خنقت الورد يا يمه و بيدي إنكسر ذبلان .. للكاتبة بائعة الورد

[قلب الزهـــور]

خَنَقْتْ اْلْوَرْدْ يَآ يُمَهْ وَبِيَدِّيّ اِنْكَسَرْ ذَبْلَآنْ


توسكانا/ تورينو
هزتها بخفة لتيين يللا أومي
فتحت عيونها بفجعة وعدلت جلستها ع الكنبة بسرعة كم صار لي نايمه
وسن ابتسمت من لما دخلنا للبيت رحت جب لك شي تشربي لأيتك نايمه تركتك يللا هلأ الساعة 7:00 الصبح
لتين فزت مو كأنه تأخرنا
وسن عطتها كوب قهوة لا منيح هيك الوأت يللا مشان ما نتأخر
طلعوا مع بعض
.
.
بعد ربع ساعة وقفت السيارة وسن قدام بيت متوسط بديكور كلاسيك وقطعت الصمت بصوتها يللا لتين
نزلت من السيارة بصمت
مسكت يد وسن وتوجهوا للباب الخارجي
انتظرت دقيقة بعد ما دقت وسن الجرس ولتين تفرك يدها بتوتر واضح
فتحت لهم خادمة الباب بريجو
وسن بطلاقة هل يمكننا لقاء السيد آدورد
الخادمة ببتسامة حيوية دقائق من فضلك
تركتهم ودخلت
وسن شدت على يدها ما بتخافي الله معك
لتين ابستمت بسخرية ليه انتي تعرفين الله
طلت الخادمة ووجهها ما يبشر يمكنك الدخول تفضلي من هنا
وأشرت على ممر ينتهي بصالة مفتوحة
دخلت ببطء
كانت وسن قدام وبعدها لتين
قدمتها عليها يللا تشجعي
لتين دخلت وحست بالقوة تتجمع فيها لازم تاخذ حقها
رجعت على ورى من الصدمة
وسن بعدت شوبكي
كان جالس آدوارد ومعه
.
.
.
العميه
وبيدها كاس منكر تشربه منه
آدوارد وما كان بوعيه آوووه سينيورا لتين
لتين وهي تهز راسها بصدمة مستحيل يعنـ..يعني هذي ما هي بعميه
وسن خافت عليها تكلمت مع ادوارد عساه يفهم عليها سيد آدوارد أنت تعلم لما هي هنا تريد أن تعرف من القاتل
وطبعا لأنه مو بوعيه فضح الدنيا كلها
شوي ما يشوفوا إلا العميه تطيح من جنبه ع الأرض مترنحه وبلبس يفضح أكثر من أنه يستر<< هالعجوز شبقت للصبايا
نزل لها وهو يكلمها بكلمات متقاطعه من عقله الباطني عاد من ضمنها إنه ما راح يخبر أحد إنها قتلت ماريو اللي هو الشاب الثلاثيني اللي اتهموا لتين بقتله
!!!!!!!!!؟؟؟؟؟؟؟؟؟؟
.
.
.
من ايطاليا.. المجانين يقيمون الأعياد والعاقلون يستمتعون بها

>> نهاية الجزء الثالث عشر

[شمس القوايل]

يعطيج العافيه قلب الزهور عالبارت والمجهود

عساج ع القوه

ننتظر جديدج القادم

[قلب الزهـــور]

اقتباس المشاركة الأصلية كتبت بواسطة شمس القوايل يعطيج العافيه قلب الزهور عالبارت والمجهود عساج ع القوه ننتظر جديدج القادم

هلااااااااااا وغلااااااااااا
يسعدلي قلبك ويسلمووو ع الحضور الرآئع بصفحتي
تقبلي شكري تقديري واحترامي
مع تحياتي قلب الزهور
بباي

[قلب الزهـــور]

خَنَقْتْ اْلْوَرْدْ يَآ يُمَهْ وَبِيَدِّيّ اِنْكَسَرْ ذَبْلَآنْ


>>الجزء الرابع عشر

النقاش منخل الحقيقة

..0..الحزن..0..

هو أن أكره تنفسنا نفس الهواء... وأتصورك موتي...لتأتي المصائب وتشبثني بلا قوة بك!!


الكل على طاولة الفطور

لين تاكل بهدوء
راكان يمضغ قطعة من خبز الفوكاشيا وهو مغمض عيونه
بسام ماسك كوب القهوة الحاره بانتظار
يلدا تأكل ميرا
وبدر ياكل بنشاط رفع راسه وينها تلو
لين بهدوء يمكن مع لتين
بسام بس الفطور ما في أحد بالبيت يتأخر عنه هذا اللي أعرفه والا لما رحت تغير الوضع
يلدا هزت راسها تنهي الموضوع لا ما تغير بس يمكن تكون عند لتين
لين بطلع أناديها
بسام جا بيقول ولتين لكنه سكت يشوف النهاية
دخلت غرفة لتين كانت فاضيه
راحت لغرفة تاله لقتها نايمه قربت منها
تلوو
تاله بذكاء كانت مغمضه عينها بس واضح إنها صاحيه من الخوف وحتبكي بأي لحظة
لين تلوو وينها لتين
تحركت تاله ما أدري
لين شلون ما تدري!!؟
تاله بعصبيه ما لها داعي ما ادري وبس شايفتني وصيفتها
تنهدت لين ونزلت
رفع عينه لها يدور تاله وراها ما لقاها
بدر ها وينها بنتي
لين ما أدري لتين مو موجودة بغرفتها وتاله صاحيه بس ما تبي تنزل
بدر عقد حواجبه ليه؟؟
لين جلست وهي تهز كتوفها ما أدري فيها شي البنت
وقف بدر بطلع أشوفها
وأخيرا نطق راكان أنا كأني لمحت لتين متحجبة ولابسة ترانج كوت كانت بالحديقة مع تاله ع الفجر "" سكت دهرا نطق كفرا ""
بسام طالع فيه بسرعة وش قلت بالحديقة وش يسوون ع الفجر ؟؟
راكان ببرود مدري عنهم يمكن يشمون هوا
بعد الكرسي بسام بقوة طيحته ع الأرض وأصدر صوت عالي شق الهدوء اللي كان ساكن الغرفة
طلع الدرج بسرعة لغرفة لتين
فتح الباب دور بالحمام والبلكونة مستحيل تكون سوتها
طلع منها على جناح تاله وبدا يفقد أعصابه
فتح باب الغرفة بقوة
كانت تاله جالسه عالسرير ويدها بيد أبوها
بسام بخوف تاله وينها لتيــــــــــن؟!
تاله برعب وهي تشد لا شعوريا على يد أبوها ممـ..ما دري أنـا عنها ما أدري
قرب منها بصراخ أقولك وينها راكان شافك معها بالحديقة
تاله نزلت دموعها ما أدرييي
بدر يضمها شوي شوي على أختك يا بسام
بسام بعصبيه يبه البنت راحت من يديني وأنت تحن عليها هي تدري وينها
وربي يا تاله لو ما تنطقين ما بيصير لك طيب
تاله انهارت تبكي دلوعة مو متعودة أحد يصرخ عليها بهالطريقة ما أدري هي راحت عند وسن عند مديرها حق المحل
بهاللحظة ما شاف قدامه
ترك البيت بكبره
ومن السرعة سحب المفتاح من السواق وركب سيارته وطار فيها...!
لين يدها على قلبها شصاير
يلدا ضمت ميرا وهي تفطرها الله يستر الظاهر لتين هربت وتاله تدري عنها
راكان قام وهو ياخذ شنطته يللا مع السلامة
: اقعد مكانك لا تروح اليوم
راكان تفتحت عيونه وطار النعس ليييه؟!
بدر وهو نازل من الدرج مع تاله اللي قاعده تبكي
مانت شايف الجو متوتر ما ندري أخوك كيف بيرجع
راكان رمى الشنطة وسحب الكرفته من ياقته رمى نفسه ع الكنبة اخخخ الحمد لله انك هربتي يا لتين
كلهم طالعوا فيه
استوعب اللي قاله ااا احممم إن شاء الله بترجع لا تخافون عليها
بدر انثبر وانت ساكت
راكان حاااااااااااااضر

