انا مره مايهزني رجال

[بندوله مصدعه]

يعطيك العافيه نونا

الرويه مره مره روعه بليز كملي والله حرام من الابعاء الى الابعاء


والله ما فيني صبر ما اقدر انام هههههههههههههههههههه

تقبلي مروري
{{{{{{{{{{{{{{{{{{{{{{{{{بندوله مصدعه}}}}}}}}}}}}}

[فني بابداعي]

حلوه منك جدا واتمنى لك مزيد من التقدمشكرا لك ولابداعتك لمنتدى الود وانشاء الله الجاي افضل وافضل

[فني بابداعي]

حلوه منك جدا واتمنى لك مزيد من التقدم شكرا لك ولابداعتك لمنتدى الود وانشاء الله الجاي افضل وافضل

[●MŭhâMmāĐ●]

... ننتظر التكمله

[نــــونــــا]

الجزء السابع:

زيد كانت حرارته جداً مرتفعه..ونوره كانت خايفه عليه..لأنه كان سليم قبل مايركب الطياره..وماتدري كيف انتكست حالته فجأه..!!!!!!!
لما جاء المضيف يشوف نوره وهي تبكي سألها إذا محتاجه شيء
قالت نوره بكل حزن:زوجي مدري وش فيه؟؟؟؟؟؟؟؟؟؟؟؟؟؟؟؟؟؟
المضيف: خلاص ولايهمك الحين نشوف وش فيه..
نقلوا زيد لسيارة اسعاف لأنه مهب قادر يمشي من شدة التعب..قررت نوره تروح معه..ولكن ماتقدر تركب في الإسعاف وتخلي شناطهم..فأخذت تاكسي وخلته يتبع سيارة الإسعاف ..ولما وصلوا المستشفى وكشف الدكتور على زيد قرر انه يجلس عندهم إلى ان تنزل حرارته..فقالت نوره انه احسن شيء تروح تودي الشناط للشقه وترتاح وتجيه في المغرب..بس ماتدري وينها الشقه!!تذكرت ورقة الحجوزات اللي في جيب ثوب زيد خذتها..وخذت فلوس..وطلعت بعد ماتأكدت ان زيد صار اخف ..لكن توه مابعد قام...فقالت اروح اريح شوي وانزل شناطنا في الفندق بعدين ارجع..وحطت خبر عند الكاونتر عشان إذا صحى زيد يتطمن عليها....!!!!!







اخذت نوره تاكسي وعطته العنوان ..ووصلها للفندق..دخلت نوره الفندقواخذت مفتاح الشقه بعد ماعطت الريسبشن فلوس وطلعوا الشناط فوق..ولما طلع الموظف دخلت وفرغت الشنط في الدرج وصلت العصر ونامت شوي..على آذان المغرب..قامت نوره بسرعه وتوضت وصلت وبدلت بعدين لبست عباتها عشان تروح المستشفى عند زيد لأنها تأخرت عليه واجد وتعتقد انه الحين قلق عليها!!!!!!!!اخذت تاكسي الفندق ووداها المستشفى...








اول مادخلت نوره الغرفه اللي فيها زيد..شافته نايم..وعرفت من الممرضه انه سأل عنها..وتوه من نص ساعه رجع ينام.....جلست نوره عند راس زيد..وقعدت تتأمل ملامحه لأول مره تناظر ملامح زيد بدون مايدري عنها وبدون ماتنحرج...وقعدت تلعّب اصابعها في شعره..ولاول مره تلمسه..








زيد كان يحس ان راسه ثقيل ومهب قادر يرفعه..ولا يقدر يفتح عيونه..كان جسمه منهك حيل..وكأنه اول مره يتعب..واول مافتح عينه وذلك بعد صعوبه لقى نورهجالسه عند راسه وتلعب في شعره..واول ماانتبهت له سحبت يدها بسرعه من راسه وقالت:الحمدلله عالسلامه ماتشوف شر...
زيد ابتسم إبتسامه فيها إرتياح:الله يسلمس من الشر...
نوره: هاه وش لونك ؟؟عساك بخير؟؟
زيد: بشوفتس صرت بخير...!!
نوره اول ماسمعت كلامه بان على خدودها حمره من الخجل...بس زين ان نقابها باقي عليها.... وقررت ماتخليه يكمل..وقالت: زيد..ارتاح ذا الحين وبكره لما يطلعونك..تكلم على كيفك مهب رادتك..
زيد: ومن قالس اني بقعد لبكره..؟؟؟؟؟؟؟؟!
نوره:الدكتور..يقول انك تعبان ومحتاج لراحه ويمكن تقعد عندهم يومين..
زيد: النوري..الدكتور جاني وقال تقدر تطلع اليوم لأن حرارتك خفت..وع العلاج بتسلم ان شاء الله....اقول النوري ..انتي وين جلستي فيه؟؟؟؟؟؟؟؟؟؟؟!
نوره: رحت للفندق نزلت اغراضنا..وجيت..
زيد: بالحالس...؟؟؟!ليش تروحين؟؟؟ومن اللي موديس؟؟!!!!!!!!
نوره: زيد وش فيك..ايه رحت الحالي ..على تاكسي..يعني وش تبيني اسوي اقعد مرتزه في الإنتظار انا وشناطي..
زيد: اجل يالله خلينا نطلع..
نوره: اصبر خلني اشوف الدكتور وش بيقول تطلع ولا ..لا...!!!
وقامت عشان تطلع ..لكن زيد مسك يدها!!!!!!! وقال:عيدي اشوف وش بتسوين..بتكلمين الدكتور ..ام الشباب نسيتي نفسس..ترضين انادي الممرضه واقعد اسولف معها.....!!!!!!!؟؟؟؟
نوره ماتت من القهر وقالت:عادي!!! تدري ليه لأني واثقة فيك..وطلعت وخلته..

نوره يوم طلعت سألت الممرضه والممرضه سألت الدكتور اللي قال عادي يطلع بس اهم شيء يداوم عالعلاج!!











من يوم طلعت نوره قعد زيد يفكر في نوره..هي شلون جاهله وقدرت تروح الفندق الحالها..وكيف دلته..اكيد الحين حجزت لها في فندق ثاني مهب اللي حجزت فيه انا..ولعبوا عليها وضيعت الفلوس...!!!!!!!!!!
زيد وش فيك انت؟؟ بزر هي...بعدين فداها الفلوس وراعي الفلوس هذي النوري..يازيد النوري...ليه ماتخليها تاخذ غلا في قلبك..ليه ؟؟؟يازيد حبها..نوره ماتنعاف..بدّل منيره بنوره ...بدلهـــــــا.!!!!!!!








نوره لما رجعت لزيد ..لقته واقفويصلح لبسه..وعيونه حمراء من كثر التعب...ولما شافها ابتسم..ونوره قالت في خاطرها..خلك تعافى وشف وش بسويلك..والله لأعلمك من هي نوره اللي منتب شايفها شيء...انت اصبر علي بس.!!!!!!!!!!!!!!!!!!!!
نوره: هاه ياأستاذ زيدخلصت؟؟؟!!! التاكسي يحترينا برى..زيد اللي استغرب كلمة استاذ منها وكان بيموت ويشوف ملامحها وهي تقولها عشان يفهم قصدها.....ولكن نوره مازالت بنقابها...وقال: ايه خلصت يالله مشينا..وطلعوا مروا الصيدليه واخذوا العلاج وهم في الطريق للخروج من المستشفى سأل زيد نوره: اقول نوره وش الفندق اللي استأجرتيه؟؟؟؟؟؟؟؟
نوره: اخذت ورقة الحجوزات اللي في مخباك..وعطيت اسواق العنوان ووصلني وعطيتهم الأسم ودخلوني الشقه بس!!!!!!!!!!!
زيد: اهااااا...على بالي استاجرتي واحد ثاني ........
نوره: ليه شايفني خبله..كنت اشوفك يومك تدق تحجز وحنا في الديره..
زيد:.............................................. ......
ركبوا التاكسي ووصلهم للفندق ..واول من دخل الشقه كانت نوره لأن المفتاح معها..وبعدين دخل زيد..نوره نزلت عباتهاونقابها وسط نظرات زيد.......
نوره: اقول زيد..رح صل العشاء ..وانا بتصل يجيبون لنا عشاء..عشان تاخذ علاجك..ولاتتأخر تراني اخاف الحالي...!!!!!!

زيد ضحك بصوت عالي..بس فيه مسحة تعب وقال: طيب ماراح اتأخر..بس انتي مااكلتي شيء من يوم وصلنا؟؟؟؟؟؟؟؟!!!!!
نوره تهز راسها بإشارة لا...وهي منزله راسها تشيل اغراضها..كانت خايفه يكون زيد يضحك عليها وقررت تطلع من المكان اللي هو فيه...
ولما وصلت عند باب غرفة النوم التفتت عليه وقالت:ممكن اعرف وش يضحكك؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!
.................................................. ..................
...........................................

[نــــونــــا]

الثامن:

زيد:تدرين ليش اضحك؟؟؟؟؟؟؟؟؟!!
نوره: لا..ياليت تقولي..كانت نوره تقولها ودموعها مستعده تنزل في أي لحظه..
زيد: عليس..........!!!!!!!!!!!!
نوره بعد ماسمعت رده رجعت لمكانها اللي كانت فيه وقالت:ليش فيني شيء يضحك؟؟؟؟؟؟؟؟؟؟؟
زيد: شكلاً ...لا ..بس مضموناً ايه.......!!
نوره سكتت ماعاد تبي تتكلم..يايقولها ولا مهب سائلته........
ورجعت دخلت غرفة النوم بسرعه..نزلت اغراضها عالتسريحه في الغرفه..وطلعت تتصل على مطبخ الفندق عشان يجيبون لهم عشاء بعدين راحت تتسبح..




زيد: ياقلبي عليها تاخذ العقل وهي زعلانه...وانت وش عليك منها..؟؟؟
وش اللي وش علي منها.....!!! هذي زوجتي...نسيت وش كنت تقول عنها يازيد...؟؟كلامي قبل مااعرفها مايحسب علي ذا الحين..والحين وش شفت فيها..؟؟؟شفت فيها حبي الحقيقي..ومنيره يازيد..؟؟؟منيره حلم طفوله مرده ينتهي...لكن نوره حلم حياتــي..!! اللي تحقــق!!!!!!!!




نوره بعد ماخلصت سبوح...طلعت تصلي العشاء...ومن الإزعاج اللي في الصاله عرفت ان زيد زيد جاء...قامت وقفلت الغرفه بالمفتاح عشان تاخذ راحتها وهي تمشط شعرها...خصوصاً ان نظرات زيد هاليومين زايدة حرارتها......!!!!!!!!!!







زيد اول ماسمع الباب يتقفل..خاف انها تنام بدون ماتتعشاء والفضول كان بيذبحه ويعرف هي وش تسوي..بس مايدري وش يسوي فقرر ينتظر ربع ساعهإذا ماطلعت راح يدق عليها الباب.....








نوره مشطت شعرها وحطت عليه جل إلى ان طلع مجعد بشكل جذاب..ففكرت تحط مكياج يناسب بدلتها اللي بتلبسها..كانت مقرره انها تنهي غرور زيد اللي بدت تكتشفه...طلعت لها بدله كانت منحرجه من انها تلبسها بس لازم ...عشان تسيطر عالأمور...كانت بدله بنطلونها اسود جنز..فخذه الأيمن فيه كرستال روعه..وبلوزه لونها فضي كات..توكلت على الله ولبستها...وقامت عند التسريحه وحطت شدو خفيف اسود مع فضي طلع عيونها جنان..وحطت روج وردي لامع..وطلعت لها حذيان كعب لونها ابيض ولبستها ووقفت تشوف شكلها قبل ماتطلع...ومشت صوب الباب..بعدين رجعت لما تذكرت انها ماحطت عطر..ولما خلصت فتحت الباب....!!!!!









