اذا من خاطب الجامد يقولـون العـرب مجنـون
فانا جنيت يوم انـي وقفـت ودجـت فالاطـلال
اخاطب ذا واخاطب ذي ,, اقول اليوم هل توحون
اشاكيهـم واناجيهـم ,, اقـول ان الهـوا قتـال
اذكرهـم بـزول راح افيـض خافـي المكنـون
وطاحت دمعة العاشـق خنقهـا والهمـوم ثقـال
احسب الدمع لامنه همل يجلـب جفـاف عيـون
واثره يداوي جروح الهـوا والحـب والغربـال
اذا كان الهوا فتنه فانـا العاشـق وانـا المفتـون
واذا كان الهوا رحمه يجي خلي ويرحـم حـال
يداوي حال مـن حالـه لهـا عاميـن دون ودون
ولكن عزتـه ترقـا وترقـا بـه علـى ماطـال
الا يالصاحب الوافي تـراك تمـون ثـم تمـون
ولكـن لاتعذبنـي ورجــح كـفـة المكـيـال
انا الشاكي وانا الهايم وانا المغرم وانـا المغبـون
واذا قصـدك تعذبنـي ترانـي للشقـا مـدهـال
واذا دمعي عليك يهون دخيلك بس انـا لااهـون
ترا اصعب دمعةٍ سالت الا سالت دموع رجـال
واذا كان الغرام قيود فانا لـك يالغـلا مسجـون
وحط القيد بعـده قيـد وثبـت بالغـرام اغـلال
ترا الايام من دونـك حزينـه دون طعـم ولـون
تغيـب ولاتودعنـي ولا تسـأل عـن الاحـوال
مكانٍ فيه تسكـن واجمعتنـا بـه بعشـق جنـون
هجرته يافريد الوصف وصاراسمه بقايا اطـلال
العرض العادي