سحبتها معها لبرا البيت والخدامة قفلت الباب وراهم بلا مبالاة
ولتين داخلة بدوامة بكى تقطع القلب
مشت معها تركت السيارة ودخلت معها على حديقة أطفال هادية إلا من صوت نوافير المويه اللي تنتشر بأنحاءها
وسن تضمها خلص لتين الله يخليكي لا تبكي
لتين تشهق من بين دموعها أنا كنت لعبة بين يدينهم حاطييني ساتر على فعايلهم
ورجعت تبكي
تنهدت وسن وهي تربت على كتفها مو عارفه اش تقول لها موقفها صعب
رقع الباب وتوجه لباب بيته شاف سيارة فوشيه أكيد سيارة الزفت وسن
دق الجرس طلعت له الخدامة سي سنيوري
بسام أشر على سيارة وسن صاحبتها هنا
الخادمة طلعت راسها من الباب ورجعته لا خرجت للتو
بسام شك إنها تتستر عليهم قال بعصبيه أين هما
الخادمة بخوف منذ دقائق خرجوا باتجاه شارع البارك
تركها وراح يدورها على رجوله
مالها أثر ولما شاف بوابة الحديقة الحديدية دخلها فورا

لمحها جالسه ع الكرسي الخشبي تبكي ووسن تهدي فيها
ثواني كان فوق راسها وبصوت طلع من وسط راسه سحبها من يدها وقفها إنتي شتسوين هناا؟؟؟
لتين صرخت ووسن وقفت برعب
ااااه يدي اتركني مالك دخل ما أبي ارجع معاك ورجعت تبكي
بسام بعصبيه جرها معاه بقوة
وسن تترجاه وهي توها تستوعب إنه لتين ببيت صحبتها وهذا أخوها
بسام بليز اتركا
لف عليها وبنظرة من نظراته البارده اللي ما ينفهم معناها خلاها تسكت وتبلع لسانها
وجر لتين وراه بقوة بعصبيه ما قد شافتها فيه

نزلت بالدرج وهي تتثاوب بالبجامة الكحلية وفيها دباديب سكري وأحمر
صباح الورد دااادي

ليلى بصوت ضعيف ربى اطلعي
ربى ما استوعبت كملت نزولها ونقزت على آخر درجة
طالعت بالوجيه
جاها صوته معصب قالت لك اطلعي
ناظرت وهي مفهيه فيهم
كلهم رجال ما تعرفهم اممم مو كأنه هذا فيصل خطيب لمار اللي أول وخالتها ليلى رجعت من المستشفى متى؟؟
دفها طلال للدرج بعصبيه وهو مغطيها بظهره ما تسمعين أنتي شفييك؟؟
ربى بإحراج نقزت درجتين درجتين مااامي
رجع جلس وهو ينفث بضيق
فيصل ابتسم بخبث شفيك تتنهد
طلال قاطعه مااااالك دخل اتركني بحالي
فيصل هههههههههههههههههههههه
ليلى بابتسامة معليش أنا ما قلت لها إنكم هنا
إبراهيم أخو ليلى الكبير لا عادي يا ليلى إحنا بحسبة خوالها إلا وينه أبو ماجد
طلال بنرفزة بداخله رجع يقول خوالها الله يلعن خيلان إبليس كلهم
ليلى طالعت بالجوال عمر اللحين بالدوام دقيت عليه قلت له يجي
يوسف الأصغر منه أبو لمى وفهد ماله داعي تخرجين الرجال من دوامه حنا بس جينا نتحمد لك بالسلامة وطالعين
ليلى متسندة ع الكنبة ما عليه هو دايم يطلع من دوامه وقفت عليكم
طلال بضيق وقف أنا طالع ما تشوفين شر ليلى
ليلى الله يعافيك ويين؟؟
طلال خلاص والله بروح أجهز شنطتي وراي سفر
يوسف بخبث مو منه من اللي نازلة قبل شوي
طلال ما ينحرج عاادي إنسان واثق من نفسه بزيادة كشر وش جاب طاريها الحين
فيصل بنغزه مدري أحد قال شي
طلال تحرك خلني أطلع أرحم من الكلام الفاضي هذا
الكل هههههههههههههههههههههههههه
إبراهيم ليه ما تزوجوه هي طيب
ليلى ابتسمت بحب خله ينطق أول شي ما هو فالح إلا يطفش البنت حتى تكرهه
يوسف بابتسامة وكأنه يتذكر طول عمره طلال هذا أسلوبه لما يحب أحد
فيصل نزل راسه بحزن طرى على باله حبه للمار دامه يحبها خليه اللين يتكلم من نفسه
إبراهيم ربت على كتفه لمحة الحزن بعيونك أكرهها يا ولدي اترك عنك الأوهام وعيش حياتك ولو تبي أكلم سلاف اليوم نروح تخطب لك اللي تنسيك بنت خالتك وأهلها
فيصل قام بضيق لا عرفت كيف أنساها بأجي وأقولك يا خالي تراني نسيتها
وطلع
إبراهيم هز راسه لا حول ولا قوة إلا بالله

.............بالسيارة
أوصف لكم حالتي
كنت أبكي بخوف ورعب وقهر بنفس الوقت لين متى ساكته للكلب اللي جنبي
كان ساكت والله يستر من سكوته أصلا هو دايما ساكت وبااااااااارد ويقهر الله ياخذه
ولااا اللي يزيد الطين بله إني أشوفه يدخن
بعدين لحظة لحظة توي أستوعب أنه مجلسني جنبه طالعت فيه بقهر
ناظرني وكمل طريقه
وبشبه صراخ وقف وقـــــــــــــف أقولك ما تسمع <<مدري من فين جاتني الجرأة قدام هالغول
بسام ببرود ما قد شفت مثله شفيك؟؟
لتين ببكى وقف نزلني ما أبي أجلس جنبك
قاطعني بنفس بروده انكتــــــــــــــــــمي
حاولت افتح الباب ما في مو راضي ينفتح صرت أضرب كل شي قدامي وأنا ابكي بهستيريا أبغا امووووت كرهت هالحياة ماأبي أعيش لحظة وحده وبسام عايش
فجأة وقف السيارة وراح لجهتي فتح الباب وما كلف عمره حتى يكلمني سحبني من يدي بحزم وطلعني رقع الباب رمى المفتاح ع السواق ومشى وأنا لسى أحاول اسحب يدي
طفى السيجارة بالزبالة الطويلة اللي جنب الباب وبنفس اليد دخل يده بجيبه وسحب المفتاح فتح الباب كل هذا وأنا لسى أبكي مدري هذا ما عنده قلب ولا إحساس وإلا وش قصته ما يشوفني أبكي
وأول ما دخلنا وشفت الكل جالسين بالصالة بدر ويلدا ولين وتاله شكلها باكيه اللين شبعت وحتى راكان طاح وجهي وصرت أبكي زيادة توقعت بيفك يدي بيتركني لكنه سحبني معاه للدرج وترك الكل
بدر وقف بســـــــــام
لف بسام على أبوه ولفني معاه سم يبه
يدي عورتني ضاغط عليها اللي ما يحس هذا
وحجابي انفك وحالتي حاله
بدر واللي هو أبوهم أول مره أشوفه شكله بالأربعين وأصغر بعد ما تكلم بس بسام فهم عليه
قال بهدوء وهو يرجع يرقى الدرج لا تخاف احنا بنتفاهم
وأول ما صرنا لحالنا بالدور الثاني سحبت يدي منه بقوة لكن لا أمل شكله ناوي يلصقها فيه
مسحت دموعي بيدي الثانية وحاولت أعدل حجابي ما قدرت
كأنه جا بيتكلم بس لمحت ظل راكان طالع
ناظرنا سوى إنه رايح غرفته تمنيت إني أناديه وأقوله خليك لا تروح ع الأقل الزفت هذا يتركني
وكأنه سمعني
سحبني ودخل الغرفة حقته اللي هي الحين غرفتي
قفل الباب وطلعني معه للبلكونة
صرت أبكي بهستيريا أكثر اتركني وش ناوي عليه أنت خليني بحالي
سحبني لجهته وصرت مواجهته على طول لدرجة إنه ذراعي صدمت بصدره العريض رمشت بتوتر
وشفته ما تركني ظل يناظرني بنظرة ما فهمتها
وأسمع أصوات دق ع الباب وصوت أمه شكلها خافت لا يسوي ولدها فيني شي
استوعبت حاولت ابعد عنه مقربني بهالطريقة وحجابي قده طاح من زمان وهو مو محرمي ورجعت أبكي أصلا أنا ما وقفت بكى من لما طلعت من بيت الملعون آدوارد
انتبهت على صوته اللي ارتفع يمممه شوي ونازلين
اختفى صوتها شكلها فقدت الأمل بولدها المعتوه
ضربته على صدره وأنا أبكي بضعف أول مره أكلمه بهالطريقة بساااام اتركني واللي يرحم والديك يدي تعورني
صعقت لما شفته ترك يدي وضمني لصدره بحنان قشعرني ووقف كل شعر جسمي
دفيته بقوة مع إني ارتحت بحضنه لأني ما قد حسيت بهالنوع من الحنان حتى بحضن عبد الله أخوي
يا حقيير كيف تتجرأ؟؟!!
رجع سحبني له وقال بهمس ونفسه يعلى ووجه قريب من وجهي
تنهد وهو يغمض عيونه وأنا مو فاهمه الإنسان اللي قدامي وتصرفاته الغريبة
: ......أنا زوجك
.
.
!!!!!!!!!

