|| بعـض المسااجـلاات الهجيريـه ( صـووت وو صـددى) .. ||

[العـ راعي ـليا]

اقتباس المشاركة الأصلية كتبت بواسطة عـiiilـق JJlـيـJ يالله عسى قلبك عن الاحزان مغلوق=واقدارك تكتب لك سعاده بكل الاوراق وش حيلتي لاصرت ميت من الشوق=واللي اشتاق له مادرى عن الاشواق يا مودمي لك في نبضات الخفوق=غلا و معزه و تقديري عليهم فاق

اقتباس المشاركة الأصلية كتبت بواسطة الجليـــــــــد لو كان دمع العين يبي يبرد حروق=لأسطر ابيات تحجب نور الاشراق ثوب العقل من جور فرقاه مشقوق=وجمر الفراق لدافي الشوق حراق لاشفتها كني من العنق مشنوق=أجاهد الدنيا على بلع الأرياق تجيبني من فوق وتردني فوق=وعقلي معاها فاقد الوعي مافاق

[العـ راعي ـليا]

اقتباس المشاركة الأصلية كتبت بواسطة شاعر الدرر اخواني هذا تسأل عن قايد خَلد اسمه في التاريخ بحروف ٍ من ذهب فاستحق بان يبقى خالدا في قلوبنا مدى الدهر وهذه المساجله توضح جزءاً بسيط من مزايا هذا القايد فيا ترى من هو الاجابه تتضح من خلال هذه المساجله بيني وبين اخي راعي العليا شاعـــــــــــــــــــــــــــــــــــــــــــــر الـــــــــــــــــــــــــــــــــــــــــــــــد رر أبسألك ياذيب عـن طيـر شلـوى=اللي ارتقى للمجد من عين نيشـان ضرغام لا دارت رحى الوقت يهوى=يوقد من اطرافه على الخصم نيران ياكم حمل روحه على الكف فـدوى=وارخص حياته في حمى عز الاوطان ولامن نذير الحرب بالصـوت دوَى=جال بسما ربـي يسابـق كحيـلان اذا نصيته في مهمه وشكـوى=شارك بهمَك ود ما هو بشمتـان في ساعة الوقفات من جاه يروى=مورد نهر يجري بساحات بستان عز الله إنه مفخرة من تعـزوى=وعز الله إنه طود في شكل انسان ياكم بفنجال المراجـل تقهـوى=حتى اصبحت يمناه للخير ميـدان قايد على حصن المعالـي تعلـوى=حتى احكم القبضة على كل الاركان بقى بصفحة مجد مايـوم تطـوى=له في السما تاريخ مُثبت ببرهـان ما قال هذا صعب من غير جدوى=وإلا تعذر قال مـدري وحيـران من همته اصبح من الصعب اقوى=والكايدة تعلن بمقدمـه خسـران هو عزوة المحتاج لامن تشروى=وهو للاخوة قلب نابض لشريان يسري بدمه ود من به تهقـوى=يرضيه لو كان المنى غالي اثمان يشق دربه وضح ماهو تهِلوى=وينير عتمة جهل من قاع بركان قول وفعل واقدام بالحيل سوَى=من قصته ابداع في ايدين فنان هذي وصايف من له القلب مثوى=وفيه الوفا لو جا بها أي نقصـان وتبقى القصايد رمز والطيب فحوى=ومهمـا كتبنـا ماتوفَيـه قيفـان واظن بعد الحيـن مافيـه مغـوى=واللي نلمح له من القاف قد بـان وماهو بحاجة شرح او زود فتوى=لان المعرَف دوم يبقى بالاذهـان راعـــــــــــــــــــــــــــــــــــــــــــــــ ــــي العــــــــــــــــــــــــــــــــــــــليا هـذااك حـر(ن) يالسنافـي وبلـوى=مفراص ماص لهامة المجد عنـوان ما هاب لو جت له مثل خيـل علـوى=يزود بأسه لا قسـى الوقـت مـا لان لأعداه ما يوم(ن) يجـي وي تحلـوى=ان اشهد أنه يافتـى الجـود سلطـان من عانده يشرب كدر عقـب سلـوى=يمسي ويصبح كل الأوقـات ذهبـان ارشاه ما عمره قصـر دون دلـوى=من جمْ عذبه يرتـوي كـل عطشـان رام الفخر وإلاّ الردى قـال : يلـوى=مالـه علـى مثلـه مداخـل وبيبـان ما احتاج من يضرب معه درب خلوى=ماكـن قلبـه غيـر بالـود صـوّان الخوف ماله وسط الأضـلاع ملـوى=ترفع له البيضا على مر الأزمان من لا يجي بالطيب يصـلاه صلـوى=حتى تساوى الحمل والذيب سرحـان من البحر الأحمر غرب ؛ لحدود سلوى=ومن الحديثه يـا شـروره لنجـران ما صابته مـن قلـة العـزم عـدوى=اليا نخيتـه شفـت فعلـه بالأعيـان ساق الخطاوي دايم الـدوم سـدْوى=الوجه واحد ما انقلب نـوب وجهـان ما هو بمحدود(ن) على الفعل حـدوى=لا شـك قلبـه للطويـلات شفـقـان هدير سيله ، له علـى الارض نفـوى=من يعترض له يا ابيض الوجه غرقان عقّب حرار(ن) ما تخالف حذوى=الكل منهم غيث وابله هتّان يضفي على كل الآطاريـف ضفـوى=تخضر اسهوله مع صحاري وقيعـان عبدالعزيز الصيرمي طير شلوى=اللي شلع للعز من دون جنحان ما له مثيل(ن) بين حضر(ن) وبـدوى=ذكره على لسن المـلا ذرب الأيمـان ما رافقه في سيرته خطو فلـوى=راع النقيلـي بـارد الوجـه كوبـان الظالـم اللـي للعـرب كـم تبلـوى=لا شاف جمعتهم نفـث سـم ثعبان

