َََترآنيم الأميرآت في مسآء صآخب بالألم ,. !َََ~ - الصفحة 2

عبيــــرالــــورد · 22-01-2010, 10:15 PM

وفي صبآح اليوم التآلي ,,

فرح : اففف ملووك تلفونج يرن
شهد : يااااربي مانعرف ننام سويه سايلنت
فرح : من متصل هالوقت ؟
ملاك : اففف شفيكم
شهد : تلفونج شيليه عور راسنا ولا ترى بقطه من الدريشه
ملاك : سويها وبكفخج ، هذاا رقم غريب
فرح : شوفي من ، الساعه 7 الصبح من متصل هالوقت

ملاك : الوو
.. / معاي ملاك؟
ملاك : من ؟
.. / انتي ملاك ؟
ملاك : ايه ، من ؟
.. / بتعرفين في وقت ثاني ، باي
ملاك : الوو ، الووو

فرح : من هذا ؟
ملاك : مادري يقول لي انتي ملاك اقوله اي يقول بتعرفين من انا بوقت ثاني ,,!
فرح : ملاكوو انتي عاطيه وحده من بنات الجات رقمج ؟
ملاك : لا والله
شهد : مبين عليها جذابه
ملاك : باسطرج الحين
فرح : عطيني رقمه انا بأدبه
ملاك : اخذي التلفون شوفي
فرح : بس سجلته عندي ، انا براويه قاعد يلعب مع منو

و عادت شهد للنوم في حين ملاك وفرح لازآلآ يفكرون بأشيآء كبيرة ,,
كبيرة حتما ً

فرح .. / والله انا خايفه على ملاك اختي ، احس هالشخص يعرفها عدل ، دام عرف اسمها اكيد من الجات الي تدخله / منعتها وقلت لها شنو نتائج هالجات بس ماسمعت كلامي
اما ملاك فـ كآنت تفكر في .. / مادري من هذا ؟ وشيبغي مني ؟ ولوين بيوصل معاي !

وصمت المكآن ,,
صمتت الزوآيآ ,,
وذهبوآ جميعهم في نوم عميق , !

عبيــــرالــــورد · 22-01-2010, 10:15 PM

صبآح اليوم التآلي قررت فرح موآجهة ذآتهآ ,,

فرح : جسوووم انت نايم؟
جآسم : اففف ياربي شتبين انتي ؟
فرح : بستخدم جهازك شوي
جاسم : انا راقد مو تعورين راسي
فرح : دقايق بس
جاسم : والله تغربلت معاكم انا
فرح : بلييييز
جاسم : عورتي راااسي مع ويهج من الصبح
فرح : اي صبح ؟ الساعه 2 الظهر
جاسم : انشاء الله 2 الليل انت شكو ؟
فرح : بليييز دقيقه وبطلع
جاسم : انتي يعني صج ماعندج كرامه ، وقت الي تبين شي تقطين ويهج قط
فرح وقد تحملت اهانات جاسم ..
فرح : جسوم اخوي والله انا ابي شغله ضروريه فيه
جاسم : يالله خلصيني 5 دقايق ولا ترى بسحبج من شعرج باقطج برى ..
فرح : اوكي

فرح .. / وقد دخلت الايميل ,,
[ يآرب اونلاين يآرب ,,
وآآآآآآآآآآآآي كاهو قاعد أحسه يحس فيني

فرح : هلا عمري
نآيف : اهلين بطه ، وينك ؟
فرح : والله اقولك عشان ادخل الايميل انذليت من اخوي ذل
نآيف : يالبى قلبك ، قلت لك ولا المذله انا اخذ لك جهاز
فرح : لا لا
نآيف : انزين فكرتي؟
فرح : ايه فكرت
نآيف : طيب عطيني رقم بيتكم والعنوان
فرح : لا لا نايف مو بهالطريق ، انا اخاف
نآيف : ليه تخافي؟ وربي بكلم امي
فرح : لالا انت عطني رقم تلفونك وانا بتصرف
نآيف : امم امرك طيب يا اميره
فرح : والله احس بنطق طق
نآيف : تنطقي وانا موجود ؟
فرح : انزين عطني بسرعه ، قبل لا يجي اخوي يقرا
نآيف : طيب قلبي لا تخافي خذي .................
فرح : اوكي نيوف باي
نآيف : باي يابعدي ،،