زيد لما انتهت الربع ساعه قرر يقوم...يشوف وش فيها تأخرت..ماكان قادر يقعد دقيقه وحده بدونها..صار يحس انها شيء مهم في حياته..ولما قرب من الباب ومد يده يدقه..لكن نوره فتحت الباب قبل لايدق..وطلعت له وهي بإبهى حله..زيد اول ماشافها فتح عيونه على كبرها..وجلس يبحلق فيها..وكأنه اول مره يشوفها اللي يشوفه يقول ماجلسوا مع بعض من قبل..........!!!!!!!!!!!!!!!!!!!!









طلعت نوره وهي محاوله قد ماتقدر انها ترسّم نفسها ..وقالت:جاء العشاء؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
زيد لما سمعها تتكلم رجع للواقع..وقال: هاااااااااه..ايه..ايه..جاء يالله خلينا نتعشى....!!!
راحت نوره للمطبخ اللي كان يطل عالصاله وماكانت تدري ان زيد دخل وراها..ويوم التفتت بعد ماجابت لها كاس ماء..لقت زيد واقف وراها..فضحكت بصوت عالي..واول مره تضحك بها الشكل قدام زيد وقالت: زيــــد...وش فيك؟؟؟العشاء مهب في الصاله...؟؟؟
زيد: الا بس....كنت ابيس تجلسين معي....!!!!
نوره: خلاص بس انت رح اجلس وانا بجيك...
طلع زيد..بعد ماحس انه انحرج من اللي سواه ...وكانت ماتزال ضحكة نوره ترن في باله..
نوره: انحرجت لما ضحكت بصوت عالي قدام زيد..وودها تعتذر له..بس قالت ..لا..!!! خله يذوق اللي ذقت يوم ضحك علي...وطلعت وراه؟؟؟؟؟؟؟؟!!!!!!!!!!!!!!!!!!!!!!!!!!!!!!







واول مادخلت الصاله لقت زيد جالس على طاولة الطعام وفاتح الأكل وينتظرها..ويوم قربت منه..كانت متوقعه انه بيرفع عينه من العشاء ويناظرها..لكن زيد خذلها..نوره اول ماشافته مارفع عينه لها..ظنت انه زعلان منها..وهو اساساً كان منحرج منها عقب الحركه اللي سواها...قعدت على كرسي مقابل لكرسي زيد وهي متكدره....!!!!!!!!
وبدوا ياكلون بصمت موحش..........!!!
نوره: زيد..؟؟!!
زيد رفع راسه بسرعه وقال. سمي...!!!!
نوره: سم الله عدوك..زيد انت..انت زعلت عشاني ضحكت عليك..؟؟؟؟؟؟
زيد لما سمعها عرف انها ناويه تعتذر منه..قال خلني انقذ نفسي وقال:بصراحه الحركه اللي سويتيها..مااعجبتني..!!!وقال في خاطره ياليت تعيدين الضحكه مره ثانيه...
نوره قامت من العشاءبسرعه وقالت: انا آسفه!!!!!!!!!!!!!
وراحت بشكل سريع للغرفه....








زيد يوم شاف شكل نوره وهي تعتذر كان وده يقوم يحب راسها بس مسوي نفسه ثقيل...!!!ولكنه ماتمالك نفسه يوم قامت واقفه وراحت لغرفتها..ودخل وراها!!!!!!!!!!!!
زيد: النوري..قومي كملي عشاء!!!!!!
نوره: الحمدلله شبعت...
زيد: شبعتي وانتي مااكلتي شيء؟؟!!!!!!!!
هنا انفجرت نوره...
اسمعني يازيدمهب معناه اني احبك !!! تذلني..وتتأمر علي..انا نوره بنت زيد..مهب أي مره تلعب عليها بالحكي الحلو..كل شيء الا كرامتي يازيد..كرامتي فوق كل شيء..لو سمعت لك مره..تأكد اني مهب مفوتة الثانيه..وقامت تناشق من البكي..زيد يومك ماتبيني ليه اخذتني..ليه يازيد؟؟؟؟؟؟؟؟!!!!عشان تظلمني...انا بسألك سؤال..انت ليش عصبت يوم ضحكت عليك..اكيد انقهرت وحز في خاطرك..اجل انا وش اقول وانا مره عاطفتي واحساسي هو اللي يقودني..زيد انا ماعاد اقدر اصبر..!!!زيد لو سمحت طلقـــــــــــني..!!!!!!!!!!!!!!
وطلعت من الغرفه وراحت للحمام..وهو واقف قدامها ومايدري وش يسوي...







زيد قام يتذكر كل كلامها..من احبك..وليش تزوجتني؟؟؟!!!!!!إلى طلقني.......!!! هناوصل تفكير زيد انه يطلق نوره....
مهب هذا يازيد اللي تبيه..البنت جزاها الله خير ماتعبتك واجد..وعلى طول قالت طلقني...اطلقها لا..مستحيل..مستحيل اعيش ونوره مهب معي...مااقدر اعيش بدونها..مااقدر مااسمع صوتها..مااقدر مااحس بحنانها..وطيبتها..والله مااقدر...!!!!!!يازيد حافظ على بيتك ومرتك..نوره ماتتعوض..انا مستحيل اطلقها ومهب على كيفها.......!!!!!!!!!!!!!!!!!!!!!!!!!!!وقام وطلع عشان يكلمها ويهديها ويعتذر منها.....






لما وصل الصاله سمع صوت الماء في الحمام..فتمالك نفسه عشان يسيطر عالوضع المشحون..لكنه ماقدر يمسك نفسه يوم شافها طالعه من الحمام..راح لها على طول وسحبها من يدها وجلسّها على الكنبه...وقال:
"حبيبتــي"..انا آسف..ماكان قصدي انرفزس وارفع ضغطس..صدقيني انا كنت منحرج من اللي سويته..وماكان عندي حل عشان ابعد هالإحراج الا هالإسلوب..آسف..النوري...!! النوري حياتي تكفين ردي علي..؟؟؟ومسك يدها وباسها..








نوره لما حست انها شيء مهم ..قررت تتماسك..وتحسس زيد بغلطته..وتخليه يندم..ماكانت قادره تسامحه..وقالت له:زيد متى بتطلقنــــي؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!! !!!
........................................



زيد عقب سؤال نوره..حس انه بيختنق..صار يحس ان الهواء اللي يتنفسه ممكن ينقطع في أي لحظه..وهاللحظه قربت..صحيح انها ماكانت تعني له الشيء الكثير..لكن الحين هي تعني له وجوده في هالحياه..اخذ نفس عميق ورجع جلس عالكنبه وقرر انه يسكت شوي..وبعدين قال:نوره يمكن اللي قلتيه عني قبل شوي صح..
نوره: خلن نكون صريحين احسن وواضحين مع بعض احسن...!!!!
زيد: وهذا الأفضل لي..انا بصراحه ماكنت افكر في لحظه من حياتي اني آخذس وافكر فيس كزوجه..على بلاطه انا ماكنت اعرفس..!!!!!!
نوره لما سمعت مااعرفس طاحت دمعتهاعلى حضنها..ماكانت متخيله انها ممكن تحب شخص مايدري عنها....
زيد: ذا الحين انتي ليش تبكين..؟؟؟؟ممكن اعرف..؟؟؟إذا على سالفة الطلاق..ففكري فيها بعد مااخلص كلامي..لأني بوضحلس اشياء انتي كنتي غافله عنها....
يانوره انا مااقدر اعيش من غيرس...ومافيه مره في الكون كله عندها مثل ماعندس..نوره انتي حظي اللي من السماء..انتي قدرتي فعلاً تملكين قلبي وعقلي..ويعلم الله يانوره اني حبيتس من صدق ولس الحريه إذا تبيني اطلقس ولا..لا..!! المهم فكري في كل اللي قلته..ومشى طالع من الشقه..ويوم وصل للباب قال:النوري..سامحيني..!!!!!!!!!








نوره لما شافت زيد طلع من الشقه..كان ودها تقول له لاتروح زيد انا احبك ولايمكن احب غيرك..وخصوصاً بعد اللي قاله لها والإعتراف الخطير منه بحبه لها....جلست نوره تبكي بصمت قاتل..كانت خايفه..خايفه على زيد..كانت تحس انه لها غصن الأمان..خايفه من المستقبلانه ممكن يفرق بينها وبينه..ماكانت عارفه ان هالقرار بيدها هي..انها تحافظ على زيد..او تخذله....!!!!



دخلت نوره لغرفتها وبدلت ملابسها..وكانت ناويه تنامبس ماقدرت تنام وزيد مهب فيه..جلست تقلب عالسرير..وسمعت الساعه اثنا عشر الليل باب الشقه ينفتح..قالت هذا اكيد زيد..فقررت تسوي نفسها نايمه..كانت خايفه انه يكون جاي يقول لها انتي طالق!!! كانت خايفه تخسر زيد...






زيد اول مادخل الغرفه لقاها نايمه فما حب يزعجها..لبس بجامتهوطلع للصاله..ماكان يبي ينام ..كان يبي يفكر على راحته..وهي بعيده عنه..وجودها حوله..ونفسها اللي يسمعه لما تكون نايمه..يوتره...كان يبي يفكر بعقله وبقلبه ..ويحاول قد مايقدر يبعد شيطانه عنه..بس التعب ذكره بعلاجه اللي قام وخذاه..وجلس شوي بعدين نام....!!







نوره اول ماشافت زيد..تأخر ماجاء ينام..خافت لايكون طلع..طلعت للصاله..ولقته نايم على الكرسي وشكله يكسر الخاطر..تألمت لما حسب بالبرد..لأنه نايم بدون دفا..راحت بسرعه للغرفه وجابت منها مفرش وغطت به زيد...وجلست شوي تناظر فيه..شافت ملامحه متغيره ووجهه ذبلان وعيونه تحتها سواد..وقالت: لازم تتحمل يازيد اللي بيصير لك..عشان ينجح زواجنا ..ولا الله يخلف علي وعليك..وقامت تبي ترجع للغرفه ولما دخلت الغرفه قعدت تفكر في مصيرها المجهول...وش راح يكون........!!!!!!
نوره هذا وانتي العاقله الكبيره..اول مشكله واجهتس في زواجس تبين تنهينها بالطلاق..هذا اللي علمتس امس..نوره حافظي على رجلس ابرك لس..ترى زيد مابه مثله..!! ولأن مابه مثله..بخليه يندم على كل غلطه سواها في حقي..عشان يحترم الحدود اللي بينا..ويعرف ان جهلي ماله دخل في تفكيري..واني يالجاهله ربيت اثنين احسن تربيه..




جلست نوره على هالحال إلى ان انتصف الليل..وقررت تنام وتؤجل التفكير في وقت ثاني....