[العـ راعي ـليا]

اقتباس المشاركة الأصلية كتبت بواسطة عليك آسف الراعي أذاع بشـــــــــــــعر مشـــــــاع = يـسـمو أرتـفــــــــاع بنــفسه وشـعـــره بــشــعــــره أداع فـخـــــراً وســـــــــاع = ومــجــاري شجـاع بشـخصــــــة بفكره مــــــجاراتـه مـتـاع منـــــــفرد بإيــقـاع = كــــنـــجـــم لــمـاع بـــــود الـــمــجــــره وقــوله نـــصــاع مـحـــــــكم الشـــراع =ومـمـتـع بابداع بــجــــــزلـــــة فـي رده الــكــل إنـــصــــاع لـجــزله بــستمــاع = وشــاعـر الـــدرر أذاع بــمـدحـه وسره يـارقـيـق الـــطـبــاع وســـــــيد السبــاع =هــل بــقلــبك متـساع وفـطـنة وخـبـرة لـخـبــراً شـــاع إنــــــــقـــال وإنـــــــذاع = وتــرك أنـــطــــبـاع لـــــنــاس بـكـــثـرة يـثـيــر الـصــداع عــــــلــــل وأوجـــــاع = مـــن غــــيـــــــر داع كــــــــلام بــذكـره وشـــــعــــر الـــــرعــــاع الـيـــوم ضــاع= وكـأنـه قــد هـجـاع فـما أستنكر بكثره لنبي المتباع العــلــي لأسمـــه رفـــــــع = بــكـل ســاع وأن أســـــائــــــوا لـذكـره أفــلا حـكـمـه تـــذاع تـــحــذر بـــــــإرداع = لغرب الضـياع الـمشـوهـيـن الـفـجـره فسلامـاً وســـاع بنـــــور الــشـعــــــــاع= لراعـــــــــــي الارـــتـفاع مـــــرة وكرة والــــصـــــــلاة تـــرفـــــع لـخـيـر الــوراع =شــفـيـع الرعـاع بيـــوم مـا أشد حره

اقتباس المشاركة الأصلية كتبت بواسطة العـ راعي ـليا لعين المطاع .. حصين القلاع =نبوج البقاع .. على كل بكْره نجيب المتاع .. بظهر الرباع=ولو ما استطاع .. فلا لي بشكّره عليان ؛ الوقاع .. بالارض الرفاع=وللدرب راع .. ولا انته بمكْره ترى القاف زاع .. (عليك) المزاع=ماعرف امتناع ..على أيّاة فكْره لو انه يباع .. شبع به جِياع =رضعته رضاع .. واببدع بحكْره ياواف الذراع .. ما طال الصراع=وراع الخداع .. عن الحب يكْره! سريع المثاع .. يجي باندفاع= كما الثلج ماع .. ويا سهل عكْره بدور الدفاع .. ما فك النزاع=لريشه ذعاع .. ولا فاد زكّره سمي الضباع .. لا شبْ اندلاع =تدرق بساع .. عن العرف نكْره اذا الدم تاع .. لحد النخاع = ما طالولك باع.. تدامن لو كره يضيع اللعاع .. بعجّه وثاع= ولا هو بواع .. من اجواء سكْره لِباس القناع .. مردّه لقاع=وينطق وداع .. قبل يوم بكْره