[قلب الزهـــور]

خَنَقْتْ اْلْوَرْدْ يَآ يُمَهْ وَبِيَدِّيّ اِنْكَسَرْ ذَبْلَآنْ


مسدوحه ع السرير على بطنها
ورافعه رجولها تحركها بالهوا

:امممم وديم مو رايقه لتعليقاتك كافيني الأخ اللي تحت
وديم ههههههههههههه والله إنه طلال يرفع ضغطي بس أحسه ينفع لك
ربى من غير نقاش قفلت التلفون بوجهها ورمت الجوال ع السرير وحطت راسها ع المخده
تخيلت
ينفع لي أنا؟؟؟ وععع ما بقى إلا هالمغرور
سمعت الجوال يرن ويرن بإلحاح بش طنشته خلها تتأدب السخيفة
رجع يرن شكلها مو ناويه تتركني بحالي
سحبته وحطته على إذنها ومن طرف خشمها خييير؟؟؟
وديم تخبي الضحكة يللا عاد ربى يا كلمة ارجعي مكانك
ربى ونفسها عند خشمها على هالصباح الكدر اخلصي علي شتبين؟؟
وديم أفا أفا وهذا أنا اللي جايه بقولك تجين عندنا الليلة نسهر
ربى مـ..
سمعت دق ع الباب
تفضل
دخلت ليلى بابتسامة
قامت ربى هلا هلا ماما ليه طلعتي فوق وتعبتي حالك
ليلى جلست ع الكرسي بإرهاق ما في تعب حبيبتي بس كنت بقولك إنه اليوم بيجون أهلي كلهم لأني ما أقدر أروح بيت أهلي وطلال مسافر بعد بكره مو راجع إلا بعد شهر
ربى حاطه الجوال على صدرها
شدت عليه انصدمت بالخبر
شهر
شهر!!
حرام عليه كثير
تصنعت اللا مبالاة أوكيه ماما تحتاجين أسوي شي
ليلى بحنان لا تتعبين حالك الخدامات بيسوون كل شي أنا بس جيت أخبرك عشان تتجهزين
ربى ثواني ماما حطت التلفون على إذنها وديم أكلمك بعدين الحين ما أقدر جايين أهل خالتي
ليلى وهي طالعه خليها تجي بيفرحون عليها البنات
ربى سمعتي وديم
وديم أفا عليك الساعة كم تبيني أجي
ربى ههههههههه مالت عليك ما صدقت بأي وقت حبيبتي اللي يريحك
وكملت سوالفها
ليلى كانت طالعه
رجعت شعرها اللي يغطي أذانها بحزن
ربى مستحيل بيوم تعتبرها أمها لدرجة أيام تقول ماما وأيام خالتي بنفس الوقت
لفت على صور أم ماجد اللي معبيه السيب اللي يوصل لغرفة ربى واللي مرتبتها بجدار كامل بالغرفة وابتسمت
أغار منك على عمر زوجي لكن ولو وش ما صار مستحيل أحرم ربى من أبسط حقوقها.......!

طالعت فيه تدور الكذب بعيونه
نفس لمعتها الغريبة وبهاللحظة تلمع بلمعة أغرب ويمكن...[ أخوف ]
دارت ببالها كلمة وحده وهي تحس معدتها غايشه
أكرـــــــــــــــــــــــــهه
مستحيل كذاب
بعدت عنه بجمود من غير ما تنطق وعينها ثابته على جهة وحده
قرب منها بسام لتين لتــــــــــــين
ظلت واقفة مكانها ما تحركت
هزها لكن ما كأنها تسمعه كأنها بعالم ثاني
دخلها ع الغرفة حقتها عن البلكونة وبالقوة سحبها لأنها ما هي بحاسة بشي
يكلمها ما ترد عليه
تركها وفتح الباب
يمـــــــــــه
يمه
طلعت أمه ولين وتاله
بسام بتوتر يمـــه لتين مدري اشفيها
يلدا خافت حسبي الله على ابليسك شسويت فيها أنت
دخلت معه الغرفة والبنات معهم
قربت منها لتين حبيبتي
ولتين على نفس وقفتها تطالع بالفراغ
تاله لما شافتها كذا صارت تبكي
ناظرت بسام أنت السبب حكت لي كيف كنت تعذبها أنت السبب في اللي يصير لها كافي حرام عليك
لين تمسح دموعها بهدوء وبحزم تاله خلاااااااص
تاله تكمل وهي تبكي أنت ما عندك قلب
لين سحبتها لجهتها تالــــــــــــــه بس
ويقاله بسام كان معها ما كان هامه إلا شي واحد تتكلم لتين
يلدا خافت عليها من جد ما هي راضيه تتكلم ولا حتى ترمش بعيونها
لفت لبسام بعتاب وش سويت لها
بسام بقهر يمه ما سويت لها شي بس حك ذقنه بتوتر .......عرفت إني زوجها
يلدا تنهدت مصيرها بتعرف بس ردة فعلها غريبة
لين بهدوء ماما شكلها مصدومه
لين تدرس علم نفس متشعب لا وبالإيطالي يعني عارفه هالحالات
يلدا طيب وش بنسوي لها
قربت منها لين لفت وجهها عليها برقة وبهمس لتين لتــين تسمعيني
ولا حركت ساكن
رفعت يدها وبضيق عطتها كف على وجهها جامد صدم الكل ورجع لتين للواقع
ناظرت بلين وبعدها نقلت نظرها ليلدا وتاله وأول ما طاحت عينها على بسام
انفجرت تبكي بألم وبطريقة تقطع القلب ما كانت تصارخ لكنها جلست بالأرض وهي مغطية وجهها بكفوفها وتنتحب وكتوفها تهتز من البكى
تاله نزلت لها وهي تبكي معها لتين يا بعد قلبي خلاص لا تسوين بنفسك كذا
لين بحنان راحت لبسام ابتسمت وهي تربت على كتفه روح إنت الحين توها مصدومه وبتكون ردت فعلها صعبه
ناظرها بسام بهدوء ولف ظهره وطلع

عدلت روجها الوردي الباهت
أخذت قلم الكحل الأزرق وبدت تخط على جفون عيونها اللوزية
انفتح الباب بطريقة فجائية آناااااااا جييييت
طاح الكحل من يدها يمممه خرعتيني
كملت بعصبيه وهي تنزل تاخذ الكحل أحد يفتح الباب بهالطريقة
وديم بثقة اييه أنا
دخلت جمانة أهلاأهلا من متى وديموه ببيت عمتي
وديم بغرور لو سمحتي بيت خالتي قبل
جمانة عمتي أنا
وديم لا والله ع كيفك خالتي يعني خالتي
ما دروا بكلامهم العابر هذا وش فتحوا جروح بربى
جات بتكمل رسمة عينها لكن للأسف
القلم مو راضي يرسم بين الدموع
لاحظت سرحانها سارا قدام المرايا
راحت ضمتها شفييه الحلو سرحان
وكملت بهمس ترى خالي طلال تحت
ارتجفت ربى ولفت وهي تغمض عيونها بقوة عشان تخفي الدموع وارتباكها وإذا؟؟ يعني؟؟ يبقى بحسبة خالي
جمانة اييه صح ذكرتيني هذاك اليوم الله يقلعه آميين الحمـ## كان بيذبحني عشانك
ربى بدهشة آناااااا وش سويت؟!؟!
وتخيلت شكله لما يعصب وينط له عرق بوسط جبينه وأسفل رقبته هههههههههههههه
جمانة بقهر لهالدرجة يضحك؟؟
ربى وهي طالعه مالك دخل
طالعوا ببعض باستغراب !!!
جمانة متأكدة بنت خالتك صاحية
وديم بلا مبالاة حركت يدها دامها بنت زوج عمتك أكيد ماهي بصاحية
جمانة بعصبية نعم؟!!
سارا زفرت افففف أنزل تحت أبرك لي
جمانة صادقه
وديم ههههههههههههههههههههه
سارا حقرتهم ونزلت

