۩ رواية "الا ليت القدر" للكاتبه بقايا شتات..

[قلب الزهـــور]

رواية "الا ليت القدر" للكاتبه بقايا شتات..

الجـزء الثـاني والاربعــون..
بالقـــآعه..
وبعد العشاء
: يمه راح ترجعين لبيت خالي ؟
موضي بدون نفس: أي اكيد..أجل تبيني ارجع لابوك..
اريام: يعني الى متى ؟؟ ابوي يبي يكون ضاري معاه..وانتي ما تبينه..ايش الحل؟
موضي: انا ما علي منه هو وولده..بس سالفة ان بنت محمد في نفس القصر مستحيله..انا يا الله تحملتها وهي بعيده عن وجهي ..عاد اقابلها 24 ساعه..
اريام احتارت بينهم ما تدري تقنع ابوها...ولا تقنع امها..
جات ابتهال عندها وعيونها تلمع من الدموع: راحت اختي ..
اريام لفت عليها بحنان: الله يوفقها..يعني وين بتروح بترجع لنا وتعيش معانا..
ابتهال جلست على كرسي والعبره خانقتها: فقدتها من الحين..احس اني بأبكي..
جات دانا من وراها: لا تكفين لا تبكين ترى انا بأبكي معاك..
اشواق: هي بتروح شهر عسل مو!!
دانا لفت عليها: ايوه بتروح استراليا..
ابتهال انصدمت: من قاله؟؟ من قال انها بتسافر !!
دانا استغربت : ليه ما عندك خبر؟؟
ابتهال حطت ايدها على فمها من الصدمه: يا ويلي..اختي بتنصدم..



>>>>>>>>>>>>>>>>>>>>>>>>>>>>

حس بربكتها من بعد جرأته..تحسف على كلامه..كيف ممكن يقول لها كلام مثل هذا من اول يوم لهم..وحاول يضيع السالفه..
: ما ودك تاكلي..يله سمي بالله..."ومد ايده ياخذ من الاكل ويحط بصحنه."
مدى وجهها وردي من الحياء..هذا الانسان اللي قدامها ممكن يقول أي شي في وجهها وبدون أي حساب لمشاعرها..جرئ بشكل فضيع..
ضاري بين فتره وفتره يسرق نظراته عليها ..وبداخله مبسوط..الجو كذا مريح ولا يبي شي اكثر من كذا ..مدى هاديه..وجنبه..وتاكل بكل نعومه ورقه..ومرتاحه..ملآه شعور بالراحه والسعاده..
: احم ..مدى..
مدى رفعت عينها بشويش عليه..
ضاري طالع عيونها شوي..وكأنه نسى اللي كان بيقوله ..لو ما تذكر انو لازم يضبط نفسه..
: آآآ ايوه..ترى رحلتنا بكره..استعدي..
مدى طاحت منها الشوكه على الصحن ووضحت على وجهها علامات الدهشه..
:آي رحله؟؟
ضاري حس انه صدمها بقوه وهو يطالع الشوكه: شهر عسلنا..ولا ما ودك نصير مثل الناس !!
مدى :ليش ما قلت لي من قبل ...ما اعطيتني خبر استعد..
ضاري بدا يمثل البرود عشان يختصر السالفه: اممم لو اتذكر الاسبوع هذا اللي مر ..لو بقولك أي شي ..اتوقع راح تكون ردة فعلك عنيفه..بس ايش فيها لو سافرتي..وبأيش راح تستعدي مثلا !!
مدى انقهرت منه: على الاقل استعد نفسيا..
ضاري يبي يهدي الموضوع ماله داعي بعد يوم زواجه ينكتب عليه يوم نكد مثل كل ايام عمره اللي راحت..
: اصلا هي اسبوع..وحتى لو رحتي بدون شنطه عادي..
مدى وقفت من القهر: اصلا انت دايم تفكر بنفسك..
ضاري وقف جنبها وحط ايده على ايدها اللي على الطاوله بالغلط
: مدى...خلينا نتفاهم..
مدى ايده سببت لها كهرباء بجسمها وبسرعه سحبتها وهي مرتبكه: وعلى ايش نتفاهم..
ضاري انتبه لحركتها: ما ودك نروح مو مشكله..بس مو لازم نسافر..بس قلت ان سيدني ما تتفوت..
مدى سكتت شوي وطالعته..اول مره يرضخ ويتنازل عن اللي براسه..دايما يجبرها ولا يهمه شي ..
ضاري بشوية رجاء : طيب اجلسي .."وحط عينه بعينها"
مدى ما قدرت ترده غصب عنها وجلست ..وضاري جلس بعدها..
: بدايتنا كانت صعبه..في امل تتغير !!
مدى طالعته كثير..وكأن جواب هالسؤال تعجيزي..بجد ممكن يجي يوم وتتغير مشاعرها ناحية ضاري ؟؟
كمل ضاري: يمكن لو كل واحد منا فهم الثاني راح تستمر وتنجح علاقتنا "ورفع عينه عليها يبي يشوف ردة فعلها"
مدى ما زالت حايره ومتوتره..ما تدري ايش تقول..ضاري معقول يبي يحسن العلاقه اللي بينهم ..وفجأه رن صدى جملته في بالها..
وطالعته بعين قويه: بس انت ماخذني بس عشان تكسر خشمي ..تغيرت نظرتك؟؟
ضاري ما توقع بعد الكلام اللي قاله تجيب له طاري الاشياء القديمه واللي كانت تطلع منه عفويه وبدون قصده..حطته في موقف غبي وسكت..
مدى وقفت: حاول انت تفهم نفسك اول ...بعدين تعال كلمني.."وراحت تجلس بالصاله"
ضاري حط ايده على راسه وتنهد: آه مدى ايش فيك مو قادره تفهميني..
مدى حست براحه وهي جالسه لحالها لثواني..قدرت تتنفس وترتب افكارها..بس ما امداها تكمل راحتها الا ضاري جاي وجلس جنبها بس المسافه اللي بينهم معقوله ..جلس ساكت..سرقت نظره له..كان يطالع بلا هدف..وباله بعيييد..بس لسه انتبهت لشكله ولثوبه..كان طالع جذاااب بشكل خيالي..حتى ثوبه فن في تفصيله ومخليه اكثر اناقه..مع السكسوكه الجديده واضح ان الحلاق ابدع فيها..صاير "جنتل مان "بجد..
ضاري انتبه انها تطالعه ولف عليها..
مدى بسرعه كسرت عينها ولا حبت موقفها لانها كانت متنحه فيه..وصرفت السالفه..
: متى الرحله؟؟
ضاري: يعني بنروح شهر عسل ؟؟
مدى تاكبر: مابي افتح ابواب مسكره على نفسي..واهلي واهلك ما راح يسكتون..
ضاري فرح من داخله بس ما علق..

&&&&&&&&&&&&&&&&&&&

[قلب الزهـــور]

رواية "الا ليت القدر" للكاتبه بقايا شتات..

بالقصر..
لسه وصلوا من القصر والكل ميت من التعب..
دانا: أي رجولي بتتكسر من التعب..
لانا تمشي جنبها: بجد اليوم هلكت..
ابتهال مريحه نفسها والكعب بأيدها: والله انا الحمد لله بين فتره وفتره اخذ لي راحه هههههه
سلطان وراهم: والله انكم يا البنات شغله ..يعني ايش فيها لو لبستوا شي مريح.؟؟
ابتهال: لزوم الكشخه ياخوي..
لانا طالعته محلو كثير..مع انو شماغه فوق راسه كان مضبطه بحركه عشوائيه..
سلطان رفع عينه عليها صح عليها عبايتها بس الميك اب والتسريحه تكفي بأنها تبين انها كانت وآآآآآو
: وان شا الله انتبسطوا يا بنات عمي..
دانا: هذا زواج ضاري كيف ما ننبسط..والله ما بعد صدقت انه واخيرا تزوج...
لانا : ايوه انبسطنا الحمد لله..
ابتهال تذكرت: بنام بالغرفه بدون مدى؟؟؟
دانا: تعالي عندي..
سلطان تذكر مدى: بجد مدى لها فقده من الحين.."ومسك كتف ابتهال" خذوا اختي امانه عندكم..لحد ما نفسيتها تتعدل..
دانا مسكت ايدها: يله تعالي معاي..وبعدين يا قلبي ويا حياتي ..ترى مدى ما راح تطول كلها كم يوم وراجعه.."ومشوا مع بعض"
وابتعدوا عن لانا وسلطان..اللي كانوا ساكتين وكل واحد منهم من الحياء مسوي انه يطالع ابتهال ومهتم لها..لحد ما دخلت وما بقى لهم عذر..
لانا: احم..مسكينه ابتهال..طول الزواج ماسكه نفسها لا تبكي عند مدى..وتبكيها معاها..
سلطان: ايوه هي متعلقه بمدى كثير..ما عاد لها بالدنيا غيرها..
لانا عورها قلبها على سلطان..ما قد فكرت في حياتهم اول..وكيف عاشوا ..ولا تدري حتى متى توفت امه وكيف عاش اصلآ..
سلطان مشى كم خطوه عنها: مابي اشوف هالنظره في عيونك مره ثانيه
لانا ارتبكت: أي نظره ؟؟
سلطان وهو معطيها ظهره: نظرة الشفقه او الرحمه هذي .."واعطاها نظره وراح"
لانا حطت أيد على خصرها وايد على راسها: يا الله صدق اني غبيه ..اكيد سلطان اكيد اخذ على خاطره "ومشت بخطوات سريعه لداخل وهي تلوم نفسها"