[العـ راعي ـليا]

اقتباس المشاركة الأصلية كتبت بواسطة شاعر الدرر يامكثر الاصحاب ذا اليوم والعام=اللي بهم دنياي قدعرفتني لاشفتهم وقت الرخا شفت الاهرام=ووقت الشدايد نارهم طاولتني وجيههم لوحة تحت يد رسام=واوصافهم لو زيفوا ماخفتني لو مكرهم معزوف بحروف وانغام=افهم مقاصدهم ولا جاوزتني ماني من اللي نظرته صوب الاقدام=سود الليالي لوقست ماثنتني والشاهد الله رغم جورك يالايام=ما ارضخ لمن دنياي فيهم بلتني وعشت يامن خوته رمز ووسام=رمز الوفا و وسام حزته بمتني وانا اشهد انك عزوة العز وحزام=وجمايلك ياذيب قد غرقتني واختم كلامي ياعريبين الافهام=بحكمة معي والله ما فارقتني لبصم على خشوم العواذل بالابهام=اقولها وافي وكفي كفتني

اقتباس المشاركة الأصلية كتبت بواسطة العـ راعي ـليا انا لعينك يالخوي دوم قدام= اقضي معك دنياي ما مللتني وحياة ربٍ فارضٍ حج وصيام= لك خوةٍ ؛ ياذيب كم شرفتني خوّة نقى ماهي سواليف واحلام= واحلى الليالي يوم فيك اجمعتني ياصاحبي بقولك عبر الإعلام =يوم الحقايق داخلي لا مستني لو جيت اعدد ما كفى حبر الأقلام= شفت الحياة ادروسها علمتني بعض الاوادم خوّته رثّة الخام= في مثلهم دنيا الشقى كم رمتني لا جيتهم كلٍ لأجل خاطري قام = ولا اقفيت كم كلمه ..! وراي ألمزتني لا شفتهم تعجبك رزّه وهندام= وآتقول هاذي عصبتي ناصرتني ولا احتجت واحدهم تعذّرك باحكام=ولا جاء لزومه حاجته خاطبتني وفّيت انا المكتوب يالليث ضرغام=وتبقى الحقايق ماخفتك وخفتني

[العـ راعي ـليا]

اقتباس المشاركة الأصلية كتبت بواسطة ( ســــارب ) مالها ومالي وانا عنها بعيد = ما يكفيها تعب قلبي ، تعب علموها طالع الوجه السعيد =قطّعه همّه ولكن ما شحب لو بقى بالقلب للصادر نشيـد = ما حطبني الضيق والفرقا شبب ما ذخرت من الليالي ولا عضيد = ولا انتظرت بمحنة أيامي شنب الوكاد الله على حالي شهـــيد = المصايب ما تجيك إلا بسبب ما رخصت الوجه واخلفته قديد = ولا ثنيت لـوِلـْد حرمه بالـركب فارسك يا مهرة العاصي وليد = ما ركب قبل المهار ولا صعب هو حديد ولا يفل إلا الحــديد = تعشقه ربوه ولا سهله قـــرب هو روى من علم ابوه ولا يحيد = ينتق البارود لا غرّد ذنب ما نذر عمره على ورد وُريد = ولا احتفل من مايد القد بطرب انطرح واقوم واتعنز واعيد = ما يكفيها تعب قلبي ، تعب !

اقتباس المشاركة الأصلية كتبت بواسطة العـ راعي ـليا فارسك يا مهرة العاصي عنيـد=اشهد انه واحد وينطح عـرب كل يوم من الفرح ثوبه جديد=مشرقٍ نجمه ؛ سمـاه ولا غرب سيّد ؛ وبالناس سادات وعبيد=السليم ؛ يداوي اللي به جرب! ذخر من ينخاه باليـوم الشديـد=كل كاسٍ للمراجل له شرب من تجرهم هامته يصبح هميد=قبل ما يجرأ على فعله خرب ما تجمّل لأجل يـزداد الرصيـد=ولا بطش كفّه تسائل من ضرب! ان تحقق واقع اربد يالبيد= من تجيله ما تهيّا له هرب

[العـ راعي ـليا]