زيد رن منبه جواله على وقت صلاة الفجر..قام بعد مااستغربوجود المفرش عليه..وعرف انها نوره الطيبه الحنونه..بعده عنه وقام توضأ
ودخل الغرفه يغير ملابسه..بدون مايزعج نوره..عشان يروح المسجد..لكن نوره حست فيه لما فتح لما فتح باب الدرج بقوه بدون مايقصد وقامت من الروعه وقعدت على حيلها وقالت:يمــــــــــــــــه.........!!!!
زيد: بسم الله عليس..آسف لأني ازعجتس..!!
نوره: زيد!! وش تسوي روعتني؟؟؟؟؟؟؟؟
زيد:آسف..انا طالع اصلي الفجر ..تبين شيء..وابتسم إبتسامه باهته متردده..!
نوره: لاسلامتك..
طلع زيد ويوم جاء عند الباب قالت له نوره:زيد..انت اخذت علاجك البارحه؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!! !!!!!!
زيد ضحك ضحكه بسيطهوقال: يهمس ذا الشيء؟..؟؟ايه خذيته مع السلامه..وطلع..
نوره بعد ماطلع زيدقالت: الله يحفظك ياقلبي...!!!!!!!!!!!




زيد بعد ماطلع للمسجد..وهو في الطريق..يفكر في نورهوليش سألت إذا اخذت علاجي ولا لا..؟؟؟ اكيد اني اهمهاولا بتقول بالطقاق..بس اكيد اني اعني لها شيء...يمكن تحبـــني!!!..كيف تحبك ياذكي وهي توها تعرفك..لاوتقول عنها جاهله وغبيه..لاوالله اسمح لي انت الغبي مهب هي..بس إذا هي تحبني بتقول طلقني؟؟؟؟؟؟؟!!!!!!
ودخل المسجد....






بعد الصلاه طلع زيد من المسجد وشاف العالم فاتحين محلاتهم..مر على فوال واخذ منه فطير مشلتت وفطور عشانه ناوي يطلع يمشيها اليوم من الصبااااااااااح..لما وصل الشقه ودخل..لقى نوره طلبت له فطور بسيط وحطت علاجه جنبه..ناظر للغرفه ..لقى بابها مسكر..قام عشان يناديها تفطر معه..ولكن نوره قالت له انها تبي ترتاح ولا تبي احد يزعجها.قرر زيد يخليها على راحتها ويفطر مع ان ماله نفس..واخذ علاجه وبعدها راح ينام شوي عالكنبه بعد ماضبط جواله عالساعه تسع عشان يطلعون يتمشون.......!!!!!





نوره بعد ماسمعت زيد يطق الباب ويناديها تفطر معه وهو كاسر خاطرها..لكن قالت انا لازم أدبك عشان تحترمني يازيد مثل مااحترمك..وغصبت نفسها تنام ..لكن كيف مع هالمخططات اللي في راسها...!!!




دق المنبه الساعه تسع..تسع وربع قام زيد..كان يبي يتسبح بس مايقدر لأن ملابسه في الغرفهونوره مسكره عليها الباب..قام وغسل وجهه وراح يصحي نوره عشان يطلعون...وياخذ له ملابس..



قعد زيد يطق الباب بهدوء..ولا سمعته نوره..فرفع صوت الطق شوي..وقعد ينادي نوره..نوره من يوم سمعت زيد وهو يناديها..قامت بسرعه وعدلت شكلها وشعرها..وفتحت الباب...!!!!
زيد: صباح الخير حيااااتي...!!!
نوره صباح النور والسرور..وتعدته رايحه للحمام تغسل وجهها...






زيد هذي إلى متى بتقعد على ذا الحال؟؟؟بس والله ان شكل عيونها وهي متنفخه ياخذ العقل..!!انا لازم اكلمه اليوم..والا مابه حاجة اكمل معها تمشيه واغث نفسي..وهي مهب قاعده عندي..




زيد وهو رايح للحمام بعد ماخذاله ملابس قابلته نوره في الطريق..قال لها: حياتي جهزي نفسس نبي نطلع نفطر برى..
نوره: ليش وين بنروح؟؟؟؟
زيد: ماتبين تمشي..؟؟؟!! انا ابي امشيس..وابتسم
نوره: طيب عشر دقايق واكون جاهزه..راحت وتركت وراها زيد متحطم من معاملتها له..كان متوقع انها تستانس..تضحك ..تبتسم عالأقل.زاي شيء اهم شيء يكون فيه تجاوب معه....







بعد عشر دقايق بالضبط طلعت نوره من الغرفه..كانت لابسه تنوره وبولزه كمهاطويل..وماسكه عبايتها ونقابها في يدهاوقالت: انا جاهزه..!!!
زيد: يالله مشينا..ومسك يد نوره بعد مالبست عبايتها...وطلعوا من الشقه..






نوره كانت تحاول تضبط الدور ..وماتخرب على نفسها هالتطور السريع من زيد..ولكن من مسكها زيد..سرت في جسدها رجفه مريحه بالنسبه لنوره بس كان لازم تجر يدها من يده عشان تعلمه هي كيف إذا زعلت...!!!!!




زيد اول ماحس ان نوره بدت تجر يدها من يده فك يدها وهو يتنهد وابتسم وهو منزل راسه عشان ماتنتبه له..





لما وصلوا عند الأهرامات..كانوا يشوفون خيول وجمال..قال زيد: حيااااااتي ماتبين تركبين..؟؟؟؟؟؟؟؟؟
نوره بأستغراب: لاوين اركب..وعبايتي وحالتي؟؟!!!
زيد:طيب ليش مالبستي اللي عليس امس ليه اجل هو ماينفع للطلعه..؟؟ ترى عاديعندي إذا تبينى اركبس؟؟؟؟؟؟؟؟؟؟؟!!!!
نوره انحرجت واااااااااجد من كلام زيد لما تخيلت كيف يركبها عالخيل والا الطلب الصريح منه انها تلبس له البدله اللي امس وقالت عشان تنهي الموضوع: لا مابه حاجه..انت ماتبي تركب؟؟؟!!!
زيد: ويش ..تبيني اركب واخليس..لاو الله اللي ماركبت..وابتسم
نوره من شافت إبتسامة زيد كانت بتذوب..بس مسكت نفسها عشان تمشي اللعبه عليه..ونزلت راسها...




بعد ساعتين من التمشيه قال زيد لنوره:حياتي..انا ادري انس مافطرتي اياص كان السب..لكن الحين انا عازمس على مأكولات بحريه جنان..ويوم شافها ماردت عليه قال: عمري انتي معي؟؟؟؟؟؟؟؟؟؟؟





نوره من سمعت زيد يقول حياتي وهي رايحه فيها..كانت تجيها موجات عاتيه من بحر حب زيد..وكانت بتستسلم..لكن غرورها وعزتها تمنعها..لكن من اسمعته يقول لها عمري قلت له:هااااااااااا...........!!!!




زيد يوم سمعها تقول هااااا.. وهو يضحك..عرف انها بدت تستسلم..وقال: الله يعينك ياقلبي...!! وسحب يدها ومشوا للمطعم..




اول مادخلوا المطعمطلب زيد طاوله بعديه شوي عن الناس عشان تاخذ نوره راحتها..ويضمن ان مافيه احد يشاركه النظر لها..نوره كانت فرحانه وااااااجد ولكن تخفي هالفرح..وكان كل ماسألها شيء جاوبت بإختصار ولا كانت تطرح مواضيع..




زيد بعد ماحس بسكوت نوره..درى انها باقي زعلانه عليه..قال: النوري ترى تقدرين ترفعين نقابس ماحولنا احد!!!!!!
نوره: معليش انا كذا مرتاحه!!!!!!!!!!!!!!!!!!
زيد:....................
هذي متى بترضى علي؟؟ وكيف تبيها ترضى عليك؟؟؟؟؟؟؟؟؟؟من زين فعايلك..بس معاملتي لها اليوم وامس غير..وتبيها من يومين ترضخ لك.شكلك ماتعرف عنااااااااااد نوره ..الله يصبرني يانوره..الله يصبرني!!





زيد قعد يتلفت يمين ويسار عشان يشوف إذا فيه احد يناظر نوره ولا لا..لكنه شاف بياع ورد..واستأذن من نوره في انه يروح يغسل..ومن يوم قام وهو عينه على نوره اللي كانت منزله راسها وكأنها تخطط على شيء..............




زيد من يوم وصل لبياع الورد وهو يقوله كلمتين وخمس دقايق يناظر نوره..لما اخذ الوردهحطها في يده وحط يده ورى ظهره وجاء متقدم لنوره...



نوره اول ماشافت زيد جاي لها..ابتسمت من ورى النقاب..واستغربت يوم شافته حاظ يده ورى ظهره..وقعد قدامها..



زيد مد الورده الحمراء على نورهوقال: "حبيبتي"هذي وردة حبنا وانتي تراس وردتي..الله لايحرمني منس قولي آمين!!!!
وكان يبتسم لها ولكن من سمع ردها..تمنى انه ماجاب لها الورده ولا نزل نفسه لها.....!!!






نوره لما شافته مد الورده عليها.زفرحت في داخلها.زولكنها قالتفي خاطرها..الحين رديت لك شوي باقي لك شوي ياحبيبي اصبر علي بس وقالت:ماكان له داعي تجيبها..وتقول انك تحبني..دام اننا ماراح نطول مع بعض.........!!!!!!!!!!!!!!!!!!!!!!!!!!!!!!!!!!!!!





زيد انصدم من كلام نوره صدمة عمره اللي ماراح ينساها..وكان يقول يالله من هالبنت مااقواها..اخبر الحريم يضيعون من الكلام الزين..اشهد بالله انها مهب منهم..!!وقام ودفع حق الغداء وقال: قومـــي خلينا نرجع البيت..






نوره لما شافته عصّب قالت في خاطرها:انتي وش سويتي يالخبله؟؟؟خربتي على نفسس طلعة ماتتفوت ومع من مع اللي تحبينه واللي تمنين ماتفارقينه دقيقه....





اول مادخلوا الشقه..نوره راحت بسرعه للغرفه وقفها لما قال: جهزي اغراضس ترانا بنرجع في اقرب طياره.زوطلعي لي مفرش ومخده.!!!!!!!!!!!!!!!!!!!!!!!!!!!!!!!!!!!!!!!!!!!! !!!!!






نوره بعد ماسمعت كلام زيد تجمعت دموعها في عينها..وكان ممكن في أي وقت انها تطيح..لكن مسكت نفسها عالأقل قدام زيد..ولفت بتروح للغرفه وهي تقول في خاطرها: طبخٍ طبختيه يالرفلاء اكليه..!!!!
تستاهلين اللي جاس تستاهلينه..لا..ليش استاهل انا بكذا عرفت إذا زيد فعلاً يحبني ويكن لي شيء ولا ..لا..لكنك طلعت يازيد ماتحبني..الله يسامحك بس..وطاحت دمعتها......!!!!!!!!!!!1





زيد عرف انه قسى كثير على نوره..ولكن قال في خاطره احسن عشان تعرف ان فيه حد لصبري..واني مهب لعبه تحركها على كيفها..انا رجال وكلمتي تمشي عالصغير والكبير..وإذا كانت مره سنعه بتحافظ على بيتها..وإذا انها لعابه..!! ماعليها حسوفه...!!!! آه..لا يازيد عليها ونص... نسيت انك تحبها ..وتحبها ..وتحبـها..!!!!!!!!!