[قلب الزهـــور]

خَنَقْتْ اْلْوَرْدْ يَآ يُمَهْ وَبِيَدِّيّ اِنْكَسَرْ ذَبْلَآنْ


ابتسمت والحين طالعي فيني
رفعت عينها لتين بهدوء
وبرقة كملت لين اتفقنا
لتين بتشتت وعيونها غرقت وهي تهز راسها بتوتر ما أدري مو قادره أستوعب إنه هذا زوجــ.. وما قدرت تكمل الكلمة
صعبة وقوية بعد إنسان لقت منه كل الذل والعذاب بيوم وليلة تكتشف إنه أقرب لها من نفسها
قالت وهي تضغط على عيونها ما تبي تبكي لين بسـ..بسام كريه يبي يعذبني عشان كذا جابني هنا
لين بصعوبة تحاول تفهمها وكأنها طفلة لتين حبي أدري إنه بسام سوى لك كثير لكن إللي أقدر أقوله لك كلمة وحده إنتي بأمان هنا ومستحيل يأذيك
لتين برعب وعمي؟؟
لين بتفهم عمك؟؟ وش فيه إنسيه دامك ببيتنا
ولا تخافين عادي بتروحين وتجين معنا على إنك زوجة بسام بس ما بينك وبينه شي
لتين تقشعر جسمها من الفكرة
زوجته؟؟!
لين وقفت والحين قومي بابا يبى يجلس معك غمزت لها يقول إنه حبك من أول نظرة
لتين ابتسمت بحيا شدعوة لا مابي
لين بحزم لتين
لتين طيب طيب بتروش وآجي بس بسـ..
قاطعتها وهي تطلع نص ساعة أشوفك جايه
قفلت الباب وراها
وظليت واقفة عند المراية العريضه
ناظرت شكلي بتقزز معقولة
معقولة يا ربى أنا أتزوج الحقير السافل بسام
بس لا أصلا بس فتره إللين مدري وش ناوي عليه هالسخيف وبعدها بخليه يطلقني
تنهدت وينك يا عبد الله
مسحت دمعه طاحت غصبا عنها ودخلت تاخذ لها حمام دافي تريح أعصابها التلفانة

كنا جالسين بالصالة الخارجية للبيت المكان مليان
واللي فهمته إنه مو بس طلال مسافر حتى فيصل ولد أخته
معاه رايح
جلست جنبي لمار بهدوءها المعتاد ابتسمت برقة ربى
رفعت عيني لها بابتسامة أهلا
لمار وهي تحرك كاس العصير اللي بيدها شفيك
ربى رجعت شعرها ورى إذنها باستغراب ما فيني شي أنتي تشوفين إنه فيني شي
لمار هزت راسها إييه أحسك صايره تسرحين كثير
ربى ابتسمت لا ولا شي بس بالي مشغول مع وطرت على بالها لتين ألفت عليها الكذبه الصادقة بلتين صديقتي
والحزن اجتاحها بعد ما نطقت باسمها
لمار بحزن حطت يدها على ظهرها كلنا نحزن وتصدمنا الحياة بمواقف قاسية وأقوى من إنا نتحملها شوفي أنا عادي كملت حياتي
وبخنقة صحيح اللي بالقلب بالقلب لكن وش نسوي سنة الحيا وخيره إن شاء الله ابتسمت شفتي
ربى ناظرتها لمده طويلة بعدها نزلت راسها وقامت طلعت للحوش
تركتها لمار على راحتها لأنها حاسه باللي تحس فيه

لبست بنطلون جينز غامق وبلوزة فوشيه يقالك بتستر لأني أول مره أشوف أبو بسـ.. اففف من هالاسم الكريه ما عاد أنطقه أول مره بشوف عمي بدر اييه كذا أحسن
كان فيها حبل ينربط عند الخصر ونازل منه خرز برتقالي
اممم جففت شعري بالسشوار المعلق جنب التسريحة والبركة بتاله علقته لي
وخليته مربوط على ورى
ما حطيت شي بوجهي لأني مالي خلق أو بالأحرى أستحي من عمي بدر
زفرت بضيق مالي خلق أنزل تجمعت الدموع بعيني كنت ببكي لكني مسحتها بسرعة وطلعت عشان ما أعطي نفسي فرصة إني أبكي
وعلى كلام لين صح ما كان الزفت موجود
نزلت الدرج احمم
كانوا كلهم جالسين
قام بدر لما شافني وأنا تمنيت الأرض تنشق وتبلعني
بدر بحنان هلا هلا والله ببنتي لتين شلونك حبيبتي
ابتسمت بإحراج وأنا أوقف بينهم وبهمس الحمد لله
وهو في خير من بعد ولدك؟؟
تفاجأت لما سحبني له وضمني بحنان وكأني تاله أو لين
يلدا هههههههه عادي لتين تعودي ترا عمك يحب التلصق
الكل هههههههههههههههه
أنا وجهي راح فيها
بدر ههههههههه كذا يعني يا يلدا أوكيه مقبولة وعلى قلبي مثل العسل
ايييه يا ويلي شكله جريييء
راكان احمم يبه اترك البنت شوي خلها تتنفس
بدر تركني ههههههههههههه وبحنان سألني مرتاحه
مدري ليه حسيت إني أبي أبكي يمكن لأني ما قد حسيت بحنان الأب وهذاني أحس فيه بس طعم الغربة يجتاحني
هزيت راسي بإييه
انتبهت على تاله جالسه بطرف الكنبة وهاديه
تجرأت وقمت جلست جنبها وبهمس تاله
رفعت عيونها لي وبدون مقدمات رمت نفسها بحضني وضمتني بقوة
بلعت ريقي بتوتر ورمشت كم مره خصوصا إنه الكل يتابع اللي يصير
تاله بصوت مخنوق خوفتيني عليك سامحيني لتين
مديت يدي بتردد ورصيت عليها وهي بحضني وبهمس مسامحتك مسامحتك...