>>>>>>>>>>>>>>>>>>>>>>>>>>>>
دانا: خذي هذي...
ابتهال: لا..انا حبيت هذي اكثر..
دانا: اوك..اصلا السالفه كلها بيجامه وتنامين فيها ..ترى مو كشخه..
ابتهال: كيفي بكشخ وانا نايمه.."وجات لالي بحضنها وهي تتلصق فيها..ابتهال رفعتها بالهوا" بستك هذي شقيه ومدلعه..
دانا: تصدقين انها عندي من لما كنت بالمتوسط..جاتني هديه من اخوي..
ابتهال: ما شا الله..عمر انتي وياها " وحطتها بالارض" بس ملاحظه انها تمون على سريرك..!!
دانا:ساعات تنام جنبي..يعني متعودين على بعض..
ابتهال انسدحت: آه تتوقعين مدى وش تسوي الحين .
جات دانا وانسدحت جنبها وكلهم يطالعون السقف : اتوقع انها جنب ضاري كذا ..مثل ما انا وانتي مسوين ..
ابتهال حمرت خدودها: ههههههههههه تتوقعين !!
دانا ماتت ضحك: ايه اكيد..اجل وش بتسوي يعني ؟
ابتهال قعدت على حيلها: لالا مستحيل..مدى اختي تستحي..
دانا قامت وسدحت ابتهال بالقوه تمزح معاها: ترى اخوي مو متوحش هو حنون واكيد خقت عليه..
ابتهال اخذت البطانيه وغطت وجهها : والله انا اللي استحيت ..
دانا: ههههه الله يوفقهم..
سمعوا الباب يدق..وانفتح..
طلت مع الباب: انام معاكم ؟؟
دانا بعدت الغطا عنها وعن ابتهال منصدمه: لانا!!...ايوه اكيد تعالي..
ابتهال قربت جنب دانا اكثر وتركت لها مكان: تعالي هنا يا بعدي..
لانا بسرعه دخلت وسكرت الباب وانسدحت جنبهم..
: بنات تتوقعون ضاري..تهاوش مع مدى !!
دانا وابتهال ماتوا ضحك..
لانا: قلت شي غلط؟؟ ايش فيكم !!
دانا: صدق تفكيرك غبي..انا وابتهال رومنسيين تخيلنا ان مدى بحضن ضاري..
لانا ماتت ضحك: اتحــــداكـــــم.. مستحيل يكونون جنب بعض..
ابتهال: اوكي ناخذها تحدي..
دانا ولانا: اوكي..


>>>>>>>>>>>>>>>>>>>>>>>>>

بغرفتها..
وتفكيرها الحزين بدا يسيطر عليها..ما تدري ليش جاء في بالها اليوم زواجها وليلتها الوحيده مع سامي...
دمعت عينها غصب عنها ..راح كثير من توفى سامي..وماباقي على حدادها شي..دعت له من كل قلبها..ونامت وصورته جنبها ودمعتها على خدها..



>>>>>>>>>>>>>>>>>>>>>>>>>>>>>

هالمره هي اللي قررت تروح له وتبدأ في اول خطوه نوت عليها من لما كانت بالزواج..عشان صديقتها مستعده تسوي لها أي شي ..
دقت الباب ودخلت..حصلته يطالع جواله..واول ما انتبه لها نزله..
: مشاعل..
مشاعل: ادخل ؟؟
عبد الله: ايوه اكيد تفضلي..
مشاعل دخلت بخطوات متردده وجلست على كرسي جنب سريره وسكتت شوي تحاول ترتب الكلام اللي تبي تقوله..
عبد الله انتظرها تتكلم بس طولت: مشاعل ...فيك شي ؟
مشاعل: ايوه فيه...بس ما ادري كيف راح ابدا معاك..
عبد الله: الموضوع يخص مين ؟
مشاعل: يخص ابتهال..
عبد الله طالعها ينتظرها تكمل..
مشاعل: بقولك انو..انو ابتهال ما راح تكون من نصيبك..لانها رفضتك..
عبد الله انصدم: رفضتني !!!!
مشاعل: ايوه..هي ما قالت لي حرفيا..بس تعتبرك مثل اخوها ..
عبد الله حس انه ما بعد استوعب وردد بكل غباء : اخوها !!! "حرك راسه وكأنه يبي يحاول يدخلها في عقله" انا مثل اخوها ؟ ليه هي في احد ببالها "وطالع مشاعل"
مشاعل ارتبكت وبان عليها: احد في حياتها !! لا...لا ..مافي احد ...بس هذي مشاعرها ..ربي يعوضك باللي احسن منها ..ويعوضها باللي احسن منك...
عبد الله نزل راسه: طيب ممكن تتركيني لحالي..
مشاعل طلعت من غرفته..وسكرت الباب عليه ووقفت عنده لحظات " عبدالله بيبكي ؟؟"
عبد الله اول شعور وصله ان وده يصرخ لحد ما تتهدم الجدارن اللي محاصرتها..وبعدها حس ان دمعته غصب عنه راح تنزل وبسرعه رفع راسه فوق يبي يمنعها .. صعب شعور الرفض من شخص تبيه بكل مافيك ..صح ما تعلق فيها من لما كانت صغيره..وحبه لسه وليد..بس قدرت تتمكن منه ..وحبها ..وحب عفويتها وطيبتها وحركاتها ..كلها تزيد حبه بقلبه..وتخيله يتعلق فيها اكثر ..بس الحين انكسر الحلم..وضاعت الامال الصغيره..اذا كانت ابتهال ما تعتبره الا بس " آخ"

&&&&&&&&&&&&&&&&

[قلب الزهـــور]

رواية "الا ليت القدر" للكاتبه بقايا شتات..

طال السكوت بينهم..وبدا التعب على ملامح مدى..وضاري نفس الشي اللي يبي يريح بعد اسبوع قضى على كل طاقته وجهده..
ضاري طالع عيونها اللي تكابر التعب: ما ودك ترتاحي..
مدى تغير لون وجهها صامده..ما تبي اللحظه هذي ..وتتهرب منها
ضاري وقف وراح للغرفه ورجع ومعاه وساده
: روحي داخل وانا بنام هنا..
مدى وهي تشوف الوساده بأيدها ارتاحت...ووقفت ومرت من جنبه
ضاري بعد ما تعدته: تصبحين على خير..
مدى بدون ما تلف: وانت من اهله.."واسرعت خطاها ودخلت الغرفه وقفلت على نفسها الباب"
: وه..احس حيلي مهدود..الله يجزاه خير يوم انه ريحني ..وقرر ينام برا..
وبسرعه اخذت لها شور بعد التسريحه المتعبه والميك اب وبدلت ملابسها وانسدحت على السرير..
: الحين انا وضاري زوجين !! غريبه ما اصر ينام جنبي بس اريح لي..لكن الى متى ؟ يوم..يومين .."وخافت من الفكره" لالا يمكن اسبوع..مااااابيه ينام جنبي ..ما اقدر اتخيل والله ما اقدر ..يارب يكون حلم واصحى منه .."وماهي ثواني الا غفت غصب عنها"



حط الوساده على الكنب بطفش..رمى نفسه عليها رمي ..وفجأه انتبه ان عليه ثوب..
: اووووووووف.. يا الله كيف نسيت ابدل ملابسي " وقعد على حيله بتعب" الحين ايش راح اقول لها ؟؟
فكر ثواني وبسرعه اتجه ناحية الغرفه ووقف قبال الباب..
: ادق الباب ولا ؟؟ بسرعه يا ضاري فكر ..ادقه ولا ؟؟
قرب اذنه من الباب يبي يسمع أي شي ..بس كانت الغرفه هاديه ومافيها حركه..
دق الباب بخفيف..ومحد رد عليه..دق بأقوي شوي..وانتظر احد يرد..بس لا حياة لمن تنادي..رجع ودقه بأقوى..
مدى فزت من نومتها مخترعه..وكأنه كان يتهئ لها انها سمعت صوت الباب ..قعدت شوي تنتظر يرجع يدق بس شكلها كانت تتخيل..القلق ملا قلبها..يكون ضاري !!
قامت من على السرير..
: بتأكد اذا نام ولا ؟؟ بس اذا ما كان نايم وشافني وش بقول له ..."ووصلت عند الباب وهي ما زالت تفكر" اممم بقوله اني ...اني كنت ابي ..ابي ايش؟؟؟اشرب مويه مثلا ..
وفتحت الباب بشويش...وانصدمت ..
ضاري كان ساند نفسه على الجدار اللي جنب الباب بالضبط ومغمض عيونه...ومن سمع صوت القفل والباب فتح عيونه بشويش..
مدى مطيره عيونها فيه..وضاري ارتبك..
: كنت ابي ...احم..ابدل ملابسي "وطالع لبسها"
لابسه قميص نوم..لونه لحمي شبه شفاف ولنص الساق..وشعرها مموج صح مو مرتب من بعد النوم بس طالعه حلوه..طبيعيه جدا ..
مدى شافت نظراته متجهه لسيقانها ماتت حيا وتمنت الارض تنشق وتبلعها..ورجعت كم خطوه ورى..
: تفضل ..."ولفت عنه"
دخل ضاري وفتح الدولاب وطله بيجامة لونها ازرق غامق..ورمها على السرير..
مدى تلهي نفسها ووقفت قدام التسريحه وترتب الاغراض اللي عليها وعيونها على المرايه الي تعكس صورة ضاري..
ضاري طبعا ما عنده وقت فسخ الثوب وحطه على السرير وبدا يفسخ ملابسه الداخله..وطلع صدره..
مدى طيرت عيونها ووجها قلب لونه احمررررررر ..جسمه عريض ومجنون بجد بس استحت وهي تشوفه عاري ..
لبس البيجامه..واخذ ملابسه القديمه ..وقرب من التسريحه اللي واقفه عندها مدى..
مدى خافت ودق قلبها..ما تدري ليش قرب منها..
ضاري قرب منها ووقف جنبها وطالعها بطرف عينه واااضح انها متوتره وتنتظره يطلع..لانها صارت تضرب علبة الكريم بالطاوله بطريقه متوتره..
رمى ملابسه في سلة الغسيل ..ولف عليها .. وبكل خبث..
: ممكن تسكرينه لي...والله مافيني حيل..
مدى اللي كانت ايدها تتحرك لا شعوريا وقفت..وبلعت ريقها ..واختفى الدم من وجهها ..وحست ان الدنيا تدور فيها..
ضاري قرب منها اكثر ..وهو ما يدري ايش قاعد يسوي..ولا حاس بنفسه..
مدى ما قدرت تلف عليه..رجولها ما تساعدها ..ولا حتى نبضات قلبها..ولا الرجفه اللي سرت بجسمها..
ضاري طل في وجهها : ممكن ولا انام بدون ما تتسكر !!
مدى رجعت عن وجهه كم خطوه تبي تتنفس لا تموت..ومحتاره..ما تدري وش تسوي ..لفت عليه بشويش..قميص البيجامه مفتوح..وجسمه طالع..وجو الفندق بارد شوي ...وطلب منها بس تسكره ..طالعت عيونه شافتها تترقبها بتعب..
مدت ايدها من بعيد ومسكت اول طرف على اليمين..والثاني من اليسار..وقربتهم لبعض وهي تحاول قد ما تقدر تقوي نفسها وتشد ايدها لانها خدرت ..وبنفس الوقت ما تبي تلمس جسمه..
حاولت مره ولاقدرت لان رجفتها مانعتها تركز..
وغير ان عيون ضاري مسلطه عليها ..تحسفت مية مره انها واقفت تسوي الحركه هذي..
وبدون مقدمات..حست ايدين ضاري مسكت ايديها الثنتين واصابعه على اصابعها وسكر الازارير بنفسه بس ايدين مدى بين ايديه..
مدى ما راح تلاقوها ..مااااااااااتت من الحيا ..لحد ما وصل اخر زرار وعيونها بالارض..
ضاري بصوت هادي مثل هدوء الليل وسكونه: اقدر اقولك شكرا ..
مدى كل همها تفك ايدها من ايده..حاولت تسحبها بهدوء وصوتها طلع بصعوبه: عفوا..
ضاري حس انها تبي تسحب ايدها وتنتهي اللحظه تركها بس فجأه سحبها من كتفها له ..وحاوطها بذراعه وضمها برقه..
مدى ما استوعبت نفسها الا انها بصدر ضاري..وريحة عطره الرجالي المميزه..اللي كانت اول شي جذبتها في اول يوم شافته بالمكتب.. وبنفس السرعه اللي ضمها فيه تركها وطلع من الغرفه..
مدى بصعوبه قدرت تحافظ على توازنها ..وتستوعب كل اللي صار قبل شوي ..معقول كل هذا صار بينها وبين ضاري !!
حست قلبها بيطلع من مكانه..حطت ايدها عليه تبيه يهدا ..وبالايد الثانيه رجعت شعرها لورى تاخذ نفس ..وانتبهت للباب ..وبسرعه راحت تقفله مرتين ..تبي تتاكد انه مستحيل يقدر يدخل او يرجع لها من جديد..
وقعدت على السرير..تحاول تجمع نفسها..
ضاري في الصاله واقف..
: هذا اللي يقول بيضبط نفسه...ايش فيني ما قدرت ...خلتني اضطرب غصب عني..ما قدرت امنع نفسي..
ورمى نفسه على الكنب: ايش بتقول عني الحين..هذا وانا ناوي اخليها على راحتها "ومدد نفسه على الكنب وحط الوساده على وجهه" دايم متهور ..داااااايما ..