و ذهبت فرح لـ غرفة شهد وملاك لـ توآجههم بـجزء من الحكآية ,,/

فرح : بنات ابغي اكلمكم بموضوع
ملاك : قولي
فرح : انا في شخص يبغي يخطبني
شهد : واخيرااا ً باخذ حجرتج حقي
فرح : انتي خبله؟
ملاك : امم من وين هالشخص؟
فرح : اهني الي بقوله لكم ، هذا شخص كنت اكلمه من جم سنه على الايميل
شهد : نايف اسمه ؟
فرح : هاا شدراااج .!
ملاك : ندري بس انتظرناج تقولين بنفسج هع
فرح : شلون دريتوا؟
ملاك : شفنا الصورة الي دزاها واحنا مسحناها لا يشوفها جاسم ، اممم مملوح بس احس شعره يبغي له تظبيط
فرح : والله انج فاضيه . ! قولي لي شسوي شلون اكلم امي بالموضوع ، شقولها ,, من وين اعرفه؟
ملاك : بيي يخطبج ؟
فرح : ايه
ملاك : انزين خل يقول انتي صديقة اخته
فرح : اييييييي فكرة حلوة
شهد : فرح ، اهو من وين؟
فرح : من الرياض
شهد : شنهوووووووو .. ! امي بتخليج تاخذينه؟
فرح : ليش اشفيها يعني انا باخذ من السعوديه مو من امريكا
شهد : ماعتقد ترضى تبعدين عنّآ
فرح : والله تعبت شسوي

كآنت ملاك في قرارة نفسها تفكر ,, [ والله فرح محظوظه تحب وبتتزوج وبتفتك من هالعيشه الي نعيشها وهالملل كله ، جان زين انا بعد اتزوج ]

اما فرح فكآنت بين الرعب والتحدي ,!
حينا ً تقول سأخبرهم
وحينا ً آخر [ لا ] ..

عبيــــرالــــورد · 22-01-2010, 10:16 PM

وفي يوم آخر ..

ملآك : فرووح متصله رزآن تقول لي بنروح السوق
فرح : انزين قولي لأمي تعطينا فلوس
شهد : قلت لها مارضت
فرح : ليش
شهد : تقول ماعندها ، وابوي مو بالبيت
فرح : اها .. عندها لجاسم بس . !
ملاك : ويقولون بعد لا تنحرفون وين ما ننحرف وهم يعاملونا جذي
شهد : خلاص نسوي الخطه
فرح : هالمره انا موافقه معاكم
ملاك : خلاص انا بوقف اراقب الباب وانتوا دخلوا الغرفه
فرح : اوكي ، شهد انتي اول ماتسمعين ملاك تكح تقولين لي ونطلع بسرعه
شهد : اووكي
ملاك : شهووود شنو لقيتوا فلوس .. ؟
شهد : اكا فرح تشوف . !
فرح : شهد في احد ياي ؟
شهد : لا لا واصلي
ملاك : هااااااااا لقيتوااا ؟
فرح : قولي لها تسكت ذي بتفضحنا
شهد : سكتي انتي شفيج ،
ملاك : بسرعه اسمع صوت من تحت
فرح : خلاص ، لقيت 40 دينار زين ؟
ملاك : لا لا اخذي بعد 20
فرح : لا لا بشكون
شهد : يالله يالله خل نطلع
ملاك : شفتوا عاد شلون صرنا نبوق ويقولون ماعندهم ,, عندهم فلوس بس حق اثاث كل سنه
تغيير في البيت ، وديكور وحق مصاريف جاسم ومحمد بس لنا احنا ماعندهم لازم يخلونا نبوق يعني ,!
فرح : احنا مابقنا هذي حقوقنا اذا اهم مابيصرفون علينا بناخذ بدون مايدرون
شهد : يالله بتصل في رزان تمر علينا
فرح : اوكي , !

[ كآنت كل وآحده منهن ّ مّدركه بحجم الخطأ والذنب ولكن ,, ! ملاك : شفتوا عاد شلون صرنا نبوق ويقولون ماعندهم ,, عندهم فلوس بس حق اثاث كل سنه
تغيير في البيت ، وديكور وحق مصاريف جاسم ومحمد بس لنا احنا ماعندهم لازم يخلونا نبوق يعني ,! ]

يآترىآ هل ملآك على صوآب , !
وهل يكون الخطأ هنآ خطأ الاهل الذين أجبروآ بنآتهّن على ذلك

شهد : فروح بقولج .!
فرح : هلا
شهد : بتقولين لرزآن عن نآيف
فرح : لا لا مستحيل ، تعرفين رزون ماتخش سر ، على طول بتقول حق امي وانا قاعده افكر بطريقه افتح لها السالفه بس ماتعصب فيها , !
شهد : اها ، اوك عيّل لأنّه أهيّآ تحت تنتظرنآ
فرح : دقايق وانا عندكم , بس البس عباتي
شهد : الفلوس عندج ؟
فرح : ايه
شهد : اوكي بسبقج أنآ
فرح : اوكي . !

