الفرق بين ثقافة الشرق والغرب ..(بالصور )

[ولد الفهد]

بسم الله الرحمن الرحيم

هذي الرسومات صممها طالب صيني درس وعاش في أمريكا، لكن الصراحة جابها صح
طبعا اللي بالأحمر هم الشرقيين (العرب و الاسيويين وتدخل معاهم حتى افريقيا) واللي بالأزرق هم الغرب (اوروبا وامريكا)

1- كيف تقول رأيك
الشرقيين يلفون ويدورون اما الغرب يعطونك اياها في مباشرة

2- طريقة الحياة
المجتمع الشرقي اجتماعي اما الغرب يعيشون منفصلين

3- المواعيد
الشرقيين اما انه يجي قبل الدوام بساعة (ياباني) والا ساحب ساعتين لأنه راحت عليه نومه (سعودي) أما الغربيين يجونك على وقت الدوام بالضبط
طبعا قيسها على باقي المواعيد اليومية من عزايم وغيرها

4- التواصل
المجتمع الشرقي افراده متواصلين مع بعض وكل واحد يعرف الثاني اما الغرب فعلاقاتهم محدودة

5- اظهار المشاعر تجاه الاخرين
بعض الناس في الشرق تشوفه يسلم عليك ويضحك وهو من داخل نفسه يقول ( وش جاب هالادمي في وجهي) اما في الغرب اذا كان الواحد ماله خلقك يعطيك اياها مباشرة في وجهك

6- التنظيم
لا تعليق

7- الحفلات (العزايم)

الشرقيين الله يسلمك يلتفون على صينية الاكل ويضربون بالخمسة اما الغرب فكل واحد تشوفه جاي الحفلة اللي معاه خويته وجالسين لحالهم واللي واقف لحاله كأنه ابليس،، المشكلة على اي اساس يسمونها (بارتي) مدام هم كل واحد لحاله

8- ثلاث وجبات في اليوم
الغرب فطور خفيف – غدا جامد – عشا خفيف
الشرق على طول جوعانين

9- الشعور اثناء تغير الجو
الشرقيين ماتفرق عندهم مطر والا شمس أما الغرب يحبون الشمس على ايش ماادري

تحياتي..