[نــــونــــا]

الجزء التاسع:

لحظات الصمت اللي كانت في الشقه كان يتخللها طلعات موره من الغرفه عشان تصلي العصر والمغرب...وجية زيد ليها في الغرفه عشان يقول لها تجي تغدا....لكن نوره كانت كل شياطين الجن في راسها..كانت ساكته ...مرت يومين على هالحال وكانت رحلتهم للديره اليوم الثالث الساعه عشره الصباح...نوره مانامت ولا زيد نام كان كل واحد يفكر في الثاني...لكن نوره تفكر بحزن!!!وزيد في داخله فرحان لأنه عارف انه مستحيل يطلقها لو قالت له طلقني وهم مامر عليهم غير اسبوع ويومين..وش بيقولون عنها الناس إذا تطلقت هالوقت ..!!وكان عنده امل انها تحبه مع الوقت..ماكان متوقع انها بدت تكرهه.!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!







قبل الرحله بثلاث ساعات كانت نوره في الغرفه جالسه والباب مفتوح..طلت من الباب شافت زيد منسدح على الكنبه وشكله نايم..سحبت شنطة الكمبيوتر وفتحته..كان جديد اول من فتحه هي بعد ماشراه زيد..قعدت تدور على فيش تلفون...ولقته ورى السرير راحت وشبكته واتصلت وفتحت إيميلها..وقعدت على النت ساعه وربع تقريباً بدون ماتحس بالوقت..وتفاجأت يوم شافت زيد داخل عليها عشان يقولها تطلع اغراضها في الصاله عشانهم بيروحون المطار..لكنه تفاجأ هو بعد يوم شافها قاعده على السرير وحاطه في حضنها المخده وفوقها اللاب توب
حقه...وقال لها: انتي وش تســــــــــوين؟؟؟؟؟؟؟؟؟؟؟؟؟؟؟!






نوره اول ماشافت زيد داخل عليها تمنت الأرض تنشق وتبلعها..ولايشوفها زيد بها الشكل..وحست ان كل اللي سوته طول هالوقت راح هباءً منثورا...!! وقالت بإرتباك: اشوف إذا مزنه اوسعد متصلين عشان اقولهم انا بنجي اليوم...!!!!!!!!


زيد اول ماسمع كلامها حس كأن احد عطاه كف على وجهه..!! انا وشلون اكلم اهلي واسأل عنهم..ولا فكرت اعطيها تكلم اهلها وتطمنهم عليها...صدق ماعندي سالفه وخبل...وقرب منها وطلع جواله وقال لها:كان قلتي لي انس تبين تكلمين اهلس كان عطيتس مهب قايلٍ لا..خذي كلمي اهلس ومد الجوال عليها..ولاخلصتي طلعي اغراضس برى عشان يشيلها العامل ويوديها للسياره..نوره انحرجت من زيد وفي نفس الوقت كان ودها تقوم تخنقه !!!! يبيلها نشدة شيخ ذي ياعالم لما ابي اكلم اهلي مايحتاج اقولك انت من نفسك المفروض تخليني اكلمهم من غير ماقولك..وسكتت وخذت الجوال منه وكلمت اهلها عالسريع وقالت ان عنده شغل نسى يخلصه ومايحتمل تأخير..عشان كذا بيرجعون..وسكرت الجوال وراحت تطفي الكمبيوتر ورجعته في شنطته وطلعت اغراضها للصاله...








زيد اول ماطلع للصاله قعد يفكر لماشافها تشتغل عالكمبيوتر..هي كيف تعرف للكمبيوتر..لاوإيميلات بعد ..والله مهب هينه..وانا اللي احسبها جاهله وماتفهم شيء..طلعت خطيره..بعد لحظات شافها طالعه من الغرفه تسحب اغراضها وراها..قام بسرعه وقال: هذي كل اغراضس؟؟؟؟
ردت عليه بحزم وقالت: ايه..انت شليت اغراضك كلها؟؟؟؟؟؟!!!!!!
زيد سمعها بس طنشها..وطلع بالأغراض عند الباب ونادى العامل ينزلها للسياره..ورجع يقولها تنزل تحت وهو بيحاسب وبيجيها....







نوره لما شافت زيد طلع ماقدرت تصمد اكثر...كانت حاسه انها بتنفجر لو مابكت..كان راسها مصدع بقوه..خلت دموعها تنزل..ولبست عباتها ونقابها وطلعت..وخلت وراها حلم حلو ..قعد يتبخر.....!!!!!!!!!!!!!




زيد يقول في خاطره هذي الخطوه الأولى ونجحت يازيد..الله...الله في الجاي..لازم تكسر عنادها..وتخليها ترضخ لك..زيد هالمره ماركب قدام مع السواق..وركب معها ورى..وابتسم لما شاف نظرات الأستغراب في عيون نوره..وشاف عينها تلمع من الدموع لما مسك يدها في السياره...












لما وصلو المطار قعدوا في الإنتظار ينتظرون رحلتهم..وخلا ل الإنتظار
قام زيد وجاب كوب شاهي وكوب حليب وسندويش جبن..ومد الحليب والسندويش لنوره وقال: ارجوس اكلي...اخاف لاوصلنا الديره تقولين ذبحني بالجوع..كفايه انس ماتغديتي ولا تعشيتي امس..!!! وجلس محله..





نوره اول ماقال لها اكلي حست انه مازال مهتم فيها ويحبها..لكن قالت في خاطرها: يالذكيه مهب معناه قالس اكلي يحبس..يمكن خايف يصير فيس شيء ويبتلش فيس..لاتأملين نفسس واجد..والا تراس بتضيعين..!!!ومع ذلك ماتدري ليه اخذت السندويش والحليب وافطرت يمكن للجوع دوره في الموضوع...!!!!!!!







في الطياره..نامت نوره لأنها كانت جداً تعبانه..اما زيد ففتح كمبيوتره اللي ماتذكره الا يوم شاف نوره فاتحته...وجلس يتصصفحه ولقى مجلد ..شده اسمهاللي كان مكتوب عليه" ليه يادنيا إذا بفرح تبكيني" فتحه بسرعه وهو مبحلق في اللي فيه..اللي بيشوفه بيقول هذا اكيد بيخترع شيء..!!! لقى ملف ووورد اسمه"متى القاك؟؟" تشجع زيد انه يفتحه..ويوم سوى له فتح..طفى شحن الكمبيوتر..!!!!!!!!!!!
زيد كان بينفجر من القهر..وماحس بضربة يده اللي ضربّها رجل نوره ..اللي قامت مفزوعه على قوة الضربه..ناظرت فيه بعيون كلها دموووووووع....وقالت:وصلت فيك المواصيل تمد يدك علي؟؟!!!!!!!..لا ووسط العالم!!!!!!!!!!!!!
زيد مامسك نفسه انه يمسك يدها وقال: قسم بالله مهب قصدي..النوري حبيبتي..انا عصبت من كمبيوتري يـــ...........وقطعته نوره وقالت: خلاص يازيد لاتكثر حكي لا وصلنا تفاهمنا على خير اما ذا الحين ماله حاجة ترفع صوتك علي قدام الناس وتفضحنا..!!!!!!!!





زيد كان وده يحب راسها ويراضيها بس مايعرف كيف..وهي بها الحاله..فقرر يسكت ومن حرته سكر الكمبيوتر بقوه ودخله في الشنطه.زوقعد يناظر الساعه اللي من شافها عرف انه مابقى شيء على وصولهم وينزلون في مطار جده..وقرر بينه وبين نفسه انه ياخذ نوره عمره عل وعسى ترضى عليه....

بعد ماوصلوا المطار حق جده قعدوا ينتظرون الرحله الثانيه للرياض..واللي طول مدة إنتظارها وهو يقنعها ياخذون عمرهلكن نوره رافضه وبقوه...!!!! وكانت تبكي بصوت واطي..قام زيد بعد مافقد الأملمن انه يقنعها في انهم يروحون عمره..وطول الرحله الثانيه وكل واحد بالحاله.زعايش في تفكيره..وحزنه العميق مع العلم ان زيد يحاول يلطف الجو ولكن نوره ماكانت تعطيه وجه....!!!
واول ماوصولا لمطار الرياضراح زيد لمواقف السيارات عشان يجيب سيارته بعد ماركنها هناك..وطول الطريق للبيت وهم ساكتين..ماقدر زيد يقول ولا كلمه..ماكان عارف كيف يعتذر لها..ولا يدري بأي طريقه..واصلاً هي ماسمحت له يقول أي كلمه لأنها من يوم اركبت السياره وهي حاطه وجهها على الدريشه..وماناظرت حتى فيه..!!!!!!!!







لما قرب زيد من البيت..اتصل على فايز اخوه عشان يفتح له البايكه ويدخل سيارته..واول مادخلوا شاف امه وابوه واخته واخوانه قاعدين في الحوش وقت العصر يتقهون......نزل زيد بسرعه بعد ماوقف السياره
قبل مايقوم ابوه وامه عشان يسلم عليهم وواجه اخوانه..وسلم على هند اللي بكت من فرحتها برجعتهم مع انها تدري ان سفرتهم على الأقل بتاخذ شهر..




بعد ماسلمت نوره عليهم قعدت معهم شوي خذت لها فنجال قهوه..وبعدين استأذنت من عمها ومرت عمها في انها تبي ترتاح شوي من التعب اللي جاها من المطارات..وقامت ودخلت البيت..بعد عشر دقايق تعذر زيد انه بيروح يتسبح وينزل لهم مره ثانيه..وتحمل كم تعليق من محمد وفايز..ولكن كل شيء يهون في سبيل إرضاءه لنوره........!!!!!!!!!!!








نوره لما نزلت عباتها..قعدت على السرير وانسدحت وقعدت تبكي بصوت واضح...زيد لما دخل الغرفه شاف نوره متكوره على نفسها وتبكي من قلب..جلس عند راسها..ورفعه..ولما تلاقت عيوونهم..ماقدرت نوره تقاوم نظرة الحنان في عين زيد وضمته بكل قوتها...ايه ضمته..خافت تكون تتخيل..ويختفي هالطيف الحنووون من قدامها..وقالت له:............................................... ...










اول ماانتبهت نوره ان اللي ضامته حقيقه مهب خيال..فكته....!!!!!!
ورجعت على ورى..خافت انه يمد يده عليها..خافت تشوف في عيونه نظرات قسوه منه او كره...خافت انه جاي يقولها نوره انتي طالق....!!!بعد ماكان يقولها ..النوري..وحبيبتي...وحياتي وعمري..
حبست نوره أهه في صدرها ..لو طلعت راح تحرق الجميع..كان قلبها يحترق ويتقطع مليون مره..ماقدرت غير انها تبكي..ودفنت راسها بين يديها!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!







زيد اول ماشاف نوره وسمعها كيف تبكي وهي تناشق بقوه..تقطع قلبه عليها..تمنى انه يضمها عشان يحسسها بالأمان..لكنه تفاجأ يومرفع راسها وشاف عيونها كيف مورمه..من البكاء...وضمته هي بقوه بدل لايضمها...!!!!! ويوم جاء يحط يده ورى ظهرها تفاجأ مره ثانيه انها فكته ورجعت على ورى شوي...وكيف كانت تشوفه بخووووف..تمنى انه يموت ولايشوف هالخوف في عينها..وقال: حياتي..قسم بالله ماكنت اقصد اني امد يدي عليس..اسمعيني خليني اكمل..كان خايف ان نوره تقطعه..طفى شحن الكمبيوتر وانا فاتح شيء مهم ماحفظته وراح علي ومن القهر جيت ابضرب بيدي رجلي وقعت في رجلس...!!!!!