جلسة الديوانية//
كنت جالس معهم وعقلي مو معي ودي أقوم وأدخل عليهم بالغلط عشان أشوفها ههههههههههههه ضحكت على تفكيري
وافي جنبي همس بهدوء خيير طلال شفيك تضحك؟؟
طلال ناظره بابتسامة طرت على بالي فكره متهورة
وافي عدل جلسته الله يستر
طلال قاله بايش يفكر
فتح عيونه وافي وبعدها ضحك بهدوء وهو يتخيل شكل طلال
طلال وبيده جواله ما قررت تجي معي
وافي وعلى نفس جلسته الرسميه وبنفس طريقة كلامه الهاديه شكلي بلحقك بس بالطيارة بعد كم يوم
طلال بفرحه احلللف
وافي بنفس النبرة والله
طلال يا حبي لك يا شيخ والله إنك أخو دنيا
وافي ابتسم تسلم
فيصل قرب أقول طلال ليه عجلت السفره
طلال بوز وهو على كيفي مو أنا اللي عجلتها هي تعجلت
فيصل اهاا طيب قوم جدتي تبيك
ودخل عليهم فهد طلول الماما بدا ياك
طلال طاح وجهه الماما بعينك
قام عدل شماغه الله يستر وش قالت لك
فهد مدري بس شكلها معصبه
طلال جد؟!
فهد ههههههههههه لا والله مدري شتبي بس من الصبح تقول نادوا لي طلال
طلال طلع وبيده جواله والشماغ راميه على فوق بعشوائية وشكله كان رزه
وهو حاط النظارة الشمسيه على عيونه عن شمس الخبر الحاره
.......
كنت واقفه برا عند الورد بعد ما كلمتني لمار
دموعي نزلت غصب عني
تظنين إني نسيتك يا لتين
أنا كل يوم أدق على جوالك لدرجة حتى بيتكم أدق عليه ومره طلعت لي سيتا واستغربت لأنك قلتي لي إنها هربت وبس بعدها ما عاد أحد يرد
بس ما يأست للحين أدق على أمل...اسمع صوتك
كل يوم أناظر بأشيائك اللي عطيتيني ياها
وكلها بسيطه
مثل روحك
مناديل لها
قلمها اللي تختبر فيه أخذته
إسواره كان جايبها لها بسام من ضمن الملابس من بلجيكا ومن كرهها فيه رمتها وما رضيت أنا وأخذتها لأنها واضح إنها غاليه
حسيت بحركه قدامي
تجمدت وأنا أشوف
طلال طالع وشكله مو منتبه علي لكن فجأة بلحظة رفع راسه والنظارة نزلها وناظرني
وشكله متفاجأ
مرت دقايق طويلة وكأني ما أبيه يروح ويختفي لأنه شهر كامل مسافر
انتبهت على دموعي اللي للحين على خدي مسحتها بسرعة وأنا أنزل راسي وأمشي لداخل بسرعة
وأنا......... لسى واقف
يا حبي لها هالبنت
تصدقون أول مره أحب اللون الفستقي؟؟!
لا وتبكي يا بعد قلبي ما عاش من يبكيك حس بالفضول يجري بدمه وده يعرف وش اللي يبكيها؟؟
ناظرت الفراغ وتنهدت براحة الحمد لله اللي استجاب أمنيتي رجعت النظارة لعيوني وكملت طريقي أشوف الوالدة اللي تحتريني

انسدحت ع السرير بعد ما بدلت ولبست بجامتي
تعذرت إني بنام
هم تحت يتعشون والأخ مو موجود بس أنا ما أبي أشوفه أخاف يجي بأي لحظة وأنا مو مستعده للمواجهة مو طايقه أسمه حتى
بس شكله عمي ما بيتركني لأنه عندهم ع الوجبات لازم الكل يكون موجود
عشان كذا سمعت راكان الحشري يقول
" أشوف الوالد تخلى عن بعض العادات لعيون السيد بسام من متى مشاء الله ما يجلس ع الغداء والعشاء ولا زوجته مثله مشاء الله "
ناظرني من اليوم ورايح هذي طريقتنا تبين تجلسين لحالك طول اليوم عادي لكن وقت الوجبات تنزلين الورا " طيب "
ههههههههههههههه أذكر شكلي وأنا أطالعه مذهولة من طريقة كلامه حتى جاه كف على راسه من جهة تاله وانشغل عني وبدا الطقاق معها كالعاده
مدري هالولد حبيته من قلبي سبحان الله فرق فرررق بينه وبين أخوه المنحوس
للحين مو مستوعبة أحس إني للحين بصدمة ومستحيل يكون كلامه صح أصلا كيف ومتى وليش؟؟ أسأله كثير بتفجر راسي
مديت يدي للأبجورة وخففت نورها ع الأخير ورجعت راسي للمخدة
غمضت عيوني وأنا أقرأ الأذكار بهمس تذكرت جدتي
قطعت أفكاري
وهمست
"الله يرحمك يمه"

[قلب الزهـــور]

خَنَقْتْ اْلْوَرْدْ يَآ يُمَهْ وَبِيَدِّيّ اِنْكَسَرْ ذَبْلَآنْ

دخلت بعد ما سلمت كلهم جالسين
قربت للوالدة بست راسها وحطيت راسي بحضنها هاا آمري الغلا يقولون بغيتيني
كل هذا وما استوعبت للحين أو ما انتبهت أصلا
شفت شي مثل الشبح مر من قدامي وبعدها سمعت صوت الباب ينرقع ووحده شكلها معصبه وكأني كأني سمعتها تقول وجععع ونظرات الكل متفاجأة
قلت باستغراب اشفيكم مين هذي؟؟
ليلى بإحراج هذي وديم بنت خالة ربى
الكل ههههههههههههههههههه
رجعت راسي لحضن أمي بعدم اهتمام تولي هالمفعوصة اللي يشوف ميت عليها
صراحة أنا مو ميت عليها أنا ميت على بنت خالتها اااااه لعبت فيني لعب
أم إبراهيم سلامة قلبك يا ولدي
سارا بخبث أشوفك تتنهد
يارا بعفويه ليكون تحبها
طلال وينزل يد أمه ويبوسها وععع هالناقص وابتسم على خبالها
سلاف لا والله بسم الله عليها البنت مو ناقصها شي
ما رد ولا اهتم أصلا
لاحظ سكوت جمانة واستغرب جمانة ساااكته رفع عيونه لأمه يمه يالغاليه كنتي تبيني والحين ساكته
أم إبراهيم يا روح أمك وينك ما جيت تجلس معي مو مسافر بكره
طلال مغمض عيونه ومستمتع بدلعها أنا كلي لك أبشري اليوم ماني نايم بجلس معك
سارا يووووه بدا الدلع الحين كابتن طلال
فتح عيونه وضحك من قلب على كلمة كابتن
ذكرته بموقف ربى
المتصل الو السلام عليكم
ربى وعليكم السلام
المتصل انتي ربى
ربى عقدت حواجبها مين معي
المتصل بابتسامة سخرية معك الكابتن طلال الفهد
ربى ابتسمت على غروره قالت بهدوء هلا فيك...خالي
طلال افف خال مره وحده ترا توني ما كملت الثلاثين
قولي طلال بس
ربى لا شعوريا اوكيه طلال وش تبي
طلال سكت ثواني وبعدها كمل وش ابي مثلا ابي اختي اكيد
ربى انقهرت من غروره وثقته الزايدة قالت بهمس وهي تحط السماعة اوكيه شوي وياكلني الـ وبتريقه كملت الكابتن طلال
لفت على مرة ابوها شافتها بآخر صلاتها
حطت السماعة ينتظر وش وراه
ورجعت للتلفزيون
خلصت صلاتها ليلى مين ربى
ربى بلا مبالاة اخوك الكابتن
ليلى ههههههههه ما يبطل حركاته
لمار ضحكنا معك خالي
طلال عبس لا تقولين خالي
وناظر بجمانة اللي خزته بنظرة مرعبه ههههههه
قال بهدوء شفيها ست الحسن والدلال تخز
لفت عنه جمانة بغرور
سارا اييه صح تراها زعلانة عليك
طلال افا افا وليه إن شاء الله
يارا ابتسمت لأنك هاوشتها بسبة ربى
طلال انحرج بس سرعان ما راح الإنحراج قال بثقة عمتها وش سوت
جمانة بغيض تخسى تكون عمتي
طلال بحزم جمااااااااانة
الكل انتبه إنه بدا يتغير مزاجه عاد طلال مزاجه لله لا تغير الله يستر!!!!!
عوجت فمها جمانة بقهر
أم إبراهيم ناظرت سلاف وليلى بنظرة وفهموها لأنه الكل انتبه على دفاعه الغريب عن ربى
ليلى لمار حبيبتي شوفي ربى قوليلها تقول للخدامة تجهز العشا بيوصل
لمار قامت إن شاء الله خالتي
وأول ما طلعت
أم إبراهيم وهي تمسح على راس طلال بحنان بكره بيروح معك فيصل
طلال مغمض عيونه سرحان بربى هممم
الجدة وش له الولد تمرمطه معك اخخخ منك قلت لك تزوج بس مو راضي طالع على أبوك الله يرحمه راسك يابس
طلال الله يرحمه
الجده وش قلت ما نويت بعد؟؟
طلال يمه لا بغيت أتزوج بجي لك وبقولك يمه زوجيني
ابتسمت الجده بخبث أنت حر إلا يا سلاف ما قررتي تزوجين فيصل
انصدموا البنات
سارا بهمس حرام عليهم ما بعد برى جرحه
يارا وربي هالجدات ما يحسوون
سلاف ضابطه الدور والله يا يمه بدور وإذا لقيت اللي تسعده ليه لا بعدين في وحده ببالي
طلال عدل جلسته واخترب المزاج وبعصبيه بس الرجال ما قال بيتزوج خلاص عاد فكوه خلوه بحاله ما صارت
سلاف بابتسامة غريبة بس ربى ذكية وسنعه بتقدر تسعده وتنسيه لمار وطوايفها
سارا عصبت مهما كان ما ترضى على أختها تنهان تخطب له وحده مو من الأهل ع الأقل خالتيـ..
قاطعها صوت طلال بشبه صراخ والله ما ياخذها ولو على جثتي
وطلع ورقع الباب بأقوى ما عنده
وطلع لبرا
والأغرب إنه أمها ساكته
كانت ربى ووديم جالسين بالمراجيح العريضة ولمار جايه
طالع فيها قبل وهو متوجه للباب الخارجي
قرب منها وهي جالسه ورفع سبابته بوجهها ما توافقين سااامعه يا ويلك لو وافقتي
وتركهم وطلع
؟؟؟؟؟؟؟؟!
ربى فاتحه فمها بذهول
وديم مفجوعة شفيه هذا على وشو توافقين
لمار قربت باستغراب اشفييه خالي
ربى ما زالت مفجوعه
وديم بقهر بلــــــــــــــــــــــى!! مغرووور يقهررر
لمار جلست غريبة توه رايق

