ياهلا ومرحبا مليون بششاعرتنا المهاجره
حي الله الاجوديه مليون في متصفحي ولقائي
العذر من الله ثم منك طال عمرك على تاخري بالرد على اسالتك
يعلم الله يالاجوديه ان مادرني عنها وعن النت الا ضروف ماهي بالكيف
وشهادتك بما قلتي وسام وشرف لي واللى جا مني ماهو الا نقطه من فيضكم
وبالنسبه للاساله جيتك وجبت الاجوبه معي واعتذر كان بها ضعف على ظهر هالكيبورد كتبت
اسالتك تقول هنا
7
7
س1-متى بدأت كتابة القصيد.؟
يالاجوديه انا مابديت الشعر الشعر هو من بداني هنا اجابتي
7
7
ج1-
مـآجيـت آنـآ آلشعـر مـن شـآن آكسـب شهـره وجمهـور=جـآنـي آلشعـر وشهـرتـه تـآسـع آلإرض وجمهـوره فـي نـوآحيهـآ
ورثـت آنـآ آلشعـر مـن رآس شيـخٍ بـآلجـزيـلآت مـذكـور=يبـدع بنظـم آلمثـآيـل وآخـذت منـه آلمعـآنـي ومعهـآ قـوآفيهـآ
والسؤال الثاني منك يقول
7
7
س2-ولها مكانة خاصة فماهي تلك القصيدة.؟
ج2-دائمآ هناك قصيدة تكون قريبة من الروح ولها مكانة خاصة فماهي تلك القصيدة ؟
سؤال صب والاجابه عليه اصعب الشاعر كل قصائده قريبه اليه
لكن بالنسبه لي اقرب قصيده ماتفارق ذاكرتي هي مرثيتي بابي رحمة الله عليه
واسكنه جنان الخلد هو وجميع المسلمين والقصيده تقــول
(( فــرقــآهـ رمــح ))
مل السهر مني وانـا منـه مليـت=بشكي على جفني وجفنـي شكالـي
من غيبت اللي راح من دون توقيت=اسامرالنجمـات طــول الليـالـي
اسهر وانـا لانـي بحـيٍ ولاميـت=للمـوت والعربـان مامـن موالـي
اقطع مع الهاجس رهـاد السباريـت=واليا صحيت ادله معـى ماجرالـي
هذا وانا فـي عشرتـه ماتماديـت=ياكيـف لولـي حـول والا حوالـي
نصف السنه قضيتها معه واخفيـت=من عقبهـا دربـه ولا لـه توالـي
حسبي على الفرقاء ليا اقبلت واقفيت=تثـر علـى الرجـال يـا هملالـي
لو هو بقو الصبر شايع له الصيـت=لابـد مايشكـي عنـاء الارتحالـي
ياكثر ماللحـزن بالجـوف خفيـت=مير البلا بـاح العـزا عـز تالـي
ادله وافز لطاري اسمـه لياأوحيـت=وآون من حالي علـى فقـد غالـي
كم ليلةٍ بأسمـه صرخـت وتغنيـت=كنـي معـه جالـس وكنـه قبالـي
واثري معى طيفه جلست وتهنيـت=ماهوب لاحولـي واثرنـي لحالـي
فرقاه رمحٍ صابنـي منـه عانيـت=يضيق منه الصـدر لوهـو شمالـي
روح ولا للوصـل رجعـه وتثبيـت=الا بطيـف أحــلام والا خيـالـي
لو هو على الدنيا رجيت وتشافيـت=مير البـلا تحـت اللحـد والهيالـي
رحم الله فقيدها واسكنه جنات عدن وجاوره بنبيه وحبيبه محمد عليه الصلاه والتسليم
وسلامتك تمت حروفي
والعذر كان قصرنا بالاجابه على السؤال الاول جبنا الابيات على ظهر هالكيبورد
مهاجره وجودك بين حروفي شرف لحروفي المتواضعه كما هو شرف لي
ادام الله تواجدك وتواصلك الدائم وتشريف حروفي باستمرار
ولاخلا ولاعدم
اخوك
نايف الشمري
العرض العادي