&&&&&&&&&&&&&&&&&&&

[قلب الزهـــور]

رواية "الا ليت القدر" للكاتبه بقايا شتات..

صباح يوم جديد..
فتحت عيونها ... وشافت عيون خضراء قدامها تطالعها..وصرخت بصوت عاااااالي..
دانا طاحت على الارض من قوة الصرخه: آآآآآآآخ
لانا فزت من نومتها ووقفت وصرخت: ايش فيييييييييييك؟؟
ابتهال حطت ايدها على قلبها وهي مغمضه عيونها: سوري بنات..بس لالي خرعتني..
لانا وووولعت واخذت لالي ورمتها برى الغرفه: انا كم مره قلت هالقرف لا تدخل الغرفه..
دانا : لانا وش دخل دلوعتي.."واستوعبت الحركه وماتت ضحك" بس قسم انك هبله يا ابتهال كل هذا عشان بستي الحلوه يا الخوافه..
ابتهال ضحكت معاها: ههههههههه بس والله خرعتني..
لانا: طاح قلبي..الله يرج العدو..
دانا قامت من على الارض: بنات خلونا اليوم نسوي شي غير..
ابتهال: مثل ايش؟؟
دانا: خلينا نطلع..وربي البيت من دون امي ومدى مايسوى نبي نغير جو.
لانا: فكره حلوه..وين نروح؟
دانا: نطلع للمزرعه يوم واحد ونرجع..
ابتهال: ايوه المزرعه بصراحه ما تتفوت بالجو هذا..
لانا: ا ن شا الله يكون دادي فاضي ويوافق..واحس انو من بعد مدى الكل كره المزرعه ..
ابتهال: الله لا يعيد ذاك اليوم...وقسم اكرهه..
دانا: خلو كل شي على اريام...هي تتصرف..
لانا: اوك يله..

&&&&&&&&&&&&&&&&&

[قلب الزهـــور]

رواية "الا ليت القدر" للكاتبه بقايا شتات..

