رسالة الى البحر

[شجون دبي]

*a
خلاص يا بحر أنا مليت من لونك و من كذبك
و من أمواجك المجنونة مثل الإيد تمسكني
خلاص أرجوك اتركني .. ارحمني
يا ساكن فوق صدري و كاتم أنفاسي
يا نايم داخل إحساسي
تطيح بلحظة الغيبوبة من راسي لكراسي
ولا أقدر أنا أمنعك .. ولا أمنع نفسي تتغنى
بحروف اسمك
يا غافل عن عذابي كيف تأسرني
و تتبسم مثل جلاد في إيده موت
دمه بارد و هادي
ونا أنادي .. مثل نورس غرف من جوعه
و يأسه
خلاص ارحل
من أوراقي .. من أعماقي .. من الدمعة السجينة
داخل أحداقي
وذا بترجع أبيك تكون بحر ثاني
بحر أصفر .. بحر أخضر
بحر يمسك ورود و يرفض الأصداف و يتعطر
بحر ما يزورني بكثرة .. وذا حن و عشق يكره
و يموت اليوم لجل يعيش في بكره
اقبل تحياتي يا بحر

شجون دبي