..₪.. سجـّــل دخولك للمنتــدى ببيــت من الشعــر ..₪.. 3

[ρùℓşέ]

لا تشتكي حالك على كل من جاك
بعض البشر يفرح الى قلت مهموم

يخفي سمومه بين همك وشكـواك
يشمت بحالك والحصيله شقا ولوم


واحذر من اللي ينقل الهرج لعداك
يظهر لك الطيب وهو منه معـدوم


قلبه مريض ويخلط السم بـدواك
يعرض عليك الرأي والرأي مسموم

[المحتار-]

ما هي غريبه من يذمِّك يماشيك
لكن غريبـــه يمدحك من يذمِّك !!


ما كل واحد غاب معناه ناسيك
بعض البشر ينساك لو كان يمِّك !

[ρùℓşέ]

بعض البشر عـنك نطــــــاح الاحمال ... وبعض البشر شوفه يجيب التعاسه.
وبعض البشر لجــله تشيلون الاثقال ... وبعض البشر فشلك وجاب انتكاسه.
وبعض البشر ماغــيرله قيلن وقــال ... وبعض البشر عيب العمامه براسه.
أرجي إرجالن بالــمواقف لك ارجال ... يصـــمد معاك ولايبيــــــــن انعاكسه.

[مــــــدى]

وبعض البشر/ مامنّ لاجا يعطيـك
........................... لاثقلـت حمول الليالي على صدرك

لاخارت الخطوه فوق ظهره يعدّيـك
............................عزّ الصحيب اللي جـابر ٍ كسـرك






المــــدى ,,,

[المحتار-]

اقتباس المشاركة الأصلية كتبت بواسطة حِلوَة المَبسَم بعض البشر عـنك نطــــــاح الاحمال ... وبعض البشر شوفه يجيب التعاسه. وبعض البشر لجــله تشيلون الاثقال ... وبعض البشر فشلك وجاب انتكاسه. وبعض البشر ماغــيرله قيلن وقــال ... وبعض البشر عيب العمامه براسه. أرجي إرجالن بالــمواقف لك ارجال ... يصـــمد معاك ولايبيــــــــن انعاكسه.

أستسلم

[ρùℓşέ]

ههههههههههههههههههه

لالالا مانبي استسلام المحتار

صح لسانك مدى


وبعض البشر يرفع على الراس وبزود
حكيه درر زودٍ على المنطقيـه

[مــــــدى]

صح بدنك ياحلوة المبسـم ,,,




ابيـك تدري لو ماكنـت تدري
........................ الهجـر قـدري / والبعـد قـدرك

لااوفيت عهدك / ولافادني نذري
........................ ابختصر دربـي / وعـوّد الصبـرك

رغـم الوله اللي شابّ ٍبصدري
....................... لاشـك صـدك ياصاحـبي ابـرك !








المــــدى ,,,

[المحتار-]

طيب ياحلوة مافيه استسلام

انتي ومدى موسوعة شعرية ماشاء الله عليكم

بعض البشـر لاغـاب عنـك دقيقـه كن الدقيقه فـي غيابـه بهـا قـرن
وبعض البشـر مابـه مشاعررقيقـه لوغاب عنك سنين قلت احسن أحسن
وانا صديقي من صدق مـع صديقـه ماهو انت يالي لابغى حاجـت(ن) رن
بعض البشر مثل الذهب فـي بريقـه وبعض البشر مابه سوى ضكت السن

[ρùℓşέ]

الغامدية في حياها مثل طـوق الياسميـن=تشعل قناديل الجنوب الشاسعـة بفكارهـا
دايم على وضح النقا بفعالها دنيـا وديـن=بنت الجبال الشامخة نعتـز فـي افعالهـا
فيها شموخ النايفة فيها صفات النادريـن=فيها القناعة والكرم فيها طبـوع اجدادهـا
فيها عفاف الطاهرة فيها الوفا للمخلصيـن=منها يغار المشتري حتى القمـر لاشافهـا

[مــــــدى]

ماعليك زود ياالمحتار , وانت راع الاوله الله يسلمك ,,

بعض البشـر سارق ٍ قلبك / حقيقـه
................................. لاغشـانا غيمـه باالحيـل امطـرن

مالقينـا بـردّ الخفوق حل وطـريقه !
................................ حتى المشـاعر عصتنا /للغيث اذعـن

وبعض البشـر جعـل ربّي يعيقــه
................................ مجدوبـة ٍ ارضـه/للعشـب ماارون

اشهـد انّه للعـرب ماهـو بفقيـده
................................ موتــة غـراب يـوارى ويدفـن

المـــــدى ,,,