صحت من نومتها بدري واخذت لها شور وضبطت نفسها ولبست وخلصت ..
فتحت باب الغرفه وطلعت له بالصاله...حصلته نايم ..شكله كان يضحك..على حجمه هذا الكنب ما يناسبه واضح انه متعذب بنومته..
طاالعت ساعة ايدها..ما تدري هو بدري ولا لسه على رحلتهم ..ومتردد تصحيه..
قربت لعنده وطلت بوجهه..حصلته نايم بعمق وترددت اكثر تصحيه..اتجهت للثلاجه تاخذ لها مويه ولا عصير..
مع صوت الازعاج من مدى صحى ضاري وطالعها..
لابسه بنطلون اسود ..وبلوزه سوداء رسميه شوي ..وشعرها الاسود الطويل مسويته " ويفي ناعم"
قعد على حيله وهو بداخل مبتسم..احلى شي يصحى ويحصل مدى قباله..حمد ربه انه استعجل بالزواج..لان هالوجه البرئ مين ما يتمنى يصبح عليه..ويطالعه بكل وقت..
مدى سكرت الثلاجه بقوه برجلها ..وفتحت العصير ..وشربته وهي تلف وشافته صاحي ويراقبها ..وشرقت..
: كح كح .."وعلى طول جاء ببالها امس وحاولت ما تطالع عيونه" صحيت !!!
ضاري خاف عليها: صحه ..اشربي بشويش ..كم الساعه؟؟
مدى طالعت ساعتها : الساعه 10 الحين..
ضاري قام بسرعه: جد !! ..رحلتنا 12 ما يمدينا نودع اهلي ونجلس معاهم شوي..
مدى سكتت وهي تشوفه بسرعه دخل الغرفه ..وما اخذ له ربع ساعه الا طالع لها بجينز وقميص اسود مع الساعه طالع وااااو..ما كانت اول تدقق بلبسه كثير..ولا تنتبه له من اصل ..بس الحين صاير بوجهها وحست انها صارت تهتم تشوف ايش قاعد يسوي وكيف طريقة حياته....
وقف قدام المرايه اللي بالصاله يطالع نفسه للمره الاخيره..
: خذي شنطه صغيره ..يعني اهم الاشياء بس.. وكم لبس احتياط ..وراح اخذ لك كل شي من هناك..
مدى سكتت ولا علقت وطلعت معاه بسيارته للقصر..
وهم بالطريق..مدى تدور فكره في راسها وتبي تتأكد منها..
: ما راح تودع امك..!!
ضاري صدمه السؤال المفاجئ: ايش...؟؟
مدى: امك..ما راح تودعها..المشكله بين امك وابوك انت مالك علاقه فيها..
ضاري: انتي تبين تودعينها..؟
مدى بداخلها اكيد ماتبي...شافت من موضي اللي يكفيها..
: اكيد بودعها معاك..
ضاري: ما عليك مني..في فرض قلت لك انزلي لحالك وودعيها راح تنزلين؟؟
مدى ارتبكت: الحين ليش قلبت علي السؤال ..انت ولدها..وانا معاك..
ضاري: حتى انتي تتهربي من الاجابه....وشعوري نفس شعورك "ووقف السياره داخل القصر ولف عليها" عذري نفس عذرك..يله انزلي..
مدى قعدت شوي بالسياره تفكر" كيف عذره نفس عذري !! انا متأكده انه مجنون ولا مخرف..الحمد لله والشكر بس"
وصحاها ضربة ضاري على شبكاها ويأشر لها تنزل..رجعت ملامحه للجمود فجأه..فتحت بابها وهي تفكر فيه ..يتغير مزاجه بسرعه..ما يثبت على شي..
نزلت ومشت وراه: انت روح داخل وانا بروح للملحق..
ضاري وقف: يا اجي معاك يا تجين معاي..
مدى تركته ومشت: انت روح داخل..
ضاري بدت اعصابه تفلت من حركات مدى من على الصباح وتنهد بقوه: اعوذ بالله منك يا ابليس..."وراح داخل القصر "
دخلت مدى الغرفه..حصلت جانيت صاحيه سلمت عليها ..
: اهلين وسهلين بالعروس ..كتير اشتقت لك..
مدى: وانا كمان..وين ابتهال..؟
جانيت : من ليلة امبارح وهي عند دانا..
مدى : بعد قلبي هي..اكيد ما تحملت تجلس لحالها..والله امس كله افكر فيها..طب وين الدوب؟
جانيت : سلطان ..لساتوه نايم..
مدى سكتت شوي..كيف تترك سلطان وجانيت مع بعض !!
: اوك راح اصحيه..
دخلت عليه ونغزت بطنه: يادوب..يادبدوب..
سلطان: ابتهال تكفين مالي خلقك..
مدى: هههههههه قوم انا العروس..
سلطان فتح عيونه: مدى ...متى جيتي !!
مدى: قبل شوي.. يله اصحى وتعال داخل ..
سلطان: اوك ثواني واجيكم ..
وراحت للصغار..
: بدر ..وداد.. يا حلوين ..ما اشتقتوا لي..
وداد بصعوبه تفتح عيونها : مدى !! "وبسرعه صحت" ليه امس ما نمتي عندنا..
مدى راحت وضمتها بشوق: عشاني تزوجت..
وداد: ومتى بترجعين ؟
مدى باستها: احسبي خمس ايام وراجعه لك..
صحى بدر: مدى...وين بتروحين ؟
مدى: انا بروح مع ضاري كم يوم وارجع...تعال سلم علي يا البطل ..
سلم عليها والدموع في عيونه: خذينا معاك..
مدى ضاق صدرها عليهم..كيف بتقدر تترك اخوانها وتخليهم وهم مالهم بعد الله الا هي..
جاء سلطان من وراها: وانا مين يجلس معاي اذا رحتوا معاها..
بدر: انت عندك ابتهال..
سلطان شاله على ظهره: انا ما تكفيني ابتهال..ولا تبوني اروح مثل اول ولا ارجع لكم..
بدر حط راسه على ظهر سلطان: لالا لا تروح عنا..
سلطان: اجل خلاص خليكم عندي..
جانيت مسكت أيد وداد: وانا بدي كون معاكم ماتخافوا..
وداد بدون نفس: اصلا احنا ما نبيك..
مدى وهي فيها الضحكه: عيب وداد هذي خالتو..
جانيت طاح وجهها وحاولت تبتسم:يأ البي على هالصغار شو حلوين ..
سلطان وده يفقع ضحك على فشيلتها بس مسك نفسه..
ودخلوا القصر..
شافت عمها وراحت تسلم عليه وباست راسه..
: ربي يسعدك ويوفقك يا مدى..
مدى: الله يخليك يا عمي..
جلس سلطان جنب ضاري : صباحيه مباركه يا عريس...
ضاري حط ايده على فخذ سلطان: الله يبارك فيك وعقبالك..
سلطان: الله يسمع منك..
ضاري : مستعجل !! ترى نخطب لك..
سلطان ضحك: لالالا امزح لسه خلني اعيش واستمتع بالعزوبيه..
نزلت اريام وانصدمت من وجود مدى..
: مدى جيتي !! ليه ما قلتوا لي "وراحت تسلم عليها وتحضنها"..وصباحيه مباركه يا احلى عروس..
مدى مستحيه: الله يبارك فيك..
اريام جلست جنبها: والله اشتقت لك..وابتهال امس بس تبكي عليك..
مدى: والله حتى انا اشتقت لك وربي..
سلطان وهو رافع صوته: والله شكل يا ولد عمي محد اشتاق لك ...
ضاري: افا يا اريام..نسيتي اخوك..ما اشتقتي لي..
اريام استحت: هههههه والله اسفه يا اخوي..لهيت مع مدى .."وقامت تسلم عليه"...صباحيه مباركه يا معرسنا ..
ضاري: وش بعده..
اريام: هههه عاد انت لا تدقق كثير..
ونزلوا الثلاثي مع بعض..
ابتهال: بنات كأني اسمع صوت مدى !!
دانا: يمكن انهم وصلوا..
وبسرعه نزلوا..
ابتهال ما صدقت عيونها وهي تشوف مدى قدامها .: مدووووو"ودمعت عينها وبسرعه راحت لها وضمتها " والله اشتقت لك ..
مدى ضمتها بقوه ودمعت عينها ما قدرت تبعد عن اهلها يوم واحد : وانا بعد..
ابتهال طالعت وجهها: والله احلى عروس...بس هالضاري بياخذك منا ..
همست لها مدى/ ما يقدر يبعدني عنكم..
ابتهال رجعت ضمتها من جديد وتحاول تبعد العبره: واضح عليه..والله شكلك انتي اللي بتسحبين علينا..
دانا وراها:خلينا نسلم عليها خلصي علينا."وبعدت ابتهال"
وسلمت دانا ولانا..
سلطان وفيه الضحكه: يا بنات لا تنسون العريس..ترى تفشل لحد ما قال بس..
البنات تذكروا..
دانا: هههه والله بغيت انسى..
ضاري: هالمدى اخذت عقولكم..
اريام: بس عقلك انت اول..
ضاري طالع اريام وابتسم..
مدى ماتت حيا ..وجلسوا مع بعض..
ابتهال قربت من مدى : مدى بقولك شي بس لا تعصبين..
مدى : قولي ما راح اعصب..
ابتهال تطالع لانا وادنا وهم يشجعونها ورجعت لها: امس انا والحلوات مسوين تحدي..ونبي نعرف من بيفوز..
مدى: ايه ..وانا وش دخلني..
ابتهال: مو التحدي عليك يا قلبي...
مدى: وما لقيتوا بهالدنيا الا انا تلعبون فيني ..
ابتهال: عاد انتي اختي الكبيره والجميله وزياده على كذا العروسه..
مدى طالعتهم بشك: ايه وعلى ايش تحديتوا بعض !!
ابتهال: احم..بنات ماودكم تفزعون معاي..
دانا: انا والله يا مدى استحي ولا كان قلت لك وفزعت معاك يا ابتهال..
مدى زاد شكها: اخلصي وش عندك ابتهالوه..
ابتهال: احم..امس واحنا كنا بنام خلاص وفينا النوم فكرنا فيك..قلنا يا مدى يا ترى وش تسوين الحين وبالوقت هذا..وكل وحده توقعت شي ..عاد انتي الساعه 2 بالضبط ماذا حدث معاكي..
مدى رفعت حاجب: ايوه..ومالكم شغله الا انا ؟؟؟ وايش توقعتوا ؟
ابتهال ابتسمت ابتسامه عريضه: بقول بدون اسماء..وحده قالت بحضن ضاري.. ووحده قالت نايمه جنبه ووحده قالت لا بعيدين عن بعض..فا انتي كنتي بأي وضعيه..!!
مدى عصبت: يا ....يا قليلة الادب انتي وياها..هين اوريكم ..خليني اتفرغ لكم بس..
ابتهال لصقت في دانا: هههههههه ما قلنا شي غلط..
لانا: ترى انا بريئه..ما قلت شي غلط..يعني انا الخيار الثالث..
مدى: ادري اختي هي الوحيده اللي ما تستحي بس اوريك يا الشينه..
دانا: هههههههههه مدى وجهك احمر.. شكله صح علي ..
اريام تسمع كلامهم من بعيد: هههههههه كان قلتوا لي اتحدى معاكم ..
مدى لفت عليها: بعد انتي ؟؟
اريام: ههههه امزح معاك..
وقف ضاري: يله يا ابوي الحين راح نمشي..
مدى عورها قلبها..وابتهال اختفت ضحكتها..
حمد: تروحون وترجعون بالسلامه ..وما يحتاج اوصي كل واحد على الثاني..انتي بنتي يا مدى وهو ولدي..
ضاري باس راس ابوه : الله يسلمك يبه..توصي على شي..
حمد: سلامتك يا ابوي..
ضاري سلم على سلطان والبنات بسرعه: انتظرك يا مدى برى..
مدى راحت باست راس عمها : مع السلامه يا عمي..
حمد: تروحين وترجعين بالسلامه وطمنونا عليكم ..
مدى: ا ن شا الله..."وراحت لسلطان وضمته" سلطون انتبه لنفسك ولابتهال وللصغار تراهم امانه هنا " وضربت على رقبته "
سلطان: هم بعيوني..انتبهي على نفسك..
راحت لعند اريام وضمتها: بشتاق لك..واقولك انتبهي لاخوي سلطان...وجانيت لا تكون معاه بنفس الغرفه..
اريام: ابشري.. تروحين وترجعين بالسلامه..ولا تقلقين على شي ..
مدى باستها: انتي اختي اللي ما جابتها امي..
اريام ابتسمت لها...وراحت لعند دانا : حطي بالك على ابتهال والدراسه انتبهوا لها "وضمت لانا" وانتي يا لانا..ترى كل اللي صار بينا اول نسيته وعجبني تغيرك الجديد..

[قلب الزهـــور]

رواية "الا ليت القدر" للكاتبه بقايا شتات..