جمانة تطالع باستغراب ومو فاهمه من جدهم هذولا
والجو متكهرب
يارا بعتب وعيونها غرقانة شوفوا عاد سويتوها مره وجرحتوا البنت الأحسن إنكم تشيلون الفكرة من راسكم كملت والعبره خنقتها وهي قايمه مو مستعده أخسر لمار هالمره للأبد
الجده ارجعي مكانك يا يارا
يارا انقـــــهرت ودها تذبح نفسها وتتخلص من تسلط جدتها جلست بكدر وهي تمسح دموعها
ليلى والإرهاق واضح بوجهها هههههههههههههه تفضلوا العشا تعيشون وتاكلون غيرها
سارا ما فهمت
سلاف ابتسمت بحزن ما راح أزوجه اللين يطلب إحنا قلنا كذا اتفاق مع أمي عشان نخلي طلال يخطب ربى لأنه يبيها بس تدرون بثقته هالولد مدري لوين بتوصله
سارا ارتاحت حطت يدها على قلبها خرعتوني وربي للحظة حسيت إنكم مو أهلي اللي أعرفهم
الجده ارتحتي أنسة يارا
يارا ابتسمت وبعدها ضحكت بهستيريا
أم خالد الحمد لله والشكر وتحسبون أنا برضاها ولا سلاف أصلا ترضاها على بنتي
أم فيصل بحزن صادقه مستحيل أسوي حركة مثل هذي
قامت جمانة وإن شاء الله متى بتزوجون سعيد وسعيده
الكل هههههههههههههه
ليلى لا رجع شكله مو ناوي يرجع بعد اللي سمعه
جمانة بقهر أحسسسن الله يعينها عليه
وطلعت
الكل ههههههههههههههههه
سلاف ابتسمت غريبة وش مسويلها الولد
ليلى تحكيهم يومه جايبهم للمستشفى عندها وهم قايمين للعشا

صحيت الصباح على صوت دق الباب
قمت بتثاقل مسحت وجهي وبعد مبلل تنهدت حتى بنومي مو متهنيه الظاهر إني كنت أبكي بس غريبة ليه ما حسيت
أحسن رحمة من ربي اففف
قمت فتحت الباب وأنا أتثاوب
ابتسمت لي جوليتا اييه صح نسيت أقول هذي الخدامة حطتها لي خالتي يلدا مع إني ما أحب هالحركات بس فديتها خالتي لو تدري عن ولدها الحقير اللي كان مسوييني خدامة
زفرت بضيق وأنا اعتذر لأني ما فهمت وش قالت ما كنت معها سكوزا سي "اعتذر نعم"
الخادمة بابتسامة وديعة بونجورنو " صباح الخير"
لا تشيبو "الطعام"
تنهدت بريستو "حالاً"
تركت الباب مفتوح عشان تدخل تنظف الغرفة ودخلت الحمام
تروشت ع السريع ولبست فستان قصير فوق الركبه لونه وردي
عادي بتستغربون ما يحتاج ما هي بمعادلة صعبه (ما في مبادئ + ما في تربية= فساد أخلاقي) وبرحمة ربي ما وصلت له بمعناه الكامل لتين
تركت شعرها مفتوح
تعطرت بأول عطر شافته قدامها
لبست شبشبها ونزلت
كانت نفسيتها أحسن من أمس والدليل اللون اللي اختارته
صفر راكان سينيورا بيللا "سيده جميلة"
استحت لتين وما انتبهت بعد لشي
قالت بصوت واضح فيه الحيا لأن واضح أن الكل كان ينتظرها تنزل
سحبت لها الخادمة الكرسي جلست غراتسي "شكرا"
طالعت بالكل بونجورنو
ردوا بابتسامة وبدأوا الأكل
لاحظت إنه يلدا كانت متوتره
شوي ما ألاقي إلا أحد قام من الجلسة اللي جنب طاولة الأكل وجا
طاحت الكروسانة من يدي وأنا أشوفه يسحب الكرسي ويجلس وبيده بيبي صغيره بس شكلها مدري نايمه كأنها
وما طالعني
حسيت الرعب مشى بجسمي كله
وقفت لا إراديا
بدر بحنان اجلسي بنتي لتين لازم تتعودين على هالوضع
توترت زيادة جلست ومن توتري دفيت الكاسة بيدي لا إراديا وطاحت وانكسرت
اخخخخ من الفشلة ليتها طايحه على رجولك يا كريه
بهاللحظة حسيت ببكي
طالعني بنظرة ما فهمتها لكن اللي أعرفه إنها هزت براكين داخلي
برجع
برجع لو ظليت قدامه
جات الخدامة ونظفت المكان ولا كأنه شي صار
حطت يدها على يدي يلدا وابتسمت عادي كملي فطورك ولا تشيلي هم
هو أنا فيني أكمل أحس إني مخنوقه دام هالانسان قدامي لا وياكل بكل اريحيه الله ياخذه لحظة مين هالبنت
صح
وكأنه أحد ولع لمبات بعقلي هو قال إنه متزوج
انقهرت ولعت رصيت ع الشوكة وأنا منزلة راسي وش يبي فيني هالإنسان؟؟!!
.
.
.
من ايطاليا.. ليس كل مغمض العينين نائماً

>> نهاية الجزء الرابع عشر

[شمس القوايل]

يعطيج العافيه قلب الزهور ع البارت الجميل

مجهود مميز عساج ع القوه

ننتظر المزيد لاهنتي

[قلب الزهـــور]

اقتباس المشاركة الأصلية كتبت بواسطة شمس القوايل يعطيج العافيه قلب الزهور ع البارت الجميل مجهود مميز عساج ع القوه ننتظر المزيد لاهنتي

هلااااااااااا وغلااااااااااا
يسعدلي قلبك ويسلمووو ع الحضور الرآئع بصفحتي
تقبلي شكري تقديري واحترامي
مع تحياتي قلب الزهور
بباي

[قلب الزهـــور]

خَنَقْتْ اْلْوَرْدْ يَآ يُمَهْ وَبِيَدِّيّ اِنْكَسَرْ ذَبْلَآنْ

>>الجزء الخامس عشر

اليوم الجيد يعرف من نهاره

..0..الحزن..0..