اقتباس المشاركة الأصلية كتبت بواسطة عليك آسف سلام يزن جبل نـــقــم و شــهــــــاره =من السعيدة أرض الرجــــال والنـــار لشاعر الدرر من أثبت بشعر مـقداره = من يومه الأول كفــــــارس مغـــــوار خاض تـــجــربـتـه رافــعاً شعـــــاره =أنـا لـهـا يا راعي وأن طال المشـــوار أثار وصفة صفوة روح الشعر وأثاره =أبـيــات حكيمة أحسن كلمها وأختــــار فرحب الود وجوده بـــاســـم شعـــاره =وأعـــلنـه وراعي .,., أن لشعر كبـار يامن بالقصيد قد رقى بــنـظـم أوتـاره =وزانـهـا بـغـرس درره بـثمار الأفكار خبر سألك عــــن الجزل وأسـفـــــاره =أبا الـقـاف هو أو أنه بـنثر الأشعـــــــار سؤال دار بعقلي وبــه قــد أحـــتــاره =عن ختم القصيد بالصلاة على المخـتـار صلي يازين على المصطفى وأخيـاره =بآخر كل ما تنظــمه من قصايد الأشعار شاعر الدرر.,., يا أسم لــه أســــراره =سترقى به .,., ويسمـو لـذرى الأقــمار

اقتباس المشاركة الأصلية كتبت بواسطة شاعر الدرر المعالي عز والساحة مناره=والزمن شاهد على طول المدار والمراجل ترتقي بك في الصداره=والذي يعطي الوفا يجني الثمار والجبل ماعاب به يوم انحداره=ولا تزعزع واختلف فيه المسار والفطين اللي فهمها بالاشاره=ومن معارف من سبق عقله استنار والذي عاش السعد عاش المراره=والليالي تنجلي بضو النهار واللسان حصان ربح(ن) او خساره=اما يوصل للمعالي والا يوصل للدمار والمصالح تنحجب خلف الستاره=وفي الشدايد ينكشف زيف الستار والمشورة للوازم هي اماره=وما يخيب اللي على علمة استشار هذا تلخيصي لمعنى باختصاره=للذي ينهل من اعماق البحار والشكر فاق الوصايف بالعباره=والنعم ياذيب يانسل الحرار افتخر فيكم وهذي لي بشاره=دام شعري حاز منكم بالوقار

[العـ راعي ـليا]

اقتباس المشاركة الأصلية كتبت بواسطة الجليـــــــــد ياليتها يومنها غابت تغيب=يالله عساها لاتعود سليمة غابت وقلنا فاقدين نفل طيب=كانت وكنا نشوفها مثل غيمة من وكّل امره لإمرأه بد مايخيب=ماتشوف ياغازي النوايا سقيمه ياطيب النيه وياراعي الطيب=الطيب مايلقح برحم العقيمه إيه أسعفوني بباند من قبل لااجيب=عيد بناس ماتعرف الحشيمة ياناثر الالماس ولاغيرة تجيب=شف مجهر العرّاف وش حط قيمه هو يمدح الماس ولكن نسى يصيب=سرح بفكرة لاقي له غنيمه فاتتك ولا معديه منك ياذيب=الشعر من حري توالى نظيمة فتره تعدل ثم عود على العيب=عادت لعادتها القديمة حليمه

اقتباس المشاركة الأصلية كتبت بواسطة العـ راعي ـليا مبداي باللي يعلم السر والغيب=الواحد المعبود ؛ منجي كليمه بديت باسمه دون عدّ(ن) وتحسيب=واعوذ به من هرج زور ونميمه ومن بعد ذكره خط سير المناديب=للذيب اللي فيه المراجل قديمه الصاحب اللي ما تفوته مواجيب=عذب المعاني ساقها لي نسيمه حر(ن) ؛ تعلاّ نايفات المراقيب=اليا رمى صاب الهدف في صميمه! معرّب الجدين ؛ ما احتاج تعريب=على المعالي من اكفوفه وسيمه النايف ؛ اللي يستحق التراحيب=يثور ؛ ما يرضى لغيره ظليمه! يكرم جنابه ؛ ما تجيه العذاريب=رائد ؛ ويملك بالمكارم قسيمه ياصاحبي ؛ لا يلحقك شكٍ وريب=صاحبك ؛ لو جار الزمن ما يضيمه اليا نوى بطشه ؛ عطيب المضاريب=ولا هو بخير ؛ اللي يحطّه خصيمه الوقت شاهد ؛ والليالي تجاريب=وسود النوايا ، عاقبتها وخيمه! ودنياك ما تخفاك ؛ دوم بتقاليب=ما كل دمعه ؛ من قلوب(ن) رحيمه! متفاوت(ن) فيها ؛ زلال المشاريب=والعلم يظهر فاهمه من غشيمه وختامها صلّوا على طاهر الجيب=الهاشمي ؛ واعداد همّال ديمه