صحت من نومتها بدري واخذت لها شور وضبطت نفسها ولبست وخلصت ..
فتحت باب الغرفه وطلعت له بالصاله...حصلته نايم ..شكله كان يضحك..على حجمه هذا الكنب ما يناسبه واضح انه متعذب بنومته..
طاالعت ساعة ايدها..ما تدري هو بدري ولا لسه على رحلتهم ..ومتردد تصحيه..
قربت لعنده وطلت بوجهه..حصلته نايم بعمق وترددت اكثر تصحيه..اتجهت للثلاجه تاخذ لها مويه ولا عصير..
مع صوت الازعاج من مدى صحى ضاري وطالعها..
لابسه بنطلون اسود ..وبلوزه سوداء رسميه شوي ..وشعرها الاسود الطويل مسويته " ويفي ناعم"
قعد على حيله وهو بداخل مبتسم..احلى شي يصحى ويحصل مدى قباله..حمد ربه انه استعجل بالزواج..لان هالوجه البرئ مين ما يتمنى يصبح عليه..ويطالعه بكل وقت..
مدى سكرت الثلاجه بقوه برجلها ..وفتحت العصير ..وشربته وهي تلف وشافته صاحي ويراقبها ..وشرقت..
: كح كح .."وعلى طول جاء ببالها امس وحاولت ما تطالع عيونه" صحيت !!!
ضاري خاف عليها: صحه ..اشربي بشويش ..كم الساعه؟؟
مدى طالعت ساعتها : الساعه 10 الحين..
ضاري قام بسرعه: جد !! ..رحلتنا 12 ما يمدينا نودع اهلي ونجلس معاهم شوي..
مدى سكتت وهي تشوفه بسرعه دخل الغرفه ..وما اخذ له ربع ساعه الا طالع لها بجينز وقميص اسود مع الساعه طالع وااااو..ما كانت اول تدقق بلبسه كثير..ولا تنتبه له من اصل ..بس الحين صاير بوجهها وحست انها صارت تهتم تشوف ايش قاعد يسوي وكيف طريقة حياته....
وقف قدام المرايه اللي بالصاله يطالع نفسه للمره الاخيره..
: خذي شنطه صغيره ..يعني اهم الاشياء بس.. وكم لبس احتياط ..وراح اخذ لك كل شي من هناك..
مدى سكتت ولا علقت وطلعت معاه بسيارته للقصر..
وهم بالطريق..مدى تدور فكره في راسها وتبي تتأكد منها..
: ما راح تودع امك..!!
ضاري صدمه السؤال المفاجئ: ايش...؟؟
مدى: امك..ما راح تودعها..المشكله بين امك وابوك انت مالك علاقه فيها..
ضاري: انتي تبين تودعينها..؟
مدى بداخلها اكيد ماتبي...شافت من موضي اللي يكفيها..
: اكيد بودعها معاك..
ضاري: ما عليك مني..في فرض قلت لك انزلي لحالك وودعيها راح تنزلين؟؟
مدى ارتبكت: الحين ليش قلبت علي السؤال ..انت ولدها..وانا معاك..
ضاري: حتى انتي تتهربي من الاجابه....وشعوري نفس شعورك "ووقف السياره داخل القصر ولف عليها" عذري نفس عذرك..يله انزلي..
مدى قعدت شوي بالسياره تفكر" كيف عذره نفس عذري !! انا متأكده انه مجنون ولا مخرف..الحمد لله والشكر بس"
وصحاها ضربة ضاري على شبكاها ويأشر لها تنزل..رجعت ملامحه للجمود فجأه..فتحت بابها وهي تفكر فيه ..يتغير مزاجه بسرعه..ما يثبت على شي..
نزلت ومشت وراه: انت روح داخل وانا بروح للملحق..
ضاري وقف: يا اجي معاك يا تجين معاي..
مدى تركته ومشت: انت روح داخل..
ضاري بدت اعصابه تفلت من حركات مدى من على الصباح وتنهد بقوه: اعوذ بالله منك يا ابليس..."وراح داخل القصر "
دخلت مدى الغرفه..حصلت جانيت صاحيه سلمت عليها ..
: اهلين وسهلين بالعروس ..كتير اشتقت لك..
مدى: وانا كمان..وين ابتهال..؟
جانيت : من ليلة امبارح وهي عند دانا..
مدى : بعد قلبي هي..اكيد ما تحملت تجلس لحالها..والله امس كله افكر فيها..طب وين الدوب؟
جانيت : سلطان ..لساتوه نايم..
مدى سكتت شوي..كيف تترك سلطان وجانيت مع بعض !!
: اوك راح اصحيه..
دخلت عليه ونغزت بطنه: يادوب..يادبدوب..
سلطان: ابتهال تكفين مالي خلقك..
مدى: هههههههه قوم انا العروس..
سلطان فتح عيونه: مدى ...متى جيتي !!
مدى: قبل شوي.. يله اصحى وتعال داخل ..
سلطان: اوك ثواني واجيكم ..
وراحت للصغار..
: بدر ..وداد.. يا حلوين ..ما اشتقتوا لي..
وداد بصعوبه تفتح عيونها : مدى !! "وبسرعه صحت" ليه امس ما نمتي عندنا..
مدى راحت وضمتها بشوق: عشاني تزوجت..
وداد: ومتى بترجعين ؟
مدى باستها: احسبي خمس ايام وراجعه لك..
صحى بدر: مدى...وين بتروحين ؟
مدى: انا بروح مع ضاري كم يوم وارجع...تعال سلم علي يا البطل ..
سلم عليها والدموع في عيونه: خذينا معاك..
مدى ضاق صدرها عليهم..كيف بتقدر تترك اخوانها وتخليهم وهم مالهم بعد الله الا هي..
جاء سلطان من وراها: وانا مين يجلس معاي اذا رحتوا معاها..
بدر: انت عندك ابتهال..
سلطان شاله على ظهره: انا ما تكفيني ابتهال..ولا تبوني اروح مثل اول ولا ارجع لكم..
بدر حط راسه على ظهر سلطان: لالا لا تروح عنا..
سلطان: اجل خلاص خليكم عندي..
جانيت مسكت أيد وداد: وانا بدي كون معاكم ماتخافوا..
وداد بدون نفس: اصلا احنا ما نبيك..
مدى وهي فيها الضحكه: عيب وداد هذي خالتو..
جانيت طاح وجهها وحاولت تبتسم:يأ البي على هالصغار شو حلوين ..
سلطان وده يفقع ضحك على فشيلتها بس مسك نفسه..
ودخلوا القصر..
شافت عمها وراحت تسلم عليه وباست راسه..
: ربي يسعدك ويوفقك يا مدى..
مدى: الله يخليك يا عمي..
جلس سلطان جنب ضاري : صباحيه مباركه يا عريس...
ضاري حط ايده على فخذ سلطان: الله يبارك فيك وعقبالك..
سلطان: الله يسمع منك..
ضاري : مستعجل !! ترى نخطب لك..
سلطان ضحك: لالالا امزح لسه خلني اعيش واستمتع بالعزوبيه..
نزلت اريام وانصدمت من وجود مدى..
: مدى جيتي !! ليه ما قلتوا لي "وراحت تسلم عليها وتحضنها"..وصباحيه مباركه يا احلى عروس..
مدى مستحيه: الله يبارك فيك..
اريام جلست جنبها: والله اشتقت لك..وابتهال امس بس تبكي عليك..
مدى: والله حتى انا اشتقت لك وربي..
سلطان وهو رافع صوته: والله شكل يا ولد عمي محد اشتاق لك ...
ضاري: افا يا اريام..نسيتي اخوك..ما اشتقتي لي..
اريام استحت: هههههه والله اسفه يا اخوي..لهيت مع مدى .."وقامت تسلم عليه"...صباحيه مباركه يا معرسنا ..
ضاري: وش بعده..
اريام: هههه عاد انت لا تدقق كثير..
ونزلوا الثلاثي مع بعض..
ابتهال: بنات كأني اسمع صوت مدى !!
دانا: يمكن انهم وصلوا..
وبسرعه نزلوا..
ابتهال ما صدقت عيونها وهي تشوف مدى قدامها .: مدووووو"ودمعت عينها وبسرعه راحت لها وضمتها " والله اشتقت لك ..
مدى ضمتها بقوه ودمعت عينها ما قدرت تبعد عن اهلها يوم واحد : وانا بعد..
ابتهال طالعت وجهها: والله احلى عروس...بس هالضاري بياخذك منا ..
همست لها مدى/ ما يقدر يبعدني عنكم..
ابتهال رجعت ضمتها من جديد وتحاول تبعد العبره: واضح عليه..والله شكلك انتي اللي بتسحبين علينا..
دانا وراها:خلينا نسلم عليها خلصي علينا."وبعدت ابتهال"
وسلمت دانا ولانا..
سلطان وفيه الضحكه: يا بنات لا تنسون العريس..ترى تفشل لحد ما قال بس..
البنات تذكروا..
دانا: هههه والله بغيت انسى..
ضاري: هالمدى اخذت عقولكم..
اريام: بس عقلك انت اول..
ضاري طالع اريام وابتسم..
مدى ماتت حيا ..وجلسوا مع بعض..
ابتهال قربت من مدى : مدى بقولك شي بس لا تعصبين..
مدى : قولي ما راح اعصب..
ابتهال تطالع لانا وادنا وهم يشجعونها ورجعت لها: امس انا والحلوات مسوين تحدي..ونبي نعرف من بيفوز..
مدى: ايه ..وانا وش دخلني..
ابتهال: مو التحدي عليك يا قلبي...
مدى: وما لقيتوا بهالدنيا الا انا تلعبون فيني ..
ابتهال: عاد انتي اختي الكبيره والجميله وزياده على كذا العروسه..
مدى طالعتهم بشك: ايه وعلى ايش تحديتوا بعض !!
ابتهال: احم..بنات ماودكم تفزعون معاي..
دانا: انا والله يا مدى استحي ولا كان قلت لك وفزعت معاك يا ابتهال..
مدى زاد شكها: اخلصي وش عندك ابتهالوه..
ابتهال: احم..امس واحنا كنا بنام خلاص وفينا النوم فكرنا فيك..قلنا يا مدى يا ترى وش تسوين الحين وبالوقت هذا..وكل وحده توقعت شي ..عاد انتي الساعه 2 بالضبط ماذا حدث معاكي..
مدى رفعت حاجب: ايوه..ومالكم شغله الا انا ؟؟؟ وايش توقعتوا ؟
ابتهال ابتسمت ابتسامه عريضه: بقول بدون اسماء..وحده قالت بحضن ضاري.. ووحده قالت نايمه جنبه ووحده قالت لا بعيدين عن بعض..فا انتي كنتي بأي وضعيه..!!
مدى عصبت: يا ....يا قليلة الادب انتي وياها..هين اوريكم ..خليني اتفرغ لكم بس..
ابتهال لصقت في دانا: هههههههه ما قلنا شي غلط..
لانا: ترى انا بريئه..ما قلت شي غلط..يعني انا الخيار الثالث..
مدى: ادري اختي هي الوحيده اللي ما تستحي بس اوريك يا الشينه..
دانا: هههههههههه مدى وجهك احمر.. شكله صح علي ..
اريام تسمع كلامهم من بعيد: هههههههه كان قلتوا لي اتحدى معاكم ..
مدى لفت عليها: بعد انتي ؟؟
اريام: ههههه امزح معاك..
وقف ضاري: يله يا ابوي الحين راح نمشي..
مدى عورها قلبها..وابتهال اختفت ضحكتها..
حمد: تروحون وترجعون بالسلامه ..وما يحتاج اوصي كل واحد على الثاني..انتي بنتي يا مدى وهو ولدي..
ضاري باس راس ابوه : الله يسلمك يبه..توصي على شي..
حمد: سلامتك يا ابوي..
ضاري سلم على سلطان والبنات بسرعه: انتظرك يا مدى برى..
مدى راحت باست راس عمها : مع السلامه يا عمي..
حمد: تروحين وترجعين بالسلامه وطمنونا عليكم ..
مدى: ا ن شا الله..."وراحت لسلطان وضمته" سلطون انتبه لنفسك ولابتهال وللصغار تراهم امانه هنا " وضربت على رقبته "
سلطان: هم بعيوني..انتبهي على نفسك..
راحت لعند اريام وضمتها: بشتاق لك..واقولك انتبهي لاخوي سلطان...وجانيت لا تكون معاه بنفس الغرفه..
اريام: ابشري.. تروحين وترجعين بالسلامه..ولا تقلقين على شي ..
مدى باستها: انتي اختي اللي ما جابتها امي..
اريام ابتسمت لها...وراحت لعند دانا : حطي بالك على ابتهال والدراسه انتبهوا لها "وضمت لانا" وانتي يا لانا..ترى كل اللي صار بينا اول نسيته وعجبني تغيرك الجديد..

