اليوم ذكرى فراق اعز محبوبه
ذكرى بداية معاناتي وغربالي
بالهم والغم والحزن مصحوبه
ذكرى تهد الكيان الشامخ العالي
في وسط قلبي جروح ونار مشبوبه
والصبر ماله بوسط القلب منزالي
من يوم صدت وانا في ضنك وعقوبه
ثالث سنه ما سليت ولا هدى بالي
امشي بدرب الشقاا واطويه باعجوبه
وابعد من هجوس فكري واقعد لحالي
وانصا وطن ضامر السرجوف واجوبه
وانشد عن اخبار خلي وارخص الغالي
جهدي بذلته وعنيت القدم صوبه
معاد لي رجا في الدرب وامالي
حتى قريبه نخيته وابعد دروبه
صد وترك لي هموم انواع واشكالي
عقب الغلا والحفاوه غير اسلوبه
ما يدري اني بعد فرقاه يرثى لي
ذا اللي جرالي من اسباب الغضي حوبه
ينصفني الله بعد حزني وترحالي