ليش دايم حزين ؟؟
ليش دموعنا بدل الكلام ؟؟
حرام يعني نعيش بسلام
ذوايب فرحتنا شابت
وطعم الضحكة بشفاهنا ذابت
وغاب عنّا الفرح
ومن كثر الهم القلب انجرح
من حياتنا كل شي جميل رحل
حتى البكا والابتسام مالها محل
في حياتنا مافي شي جديد
والهم دايم يزيد
والحزن يقول هل من مزيد
محال تكون في حياتك سعيد
حبيبتي
تعالي .. نعاند كل الظروف
ونرسم الضحكة ونشوف ..
نشوف الفرح يولد من جديد
يمكن معه عمرنا يزيد
يمكن نقدر نغير الحال
وصدقيني هذا مو محال
تعالي .. قبل لايعدي العمر
ويموت فينا العمر
ونبكي على اللي راح
بعد ماولّى الشباب وراح
تعالي .. نخلي عمرنا ربيع
ربيع تمنيناه من سنين
نسافر فيه بالحنين
ونسرق من اللحظة فرحها
مانحسب إيش مر من أيام وشهور
ونفرش طريقنا بشتى الزهور
وكأننا ولدنا من جديد
نحسب خطاوينا ونتمناها تزيد
وندعي ربنا بالعمر المديد
لنحياها بحب وأمل .. يزيد ويزيد
العرض العادي