[قلب الزهـــور]

رواية "الا ليت القدر" للكاتبه بقايا شتات..

لانا استحت لان الكل لاحظ عليها التغير..ودموعها هي ودانا بدت تنزل..
سلمت على جانيت : الصغار بعيونك ما يحتاج اوصيك..
جانيت/ اكيد يا ألبي ..ماتخافي..وتروحي وترجعي سالمه يارب..
ولفت على ابتهال اللي دموعها تنزل بدون مقدمات ..
: بتو لا تبكيني ..ترى ما اروح..
ابتهال تمسح دموعها بطريقه طفوليه: لا خلاص ما راح ابكي ."وضمت مدى بقوووه" ارجعي لنا بالسلامه..
مدى: ا ن شا الله .. انتبهي لنفسك ولاخوانك اوكي..
ابتهال تأشر على عيونها ما قدرت تتكلم .
مدى حطت ايدها على خدها بحنان وتمسح دموعها: لا تبكين فاهمه..
ابتهال هزت راسها ..
مدى باست خدها: بأشتاق لكم ..
ابتهال ما قدرت تكتم اكثر شهقتها ..وعلى طول لفت على دانا وضمتها تخفي وجهها على مدى..
مدى حاولت تبتسم وتمسح دموعها ..واخذت نفس عميق ...وجلست على الارض لمستوى بدر ووداد: وانتوا يا فرح دنياي ما ر اح اطول عليكم بس بشرط تكونوا احلى صغار ومؤدبين..
وحضنتهم الاثنين وبوستهم ...ووقفت بسرعه ومشت عنهم..
: مع السلامه جميعا...
وبسرعة البرق اختفت عن عيونهم وتاركه وراها اصوات بكي الصغار وابتهال ..والكل يحاول يهديها..

>>>>>>>>>>>>>>>>>>>>>>>>>>

ركبت السياره وهي متغطيه وساكته..طلع ضاري سيارته من القصر..
وعيونه عليه...وفجأه وهم بالطريق مدى ما قدرت تتحمل اكثر وانفجرت بكي ..
ضاري خاف عليها: مدى ايش فيك ؟؟
مدى ما قدرت ترد عليه..
ضاري وقف سيارته على جنب: ايش فيك خرعتيني عليك !!
مدى حاولت تاخذ نفس عشان تتكلم : ما قد تركت اهلي يوم..ما اتحمل ابعد عن ابتهال والصغار...وحتى سلطان في غيابه وعشان رجعته سويت المستحيل..
ضاري فهم قصدها بالمستحيل..يعني تزوجتك عشان يرجع ..جات الكلمه مثل السهم على قلبه..
: كلها كم يوم وراجعه ...ما راح نطول..
وحرك السياره من جديد..وهو يفكر بمدى..معقول كل شي صار بينهم قبل ما راح يغيب عن بالها..بكذا ما راح يقدرون يتقدمون خطوه جديده لقدام..

&&&&&&&&&&&&&&&&&&&&&&&&&


في بيت العمه..
: سافروا..ربي يوفقهم ويسعدهم ان شا الله ..اريام سلمي لي على ابوك وعيال محمد ..واذا تبون تغيرون جو جيبيهم عندي...يله يا قلبي مع السلامه..
سيف: اجل سافر ضاري..
لطيفه: ايه ..الله يوفقه مع مدى..يستاهلون بعض..انا ما راح أأمن على مدى كثر ما امنت على ضاري..ونفس الشي ما راح الاقي لضاري وحده بعقل وثقل ودين مدى لولد اخوي..
ريماس طالعت امها بحقد: فيه اللي احسن منها..بس عيونكم ما صارت تشوف غيرها..
رهام: لا والله مدى مافي ا حسن منها..انا عن نفسي ما بعد شفت..
لطيفه: كفايه انها بنت نوره الله يرحمها..يعني ما اقدر اقول شي على تربيتها..
ريماس عصبت ووقفت: عن اذنكم "وراحت وبنفسها تدعي ان مدى تروح وما ترجع "
سيف: شوفي بنتك وش سالفتها..
لطيفه: وش فيها اختك ملاحظه فيها كثير اشياء متغيره..
رهام توهقت : ما ادري عنها يمه..
لطيفه سكتت تفكر في امرها..صح معطيتها الحريه والثقه..بس حست ان ريماس بدت تخونها..لان طلعاتها كثرت وتصرفاتها صارت غريبه..
رهام: عن اذنكم ..."وراحت لغرفة ريماس"
دقت الباب ودخلت شافت الغرفه فاضيه ..ووقفت جنب باب دورة المياه..
: ريماس ...انتي هنا ..
ريماس اللي ارتبكت وبأيدها السيجاره ولا تدري وين توديها وبسرعه طفتها ورمتها بالزباله..
وفتحت الباب وطلعت لها..
: خير وش فيك ؟؟
رهام عقدت حواجبها: ايش الريحه هذي ؟؟
ريماس وهي تسكر باب الحمام: ايش عندك جايه؟
رهام ميزت الريحه بس استبعدت الفكره: ريماس..اكيد الريحه مو من عندك صح؟
ريماس لفت عليها وبكل غرور: مني ولا مو مني انتي وش عليك؟
رهام: ريمو.. لو صارت منك صدقيني لحد هنا وما راح اسكت ..
ريماس حلست على السرير وحطت رجل على رجل: يعني مثلا بتروحين تقولين لامي ؟
رهام: ايوه..راح اقول..ولا تفكرين اني امزح..يا تعدلين طريقك الغبي اللي قاعده تمشين فيه..يا راح اتصرف انا وانتي اللي راح تتحملي النتايج..
ريماس بقهر: يعني عشان لانا تغيرت تبوني اكون مثلها..
رهام: انا مالي دخل في لانا..لانا الله يثبتها لما تغيرت...بس انتي تماديتي بالغلط .."وطلعت وتركتها "
ريماس بعصبيه: بعد انتي جايه تكملينها علي..يعني محد حاس فيني وبالقهر اللي بقلبي ..

&&&&&&&&&&&&&&&&&&

[قلب الزهـــور]

رواية "الا ليت القدر" للكاتبه بقايا شتات..

بعد ساعه..
جالسين بالطياره جنب بعض..بس السكوت كان جوهم..
مدى مالها خلق تتكلم بعد وداع اهلها تحس كل شي انتهى..
ضاري مو عارف ايش ممكن يكلمها فيه..مع انو وده ياخذ ويعطي معاها..
لف عليها شافها سانده نفسها على الكرسي وتفكيرها بعيد..
: وين وصلتي ؟؟
مدى بدون ما يتحرك فيها ساكن : ما زال عند اهلي..
ضاري: طيب انتي ما راح تهاجري عنهم..كلها كم يوم تنبسطي وترجعين..
مدى وكأن كل المشاعر الكرهه اللي كانت تكنها لضاري رجعت لها لفت عليه وملامحها جامده: معاك !!
ضاري تنهد وبنفسه " رجعنا للعناد والمشاكل "
: لا مو معاي اكيد راح تنبسطين... مثلا لو كان ياسر راح تكونين اسعد ولا ؟
مدى تغيرت ملامح وجهها..هذا لحد الان يظن انها تحب ياسر
: تفكيرك للاسف ما زال متخلف ورجعي..
ضاري يمثل البرود : رجعي ومتخلف عشاني ما خليتك تاخذينه..
مدى: رجعي لان ما ودي اقول عنك مريض وشكاك..
ضاري بأستهزاء: وبدليل انه طلع من الشركه ما تحملها بوجودي بعد ما رفضته..
مدى انصدمت: طلع !!! وخليته يطلع؟؟
ضاري لف عليها وهو هنا عصب : لهدرجه خايفه عليه؟؟
مدى ماتت قهر: انت ايش فيك مو قادر تفهم !! الولد ماله دخل فيني ..ولا يعرف عني شي و انا ما اعرف عنه ولا شي.. انا بجد ما ادري كيف متحمل نفسك مع تفكيرك هذا...
ضاري: مدى احترمي نفسك..وتظنيني غبي واصدقك..
مدى: تصدق ولا ما تصدق انا ما يهمني..لاني اعرف كيف متربيه ..
ضاري انفعل : ايوه صح هو جاء كذا فجأه وخطبك !!
مدى تلتفت حولها: اولا احنا في مكان عام مو في بيتكم ..ثانيا ما عندي استعداد ابرر لك شي.. اذا كنت اصلا واثق اني ما احبك ليش اخذتني وتبعت نفسك..ولا عشان تكسر راسي وتقهرني ؟؟
ضاري وقف : ما ودي بالفضايح بالطياره .."وتركها "
مدى : جبان..يتهرب..
ضاري راح بعيد وغمض عيونه واخذ نفس عميق..شاف مقعد فاضي رمى نفسه عليه..يريح اعصابه..مدى شي يرفع الضغط..تحب تجيب الاشياء اللي تخليه ينفجر..توقع ان امورهم بعد الزواج راح تتعدل تدريجا للاحسن..بس شكلها كذا من اولها ..راح تخرب..
اخذ له عشر دقايق ورجع لها..حصلها فاتحه كتاب وتقرا منه..ارتاح لشي هذا وجلس..
مدى ما حاولت تفتح أي موضوع معاه..

