بنتــــــظر .. ياجنوني

خــــالد · 13-06-2003, 06:53 AM

[COLOR=blue]
تكفون يكفي ما مضى واتركوني
ابقى مع احزاني على سيد الاحباب
ببكي واهل دموع دم بعـــــيوني
يمكن تحن وتفهم انها من اغراب
حسد العواذل حال دونها ودوني
سوء مكيده فرقت بين الاقــــراب
والله يعلم حــــــبها ما يهـــوني
والظن فيها والله مادقيقه ترى خاب
من يوم غابت زاد همي وشجوني
وزادت جروح القلب واصبحت منصاب
ولمن طرى لي صوتها الدافي الحنوني
ضاقت بي الدنيا (( ترى الشوق غلاب ))
بصبر وبصبر وانتظر ياجنــــــوني
انك تحس بلهفــــتي ونرجع اصحاب
وكانك نويت الهجر وموتي وجنوني
خذها وصيه[ مرقبري وحط تراب] [/COLOR]

بنت الأجواد · 13-06-2003, 07:07 AM

تسلم يدينك ..أخوي ... خالد

والله أبدعت ياخالد بذا الأبيات

وبصراحه أنا أول قارئه لأبياتك لكن أتخيل تحت أسمي تلاقي الكثييييير
لأنها من جد رائعه
...........
وكانك نويت الهجر وموتي وجنوني ...
خذها وصيه مرّ قبري وحط تراب ...
......
قمه الأحساس ياخااااالد
ولاتحرمنا من الجديد

تقبل أحترامي

خــــالد · 13-06-2003, 07:11 AM

مشــكور اختي
يسعدني انك اول من قراء هالمشاركه
واسعدتيني بها الكلام الحلووووووو
واتمنى انها من جد تكون اعجبتك
والف الف شكر على المرور وكلامك الحلووو .

alhanoof · 13-06-2003, 09:00 AM

اخي خالد

مشاركة رائعه كم ذكرت بنت الاجواد

يعطيك العافيه اخي خالد عليها
ونتمنى ان نرى مشاركاتك دائما

عبدالله الرقاص · 13-06-2003, 04:42 PM

الاخ العزيز خالد

قصيده جميله

في روعة الجمال

قصيده رائعه

من شاعر ولا اروع

ولكن ينقصها بعض الوزن

استمر وحاول

ننتظر الاجمل القادم والاقوى

معجبك عبدالله الرقاص

خــــالد · 14-06-2003, 04:52 AM

الاخت / صاحبة القلم الذهبي
الف الف شكر على مرورك على مشاركتي هذي
وحقيقة كل فخر بالكلام الي قلتيه .... واتمنى
من كل قلبي ان يكون القادم احلى واحلى ,,,,

الاخ / عبد الله الرقاص
الف الف شكر على مرورك الكريم على مشاركتي
والف شكر على كلامك الحلو الجميل واتمنى ان يكون
القادم اجمل وان ينال على رضاك واستحسانكم
ولاتحرمنى يالطيب من التوجيه ..
وانشاء الله نكون عند حسن الظن

اخـــــوكم : خالد