إقرأ موقف محرج جدا !!! 00000 وساهم بمثله

[الممدوح]

	بسم الله الرحمن الرحيم السلام عليكم ورحمة الله وبركااتة ..... اخواني واخواتي اعضاااء الود الغاليين علي قلبي هذا موقف صار معي اثنااااء الدراسة طبعا قلت دراسته لان الموقف الي ابي اذكره لكم والي حصل معي ومااا انساااه ابدا بالمدرسة وبالمرحلة الثانوية وبالتحديد ( اول ثانوي ) ابداا معكم القصة بس لا تضحكووون علي كثير كل واحد يضحك شوووي ................................ طبعاا كنت ادرس بالصف الاول ثانوي ومرحلة جديده من عمري انا واعووذ بالله من كلمة اناا طالب مجتهد نوعا ما وحريص علي الدراسة المهم كنا بالشتاء وكنت متلحف بالبطانية من الموووت البرد وفجاءة قمت من النوم واناظر للشبك حق غرفتي الا الشمس قوية قلت بس اي والله الي تاخرت والله يعين علي كم عصي ..! المهم فزيت من نومي وغسلت ونزلت لصاله الا الفطور ما احد جاه .. والكاسات زي ماهي يعني ما احد شرب بهاا واطير لسيارتي واشغلها طبعا يبيلها اقل شي عشر دقايق عشان تسخن وخليتها 5 دقايق وداعس علي البنزين عشان بسرعة تسخن .. وامغط للمدرسة واجي الا الباب فاتح وما فية احد بالساحة قلت راحت علي الله يعين طبعاا مثل ماقلت لكم ( اني حريصا ومودب كثير ) وادخل علي المشرف الله يذكره بالخير اسمه ( يوسف ) قلت : السلام قال : عليكم السلام هلا وش عندك ممدوح . قلت والله متاخر ..! قال : متاخر ...!!!! وين يااممدوح باقي ربع سااعة علي الطااابور .. وشووووف الفشيله واطلع برا واشوف الشباب كلا جالس بسيارته من البرد بس من العجله والخوف وانا جاي ماااشفتهم والغريبة مااجت عيني علي السااعة ابد.. تحياتي لكم اخوكم ممدوح دوحة الود