&&&&&&&&&&&&&&&&&&&

جالسين الثلاثه جنب بعض وساكتين واريام تطالعهم..وسلطان وعمه جالسين يسولفون عن الشركه..
اريام ما تحملت اكثر : وبعدين !! الى متى وانتو صافين كذا ؟؟
كل وحده طالعت الثانيه..
اريام: نحتاج نغير جو صح؟؟
لانا: كنا وناوين نطلع المزرعه ...
اريام : فكره حلوه..وانا معاكم..
دانا تحمست شوي: نقول لدادي؟
اريام: انا اكلمه .."ورفعت صوتها" يبه..
حمد: عيون ابوها..
اريام قربت منه: تسلم عيونك..ليش ما ناخذ البنات للمزرعه نغير جوهم..شوف اشكالهم تحزن والله
حمد طالع وجيهم: لا بجد يحتاجون لشي يغير جوهم..انا ما عندي مانع..
اريام: الله يخليك يا احلى ابو في الدنيا..يله يا حلوين للمزرعه,,
سلطان لف على عمه: عندك يا عمي مزرعه..
حمد: ايه ..وراح تعجبك..
سلطان ابتسم له..من جاء لهنا وهو محسسه انه ولده اكثر من ولد اخوه..وفعلا حس بحنان الابو اللي فقده في حياته..
البنات قاموا يستعدون واريام اشرفت على التجهيز..وما اخذ منهم ساعتين الا وهم ماسكين خط المزرعه..
الثلاثي مع سلطان..
واريام وجانيت والصغار مع حمد..والخدم وراهم بسياره ..
بسيارة سلطان..
: سلطان تتذكر ايام الكشته اول مع اهل مشاعل قد ايش كانت فله..
سلطان ابتسم ابتسامه عريضه للذكرى: وانا اقدر انسى..ايام بجد كانت ممتعه..وعبد الله كان صديقي وقريب مني..
ابتهال: هههه بس من كان يفوز عليك بالكوره.
سلطان: ههه الله يفشلك لا تقولين لاحد انها مشاعل..
لانا ولعت: شكل طلعاتكم اول مع بعض كثيره..
ابتهال: والله كانت كثيره..انا ومشاعل مثل الاهل..
دانا: والله وناسه..عاد مشاعل ما شا الله عليها فله..
لانا: اقول سلطان..دور لنا اغنيه نسمعها..
سلطان شغل السي دي اللي كان موجود وكانت اغنية " عمري معاك" لسرين عبد النور..
ورفع الصوت شوي..والكل سكت ودخل جو..
لانا جات الاغنيه على وقتها ..وعينه طول الوقت على سلطان ..
سلطان حس بخجل وهو يسمعها ما يدري ليش..

ღ♥ღ انا عمريـ معاكـ ღ♥ღ
انا عمري معاك وكفايه
ان انت هنا ويايه
يا شاغلني سنين من نظرة عين
انا بعشق فيك دنياياا

ولا يوم في هواك زعلت معاك دنا قلبيــ فداك
وعمريــ كمان يا حبيبيــ العمر من وقت لقاك
وانا حسه ابتدى مشواري
انا شفت غرام اجمل ايام
احلام حلوة بتأخدني
اولاحساس بين الناس اخترتك تبقى معايه خلاص
ولا يوم في هواك زعلت معاك دنا قلبيــ فداك
وعمريــ كمان يا حبيبيــ العمر من وقت لقاك وانا حسهـ
ابتدى مشواريـ
انا عمريــ معاك وكفايه
ان انت هنا ويايهـ
يا شاغلني سنين من نظرة عين
انا بعشق فيك دنياياا
ولا يوم في هواك زعلت معاك
دنا قلبيــ فداك وعمري كمان
يا حبيبيــ العمر من وقت لقاك وانا حسهـ
ابتدى مشواري

وصلوا للمزرعه.
نزل الكل وبدا يرتب الاغراض..
سلطان كان منبهر فيها..
: والله المزرعه شي ما شا الله.. اللي متهم فيها ومنسقها فنان..
لانا قربت منه: دادي وضاري بصراحه تعبوا فيها لحد ما صارت كذا ..وتدري ايش اهم معلم بالمزرعه هذي..
جات ابتهال جنبه: شي ما راح تصدقه سلطون..
سلطان تحمس: جد !!..شوقتوني..ايش هو؟
جات دانا: سلطان انا اللي راح اوريك "وطالعت لانا بخبث"
لانا طالعتها بتهديد..
دانا تستهبل: آآآآ اقصد روح مع لانا هي اول وحده قالت لك عنها..يعني من باب الذوق مني..ومن ابتهال ...
وضحكوا الثنتين..
سلطان اللي ما فهم شي...
: المهم اني اشوف هالشي اللي متحمسين عليه..
لانا عصبت: تعال معاي بس..
ومشوا كلهم مع بعض وسلطان طول الطريق يحكي لهم عن مغامراته طفولته شقاوته..دراسته ..حياه..سواليفه كانت ممتعه ومتنوعه..
لانا طول الطريق تطالعه بأعجاب.. ومفتخره فيه..لما يحكي يطلع جذاب..اسلوبه مشوق..ضحكته ساحره..ابتسامته لطيفه..وهباله ممتع..كل شي فيه جننها..
واخيرا ووصلوا للمكان..سلطان طالع الاسطبل بأنبهار..
: لا تقولون خيل !!
ابتهال: هههه لا حلفت اني اقول..
سلطان قرب اكثر: الا والله..من جدكم انتوا ..والله حلمي يكون عندي خيل..
لانا: وتحقق حلمك معانا ..
سلطان ما صدق وبسرعه دخل وطلب من الحارس يطلع له واحد ..وطلع فوقه..
دانا: اقول يا ولد عمي انتبه لنفسك..
سلطان: ما عليك ولد عمك فنان..ابتهال تجين معاي؟؟
ابتهال:لالا اخاف..
لانا: انا اجي........
سلطان تنح فيها شوي ..
لانا حطت ايدها على فمها ..طلعت غصب عنها ..
دانا طالعتها وهمست لها: ما تستحين على وجهك..
ابتهال: لانا تمزحين صح !!
لانا: انا كنت اقصد....بكون لحالي اكيد..وش فيكم قلبتوا علي..
دانا: ايوه وانا احسب شي ثاني..
دخلت لانا وقالت للحراس يطلع لها خيلها الابيض المفضل..
سلطان حس انه فهمها غلط..وابتسم لها ..كانه يعتذر لها عن تفكيره..
لانا ما زال قلبها يدق خوف..من كلمتها قبل شوي ..ما تدري كيف قالتها .وكويس انها صرفتها زلا ايش راح يقول عنها سلطان !!
وصارت لانا تمشي جنبه وتعلمه وهو مبسوط معاها..
دانا وابتهال جلسوا مع بعض ودخلوا جو بالسواليف..

سلطان: لانا..ودي اقولك شي ..
لانا طالعته..
سلطان: اعتبريه طلب او رجاء..
لانا استغربت : آمرني..
لانا: ابيك تلبسين حجابك اذا كنتي في مكان مالك محرم فيه..
لانا شدت على اللجام ووقف الخيل ونزلت ...ونزل معاها سلطان ووقفت قدامه..
: يعني قصدك اتغطى عنك حتى ؟؟
سلطان وهو مرتبك: ايوه حتى عني..وتغيري شوي من لبسك..انا ما اقيد حريتك بس ابي لك الافضل يا لانا..لا تفهميني غلط ان ما عجبتني طريقتك وكذا بس كله والله خوف عليك وان.....
لانا قاطعته: فهمت عليك "وسكتت شوي"
صعب عليها تغير عادات وتقاليد هي تربت عليها ..لفت يمينها شافت ابتهال لابسه حجابها وعايشه حياتها..ولبسها ساتر.. يعني اكيد ما حست بصعوبه..ممكن تكون مثلها ..ليش لا ..
سلطان حس ان صمتها طال: اذا ما ودك براحتك..
لانا رجعت تطالعه: بالعكس..انت تامرني آمر..من بكره بتشوفني بحجابي.."ونزلت عينها من الحيا"
سلطان ابتسم بفرح: اشهد انك احسن بنت عم في العالم..
لانا ابتسمت بخجل..
سلطان: يله خلينا نمشي نروح لعند عمي..
لانا وهي تمشي بجنبه: طيب يا سلطان بسـألك سؤال خاص شوي..
سلطان طالعها ورجع يطالع طريقه: اسألي..
لانا: مشاعل بنت جيرانكم..ايش تعني لك..
سلطان صدمه السؤال..ايش تقصد منه لانا؟؟ هو غيره منها ..ولا سؤال فضولي..!!
: ليه؟
لانا تمثل البرود: لا بس مجرد سؤال..يعني كلامك انت وابتهال نصه عن مشاعل واخوها ..قلت اكيد تعني لك شي !!
سلطان : علاقتنا فيهم مو مثل أي علاقة جار بجاره احنا مثل الاهل ..دايم مع بعض..ومشاعل غلاتها من غلاة اختي ابتهال ..
لانا ما توصلت للي تبي : طيب وانا؟؟
سلطان وقف شوي ونزل نظارته الشمسيه من على شعره ولبسها: الشمس قويه صح..!! خلينا نسرع..
وتعداها بكم خطوه..
لانا ماتت قهررر..ليش يتهرب منها !!
ولحقته..
مروا على دانا وابتهال واخذوهم..وراحوا عند اريام والعم حمد..
حمد: ها يا سلطان.. ا ن شا الله عجبتك..
سلطان : والله يا عمي لو بتكلم فيها بكون مقصر..ما شا الله ابدعتوا فيها..
حمد: المزرعه مزرعتك انت وخواتك..متى ما جاء في بالك تطلع لها ..لا يردك شي..
سلطان: تسلم يا عمي ما تقصر..
اريام: ودكم نسوي اكشن..
دانا ولانا وابتهال مستغربين حماس اريام..
: ايوه اكيد..
اريام: نسوي جيم كرة قدم..والفريق اللي يخسر يساعد في العشا..
البنات تحمسوا: يله موافقين..
وانقسموا فريقين..دانا وابتهال مع بعض..ولانا واريام مع بعض..والحارس واحد سلطان.. والحكم العم حمد..وجانيت والصغار تشجيع..
وبدوا لعب وانواااع الفشل في الكوره..كل وحده ادلع من الثانيه ..سلطان انسدح على الارض من الضحك
: والله لو ما احرس احسن لي..واتحدا يجي هدف,,وقسم كل وحده حولا اكثر من الثانيه..
اريام وقفت بتعت وبسرعه تتنفس: لو سمحت لا تستهين بقدرات احد..لسه نحمي..
حمد: هههه وانا ابوكم خلص الشوطين وانتم تحمون..
دانا جلست على الارض بتعت: وه خلاص ما عاد اقدر اتحمل اكثر
ابتهال جلست جنبها: بس على فكره احنا اقوى من لانا واريام..
لانا ربطت شعرها القصير من الحر والتعب: لا والله انتم تكسرون ما تعرفون تلعبون..
سلطان: هههه انا غلطتي لعبت مع بنات..خربت مشواري الفني ..
جانيت: شو هاد بنات ولا وحده منكون جابت "gool"
اريام: جانيت كان لعبتي معانا وشفنا مهاراتك
حمد: المهم العشاء كلكم بتسوونه..
صرخ الثلاثي : لااااااا
حمد: يله خلو الخدم يجهزون كل شي وانتوا راح تشوون لنا..
سلطان بس يتمسخر فيهم..
وفعلا البنات ابدعوا بالعشاء مع شوي اصابات طفيفه..
&&&&&&&&&&&&&&&&

[قلب الزهـــور]

رواية "الا ليت القدر" للكاتبه بقايا شتات..

