السلام عليكم ورحمه الله وبركاته
كيف اهل القهوه انشاء الله بخير ...
واخبار ع م ر عساك بس اضفتني الى جدولك هههههههههههههههه
ياحوبيلك لووووووول <--- تاثير اهل الشرقيه خخخخخخخخ
صراحه حبيت اتكلم عن موضوع شاغل بالي هالأيام وودي اطيح الكلام اللي براسي..
والموضوع يخص اهل الرياض فقط ولاالباقي يطلع برا هههههههههههههه لا تصدقون ابي كلن يعطي رايه بالموضوع..
الموضوع هو عن السرعه في الرياض السرعه الجنوووووووونيه وبالتحديد بالشوارع العامه الدائري وطريق الملك فهد وغيرها
بس الخط السريع كيفهم يسرعون بيدينهم ورجلينهم <-- نذل ههههههههه
كنت من اول صراحه صاحب سرعه>>قصة تائب خخخخ يعني مايمديني امسك الدائري الا فاجر ام السياره وعلى الخط الأصفر وتكبيس وتشطيف وقله حيا وصراحه انتحار الى شوي والله اذكر 180 شوي مع الزحمه وبعدها كرهت السرعه وحقدت على عمري بالحركات اقول وش وراي اصلن يوم اسرع اول شي بتطوف واحد مادرى عنك ويمكن يلف عليك ويطير مرايتك هذا اقل شي ولا يختل توازن السياره وتعقد بالدائري وتصمخ بالصبه ماتدري الا وانت ناقز بين السيدين !!َ!
*السيدين: يعني في الصبه اللي بين الطريقين --> حركات النصوص هههههههه
انا الحمدالله هداني ربي وعقلت صراحه يعني حرق اعصااب ..على الفاضي
انا هالحين اضحك على اللي يطيرون على السيارات وصراحه اكثرهم بزراين --> من كبرك
يعني توه متخرج وطاقله ابوه كاامري <-- حاقد على الكامري هههههههه
صراحه وانا ماسك الأوسط بالدائري مااسلم منهم نصهم مايسده الأصفر يروح الأيمن مره ويدخل بين السيارات الين ياصل الأصفر ..صراحه تقفل معي اذا سوى زي كذا يعني تشطيف خطير عاد تراها اكثرها مهوب انه يعرف يسوق اكثرها صدف والله لو تزحف السياره شوي انه يفك الدركسون .
واللي يجيك ماسك الأصفر ويكبس من بعيد افهما تراه غشيم هههههههههه واكثرهم هالعبيد اللي توه مركب زينون ويبي يجربه متسلف من امه 1000 ريال ومركب زينون تجاري وتلاحظ انه مولع السكن ويحتري اي واحد يلف عليه شوي ولا اي حركه علشان يكبس هههههههههههههه المشكله انورا تجاريه
وبعضهم يبي تفتحله المسار اللي جنب الأصفر طرار ويتشرط واللي يشوفه يقول معه احد مصخن ولا متأخر على دوامه وآخرتها بيتكي في البيت ولا يبطلع الدائري يعني انتحار وبعضهم في الشوارع العاديه يعتبر انه اذا اسرع وخيط بين السيارات انه يعرف يسوق ههههههههههههه الله يخلف على امه بس
واحد مره بالدائري جايك يخيط بين السيارات وهو يخيط هجت به --> يالله ورنا يالطاره صرفها
وتضرب في الصبه اليسرى وتشتب السياره هههههههههههه ويطلعون من السياره وهم يشتبون تقول فلم هندي ههههههههههههههه
فكهم الله بس السياره ماتنفع ابد.. لويروح بها التشليح قالوا لقها الشمس بس
راحت عليه سياره ب50 الف في ظرفه عين <-- تعبان على هالكلمه ,,,,,
بس ماهوب متأثر ولا معتبر ولا حتى مهتم كلها في ظهر الشايب
لو دافعها من عرق جبينه <---- من زماان وده يقول هالكلمه
كان ماسوى كذا
وهالحين اي واحد يفحط ويصدم اي شي قال والله محدود هاذي علامه النصب الأكيد
حتى ولو الشارع فاضي قال محدود ههههههههههههههههه
جعل يحدون خشمه بمنشار كهربائي
واللي فجر عندي قريحتي وخلاني اكتب الموضوع اني ذا الايام صاير اطلع وامسك ذا الخطوط لا بارك الله فيها تعرفون لزوم السوق
ومقاضي العيد>>خخخخخ حلووه مقاضي,,
بالله بس ودي اعرف ذا البنات والحريم مايملن من السوق ياخي يروحون شبه يوميا
ولا يخلصون اقووولهم خلاص طسيتوا امس ماشريتوا اللي تبونه قالو لا بقى البكلات مابعد شريناها
اقول واللي عندكم قالو لا لازم طقم مع اللبس خخخخخخخ الحمدلله بس كن احدن درى عنكم انتم وشوشكم..
