ياهاجسي لاهنت لحظه وابعطيك
زرف الرساله وأنتظر رمز مخرجك
دونتنا بالصدر قدام لا أجيك
لين أنتهى مضمونها عبر منهجك
حيثك تصدر قافية من يحاكيك
اللي ليا منه تذكر تولـّجك
البارحه ليلي سرى له دواكيك
وأقول ياقلب الشقى ويش مزعجك
لا شك ميل الوقت كله تشاكيك
تمسي وتصبح غاديا في نواهجك
وأزريت اوسع ضيقتن لك وأداريك
والشوق للغالين ياقلب يدرجك
الوقت طال وصار همك يماشيك
وأنته تحرى رجعت اللي يعالجك
غرون سكن وسطك وشتت مباديك
ولـّعْـك في حبه ولكنه امرجك
وأصبحت غادي بين ذولا وذوليك
وانشهد إنه بين الاجواد محرجك
دايم تهوجس به وتشعب هقاويك
واحلام طيف الشوق والهم يسرجك
ياقلب خله لا ترجاه ياتيك
لا صار ماهو بالمحبه يمازجك
أصبر وأنا اللي عارفن ويش خافيك
هم الهواء اللي مع ردا الوقت ينهجك
خذها وصيه دامني مبتلش فيك
قلبن هواوي عاجزن كيف أخارجك
لا تعشق اللي مايحبك ويغليك
دور على اللي مطلبه كيف يبهجك
هذي نصيحه بالهواء كان يمديك
اسمع لها والا تزايد توهجك
ياهاجسي جاتك رسالة مناجيك
خطيتها وأرسلتها فوق مدْرجْك