على الساعه 2 بالليل..
وفي مطار سيدني بالتحديد..
مدى وضاري وصلوا بالسلامه..وطلعوا من المطارواتجهوا للفندق..
مدى قضت نص الرحله نايمه..وضاري قضاها على اللاب توب يكمل شغله..
سيدني مدينه اكثر ما ينقال عنها جذابه وخلابه..وساحره بكل مافيها..
على قد التعب اللي مدى بس ما قدرت تفوت على نفسها المناظر اللي بالطريق وهم متجهين للفندق..
بعكس ضاري اللي متعود عليها..فا كان يبي يوصل وعشان يرتاح وبس..

وبالفندق..
حطوا اغراضهم بالسويت ..
ومدى عيونها منبهره فيه..كان شي فوق الخيال قمه في الفخامه والتميز..
ضاري اخذ شنطته وحطها بغرفة النوم وبدل ملابسه ورمى نفسه على السرير وبدون ما يحس نام..
مدى بعد ما اخذ تجوله..دخلت الغرفه وشافت ضاري نايم بدون حتى ما يتغطى..وبلعت ريقها..
: الاخ نام هنا !! وانا وين بنام فيه؟؟
اخذت ملابسها ودخلت دورة المياه واخذت لها شور وبدلت وطلعت وهي ما زالت محتاره في الكائن المتمدد على السرير..ورايح في سابع نومه..
وقفت قدام المرايه تمشط شعرها وتنشفه..وتكلم نفسها" قسم بالله سخيف..انا العروس المفروض انام هنا ..مو انا انام برى ..وش اسوي الحين "
طالعت ضاري بقهر..وبالنهايه اضطرت تاخذ وسادتها وتطلع تنام برى..وحطت الوساده على الكنب وانسدحت.بس وقف شعر جسمها من البرد..كيف راح تقدر تنام الحين !! رجعت دخلت الغرفه وفتحت الدولاب في بطانيه زايده اخذتها وطلعت من جديد..بس البروده ما خفت بس غصب عنها غفت..
وبعد ثلاث ساعات..
صحى ضاري وهو يحس كل عظم فيه متكسر...طالع حوله وتذكر انه بسيدني ولف على شماله ما حصل مدى..قام من على السرير بسرعه وتوجه للصاله يتطمن عليها..
حصلها ضامه نفسها من البرد ونايمه بعمق..رحمها من داخله..كيف تركها كذا !!
فكر كثير ايش يسوي معاها..يصحيها ..ولا يخليها ويغطيها؟؟
بعدين قرر قراره..
اخذ نفس عميق..مدد ايدينه يسوي لها تمرين خفيف.. بعدها قرب من مدى بهدووووء وشاله بين ايديه برقه..كانت مثل اللعبه صغيره ..وخفيفه..وبخطوات هاديه مشى فيها للغرفه وعينه عليها ما قد قرب وجهه منها بالقرب هذا ..وخايف بعد تفتح عيونها وتشوف نفسها بحضنها ايش ممكن تسوي !!
وصل الغرفه وبنفس الهدوء حطها على السرير وغطاها..جاء بيبعد عنها بس في شي جذبه..خصله من شعرها على وجهها..وشكلها مأذيتها.قرب اصبعه بتردد لوجهها..على قد ما هو خايف انها تنتبه لحركته..على قد ما هو مصر انه يسويا لي براسه..وبنعومه رجعها لورى ..وفي لحظه تهور وبدون مقدمات طبع بوسه على جبينها وبسرعه بعد عنها..
: ضاري انت قلت بتضبط نفسك لا تنسى ..
وطلع بسرعه من الغرفه..
مدى اللي ما حست بشي انقلبت للجهه الثانيه ..تكمل نومتها ..

&&&&&&&&&&&&&&&&

[قلب الزهـــور]

رواية "الا ليت القدر" للكاتبه بقايا شتات..

في بيت العمه..
صحت بدري وافطرت مع زوجها وبناتها واتجهوا للدوام..
وجلست بالصاله تطالع التلفزيون او تهلي نفسها باي شي ..
جات الخدامه عندها ووقفت على راسها ..
: مدام..
لطيفه: نعم..
الخدامه مدت ايدها وفيها منديل : انا في حصل هذا في غرفة ريماس ..
لطيفه عقدت حواجبها واخذت المنديل وفتحته ووضحت علامات الصدمه القووويه على وجهها
: وين حصلتي هذا ؟؟؟؟
الخدامه: بغرفة ريماس مدام..
لطيفه سرى في جسمها رعشه قويه ...معقوله بنتها تسويها ؟؟؟؟؟؟؟؟؟؟؟؟


&&&&&&&&&&&&&&&&&&&&&&

صحت من نومتها ..وهي تحس بكسل فضيييع ..وكلها متكسره..فتحت عيونها وطالعت السقف
: انا وين ..؟؟
قعدت على حيلها تطالع حولها: هذي الغرفه اللي بسيدني !!..بس انا كنت ...

وبسررررعه قامت من على السرير: انا ما نمت هنا ؟؟؟ ايش جابني ؟؟
وبسرعه طلعت برى وطلت على الصاله ..شافت ضاري صاحي ويشرب كوفي وجالس على جهازه..

رجعت للغرفه وكلها خوووف : امس؟؟ وشلون جيت هنا ؟؟؟ صار شي ..يكون حاط لي منوم ؟؟

كل الافكار هذي اكلت عقلها ..شوي لمحت ضاري داخل الغرفه ..
: مدى صحيتي ..كويس ..
مدى ما تكلمت معاه ولون وجهها مخطوف..
ضاري انتبه لها : فيك شي ؟؟
مدى طالعت السرير ..وبداخلها بجد تبي اجابه منه
ضاري فيه الضحكه بس اخفاها ومثل البرود: انتي جيتي عندي ..
مدى بعلت ريقها: انا ؟؟؟ متى ما اذكر..
ضاري: يعني انا بتذكر عنك... انتي جيتي هنا ونمتي ..
مدى : نمت وبس ..!!
ضاري يحاول يتذكر: امممم اتوقع كذا..
مدى حست ودها تبكي من الموقف والفشيله واكثر شي قاهرها انها مو متذكره شي ..
ضاري: يله بسرعه بدلي عشان ننزل نفطر سوا..
مدى من شافته طلع من الغرفته لحقته وقفلت الباب عليها..
وحطت راسها على الباب: يا الله ايش صار امس؟؟؟؟؟؟؟؟
ودخلت تتروش وولبست ملابسها وضبطت نفسها على اكثر اناقه وطلعت له..
وهي تحس وجهها احمر ..بس لو تتذكر ايش سوت امس !!

ضاري نزل معاها وهومنتبه انها كل شوي تسرح ويروح بالها بعيد..وده يضحك عليها ..ويقول لها على الحقيقه ويريحها..بس خلاها في حيرتها ..

نزلوا تحت وجلسوا على طاوله..
ضاري : بروح اطلب وارجع لك ..
مدى ما علقت ..وشافته وهو يروح..
جلست تطالع حولها..تبي نتسى موقفها..تتفرج على الناس اللي بالفندق جنسيات متنوعه..فيها العربي والاجنبي ..بس الغالب اجنبي ..والعربي ما يكون خليجي ..
طاحت عينها على الطاوله اللي قدامها ..واحد عمره بالعشرينات..وواضح عليه سعودي..بس انيييييييق وجذااااااب ..ستايله عجب مدى ..بس كان ثقيل ورزه..شعره كان مسويه مثل حركة "مساري" ونفس الشي حلاقه الوجه..
قاعد ياكل بكل ذوق ..وما يطالع احد..بس رفع عينه في لحظه عليها..وانتبه انها تطالعه..
مدى استحت على وجهها وبسرعه بعدت عينها..ما تدري ليه تنحت فيه..يمكن عشانه السعودي الوحيد هنا..ولا عشان شكله عجبها..
هو من بعد ما طالعها وانتبه انها تطالعه ما شال عينه من عليها..صار ياكل ويطالعها وبأبتسامه جانبيه ..
مدى خافت من نظراتها ..حست انها توهقت ..وخصوصا لو جاء ضاري وشاف هذا ما رفع عينه عنها ابد..فكرت تتصرف معاه ..
اشرت له بمعني "خير"
هو رفع لها ايده وسوى نفسها يحرك العلم " يعني انا وانتي من السعوديه" وهو مبتسم وابتسامته كااااانت حلوه والغميزات واضحه فيها ..
مدى حاولت تصد عنه ..
هو رجع يأشر لها ويتكلم معاها : انتي هنا لحالك ؟؟
مدى ما حبت تعطيه وجه..ولفت تتاكد ان ضاري مطول ..بس الصدمه ..انو ضاري جاي ومعاه الفطور..
وانقلب لون وجهها .. ودقااات قلبها بدت تضرب بسرعه..اقصى شي تخيلته ان ضاري بيسوي هوشه قدام الي يسوى والي ما يسوى..
وطالعت الولد بترجي ..تقصد خلاص فكني..بس تفاجأت ان الولد طير عيونه في ضاري.. ومن قرب لعند الطاولات..بسرعه اخذ كوب الكوفي حقه ولبس نظاراته وطلع ..
مدى استغربت حركته ...يكون يعرف ضاري ؟؟؟؟

@@@@@@@@@@@@@@@@

نهــــــــــاية البــــــــــــــارت..