نوره فاجأت زيد ببرود غريب وقالت: صار خير ..وش تغير في حياتي.!!!! ولا شيء..لأني اصلاً ولاشيء..لكن قسم باللهيازيد لو تكرر ذا الشيء والله مايردني اقصى بيت اهلي..والا ابوي يطلع من قبره...واحلم انك تشوف وجهي مره ثانيه......!!!!!!!!!!!!!!!!!!!!!
ابتسم زيد إبتسامه متعبه وقال:قسم بالله مااعيدها....!!! وإذا تبين تضربيني هذي رجلي بردي حرتس فيها.....!!!!!!!!!!!!!!!!!!!!!!!











زيد انهلت عليه نوره وهي تقول:زيد انا ابي حنااااان..ابي احد يحبني بدون مايعايرني بشهادتي..بدون مايقلل من قيمتي..ابي انحب بكرامتي..زيد انا بنت ومن حقي احب وانحب..واعيش زي كل البنات..ماتقولي وش ذنبي..؟؟ اني قعدت اداري امي واخواني بعد مامات ابوي.زماكان عندي حل الا اني افصل من المدرسه..كنت وقتها اولى متوسط..بنت في بداية مراهقتها..وبان على ثمها نصف إبتسامه..اللي ماطلعت الا واختفت ..وطاحت بعدها دمعه متعبه هلكها الألم والجرح والحرمااااااااااان..دمعه حاره احرقت خدها الناعم..!!!!
امي وابوي كانوا رايحين المستشفىعند امي موعد عند دكتور العيون..وكان الوقت الساعه ثنتين ونص الظهر..والشارع زحمه الناس طالعين من دواماتهم والشارح ملياااان سيارات...صدموا في شاحنه كبيره..قتلت ابوي وشلت امي...!!!! وبانت عبره مؤلمه وقاتله في نفس الوقت..على صوت نوره..اللي مدت يدها عالمنديل عشان تمسح خشمها وتكمل....قعدت امي تسعه شهور في غيبوبه..وماكان عندنا احد بعد العزاء اللي كان في بيتكم واظنك تذكر جات خالتي نوره واخذتنا عندها بما ان ماعندها عيال الا صغار..كان عمي يحط لنا مصروف عند خالتي..إلى ان طلعت امي من المستشفى..واللي رجعنا بعدها لبيتنا وماكانت حالتنا الماديه تسمح لنا نجيب شغاله..ولاكنا نقدر نقول لعمي ويزيد مصروفنا لنا..فقررت افصل واراعى امي واخلي سعد ومزنه يدرسون ويجيبون مجموع ولانحتاج لأحد..تخيل وانا طفله كنت محرومه من حنان ابوي بسبب سفراته الكثيره عشان يترزق الله في بيع الغنم..ولما كبرت مات ابوي وعشت فترة شبابي شايلة هم اكبر من عمري...ولما جاء الإنسان اللي من يوم كان عمري احد عشر سنه وانا عارفة اني له..مع اني ماشفته الا كم مره وينعدون عالأصابع بعد..وتزوجته عرفت اني ممكن اعطي بس محد يعطيني..محد يعطيني يازيد...!!! محد..!! ورجعت تبكي بنفس القوه اللي كانت تبكي بها..
زيد من يوم قالت له نوره قصتها ومعاناتها وهو محترق حس انه صغير عالآخر ..وكاره نفسه عاللي سواه لها..وقام وضمها وحب راسها واعتذر منها وقال:النوري من اليوم ورايح انا ابوس ..وامس..واخوس..وكل اهلس..انتي بس عطيني فرصه..وارتاح لما شافها ابتسمت تعبيراً عن الموافقه..مسح دموعها ورفع المفرش ونومها على السرير.........
.................................................. ................
.................................................. ................!!!!!

[نــــونــــا]

الجزء العاشر:

بعد المغرب..دق جوال زيد اللي قام على صوته..ورد:الووو......
محمد: يااخي قلنا معرس بس مهب كل حياتك نوم..انتم ماتشبعون؟؟؟!
زيد: انت وش يخصك نشبع مانشبع شيء راجعلنا رجال وامرته وكيفهم في حياتهم..ياوالله الملقوف..الحين انت وش تبي؟؟؟؟؟!!!
محمد: نبيكم تنزلون تعشون الساعه قد هي عشر....!!!
زيد: صدق ..وشاف ساعته على طرف السرير وقال:كذاب المغرب توه مأذن غير فاتتني الصلاه مع الجماعه..ومهب عشاء ذا لطوف الله يجزاك خير..!!!!!!خلاص ساعه ونازلين..!!!!!!!!!!!!!!!!!!

محمد: ياوجه الله ساعه ....اسمع خلاص لاعاد تنزلون.. المهم الشايب تراه مسويٍ لكم عشاء يالله مع السلامه!!!!!!!!!!!!!!!!
زيد: طيب مع السلامه..
زيد بعد ماسكر جواله قام وخذا منشفته ودخل الحمام يتسبح ولما طلع لقى نوره على نفس نومتها..لبس ملابسه وجاء يقومها.....
زيد: حياتي النوري..حبيبتي يالله قومي..ماشبعتي نوم..؟؟؟؟؟؟؟؟؟!!!
نوره قامت وماكانت قادره تفتح عيونها من كثر البكي..ولكن حاولت ويوم شافت زيد جالس عند طرف السرير على ركبته ويبتسم لها انحرجت..وقالت سؤال جداً غريب ومهب وقته وطلع منها عفوياً:زيد انت تحبـــــــــــني؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!
زيد شافها بطرف عينه وكأنه يقولها اولاً قومي اغسلي وجهس بعدين اسألي وقال:بقولس بعد العشاء الحين قومي تسبحي وتعدلي وانزلي..اهلي مسويين لنا عشاء..يالله ياقلبي خليني اصلي المغرب......






بعد ماصلى زيد مشط شعره ولبس شماغه وقعد يتعطر..شاف في المرايه نوره وهي طالعه من الحمام..ابتسم لها وردت له الإبتسامه..عقب مادق بالكوبرا..جاء عند نوره وقال لها.النوري انا ماعطيتس صباحيه صح؟؟؟؟

نوره: صباحيتي هي شوفتك راضي علي..وماله حاجة شيء ثاني وجودك يكفيني..
لف زيد وفتح الدرج وطلع منه علبه حمراء قماشها مخمل..عليها شريطه ورديه ملفوفه بطريقه ناعمه..وقال: هذي صباحيتس يااحلى عروس..والله يقدرني اسعدس قولي آمين...
نوره: آمين..واخذت العلبه ..وقالت:تعيش وتجيب لي ان شاء الله...!!!!
زيد:من عيوني..كم نوره عندي انا..كلها وحده ..اقول النوري ابي اشوفها عليس الحين ..ولاتنزلينها إلين يشوفونها الحريم الليله..ابتسمت نوره وافتحت العلبه لقت ساعه في حياتها كلها ماشافت احلى منها كان سيرها الماس..شكلها غاليه كثيير..على طول البستها ومدت يدها لزيد يشوفها..زيد من شاف الساعه في يدها وهو ماسك يدها وطابع عليها بوسه..وقال : الله لايحرمني منس......وطلع!!!!!!!!!!

نوره صلت المغرب والبست جلابيه حمراء حوافها مطرزه بذهبي..وفكت شعرها بعد ماجففته بحكم انه مو طويل كثير..وحطت روج احمر لونه كان مبرز انوثتها بشكل كبير....وحطت كحل من داخل عيونها..ولبست دبله ناعمه..وحلق طويل..وتقدمت عند الدرج عشان تطلّع حذيانها الذهبيه..ناظرت شكلها في المرايه واعجبها لبسها واناقتها..خذت نفس طويل بعدين رشت عطر..وطلعت جلال طويل ونقاب ولبستهم..ونزلت......






نوره اول مادخلت مجلس الحريم..لقت امها قدامها ومزنه اختها جنبها وجنبهم خالتها نوره...وجنبها بنت ماتطيقها لأبعد حد...وامها تسولف مع مرت عمها....وبعض جيرانهم اللي حولهم..سلمت على امها اول شيء بعدين مشت على صف الحريم لما وصلت عند البنت..وسلمت عليها قالت لها : كيفس يامنيره عساس بخير؟؟؟؟
منيره ردت على نوره بكل الكبرياء الموجود في العالم: طيبه طاب حالس..انتي وش حالس..غريبه رجعتوا بدري سألت هند متى بترجعون قالت لي يمكن ياخذون شهر وزياده...بس اشوفكم ماطولتوا!!!!1
نوره بعد كلام منيره حست بنغزه في قلبها وفي بالها تقول وانتي وش دخلس جينا ولاقعدنا.....وردت عليها: ابداً...ملينا من التمشيه هناك وجينا نكمل الباقي في ديرتنا....!!!!!!!! ومشت وخلت منيره..



ام زيد: نوره يمه تعالي جنبي هنا...ابي اكحل عيني بشوفتس..كيف اصبحتي ذا الحين ارب راسس ماعاد هب يوجعس؟؟؟؟؟؟؟؟؟؟
نوره: لا الحمدلله الحين احسن بواجد يوم شفتكم كلكم متجمعين وشفت امي.........!!!!!!!!!!!!!!!!!
ام سعد:تدرين يمه تعالي بيني وبين مرت عمس..كود نرتاح الثنتين وضحكوا الحريم..





بعد صلاة العشاء دق زيد على امه عشان تقول لنوره تطلّع امها في الصاله عشان زيد يبي يسلم عليها..
ام زيد: نوره يمه رجلس يبيس تجيبين امس له الله يرضى عليس في الصاله..قومي قبرتيني....لاتبطين عليه..
نوره: ابشري يمه..قامت نوره بعد ماعدلت نقابها وسحبت كرسي امها وطلعت بها في الصاله...
اول ماطلعت نوره حست انها مهب تمشي الا تطير كانت تبي زيد يشوفها اشتاقت له تتخيلون معي اشتاقت له وهي توها كانت معه...
حاولت تثقل شوي وقالت: مساء الخير..
زيد: هلا مساء النور وقرب من عمته وسلم عليها وكانت مبسوطه نوره من معاملة زيد لأمها دائماً كانت تقرأ في النت ان الرجال مايحب ام زوجته بس من اللي شافته في زيد حست بالعكس وابتسمت في داخلها بعد ماسلم زيد على عمته قال لنوره :نوره ودي عمتي وتعالي ابيس شوي؟؟!!!!!!!!
نوره:ابشر دقيقه بس................!!!!!!!!!!!!!!!





هند ومزنه راحوا للمطبخ..راحت هند للثلاجه عشان تطلع خضار تبي تقطع سلطه..ووقفت مزنه عند الباب اللي يطل على الحوش عشان تشوف القمر لأنه كان مكتمل..وقالت:الله ياهند لو تشوفين القمر..ياخذ العقل..وخافت لما شافت قدامها واحد يناظر فيها ويقول:انا والله مااشوف الا قمر واحد كانس انتي تشوفين ثاني..هذا عاد غير...!!!!!!!!!!!!!!!
مزنه بخوف: بسم الله الرحمن الرحيم..ورجعت تدخل بسرعه عشان تختفي عن محمد اللي كان يسمع هي وش تقول...وتردد هو وش قال..!!!
محمد: كيف حالس يامزنه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مزنه:............................................! !!!!!!!!!!!!!!!!!!!!!
محمد: اول مره ادري انس تستحين..اخبرس كنتي تردين علي بهرج اطول من لسانس سبحان اللي يغير ولا يتغير!!!!على العموم إذا مااكلف عليس عطيني القهوه...وعجلوا بالعشاء الساعه قد هي تسع..........!!!!
هند تضحك: محمد انت وش فيك عالبنت..خلاص القهوه بجيبها لك اصبر شوي...
محمد: آه ياهند..مليت إلين الصبر مل وانحاش ..لكن الحمدلله هانت هذا انا توظفت وبدخل الدوره قريب وافتك من ذا الشركه...!!!!!يالله يالله اخلصي كأني قمت اقص القصه كلها....!!!!!!!
هند: تسوي خير والله لو سكت ..توكل الله يصلحك توكل..!!! البنت اختفت والسبه انت.!!!!!
محمد ضحك وقال: الله كريم وبيفرجها وطلع وهو يغني.........




