مساك طيب ودهن العود بنوتة شقية ومساء الخير على الجميع
وكل عام وأنتم بخير ومن الله أقرب
اميل للعزله وأبعد عن الناس
ما ابغى عيون الناس تنظر لحالي
قلبي حزين وتايه الدرب محتاس
ودمعي بوسط العين يا عز تالي
والناس اجناس نحاس والماس
مثل المعدن به رخيص وغالي
ناس تظهر الطيب والداخل انجاس
تلبس ثياب للذيابه ثعالي
حساد ونمام ومخادع وبلاس
يا قل وافيهم كريم الخصالي
الصدق للعشره شعار ومقياس
والكذب بعيد عن رفاقه واهالي
ما عاد لي بالناس شوف ومجلاس
من حزني اللي ما عطاني مجالي
والبعد عنهم صار طبع ونو ماس
وبعض الظروف تحدني للوصالي
شربت ضيم الظلم والقهر في كاس
ومع ذالك اكتم ضيقي وانفعالي
أعمق جروح القلب جرح بالاحساس
واخر فصول الهجر قطع الحبالي
حالي تهدم من معاليه للساس
واصبحت مع نفسي غريب الخلالي
تدرون وش هي ضربة الفاس بالراس ؟
صرح بنيته ثم جاه احتلالي
ياللي تقول اصبر بسيطه ولا باس
لو ذقت مثلي مر ما قلت حالي
لو ما رجا الرحمن لاستحكم الياس
يا رب تنقذني من اللي جرالي
يا منجي موسى وعيسى و إلياس
افرج لمن صارت حموله ثقالي
واعوذ بك من كل وسواس خناس
وتجلي كدرها يا عظيم الجلالي
العرض العادي