__________________

عبيــــرالــــورد · 22-01-2010, 10:17 PM

فرح : هلا هلا ,,
سآرة : خآآلة فرح ,,
فرح : عيون الخاله .. يابعد عمري وحشتيني
رزآن : ها ليش تأخرتي ؟
فرح : شسوي قعدت البس
رزآن : ملاكو وين ؟
فرح : وانا فكرتهآ يات قبلي
رزآن : اتصلي فيها
فرح : اكا يات
ملاك : هلووو
رزان : وينج تأخرتي !
ملاك : اشرب ماي عطشانه ,!
رزآن : شبتاخذون لكم ؟
فرح : مادري ، شبتاخذون بنات ؟
شهد : باخذ لي جينز اسوود
فرح : وبعد ؟
شهد : مدري

[ عند وصلوهم للسوق ، ذهب شهد ورزآن للتسوق بينمآ جلست فرح وملاك وسارة في [ كوفي شوب ] يأخذنّ فترة رآحه ليّكملن ّ التسوق , ! كآنت ملاك تعبث بهآتفهآ وتتأمل الرسآئل ، نآهيك عن فرح التي كانت تتأمل رقم نآيف لفتره طويلة و تفكر هل أبعث له ُ رساله ، رساله واحد لن تضر , ! ]

فرح : ملووك ، اطرش لنايف رساله؟
ملاك : مايعرف رقمج ؟
فرح : لا بس من الرساله اكيد بيعرفني
ملاك : شبتكتبين ؟
فرح : مدري ، بس احس انه وحشني في مشاعر ابي اعبر عنها
ملاك : كيفج اختي ,!
فرح : ااممم خلاص بدز له رسااله
ملاك : اوك . !

كآنت تلك رسآلة فرح الأولى لـ نآيف .. /

و تجرأت للمرة الأولىآ أن أجبر مشآعري على التخلّي عن مبآدىء كآنت ترآهآ سآميّة
فـ حُبك أجبرني على التخلي عن بعض أشيآئي من أشيآئي ,!
فـ كل ليلة أبحُر مع نزآر وقبآنيآته أليك ,
إلىآ الريآض التي تقدّست بـ عشقي
إلىآ أسوآر مملكتك . !
إلىآ أرضك فقط ،
أكون قد فقدت بعض من نفسي هُنآك
فـ أنآ قبلك كنت ُ أنثىآ تجهل ذآتهآ
بك فقط ولدت ُ مجددا ً
حتى تطهرت أحلآمي بـ نقآئك
أحُبك رغم عن إرآدتي وكيآني ,!
أحُبك فقط ,,
[ فرح ]

كآنت أنآمل فرح ترتجف حين أكملت الرسآله .. كيف يآترىآ أظغط على آخر زّر سيقوم بـ إيصآل مشآعري إلى جنآبه الكريم /,!
لآ أقوى على ذلك ، لآ أقوىآ ,,

فرح : ملووك اختي
ملاك : هاا شتبين
فرح : عفيّه سوي لي على هالرساله send
ملاك : هههههههههه وييي من صجج اختي ؟ تعرفين تكتبين رساله ولا تعرفين تدزينها؟
فرح : ويهج عاااد اعرف بس ماقدر ، انتي دزيها
ملاك : يمه شفيج؟
فرح : اوهو دزيها وخلاص
ملاك : اوكي , !
ملاك : اكااا استلم الرساله ..
فرح : صج ؟؟ امبيه انا خايفه
ملاك : هههه مالج حل اختي
فرح : تتوقعين بيتصل لي؟
ملاك : مادري . ! خليه سايلنت عشان لو اتصل الا رزآن ماتشك
فرح : اي صح كلامج

عبيــــرالــــورد · 22-01-2010, 10:19 PM

كآنت فرح ترمق الهآتف بـ رّعب ، فـ نبضآتهآ تتضخم ، تسرُع ، تتهوّر .. كآدت تشعُر بأّن جميع المتوآجدين يعلموُن بّأمرهآ فـ يرمقونهآ بنظرآت ترعبهآ ., !
وبينمآ كآنت فرح بـ عآلمهآ الذي يمتزج بألحآن بيتهوفن الخآلده ,,

