انثى تنادي للفرح
تعال لم اضلاع صـدري كلهـا متراجفـه
مدري حزن أو خوف أو هم السنين المقبلات
تعال احس بداخل احشائي جمود وعاصفـه
ومرات احس الجمر وقّاد الحنايا النازفـات
تعال احسايـس المشاعـر كلهـا مترادفـه
احزان تتبعها هموم وضيق واشيا مهلكـات
تعـال افهمـك الحكايـه كلهـا والسالـفـه
السالفه أنثى تنادي للفـرح مبطـي ومـات
كل الهمـوم بقلبهـا امسـت بهـا متكاتفـه
الحظ الاسود بالألم حطم جميـع الامنيـات
تقول آه بصمتهـا تكتـم مشاعـر واجفـه
تقول آآه ويختنق في صدرها حلـم الحيـاة
همومها مـن ثقلهـا تـدك صلـب النايفـه
ومع كل هذا الحزن بسمه ماتفارقها الشفـاة
تدري يكفيـك الألـم والهـم ذا وحسايفـه
ودي اقفل صفحةالآمـي بطـي الموجعـات
يكفيك ياأعذب من سكن قلبي وكلـي اسفـه
حركت حزنك والدموع اللي بعينك راكـدات
وادري بقلبك كل هذا الحزن فينـي عارفـه
تحس فيني تشعر بهمي وجور المعضـلات
كنك تصور داخلي موقـف بعينـك شايفـه
وتشوف دمعي لو حبسته فالعيون الناعسات
لكني اشكي لك هموم القلب واحكـي خايفـه
ودي تزم اضلاع صدري كلهـا متراجفـات
كلمات لامست كل الحواااس
سلم قائلها
خيال حالمه
العرض العادي