مزنه طلعت من المخزن وعيونها مليانه دموع وقالت: حسبي الله عليس انتي واخوس..انتم ماتستحون..والله فشلتوني..زين ان نقابي علي مانزلته لكن هذا وجهي إن قطعت السلطه معس..!!!!!!!!! وطلعت وهند تناديها.....!!!!!!!!!!!!!!!!



لما قربت مزنه من مجلس الحريم كانت ترجف وتحاول تضبط نفسها..واثناء ماهي واقفه..جات نوره بعد ماراحت لزيد اللي كان يبيها تجيب له مفتاح السياره ..وشافتها نوره قدامها وارتاعت من شكلها..
نوره: مزنه وش فيس؟؟؟؟؟؟؟؟؟؟؟؟!!!!!!!!!!
مزنه: مافيني شيء..ليه..شـ....ـايفه علي شي..!!!!؟؟؟؟؟؟؟؟
نوره: لا..بس شكلس ترجفين..!!!!
مزنه مافيني شيء..ودخلت المجلس وخلتها...تفكر بحالة اختها ووش هو اللي خلاها كذا...بعدين لفت نوره اللي كانت ناويه تدخل المجلس عشان تروح تشوف هند إذا تبي شيء تساعدها فيه...ويوم دخلت المطبخ لقت زيد..ومحمد..وفايز..في المطبخ عند هند ومعورين راسها بسوالفهم اللي كلها صراخ ..وبالمزح الثقيل....!!!!!!!!!!!!!!!!!وقالت: هنوده تبين اساعدس في شيء...؟؟؟؟؟؟؟؟؟؟
هند: لامابه حاجه الله يسعدس روحي ارتاحي انتي عروس...
قال زيد وهو يقرب عند نوره: والعروس ماتشتغل يعني..الا تعالي ساعديها عشان العشاء خلص وهي مابعد خلصت تقطيع في ذا السلطه...زين انها مصلحة الحلا من العصر ولا كان امسوا الرياجيل في المجلس الليله...!!!!!!!!!!!!!!!!!!!!!!!!!!!!!
ابتسمت نوره وقربت من هند تساعدها ..
قال محمد: يااخي والله ماعندك رومانسيه..ولاحس دلع...انت فعلاً ماتعرف تتعامل مع الجنس الناعم...
ضحك فايز على محمد وقال: الله واكبر يالرومانسي..يارجال انت لااعرست بتجيب صباحية مرتك ضب ولا جربووووع......!!!!!!!!!!!!
وضحكوا كل اللي في المطبخ الا محمد اللي قال: خلك انت في اكلك يالدب من يوم تصبح إلين تمسي وانت تحشي من ذا العيش لعنبوا غيرك بتنفقع عاد...وإذا انفقعت من اللي بيجمع اشلائك...هههههههههههههه
الله كريم واوريكم رومانسيتي وفن التعامل مع الجنس الناعم....وقل وقتها محمد ابيك تعلمني وانا بقولك تقلع بس الرومانسيه شيء فطري فيني مهب مثلك يالكرش................!!!!!!!!!!!!!!!!!!!!
هند وهي تقطع ومنزله راسها: يعني ابشر العروس..؟؟؟؟؟؟؟؟!!!!!
نوره فهمت قصدهم بس ماحبت تقول شيء ..لأنها لوقالت شيءء..راح يكون غلط من الأساس...
محمد: انتي اطلعي منها وهي تعمر..!!!!!وطلع عشان ماينحرج اكثر قدام نوره..وطلع وراه فايز وهو يضحك عليه..!!!!!!!!!!








زيد اول ماشافهم طلعوا قال:اعوذ بالله هذولي والله النشبه..حتى الواحد ماياخذ حريته مع مرته..وجاء ووقف جنب نوره..اللي انحرجت من هند اللي استغلت إحراجها وقالت: اقول زيد..تذكر قبل ماتسافر وش سألتك عنه؟؟؟؟؟؟؟؟!!!!!!!!!!!!!!!!!!!!!!!!
زيد:إيه اذكر ..ليه تسألين تبين الإجابه؟؟؟؟؟؟؟؟؟؟؟؟؟؟؟؟؟؟
هند: إذا ماعليك امر.....
زيد ناظر نوره وفتح نقابها وقال:بيني وبينس احلى عروس..واحلى زوجه..وباسها بين عيونها..وسط تتنيحها..وطلع ..
نوره من الإحراج لمعت عيونها من الدموع ..وجت هند وضمتها وقالت: ليه النوري تصيحين...عادي ترى حنا خوات..وبعدين انتي ليش تصيحين؟؟؟ترى زيد يحبس ويموت عليس صدقيني..وإذا ماكان هالشيء قبل العرس فصدقيني ..انس الحين من غلاة عيونه عنده....!!!!!!!!!!
نوره: اخوس ذا مايستحي..!!!!!!!!!!!!!!!!
هند ماتت من الضحك...



مزنه يوم ادخلت مجلس النسوان قعدت بعيد عن امها والحريم..عشان ترتب افكارها في راسها..اول مره اشوف في عيون محمد نظره غريبه...نظره فيها شوق..آخر مره شفته فيها في عيد الأضحى يوم جاء يعيد على امي وسعد مع عمي وعياله!!!!!!! والحين لنا اكثر من سته شهور يعني اكيد اشتاق لي...!!!!!!!!وش اشتاق لي انتي ووجهس...وانتي وش لس فيه اهجعي يالشيخه وامنعيني من الخفه الزايده ...واحد مطفوق ومافيه ملح وفوق كل هذا انسان سلبي ماعنده طموح!!!..نسيتي يوم انس صغيره يوم كان يقولس وانتي تلعبين مع هند انا بأتزوجس يامزنه لاكبرتي...!!!!!وإذا قالها ؟؟؟؟تعتقدين يعنيها او عالاقل يذكرها.. اقول انفض ذا الخرابيط عن راسي احسن لي...بس والله كان شكله غير..كان حبيب..!!!!!!!!!!!!!!!!!!!!!!!!!!!!!!!!!!!!!!!




منيره:اقول مزنه نادي نوره خليها تسولف معنا قبل لانمشي ابي آخذ اخبارها واشوف وين تمشوا...
مزنه: ابشري هذا انا قايمه..وتقول في خاطرها..والله مهب حبٍ في نوره غير حركات نص كم ..ودس تعرفين وين راحوا له يالجرباء!!!!
قامت مزنه تنادي نوره عشان تسلم على الحريم لأنهم بيروحون..اول مادخلت لقت منيره واقفه تلبس عبايتها... قالت لها بمجامله: وين بدري تونا ماشبعنا منكم...قالت ام منيره: وين بدري الله يهديس نخليكم تاخذون راحتكم عاد انتي وامس.. من المغرب وحنا مضيقين عليكم..
نوره: مابه ضيقه ولا شيء..
وطلعوا النسوان وبقت نوره وامها واختها ومرت عمها وهند...




في مجلس الرجال ..تعشوا الرياجيل..وتقهوا شاهي بعد العشاء واللي سرا لبيته سرا..مابقى الا سعد وعمه وعياله..ابو زيد طلع يرتاح لأنه تعبان..وكان ناوي الشايب يتابع الباقي من شاعر المليون..مادرى انه انتهى...!!!!!!!!!!!!
اما زيد وفايز راحوا يودون باقي الأكل لعمال ساكنين قريب من جنبهم عشان يتوجرون فيهم...ومابقى الا سعد ومحمد..محمد كان جالس قدام القهوه..وسعد ماد عليه الفنجان لكن محمد مهب معه..مد سعد يده قدام وجه محمد وقال:تااااااااااكسي..وقف وقف..!!!!
محمد ابتسم وهو سرحان..قال سعد: لا ويضحك الأخ ..ورفع صوته وقال:محمـــــــــد؟؟؟؟؟؟؟؟؟؟؟؟؟
محمد بربكه: هااااااا..هلا سعد هات فنجانك..اصب لك قهوه..
سعد: وين سرحت ياابو الشباب..لايكون في الوظيفه..إذا كان كذا الحمدلله في تطور انت تصدق!!!!!!!!!!!!!!!!!!!!!
محمد: لاوالله سرحان في شيء اهم من الشغل..
سعد: لايكون لقيت حل لقضية فلسطين..؟؟؟؟؟؟؟؟؟
محمد: ماعليك مني..انت وش بتسوي خلاصبينقلونك مكه؟؟؟
سعد: لاابشرك..تبادلت مع واحد هو في الرياض ويبي مكه..ووافق الضابط وخلاص ترسمت في الرياض..الخوف عليك انت ياخوفي ينطلونك في تبوك!!!!!!!!!!!!!
محمد: والله لاينطلوني هناك اني لااخليها...............!!!!!!!الله يرزقك يارجال ويرزقنا بعد..
سعد يضحك: الله يستر..
محمد: اقول سعد انت ليه ماتعرس؟؟؟؟؟؟؟؟
.................................................. ...............
.................................................. ...............

[نــــونــــا]

الجزء الحادي عشر:

محمد: اقول سعد انت ليه ماتعرس؟؟؟؟؟؟؟؟؟؟؟؟؟؟؟؟؟؟
سعد: والله مابعد تهيأت نفسياً..ولا لقيت مره تناسبني..
محمد: الله يوفقك ببنت الحلال اللي تطلع الشيب في راسك!!!!!!!!!!!
وضحك بقوه..ورد عليه سعد: يادافع عالبلا اصوم اصوم وافطر على بصله..لا يابوي مانبي نفكر اجل في العرس ...
محمد:والله انا اللي ودي اعرس اليوم قبل بكره!!!!!!!!!!!!!!!!!!!!!!
سعد ضحك:منتب صاحي الليله الليله؟؟؟؟عسى ماشر؟؟والله اني داري من يوم شفتك تنشد عن العرس انك مهب خالي!!!!اثرك واحد عجل شكل قلبك خضر يالطيب...!!!!!!!!!!!!!!!!!!
محمد ياخوي قدني شايب..عمري سبع وعشرين وتقول عجل!!!!!يااخي ابي اشوف عيالي قبل لااموت!!!!عاد لو انك تدري اني ابي اعرس من عمري سبعة عشر سنه وش بتسوي؟؟؟؟؟؟؟؟؟؟؟؟؟؟؟؟





محمد دخل ينادي هند اللي ماكانت موجوده كانت مع مزنه في غرفتها..طلعت له نوره من مقلط الرياجيل جايه من عند سعد اخوها..قالت: سم محمد بغيت شيء؟؟؟؟؟؟؟؟؟؟؟؟؟؟؟؟؟؟؟
محمد: ايه ولاعليس امر..خلي امس واختس يطلعون سعد يقول يالله...
قالت نوره وهي داخله الغرفه: خلاص ابشر دقيقتين وهم طالعين...