هو أن تجبرني الصدمات على الصمت...فأصمت ...ويبقى الألم ينهش ما تبقى من روحي المعلقة !!
كنا جالسين بالحديقة الخارجية مشاء الله بيتهم وسيع ويفتح النفس أصلا يكفي المنظر اللي يطل عليه
أجمل بحيرة شفتها بحياتي
وكأنها لوحة فنية
انتبهت على راكان اللي لوح قدام عيوني بعلبة الكولا سينيورا دوفي "وينك"
ابتسمت كون تي "معكم" كملت وأنا آخذ الكولا منه وأفتحها يا حبك للإيطالي تكلم عربي ترا مانت برا
راكان شرب بغرور ورفع كابه أختبر قدراتك
ههههههههههههه ضحكتني
راكان ابتسم بخبث وحرك حاجب ترا أنا بلبل إيطالي يجري بعروقي يعني لو كنتي بتقولين شي لحبيب القلب انتبهي أفهم
عقدت حواجبي وأنا أبي أضحك على تعابير وجهه مين حبيب القلب؟؟!
انتبهت على ابتسامة تاله
راكان غمز لي عليناااااا قولي قولي عادي إحنا عائلة منفتحة تؤمن بالحب
ههههههههههههههههه أي حب وأي خرابيط حبيبي أنا قلبي مقفله عليه كملت باستعباط إذا بحب بحبك إنت
سوى إنه داخ على تاله وهي تضحك عليه
مسك قلبه يا ويل حالي أنا آنجيلو لتين بتحبني لا لا هذا عرض مغري فوق طاقتي
تاله ضربته على كتفه ولد استح على وجهك وش هالكلام
سفهها راكان وطالعني طيب نرجع لحبيب القلب بسام
صرخت باشمئزاز وأنا أسكر اذوني انطــــــــــــــم
صدقوني للحين ما استوعبت ولا أبي استوعب
قال بسرعة امم اوكيه شرايك نطلع اليوم
قمت وأنا أرمي الكولا بأقرب سلة جنبي مابي عكرت مزاجي بروح ارتاح
سمعت اعتراضاته هو وتاله لكني طنشتهم وطلعت غرفتي

....!ّ قبل السفر ودي بنظرة أخيره
أعيش بها باقي العمر وأموت....!ّ
وينه هذا أدق عليه من أمس ما يرد
راح لأمه وبعدها ما شفت خلقته
رجعت السماعة لمكانها
وقمت طلعت من مكتبي
ومسكت الطريق لبيته لازم أشوفه اليوم بيسافر وأصلا ما بقي ساعتين على سفره
بركنت السيارة وأنا أشوف سيارات عند بيتهم
أكيد جايين يودعونه كالعادة
طلال محبوب من الكل
كثيره سفراته وكل ما جا يسافر الكل يودعه كأنه أول مره يسافر
دخلت المجلس وأنا أسلم على إبراهيم أرتاح له هالرجال
ابتسمت الله لا يهينك اعذرني جاي بغير ميعاد لكن طلال ما يرد علي من أمس عسى ما فيه إلا الخير
إبراهيم أفا عليك واحد منا وفينا وطلال الحين نازل
..
صحيت من النوم وأصلا ما نمت إلا الساعة تسع الصبح والحين الظهر الله يستر كيف بتعدي هالرحلة على خير
لبست بدلتي البيضة وعدلت شعري لبست الكاب الخاص بالبحارة
تعطرت ومزااجي خاااايس للآخر اففف الله ياخذ ابليسك يا ربى
الحين بروح لأمي وبفهمها واللي تبي تسويه تسويه
سحبت شنطتي وتحركت وأنا أسمع أنواع الدق على غرفتي عاد اللي مو عارفه صاحب الحظ السعيد اللي يدق الباب انه بينمسح فيه البلاط على هالإزعاج
ضيق يا ربي أحس إني مخنوق
فتحت الباب
شفت جمانة
كنت بفتح فمي أهواشها لكني تذكرت إنها كانت زعلانة أمس ما حبيت أطولها وأنا مسافر
ابتسمت بضيق أهلا شفيك دققتي راسي وأنتي تدقين
قالت بعتاب جدتي تبيك
ومشت قربت منها وهي تنزل الدرج وبست راسها وكملت نزولي بسرعة
سمعت شهقة إستغرابها
يللا عاد تحمد ربها إني سلمت على راسها
" إعتذار " أصعب أحلامها وخل تزعل طول عمرها إن شاء الله
لقيت الكل ينتظرني تحت
تركت الشنطة ورحت أسلم عليهم
ورحت لأمي ضميتها بقوووة وبست راسها ويدينها دعواتك الغالية
أم إبراهيم ضمته وبكت الله يوفقك يا ولدي ويسدد خطاك ويحفظك من كل سوء
تأثرت بدموعها أفا الغالية لا تخليني أكنسل الرحلة وأجلس عندك
وظلت متشبثة فيني وتصيح
قلت أغير الموضوع بهمس يمه ربى لي وما أبي أرجع ألاقيها ضايعه
ناظرتني وهي تمسح دموعها
مدري شقول لكن شفت الفرحه تشع بعيونها
يوووه لا يروح تفكيرها بعيد بس ما أبي فيصل يخطبها<< هذا اللي يبيله تكفيخ ههههههه
وشوي دخل فيصل وسلم ع الكل واستغربت إنهم بكوا عليه أكثر من بكاهم علي زفرت يهالحريم دموعهم تنزل على كل شي ولو كان تافه
طلعت للرجال سلمت عليهم وفرحت من الخاطر وأنا أشوف وافي
وأخيرا طلعنا وكان وافي هو اللي بيوصلنا للميناء
وحنا رايحيين قلت له يعكس الطريق ويروح لبيت خالتي ليلى
فيصل بكدر طلول وش تبي أنت أمس شايفها
طلال اسكت اسكت بس الله يخليك خلني بحالي
فيصل استغرب اشفيك انت مانت بصاحي من أمس
طلال توتر زيادة ما فيني شي فيصل دام النفس عليك طيبه اسكت ترا أخلاقي لخشمي واصلة
فيصل لف عنه بضيق ومن متى أعصابك ما وصلت لخشمك المفطوس هذا
واللي قهره أكثر إنه وافي الهادي ضحك من قلب على كملتي مع إني قلتها بعفويه وقهر
طلال عدل كابه بسخرية هه مفطوس إذا خشمي أنا يالأعمى مفطوس أجل وش يطلع خشمك صحن؟؟
وافي ههههههههههههههههههههههه بس خلاص والله إنكم بزران هذي أول الرحلة أجل بوسط البحر وش بتسوون
وقف عند بيت أختي نزلت بسرعة وأصلا هي ما تدري إني جاي
دقيت الباب وفتحت لي الخدامة
دخلت بسرعة وأنا اتحمحم وياليتني ما اتحمحمت شفت خيالها تجري ع الدرج
اففف يا ربي كان شفتها
شوي ونزلت ليلى وهي تهلي
هلا هلا بأخوي والله
سلمت عليها يللا يا ليلى أنا رايح ديري بالك على روحك وسلمي على أبو ماجد
ابتسمت بحنان غيير هذي أختي غير كل أهلي أحبها وأحترمها ومستحيل أرفض لها طلب
تروح وترجع بالسلامة يا رب انتبه على فيصل
ههههههههههههه إن شاء الله يمه وصايا ثانيه
توسعت ابتسامتها الله يحفظك وترجع سالم غانم
طلعت من عندها وأنا أحس الضيقه خفت
ما قدرت ما أسير عليها رفعت نظري لشبابيك البيت الطويله اللي فوق
......... وابتسمت
تدرون ليه لأني لمحت خيالها ورا الستارة
يا بعد قلبي جايه تودعني<< واجد مصدق نفسه
وطلعت ركبت السيارة وأنا مستغرب ليه فيصل ما نزل معي
لقيته نايم
اوف اوف هذا من الحين نايم توه صاحي الدجاجة
وافي بهدوء شكله تعبان خليه براحته