[العـ راعي ـليا]

اقتباس المشاركة الأصلية كتبت بواسطة ( ســــارب ) طيب ‘ وانا في داخلي كيف أجازيه = لا رحت صوبه شفت نفسي تأقزمت ! أقراه ..‘ مدري كيف عيني تباريه = ولا جيت أرد فبيت واحد تأزمت ! محبته ماهيب فيني ولا فيه = الله كتبها في جبيني ولازمت كنه انا يوم اكثر المدح ما ابيه = لو كان بيّح في كنيني وعزمت ! إليا طروا غازي غنمنا مغازيه = أعزل ‘ وإلى من قد طرالي ‘ تحزمت

اقتباس المشاركة الأصلية كتبت بواسطة العـ راعي ـليا حي الذي ما قلت ؛ في يوم عازيه = باقي ؛ على قربه شفوقٍ ورازمت ! الصاحب اللي ؛ ما يغيّر مباديه =لو ما عزمني صوب داره ؛ تعيزمت ! صالح ؛ وعندي بالقدر من يوازيه =اصدع بصوتي لا حضر ؛ ما تزمْزمت رجلي مشت دربه وعيني اتراعيه=وانا لعين ؛ اعداه واعداي خزمت ! إليا طرى اسمه ؛العن ابليس واخزيه=كلّي معه ؛ في كل ؛ واجب تلزمت

[العـ راعي ـليا]

اقتباس ســارب : تدرين من يبكي على راحة إيديه=اللي تسرّه فاللـوازم جروحـي راعي العليا : تدرون وش يفرق عن المر حاليه=يسرى كريم وذاك يمنى شحوحي ســارب : تدرين من يضحك على فقد ماضيه=اللي لقى في غربة الروح روحي راعي العليا : تدرون من ،، لابد ما الرب باليه=اللي على غرات جاره جموحـي ســارب : تدريـن شاعـر مـا قدرنـا نجاريـه=‘‘ راعي ‘‘ ولو بوحك نثرته ‘ وبوحي راعي العليا : تدرون بان الصدق ما خاب راعيه=وإن الأجر يكسبه قلبٍ نصوحـي

[العـ راعي ـليا]

اقتباس المشاركة الأصلية كتبت بواسطة العـ راعي ـليا اسمع لغيري من الشعّار واعجبّه=واحس شِعري كأنه طاح من عيني واللي سمع لي .. مدح شِعري ولا سبّه=وانا رضايه عن .. اللي قلت يكفيني ما كل قافٍ .. جميع الناس تطربّه=الناس آجناس .. في شتّى المياديني ويامنْ كلٍ .. بعيره قام يشعبّه=يبين للعارفه .. فرق المضاميني اشفق على خوّة اللي مرضيٍ ربّه=واحمِد كريمٍ على طاعته هاديني ابعِد عن اللي .. نوايا الشر تلعبّه=ولا اضايق النفس... من حكي البغيضيني اللي يسوي على ما قيل من حبّه=قبّة ... فلا ينحسب ضمن المواليني ماهو صحيح المثل ( من سبه ايحبّه )=القلم مرفوع عن فعل المجانيني ما يمدح السوق رجلٍ ما بعد طبّه=والهرج ياقيل له مغزى و نياشيني اقرأ لغيري شعر .. صحيح واعجبّه=لاشك شِعري ويبقى ... هو عناويني‘

اقتباس المشاركة الأصلية كتبت بواسطة شاعر الدرر فنجال قهوة يشرف حيل من صبَه=من يد تبقى ذخر باجمل دواويني انا اشهد انه مثل شامخ ونضربَه=في ساعة الضيق كل اللي يعاديني لوعز كل الدوا جاد بوفا طِبَه=اخير منهو على الدنيا يخاويني القاف ياذيب راعي العز يفخر بَه=وهمس القوافي بوقت الضيق تطريني انهل من الجزل ما يروي العطش عذبَه=عِقد الدرر في الحشا بالجزل يثريني ماهو سوالف رخا والا حكي وذبَه=وإلا ادور بشعري من يكافيني ماني من اللي يحوز الشعر في عِبَه=بوح القصايد شعاري اللي يغنيني اهديته الثوب واهدى للوفا الجُبَه=ملبوس لامن قسى وقتي يدفيني القلب مقسوم له نسبه ولي نسبَه=ينبض بصوتي وينبت من شرايني فنجال قهوة يشرف دلتي صبَه=لاشك لي طابعي اللي دوم يعنيني