طلع سعد ومحمد عند السياره في الحوش ..وقعدوا يسولفون برى وزيد دخل البيت وفايز كان في المجلس يكلم خويه..
طلعت نوره مع امها واختها تودعهم عند الباب..ولما ركبت امها السياره..وركبت مزنه وودعتهم دخلت البيت ومحمد ودع سعد على خفيف..وناظر مزنه نظره فيها ألــــــــــــم قوي...!!!!!




مزنه من يوم ناظرها محمد قامت ترجف تناظر في المرايه قدامها لايكون شيء منها طالع ولا تحاول تذكر شيء هي مسويته له قهره...
ماكانت تدري ليش جاها هالحزن لما شافت نظرة محمد لها..وحاولت تتجاهل الموضوع...!!!!!!!!!!!!!!!!!!!!!!!!!!!!!!!!!!





محمد اول مادخل لقى امه جالسه في الصاله وحاطه على قناة المجد وتسمع القرآن..سلم وحب راسها وانسدح على رجلها...وشوي دخلت ونوره وهند زيد اللي كانت الضحكه شاقه حلقه..وسلموا ..زيد تقدم ودف محمد عن حظن امه وانسدح..
محمد: لاحول زوجناك عشان تفكنا من الإستيلاء على العجوز وغير كأنك مااعرست!!!!!!!!!!!!!!!!!!!!!!!!لايكون نوره ماتحن عليك؟؟؟؟؟؟؟!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!
نوره كانت بتبكي من الخجل...ومحمد انكتم مره وحده حس انه غلط غلطه كبيره لايمكن تغتفر بسهوله.......!!!!!!!!!!!!!!!!!!!
وجاء يبي يعدلها:هااااه زيد وش رايك بالعرس؟؟؟؟؟؟؟؟؟؟؟؟؟؟؟؟
زيد: ماعليه كلام...!!
نوره هنا قامت تطير ..وجهها صار حار لو حطت عليه بيضه نجحت!!!
محمد: يعني تنصحني اعرس؟؟؟؟؟؟؟؟؟؟
ام زيد: هذي والله الساعه المباركه يوم اشوفك معرس ياحميد!!!
زيد: انصحك ليش ماانصحك...
يمه دخيلس لامني اعرست لاتقولين لي حميد قدام مرتي....!!!
ضحكوا كلهم على محمد..وقال: اجل اخطبولي..
هند: ومن هي تعيسة الحظ اللي بتاخذك..
محمد: الا ياحظها..وين بتلقى مثلي جمال ومال ومنصب...
هند ضحكت: أي اما منصب حط تحتها مليون خط ..قال منصب..
نوره قررت تتدخل:حرام عليكم والله يامحمد ماينعاف..ويابخت اللي بتاخذه..زيد قرص عيونه فيها..ولما شافه محمد قال:يعني..اقول يعني لو ماكنتي خذيتي زيد كان بتوافقين علي لو خطبتس؟؟؟؟؟؟؟؟؟!!!!!!!!!
زيد هنا عصب وفلتت اعصابه..وقال: هيه ..استح على وجهك ابو الشباب شكلك نسيت نفسك..والله لاعاد اسمعك تقول ذا الحكي ان تزعل..قام محمد يضحك على شكل زيد ويقول والله مااعيدها خلاص فك حجانك والله ماعاد اعيدها.....!!!!!!!!!!!!!!!!!!!!!!!!!!!!!!!!!!!!!!!




نوره اول مادخلت لقسمها..بدلت ملابسهاومسحت مكياجه الا الروج..والبست قميص احمر طويل..ومنظهره مثلث مفتوح..ومن قدام فتحته فيها كرستال مره نايس..رشت لها رشة عطر..وضبطت شعرها وخلته مفكوك ...وخذت الا ب توب وافتحته.وهي منسدحه على بطنها على السرير...!!!!!!!!!!!!!!!!!!!!!!!!!!!!!!!!!!!!!!!!! !!






زيد اول ماطلع عالدرج .زكان يحسبقلبه يدق بقوه وبسرعه..ويحس بحراره بجسمه..ويتهيأ له انه يطير مهب يمشي...اول مادخل الغرفه مالقى نوره..يوم ناظر السرير قدر يميزها وشكلها مانتبهت له.زواللي خلاه يشوفها هو لون قميصها اللي كان نفس لون المفرش......
قال: مساء الحب ياقلبي؟؟؟؟؟؟؟!!!!!!!!!!!!!!!!!!!!!!
نوره اول ماسمعت صوت زيد قعدت على حيلها..وردت عليه:مساء النور..حياك ..وتأشر بيدها عالكرسي..لكن زيد جاء وجلس على السرير قدامها!!!!!!!!! ومد الكيسه اللي معاه كان جايبها من درج السياره قبل لايطلع لبيته..وقال لها: سمي.....!!!!!!!!!!!!!!!
نوره اخذت الكيس بكل هدوء وقالت:وش هذا؟؟؟؟؟؟؟؟؟؟؟؟؟؟؟؟؟؟؟؟
زيد قال: هذا شيء شريته لس يوم شريت الاب توب وماكنتي منتبهه لي وقتها افتحيه شوفي وش هو..
فتحته نوره وهي متردده...وكان زيد يشوف ردة فعلها من نظرات عيونها اللي كانت تنقلها بين الكيسه وبين زيد..
زيد: هاااااه عجبس؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
نوره ناظرت فيه وقالت حلوووووووووو بس انا مااعرف للجوالات!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!
ناظرها زيد بإستغراب:ماتعرفين ..!!!
نوره: ايه ..اعتقد انك سألتني قبل إذا اعرف للجوالات او لا؟؟!!وش غير رايك الحين فيني وصرت اعرف؟؟؟؟؟؟؟؟؟؟؟؟؟؟؟؟؟؟؟؟؟؟؟؟
زيد ماكان عارف شلون يرد عليها وبأي وجه:النوري حبيبتي لاتاخذين كل كلمه اقولها بمحمل الجد ..يمكن عدم معرفتي بس اول خلاني اتصور فيس اشياء انا متأكد الحين مليون بالميه انها مهب فيس..بس بعد ماعرفتس عرفت انس اطيب قلب في هالوجود وهذا الشيء يكفيني اني اعرفه في شريكة حياتي وام عيالي مستقبلاً...!!!!
نوره: زيد انا ماقلت هالشيءعشان احسسك انك غلطت بالعكس انا فاهمه شعورك كيف كان...وعارفه انك كنت متوقع اني إنسانه غبيه ولاافهم ..ومع ذلك عطيتك عذر ..على العموم تعيش وتجيب لي جعلني مااخلى منك يارب...
زيد ماكان متوقع ان نوره بتزعل وبترضي نفسها توقعها انسانه صعبه يالله مااطيب هالإنسانه والله لو وش حكيت عن هالإنسانه ...ماراح اوفيها حقها..الله يخليها لي يارب واعوضها.......
زيد شقت الإبتسامه وجهه: نوره قولي آمين؟؟؟؟؟
نوره:آآمين.......
زيد: الله لايحرمني منس وباس راسها..ورجع ناظر فيها وقال: يالله عاد قولي لي وش بتسميني فيه..
نوره بعدم مبالاه:بسميك زيد!!!!!!!!!!!!!!!!!!!!!!!!!!!!!!!!1
زيد فتح عيونه عالآخر:افااااااااااااااااااااا ليه لايكون مابعد تأكدتي من مشاعرس؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟على العموم هذا شيء راجع لس .....وغمز لها وقام..نوره كانت تتبعه عيونهاكانت تحس بخوفوتحس انه مازال مسيطر عليها فكرة ان زيد ممكن يختفي من حياتها وللأبد..شافته دخل يغير ملابسه بعدين طلع وجلس على السرير وقال ممكن استخدم كمبيوتري؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
نوره انحرجت من كلامه..كيف انه يستأذن مني وهو كمبيوتره وانا اجي افتحه بدون احم او دستور وقالت:حلالك حلاي صح ولا لا..؟؟؟؟؟؟؟؟؟
زيد بإبستامه ذكيه: صـــح...وقرب الكمبيوتر منه وجلس يشتغل فيه..نوره كانت تراقب زيد وتراقب ملامحه.زوسرحت في شكله..وكأنها اول مره تشوفه..زيد لاحظ شرودها وجلس يناظرها مثل ماتناظره..!!!








يالله كل شيء فيه يعجبني..نفسي اعرف انا كيف حبيته..ووين ومتى..سبحان الله يشبه لهند كثير..بس طباعهم مختلفه..بس نفس الطيبه..وماانتبهت لشرودها الا يوم قربها زيد منه يوم سحب يدها...إلين صارت لاصقه فيه..نوره انحرجت عالآخر وكان ودها تنزل من السرير وتروح لأي مصيبه..المهم تنحاش!!كانت خايفه على خجلانه شعور متناقض بشكل قوي ..كانت تحس راسها يدور من كثر ماهي منحرجه..
زيد الله يخيليك خلني اروح ارتب الملابس في الدرج قالتها وهي تفك يدها من زيد اللي فكها وهو يضحك...!!!!!!







في الصباح قامت نوره الساعه سبعه ولبست جلابيه تفاحيه لونها كان هادي كثير..ولبست نقابها وجلالها الأخضر بدون مايحس زيد...كانت مصره تسوي فطورهم كلهم اليوم..لما وصلت للدرج سمعت محمد يكلم هند وصوتهم طالع!!!!!!!
حاولت انها ماتسمعهم ولكن ماقدرت اصواتهم كانت عاليه كثير..واللي سمعته كان محمد وهو يقول:انا اولى فيها من الغريب..!!! وهند تقول: بس هي ماتبيك يامحمد..!!!!!!!!!!!!!!!!!!!!!!!!!!!!1
محمد: هند تكفين طلبتس لاتذبحيني خليني انصدم بالواقع ولا انس تقولين انها ماتبيني..ياهند انا ابيها تعرفين كيف يعني ابيها يعني لو راحت بلاش اعيش عقبها!!!!!!!!!!!!!!!!!!!!!!!!!!!!!!!!!!!وطلع بسرعه وصفق الباب بيده؟؟!!!!!!!!!!!!!!!!!!!



نوره طلع عليها محمد ووجهه منعفس عالآخر...كان ودها تسأله محمد وش فيك بس على آخر لحظه مسكت لسانها اللي صايرٍ يزل ذا اليومين!!
بس مشت للمطبخ وقعدت تفكر وش تسوي الفطور مع ان بالها مشغول بمحمد..ولما قررت..شافت هند داخله عليها ووجههامنعفس مثل اخوها..




هند صبحت على نوره وسألتها وش تسوي..ولما قالت لها انها تسوي الفطور..قالت لها انها بتساعدها..وكان باين عليها انها تتحاشا نوره..!!




هند مهب طبيعيه واضح انها معصبه من شيء وهالشيء له علاقه بمحمد..انا لازم اسألها..وهند طيبه مستحيل تتضايق مني..وقالت: هند فيس شيء؟؟؟؟!!!!!!!!!!!!!!!!!!!!!!!!!!!!!!!!1
هند بإرتباك:هاااااااه..؟!لاسلامتس بس مانمت زين البارح..
نوره: ليه عسى ماشر؟؟؟؟؟؟؟
هند: الشر مايجيس بس موضوع شاغلني شوي..!!!!!!!!!!!!!!!
نوره بعد رد تمنت انها سألتها ..ماكانت متخيله انها ممكن تكون بعيده عنها بها الشكل..بس شكل الموضوع كبيـر..!!!!




