوح
شهد : اممم يالله تقولج رزان نزلي الحين
فرح : اوكي
شهد : بنزل وياج اوكي؟
فرح : اوكي .. بس وين امي؟
شهد : مدري في المطبخ
فرح : اوك

كآنت فرح ترىآ نفسهآ تخطو من جحيم مؤلم إلىآ جنة نآيف , !

وقفت فرح خلف الباب الذي يفصلهآ عن أُم نآيف وأخته

فرح : يااربي شهد لمسي قلبي احسه بيوقف
شهد : ترى عادي احسه اهله طيبين وايد ، قولي بسم الله ودخلي
فرح : بسم الله

فرح : السلام . !
ام نآيف : هلا عليكم السلام
فرح : ............
ام نايف : تعالي عندي اشوفك
فرح : هه هلا
ام نايف : فديتها قمر ماشاء الله عليها
اخت نايف : ايه وربي مرة حلوة
فرح : شكرا ً... / [ كآنت فرح تشعر بأن الحروف تختنق في حنجرتهآ , ! ]

جلست فرح وعيون الجميع ترمقها
فـ رزان ترمقهآ بـ ألم
وشهد ترمقهآ بـ سعآده
وأم نايف واخته يرمقونها بـ إعجاب

ام نايف : قومي يمه هنوف شوفي اخوك والجماعه عشان يشوف البنت
رزان : خليها قاعده انا بشوفهم
ام نايف : طيب حبيبتي

ام نايف : اقول يمه ، انتي كم عمرك؟
فرح : بدخل العشرين بعد كم يوم
ام نايف : مو مبين عليك ، احسك اصغر
فرح : هههه

تقطعهم رزآن ., / الولد راح يدخل الحين ، شهد يالله خل نقوم
شهد : اوك !
فرح : لحظه بروحمعاكم
ام نايف: لاا انتي خلك عشان الولد يشوفك
فرح :اخاف
ام نايف :ههههههههههه وش منه تخافي؟
فرح : مدري !
ام نايف : هذا نايف ينادي ، جلسي بخليه يدخل

فرح كانت تسترجع ذكريآت اللقآء الأول في تلك الدقيقه ، فـ هذه اول محادثه جمعتني بـ نآيف وتلك اول ذكرىآ وهذه اول عباره ، وذلك اول إهداء ، و تلك الصورة التي تسكُن خيالي واشياء كثيره كثيره ، ولكن هذه المرة الأولى الذي سيرآني نآيف يآترىآ هل توقعني كمآ أنآ , ! هل كآدت رسمآته المليون لي تشبهني , ؟

وتقع عينآ نآيف للمرة الأولى على فرح ,

كآنت نظرآت نآيف تعبر عن المليون عآطفه , !
يآالله هل تلك فرح , !
فرح التي سرقتني ذآت ليلة في عشقهآ الوردي،
مآ أجملهآ
فشلت محآولآتي في الوصول لـقليلهآ
عينآهآ قدري حتما ً

أمآ فرح فقد كآنت مرعوبه ، مسروره ، خآئفه /
كآنت صورة نآيف لآ تعبر عن ربع جمآله

نايف : السلام عليكم
فرح : عليكم السلام
نايف : شخبارك ؟
فرح : الحمد لله ، انت شخبارك؟
نايف : انا بخير ربي يحفظك
فرح : تسلم
نايف : اشفيك خايفه مني؟
فرح : لا لا
نايف : يمه شفتيها كيف قمر؟
ام نايف: ههههههههههه ايه ربي يحفظها
نايف : اشرايك بـ ذوق قلبي

كانت كلمات نايف تقتل فرح