الله معاك
على الله يامشاوير الضياع وعثرة الأقدام
يعين الله على عوج الدروب وباقي أيامي
على الله كل ماشان الزمان وخانت الأيام
على الله كل مااشوف الطريق يضيق قدامي
على الله كل ماصدري يضيق وخاطري ينظام
وأضم بداخلي نار الخفوق وجمرها حامي
حزين ولامعي غير الجروح ولوعة الأعوام
على وجهي تقاسيم الضياع ونكبة أعوامي
حياتي كلها رحلت غموض ونقطة أستفهام
طلاسم خطها كف الزمان لعثرة أقدامي
بقالي من مسافات السنين المقفيات حطام
بقايا أمنيات وحسرتين بسلة حطامي..