حر حـــــــــــــــــر يا ناس
عطيت الشباك ظهري مستحيل
مستحيل
كان
يبتسم
لي
لا لا أكيد أحلم
طلال فيه شي غريب
من بعد ما قال اللي أمس قاله والبنات شكلهم يعرفون بس ما رضوا يقولون لي السخيفات
مسكت وجهها كان حااار فديــــــــــته بالبدلة غييييير
قطع جوي اتصال وديم النشبة
رديت بصوت مبحوح هلا
وديم بطفاقة بدري ست ربى كان ما رديتي
ربى:....................
وديم الووو يا بنت وينك
ربى بهدوء وشو؟؟
وديم بخووف شفيك ربوووه شصاير؟؟
ابتسمت وأنا أتذكر ابتسامته الملاك يطلع بريء لما يبتسم
همست يجنن
وديم باستغراب يجنن من هو اللي يجنن؟؟؟
وبحشره اعترفي بسرعة مين هو؟؟
ربى بحيا وبرقتها المعتادة وقلبها يدق بقوة
طلـــــلال
فقعت أذاني بصرختها وعععععععع يا عله تعله إن شاء الله
صرخت بنعومة لا حرااام عليك وراه سفر
وديم زفرت إلا شطاري ذايبة الأخت في المقرود
ابتسمت بضيق حدك وديمووه
وديم من غير نفس خلصي شطاري وين شفتيه مو قال بيسافر وبتريقه الكابتن
ابتسمت بحب جا يسلم على خالتي وهو طالع رفع عيونه لشباكي وابتسم
وديم تحمست ياااااااي ع الرومانسيه والله ويطلع منه شي الحيوان
عصبت وديييييم يا زفت عدلي ألفاظك
طنشت المهم وش قالك؟
ربى عقدت حواجبها أقولك هو تحت وأنا عند الشباك كيف بيوصل الكلام إن شاء الله بالإشعاعات وبعدين وشو وش قالك وش شايفتنا إن شاء الله
وديم هههههههههه
ربى بسرحان البدلة عليه تجنن ولا كأنه أمير
وديم دخلت جو يا لبى ! كان صورتيه عشان أشوفه
ربى استوعبت قالت بعصبيه نعم؟؟؟!!!! أنقلعي أشوف وسكرت بوجهها
وديم ههههههههههههههههههههههههههههههههههههههه
قمت وأنا أترنح من الضحك مدري أيام نضحك على أشياء ما تكون لهالدرجة تضحك
شفت سامر قدامي وأمي وبدور والله تطور إنها تكون طالعه من غرفتها
عاد الحين صارت تطلع يوم ما بقى على عرسها إلا أسبوع
جلست جنب أمي وبستها وحضنتها بدلع ماصخ ما أطيقه بس وش أسوي لزوم دهن السير
ماااااامي
سامر بسخرية من الآخر وش تبين؟؟
على طرف لساني بقوله مالك دخل أم وبنتها وش دخلك أنت لكني سكت حتى هو لازم أضبطه عشان يوصلني
رمشت بعيوني أبد يا خوي مشتاقه
طالعني ولف وجهه وكأنه يتحمد ربه ع العقل
طنشته وحضنت أمي زيادة ماما قولي تم
أم سامر وهي تطالع بالكروت وتفرزها بالأسماء مع بدور وش تبين أخلصي علي
وديم بسرعة مامووو بدي أروح مع ربى السوق ما شريت صندل لعرس بنتك للحين
أمها وتبي تفتك من حنتها انزين روحي
بهاللحظة نسيتها وهجمت على سامر حضنته بقوووووة
حتى دفني وهو متقرف وخري زيييين
ضحكت على شكله استحى هههههه الله يعين زوجتك بتعاني
شفت وجهه انقلب رمى المخده علي هييين يا وديم احلمي أوديك
بدور هههههههههههه يللا يا وديم والله إنك تحفه
وديم تعدل شعرها برقة احمم انتبه لا أنكسر يالدفش
بدور هههههههههههههه
ابتسمت عسى دوم هالضحكة اييه سمووور حبي قلت بتوديني
انسدح ع الكنب وغمض عيونه لا ولا تدلعين لأن كبدي لاعت
وديم بصوت ضخم أوكيه أبو الشباب أبو سمره تودينن
وهو مغمض عيونه ضحك اللين دموعه نزلت
هههههههههههههه أجل تودينن قومي قومي الله لا يحرمنا منك يا شمعة البيت
ويوووو حمر وجهي هالمره أنا لأنه كان جاد وما يتمسخر كعادته
حطيت رجولي فوق
ظنهم من الحيا
لكن أنا بصراحة كنت رايحه أدق على ربى أرغمها تروح معي
!! ^_^

على الغداء
هالمره كان موجود
قررت أعطيه أكبر طاف في الحياه
صحيح حسيت بالخوف لسى بقلبي لكن تشجعت وحاولت أرجع لتين الأولية اللي رغم كل شي ما يهمها ولا يأثر فيها لكن هيهات
ناظرت بالبنت اللي بيد خالتي
ابتسمت بحنان شكلها مريضه أول شي خطر ببالي يوم شفت وجهها الطفولي جمالها سبحان الله رغم مرضها إلا أنها حلوه
الحين هذي بنته؟؟ أنا لازم أسأل تاله وإلا لين
غريبه ما أشوفها إلا وقت الغدا
بدر بصوته الجهوري شرايكم بنات تطلعون لتين اليوم تورونها تورينو
راكان بحماس سيييي عليك داادي فاهمني من الصبح أقولهم بس لتين قالت ما أروح إلا وبسام معي
شرقت بالشوربة الله يقلعك يا راكان!!
ضحكت يلدا وضحكوا الباقي معها وهي تربت على ظهري بحنان بسم الله عليك
وما قدرت أمنع نفسي من إني أشوف ردة فعل الأخ
ناظرت من تحت المنديل وكأني أمسح دموعي بسبب الشرقة
كان ياكل بهدوء ولا كأنه في أحد حوله
انقهرررت
يولي ما بقى إلا هو أحرق أعصابي عليه
تحمحمت بدلع عموو
عمي بدر بابتسامة عيون عمو آمري
هالمره شفته رفع عينه وظل يناظرني ثواني وبعدها قام
يييييي كنت بقوم أنقز من الفرحه عرفت إش اللي يقهره
رمشت بعيوني موافقه أطلع أحس إني متضايقه شوي
ابتسم وأحلى طلعه لك روحوا يا بنات وانتبهوا لا تتأخرون
لين بابتسامة اممم بنوديك مسرح الموسيقى
تاله وساحة ماليو
راكان لا لا مو حلوه كلها تفاهة رقص وغباء بوديك متحف السنيوري مواكلفو
وبعدها السينما وبعدها أحلى عشوة لأحلى مرة أخ بقاعة دونا
عبست بوجهي السخيف راكان كل شوي يعيد هالعبارات وكأنه يبي يذكرني إني مرة بسام
هديت أعصابي
مو مشكلة اللي يريحكم
بقوم ألبس
تاله قامت معي حتى أنا

اليوم الـ [5] بين أمواج البحر
كان واقف يتفرج على منظر البحر وهيبته
غريب البحر
يريح وبنفس الوقت يخوف
ودك ترمي اللي داخلك فيه وبنفس الوقت تخاف لا ترمي نفسك معه ضيق من هم الزمن وغمه
لف وناظر طلال اللي منهمك بالتركيز بالبوصلة المفصلة قدامه
وقف جنبه كابتن ثاني وكان ألماني
كان يتناقش مع طلال وطلال يناقشه وشكله منهمك بعمله وناسي كل شي وراه
ابتسم
شكله حلو
وكأنه كل شي تحت يده
لو سهى لحظة ممكن يروح الملايين بسببه
ناظره طلال بعد ما ابتعد شوي الكابتن الثاني
ابتسم مبسوط
هز راسه فيصل اييه البحر لونه حلو فاتح
طلال بحماس ما شفت شي للحين بالخليج العربي
لما بنروح ع أسبانيا بتشوف المحيط الأطلسي الله أكبر عليه هذاك اللي من جد تحس وسطه بهيبه ورهبه
سرح فيصل
ما قطع عليه شي طلال
فجأة لف فيصل وعطاه ظهره تعتقد طلال إني بنسى في يوم؟!
طلال بحزن كان وده يترك اللي بيده ويروح له يواسيه
ابتسم بحنان فيصل إنسى....إنسى أحسن لك ولغيرك حط ببالك هالشي وبتقدر تنسى
صدقني كلها فترة وتسمع إنها انخطبت وأنت بتشوف طريقك وانتهى الموضوع
شد قبضته على سور سطح السفينة وغمض عيونه بألم
لازم نتعذب بصمت حتى ما نألم غيرنا
لازم نصبر ونخفي آهاتنا حتى ما نزعج غيرنا
لازم نسكت وما نشتكي حتى ما نتعب غيرنا
لكن نحب ونخفي مشاعرنا حتى ما نضايق غيرنا هذي صعبة وصعبة وصعبة
اااه بس لو إني أقدر آخذها حتى لو من غير عيال