ولا لاجوك يقولون لازم مع اللبس مكسورات مدري مكسرات خخخخخخخ>>طراه اكسسوارات<<هي صح كذا
والله يقهررررررروووووووووووووووووووووون الحمد لله اني ولد ...
يعني ليه البنت ولا المره<<المرأه..مايشترون لبس واحد ليه لازم اكثر من 2 ليه لازم يشترون هالخرابيط اللي يسمونها سكوارات وبكلات وخرابيط الشوش
أقوووولكم مره مدري من كان داعيٍ علي ونزلت السوق مع اهلي قلت يالله انزل واشوف كود اني القى شيٍ يعجبني
وعشان مره وحده اشوف ذا الحريم وش بلاهم على السوق ماغير سرداد مرداد عليه اكيد بوه سر خخخخخخ>>المحقق كونان
يوم نزلت الله لا يوريكم ياهو صجه وزحمه ياهو مرااصص مع ذا الحريم
خفت انا منهم احس انهم متوحشات وهمجيات احس يممممه منهم وكخه>>تلايط لا اخمك بالنعله
رحت لصقت بالماما خخخخخخخ,
لاعاد الصدق انهبلت من الزحمه اللي بالمحلات لدرجه اني شكيت انهم يوزعون الخلاقين عطايا وكسوه للعيد خخخخ
قسسسسسسسسسم بالله من كثر ماتشوف ذا الناقصات يجمعون ويخمون من الملابس تشك انهم يوزعون ببلاش
حتى انه عند الكاشير<<(ترجمه للقراوى)تعني الكلمه السابقه المحاسب حق المحل.,,المهم من كثر الزحمه عنده والسرا ماذكرت الا شركه السرقات الله لاذكرهم بالخير
يوم الاكتتاب والسرا اللي عنده,,المهم يعني اكتشفت اني خبل يوم اني انزل السوق ولا نيب صاحي وبايع نفسي بقشرة بصل ---> بس خل عنك تكحيل
بــــــــــــالله يابناااااااااااااااااااااااااااااااااااااااااااااا اااااااااااااات
انتم وش فيكم مع السوق ماهو السر العميق وقصة الحب الأزليه اللي بينكم وبين السووق
وراكم تنبسطون بالسوق والله طفششششش وقرف وكل شي شين
حتى يعني اسعارهم ماتحمسكم تشترون ولا حتى بضاعتهم الاسعار نااااااااار تشتب, والملابس خلاااااقين تعرض لكم
وانتم الله بالخير..ولا تقصرون والله تشترون منهم مع ان اغلبكم يدري انهم يلعبون عليكم وان اسعارهم مزودينها مستغلين هالايام اللي فيها الناس تظطر تشتري
ياااااااااخــي الحين اذا جاء اليوم اللي يقولون فيها ودنا السوق تظلم الدنيا بوجهي ويجيني اكتئاب نفسي
يااااناااس فيه احد يعيش نفس معاناتي ولا بس انا
البنات كلهم كذا ولا بس اللي اعرفهم
الشوارع هي زحمه صدق ويسروووعون ولا بس عندي عشاني معصب
لـــــــــــــــــيه البنات يحبون السوووق ويحبون يشترون كمٍ خلق >> (مفرد خلاقين )للعيد
ليه مايشترون بس لبس واحد ليه ليه وليه وليه وليه وليه وليه تهئ تهئ تهاااااااء توووهاء
>> رحم نفسه خخخخخخ
لاواللي يزيد الطين بله واللي يزيد تقفيل تقفيل اذا رجعوا من السوق وشاف خلقهم وقالوا مااش مهوب نفس المقاس لازم نرجعه بالله وش تبونا نسوي لهالبنات....
ومقاضي العيد تكلف تكاليف بااهضه يعني اكس بينسف--> يعرف ينطقها ولا يعرف يكتبها
وكلها يوم واحد وخلاص يعني اذا بغيتها تلبسه من بكره تقول والله شافته علي فلانه وفلانه والفلانيات
اخخخخ يقهرون من جد..
ياحليل العيال ثوب لو يجلس عليه سنه محد درى ولو يلبسه في عيدين برضوه محد درى
وكلها ثوب وغتره ونعال ان وجد يعني ماتكلف ابد
والبنات تكااااليف لاتحد ولا تحصى يعني لو تبيعها ماجابن قيمه خلاقينها خخخخخخخخخخخخخ
اذا اي واحد يعيش نفس معاناتي ويتعرض لهذه الشوارع والاماكن الزحمه كالسوق مثلا يكتب لنا معاناته ويفضفض هنيا وياخذ راحته
والبنات لا اشووووووف وجيهكم>>ماحصلك خخخخخخخ
تراي من جد حااااااااقد عليكم وعلى العيد >> طراه انه العيد هو السبب في الزحمه اللي نعيشها الحين D: ,,,,,
ولا يكثر ... فمــــــــــــــان الله ..
زحمه ياناس زحمه
العرض العادي
