إذا بلسانك الصادق نطقت وقلت ((تغليني))
أنا بأعلن خبر عاااااجل تعالوا إقروا إعلاني
أبكتب داخل الإعلان إلى من صاريغليني
إلى قلبي إلى عمري إلى من صار يهواني
إليك أهدي نغم شعري وكل عرق نبض فيني
وإليك أهدي شذى عطري وياسميني وريحاني
وأبكتب داخل الإعلان وصيه كان (شاريني)
معي بالطيب عاملني ولاتجرح بهجراني
(معي واصل مشاويرك أواسيك وتواسيني
معي إبقى مثل ظلي حذااااري لاتعداني)
أبي منك الوعد إنك على غيري تبديني
وأنا هذا وعد مني ما أبيعك وأشري الثاني
أبيك في لحظة الفزعه تحط يديك بيديني
وأبيك ليا شكيت الياس تكون بساحة أوطاني
أبيك البلسم لجرحي وأبيك النوم في عيني
وأبيك اللي ليامني صحيت ألقاه بأحضاني
أبيك دكتور لآلامي من أحزاني تداويني
وأبي لاكفت أبصاري تكون النورلأعياني
تراك بعالمي شمعه تبدد ظلمة سنيني
وتراك بدنيتي دنيا لها لون وشكل ثاني
ودنيا" مابها حسكماأبيها وعمرنا فاني:
أنا سميتك الدنيا وأنته وش تسميني؟
العرض العادي