شهد : فروووووووووووووح !
فرح : بسم الله ، وجع اشفيج تناديني جذي
شهد : قررت خلاص
فرح : شقررتي؟
شهد : قررت اروح اقص شعري
فرح : وين ؟
شهد : هني بالصالون الي بالمجمع فوق . !
فرح : وامي ؟ شبتقولين لها؟
شهد : مابقولها شي من نروح البيت بحط على شعري قبعه هع
فرح : صدقيني بتسوين لج سالفه
شهد : لا تحاااولين تغيرين قراري بقصه خلااص
فرح : كيفج والله
شهد : ايه المدرسه بعد يومين راح ندخل وانا ابغي ستايل جديد ، يحطم الجميع !
فرح : الله يعين قلبج ,
شهد : قررت أسوي ستايل خطييييييييييير
فرح : شنو يعني؟
شهد : قررت اقص شعري مثل حبيبة قلبي هيآآآآآآآآآآآ عبدالسلام

ملاك : ههههههههههههه والله ضحكتيني
شهد : من الحره
ملاك : ايه هين من الحره ، شعليه احتر
شهد : لانه شعري احلى من شعرج
ملاك : ويي عشتواا ، انتي تطنزين على شعري .؟
فرح : سكتواااا فضحتونااا ، الناس تطالعكم
فرح : وين رزان ؟
شهد : مع رتاج تشوف لها فساتين
فرح : امم بروح اشوفها
شهد : لا لا انا قلت لها بتروحين معاي الصالون

وتوقف قلب فرح [هذآ صوت مسج ] اكيد من عنده ! هذا نايف ، يمه شسوي ؟ وين اروح
كانت تلك الكلمآت تفترس فرح بـ شرآسه
أفتحه ؟ اخاف !
احس الناس تقرا معاي كلماته !

ملاك : فرووح ، هذا اهو ؟
شهد : منهو؟
فرح : ها ؟ مادري شهد يالله نروح الصالون
ملاك : اشفيج فتحييييه خل نقرا
فرح : لا لا اخاف ، يالله شهد بروح وياج الصالون

وهُنآك كآنت شهد مُستعده لـ تغيير شعرهآ , جلست فرح بـ كرسي ّ مُبتعد بعض الشيء عنهآ ,,
خلاص بفتحه و امري لله !
احس يدي ماتساعدني
اصابعي ترتجف ليش ؟

و فتحت فرح رسالة نآيف ,, كآنت تلك رسآلته الأولى , /

في ذمتي أحلىآ حروف
أحلىآ بشر بين الألوف
يجي ينآدي نبضتي
يجي يتحرىآ كلمتي
وأقعد أنآدي يآ بشر
هذا قمر , !
هذا أبد مآ شفت أنآ مثله أحد ,
هذآ حكآية فرحتي
هذآ سبآيب ضحكتي
هذي فرح , !
هذي سعآدة دنيتي
هذي الامل هذي الفرح , !

آآآآآآآآآآآآآآآآآآآآه يآ نآآآيف شسويت بحآلي , !
احس نفسي انسانه ما اعرفها
سعاده تختلف . !
احساس غريب
شسوي بس

فرح : ملاك شوووفي
ملاك : شنهو
فرح : شوفي نايف شكتب لي
ملاك : يه يه شاعر بعد
فرح : قلبي بيوقف
ملاك : امبيييه هذا كتب لج شعر وقلبج بيوقف لو يتصل فيج شبتسوين ؟

__________________

LadyLvoe · 22-01-2010, 11:08 PM

روووووووووعه ياغلااتي

يعطيك 1000 عاافييه ياعبورتي

تثبت لرووعه تنسيقها

في انتظارباقي البارت

عبيــــرالــــورد · 24-01-2010, 04:19 AM

كل الشكر لك عنون على تثبيتها ومتابعتها

1 عضو و 3 ضيف) ومنورين الضيوف بتواجدهم فيها

[ صعود جبل ] · 24-01-2010, 10:39 AM

تسلمين عبير

على هالرواية

الرائعة...ٌٌٌ

..........

روايا منوعة باحداثها//
جميلة بتنسيقها...

تستاهل التثبيت,,
//

تقبلي مروري ..
و تحياتي..

Ŗờờ7 έήŠấń❥ · 24-01-2010, 09:28 PM

ماشاء الله ع الراويه الجميله..
الف شكر لك ..
ولطرحك الرائع.عبير الورد.

سندريــــــلا · 25-01-2010, 02:19 AM

غاليتي عبووره

أول مره أدش هالقسم وأول مره تلفتني روايه بس مو أي روايه

دام فيها توقيعك فكلي ثقه بذوقك الرفيع ..

بس عندي مشكله أن من النوع اللي أحب أقرأ الروايه كامله يعني أفهميها هههههه

لاتطولي نزليها كلها مره واحده بس شكلك جالسه تشوقينا عليها وهي تستاهل ..

يعني الله يعيني أقرأ اللي منزلتها وأجلس أنتظرك ياعسل ..

ودمتي بخير ..

سندريـــــــــــــــلا