بعد ماخلص الفطورحطت نوره وهند الفطور في صالة الأكل..وراحت كل وحده تنادي اهلها..نوره راحت تقوم زيد وهند طلعت تنادي امها وابوها اللي قاعدين في الفيه في الحوش..وتقوم فايز..وتنادي محمد اللي من شاف نوره وهو راجع لغرفته بعد ماطلعت هند..





دقت الباب عليه ولارد..خافت هند عليه دخلت الغرفه لقت الغرفه كلها ظلااااااام..الستاير مسكره والنور مطفى والغرفه هدوووووء يتعارض مع صخب عقل محمد اللي واضح ان فيه حرب قاعده تدور فيه..قربت هند وولعت النور وجلست على طرف سرير محمد..وقعدت تناديه..!!!!!
محمد لما سمع صوت هند قال لها: هند لو سمحتي اطلعي برى!!!!
هند على طول طاحت دموعها اللي كانت حابستها من الفجر..وقامت وطلعت وسكرت الباب..ولما مرت من قدام الدرج لقت نوره نازله من الدرج..ومشت بسرعه عشان ماتلاحظ نوره دموعها..اللي تموووت وتعرف سبب نزولها...




نوره لما دخلت صالة الأكل..لقت عمها ومرت عمها وحماها فايز جالسين عالفطور ينتظرون زيد ومحمد..بعد شوي جاهم زيد اللي كانت ملامحه مهب بعيده عن ملامح محمد وهند..سلم وصبّح على امه وابوه وجلس عند الفطور يفطر وقال: افطروا محمد مايبي الفطور توني مار عليه يقول مايبيه..!!!!!!!!!!!!!!!!!!!!!!!!!!!!!!!!!!!!!!!!!! !!!11







بعد ماخلصوا الفطور قعد ابو زيد يمدح في الفطور يوم عرف ان نوره هي اللي مسويته..زيد من يوم قام من النوم وهو ساكت..حتى يوم جات تقومه نوره كان ساكت ولاقال لها حتى صباح الخير كان شكله متكدر كثير!!!!!!!ولما غسل وجهه ونزل لف على غرفة محمد..!!!!






بد ساعه من الفطور تقريباً طلع زيد وهو يسحب محمد اللي كان شكله تعبااااااااااان حيــــل..وصادفتهم نوره في الممر...
نوره: بسم الله عليك..محمد وش فيك؟؟؟؟؟؟؟؟؟؟؟؟؟؟؟؟؟؟؟؟؟؟؟
زيد: تعبان شوي حرارته مرتفعه..وبوديه المستشفى..!!!
بعد ماخلص زيد كلامه طلعت هند من غرفتها وشافت محمد اخوها..وماقدرت تحبس دموعها اكثر وراحت بسرعه وضمت اخوها محمد..محمد طبعاً ماكان قادر يسند نفسه بس تحامل على عمره عشان مايضعف قدام اخته او مرت اخوه......
محمد:هند..حـ..حبيبتي مافيني شيء ياخوس..ماغير حرارة من الشموس!!!!!!!!!!!!
نوره: سلامتك ماتشوف شر..
زيد:انتم وبعدين معكم..الرجال مريض بتخلوني اوديه المستشفى والا كيف؟؟؟!!!!!!!!!!!!!!!!!!!!!!!!!!!!!!!
هند وهي تبكي:خلاص ..خلاص وده بسكت..
وطلع زيد وهو يجر محمد وراه..
ولما التفت هند عشان تروح مسكتها نوره من يدها وقالت مافيه العلم لازم اعرفه:هند وش السالفه..؟؟؟؟!!
هند ارتبكت من سؤالنوره وقالت:ابد معه حراره من البارح وخفت عليه..
نوره لما سمعت رد هند عرفت ان السالفه اكبر من تعب او حراره..فجرت يد هند وسحبتها للمطبخ..
نوره وهي تحاول تمسك اعصابها:هند انا سمعتس اليوم انتي ومحمد..وسمعت السالفهاللي كنتم تحكون فيها..
هند:سمعتينا..!!!!!!!!!اجل خلاص فهمتي السالفه..
نوره: هند ارجوس فهميني السالفه..
هند اخذت نفس ..وقالت: اسمعيني للنهايه يانوره..انا بقولس ان محمد محلفني مااقول حتى لأمي...بس انا وحدة ماابي المضره لأخوي!!الموضوع يخص اختس مزنه...!!!!!!!!!!!!!!!!!!!!!!!!!!!
وسكتت لما شافت نوره وهي تسمع اختها..
نوره: وش فيها مزنه..ووش سوت لمحمد؟؟؟؟؟؟؟؟!!
هند: انتي تدرين ان تركي ولد خالس فهد خطبها..وانها وافقت مبدئياً!!
نوره بإستغرااااب شديد:مزنه انخطبت..ووافقت..متى صار ذا الحكي..هند انتي وش تقولين؟؟؟؟؟؟؟؟!!!!!!!!!!!!!!!!!!!
مزنه: ليه انتي ماتدرين؟؟؟؟؟؟
نوره: لاماادري..وهو على كيفها توافقعلى تركي ليه هي ماتعرفه..مااظن انها تجهله ..وراحت نوره تبي تطلع من باب المطبخ لكن هند كانت اسرع منها..ووقفتها عند الباب:نوره تكفين طلبتس..اخوي محمد يبيها ومااظن تخفاس حالته النفسيه..بكت هند..نوره ضمت هند وقالت:هذا وجهي انا ماقال لا على تركي..والا والله انها تندم طول عمره..!!! وطلعت..
هند تطمنت من رد نوره..وماتدري ليه حست ان نوره قدها وممكن تطلعهم من هالمشكله بدون خساير..
على اذان الظهر دخل زيد ومحمد جايين من المستشفى..ودخّل زيد محمد غرفته..وطلع فوق عشان يتوضا ويورح يصلي..واول مادخل لقى نوره جالسه ومدنقه راسها..وسلم محمد..نوره رفعت راسها بزيد..وقامت واقفه..زيد راح سيده للحمام..لكن نوره وقفته وقالت:زيـد.......
زيد:سمي النوري..قالها بدون مايلف على نوره حبيبته عشان تشوف الحزن بعيونه..
نوره: زيد ممكن تناظر فيني...!!!!!!!!!!!
زيد التفت على نوره بعصبيه..ولما تلاقت عيونهم جته نوره تركض وضمته بكل قوتها وقعدت تبكي.!!!!!!!!!!!!!!1
زيد: النوري حبيبتي وش فيس تصيحين؟!فيس شيء؟!يعورس شيء؟! امس فيها شيء؟!
نوره: لامافيني شيء ولا امي فيها بس محمد اللي فيه؟؟؟!!!!!
زيد: ياحياتي يانوره ومحمد وش دخله عشان تحنين عليه انا رجلس ترى مهب هو...ومافيه الا العافيه..حراره وان شاء الله بتعدي على خير...
نوره: زيد..هند قالت لي السالفه..وانا مقدره وضع محمد..فممكن توديني بيت اهلي..عشان اشوف وش سالفه المعرس..!!!!!!!!!!
زيد: نوره محمد رجال ولايكسر ظهره..وحدة ماتبي تاخذه ..خلاص الله يوفقها..ومحمد مهب ميت..الف بنت تمناه..
نوره: زيد تكفى ابي اروح لهم عشان اختي قبل اخوك..
زيد: كيف يعني؟؟؟؟؟؟؟؟؟
نوره: تركي هايت ..وداج..ولايستاهل مزنه بنت زيد..اللي كل الرياجيل تحسب حسابه..تاخذ ذا الصايع..تحرم عليه والله..
زيد وهو يبتسم : قول وفعل..
نوره:انا مستحيل اخلي اختي تضيع مستقبلها..دخيلك ودني..وغصتها العبره..!!!!!
زيد: خلاص خلاص ..ابشري على خشمي لايكون ناوية تصيحين..بوديس بس ماابي سالفة اخوي تنفتح قدام اهلس..زين..
نوره:ليه متوقع اني اطلع اسرار بيت زوجي حتى لو كان عند اهلي...؟؟؟ومدت بوزها
زيد: ماقصدت والله ..ومسك طرف خشمها..لاتزعلين ياحلوتي..
نوره: بمشيها هالمره..
زيد: اجل جهزي نفسس بعد العصر..
نوره:لا زيد حبيبي الله يخليك ابي اروح لهم بعد الصلاه..
زيد: يعني تبين تغدين عندهم..
نوره: إذا ماعندك مانع؟!!!!!!!!!!!!!!!!!!!!!
زيد ابتسم: امري لله جهزي نفسس للصلاه وترى اهلس مسوين زوارتس اليوم يعني اخذي إحتياطس في كل شيء..
نوره: اليوم اليوم ؟!!الله يهدي سعد ذا عمره مهب فاكنا من عجلته.. ولايعلموني ولاشيء..ابشر بعد الصلاه تلقاني جاهزه..الحين انت وش فيك واقف..اخلص توضا الناس بتصلي وانت جالس تناظر فيني..
زيد مات من الضحك وقال: هين اردها لس..وراح يتوضا عشان يلحق عالصلاه........................................... ...
.................................................. ...............








نوره بعد ماسلمت على امها..قعدت معها شوي بعدين راحت سيده لغرفة مزنه لأن امها تقول انها ترتب الملابس..بدون ماتسأل امها عن المعرس..!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!
ولما دخلت لقت مزنه تلفف شعرها..مزنهلما شافت نوره: قالت اهلين وسهلين بالعروس..حي الله بنت زيد..
نوره: الله يحيس ويبقيس..وسلموا على بعض..
مزنه:واخيراً تنازلت اميرة القصر وطلعت..
نوره: الله يعيني..وش تبيني اسوي جيت اشوف اخباركم!!صرت اسمع اخباركم من الناس..وانا يابنتكم ماادري..!!!!!!!!!!!!!!!!!!!!!
مزنه:أي اخبار؟؟ووش سمعتي؟؟؟؟!
نوره: يقولون...طبعاً الناس!!!!!انس بتعرسين ..!لاوبتاخذين واحد مايستاهلس..ويقولون بعد انس وافقتي..!!!!!!!!!!!!!!!!!!!!!!!!
مزنه حست من كلام نوره انها مهب راضيه وقالت:انا على ذا الحين مابعد وافقت..وتركي رجال ومايعيبه شيء..
نوره عصبت من برود مزنه ومن تفكيرها السلبي وقالت: وانتي ليه تتكلمين عنه بكل ذا الثقه..وكنس قد عاشرتيه وعرفتي طبوعه..انتي تلعبين على ولا على نفسس..؟؟تركي ذا اللي مالي عينس..سكير..وراعي قمار..وسهر..ومااظن يامزنه انس غافلة عن ذا الشيء..لا وقد خذا قبلس ثنتين وحدة فكها الله ..والثانيه طلعت منه ببنية مالها ذنب...نوره لما حست ان مزنه تأثرت من كلامها قالت خليني اكمل عليها وقالت:ولعلمس انتي الخسرانه لو خذيتيه..!!لأنس بتكونين قد ضيعتي الحلم الحلو اللي كان ممكن تعيشينه مع................
......................................مع محمد ولد عمي اللي يموت على الأرض اللي تمشين عليها!!!!!!!!!!!!!!!!!!!!!!!!!!!!!!!!!!!
وطلعت بدون ماتعطي مزنه فرصه ترد عليها ..

مع فائق حبي واحترامي


نـــــونــــا

[●MŭhâMmāĐ●]

.. ننتظر التكمله :)